السلام عليكم ورحمة الله وبركاته
ازيكم يا شباب عاملين ايه؟
انا عندي اسئلة كتيرة عن الكلية عايز اعرف اجابتها......بس يا ريت اولي الخبرة فقط علشان عاوز المعلومات الدقيقة

أولا:
بيتكتب كتير ان الكلية دي مستقبلها هائل هل ده فعلا صحيح؟؟؟وحد يعرف واحد اتخرج واشتغل على طول بمرتب كويس؟؟

ثانيا:سمعت ان الكلية بتدرس في الاول مواد نظري كتير!!!! البرمجة بقى هتبدأ امتى؟؟

ثالثا:تنسيق الكلية عموما بيقى حوالي قد ايه؟؟؟

رابعا: اكيد زي ما كل حاجة في الكلية ليها ايجابيات لازم بردو يكون فيها سلبيات,,,,,,,,ايه بقى سلبيات الكلية

خامسا: بأمانه للي مجموعه كان يدخل هندسه.....هل ندمت انك دخلت حاسبات؟؟

سادسا: ايه احسن اقسام الكليه في سوق العمل؟؟؟

سابعا انا متأسف لاني طولت عليكم بساتمنى اشوف ردود مقنعه


تحياتي للجميع
,,,,
,,,,,
Hafez Gera:022yb4:

السلام عليكم

هحاول اجواب على قد ما اعرف
بالنسبة ان الكليه ليها مستقبل فده اكيد مش محتاج كلام مفيش شركة محترمة مش بتحتاج خريجي حاسبات واغلب اللي بيتخرج ويدور على شغل بيلاقي على طول وفي ناس اعرفهم بيشتغلوا وهمة لسة طلبة في الكلية في سنة تالتة ويمكن تانية كمان فاهية مش بتتوقف على الكلية اكتر من انها بتعتمد على مجهودك الشخصي

بالنسبة للمواد النظري لو تقصد نظري بمعنى مفيهوش كمبيوتر زي رياضة وفزيا فانت تقريبا اغلب دراستك هتبقى نظري لكن لو تقصد نظري مادة ادبية فاهية بتبقى مادة كل ترم تقريبا وبتتذاكر قبل الامتحان
بالبرمجة بتبدأ من اولى الترم الاول بس على بسيط بس نصيحة متستناش الكلية تبدأ تديك برمجة عشان تذكرها ابدأ مع نفسك لان الكلية بتمشي في الاول بطئ وبعد كدة بتسرع جدا في البرمجة وهية البرمجة في حد ذاتها مش حاجة صعبة في ناس بتمرج من قبل ما تخش الكلية اصلا

بالنسبة لتنسيق الكلية اول ما الكلية اتعملت اخدت من 98
بس طبعا بعد كدة نزلت السنة بتاعتي كان التنسيق نازل واخدت من 90 السنة اللي فاتت اخدت 92 فاهية هتبقى في الحدود دي

انا كان مجموعي يجيب هندسة بس دخلت حاسبات انا عن نفسي عمري ما ندمت الحمد لله بس هية بتتوقف على ميولك الشخصي بس عموما في كذا حد ما عنا في الكلية كان هندسة وحول حاسبات بس برده تتوقف على ميولك الشخصي

بالنسبة لاقسام الكلية الموضوع ده ان شاء الله يفيدك http://www.thanwya.com/vb/showthread.php?t=151552

بالنسبة لسلبيات الكليه
بصراحة عمري ما فكرت في النقطة دي بس ممكن تبقى حكاية النقابة مع انها على وشك انها تتعمل خلاص
مش عارفة ده تعتبره من السلبيات ولا لا بس الكلية محتاجة منك مجهود ذاتي يعني حاجات مفيش حد هيقولك اعملها انت لازم تعملها لوحدك عشان تبقى حاجة كبيرة لما تتخرج زي مثلا تتعلم لغة ماخدتهاش في الكليه خالص وتتعمق اكتر في بعض المواد اللي في الكلية
لازم تعرف كمان ان شغلك سواء في الكلية او في الشغل بعد كدة بيبقى team work يعني مينفعش تشتغل لوحدك حتى لو عملتها وانت في الكلية عمرك ما هتقدر تعملها في الشغل

ده اللي قدرة افتكره حاليا لو افتكرت حاجة تاني هبقى اقولها ان شاء الله
و لو عندك اي اسئلة تانية هحاول اجوبها برده ان شاء الله:)

شوف كمان الموضوع ده يمكن يفيدك
http://www.thanwya.com/vb/showthread.php?t=155502

شكرا لك جزيلا ولكن ما هي اللغات التى ابدأ بتعلمها

شكرا لك:049gc0::049gc0:

طب انا ناوي ادخل انفرماشين تكنلوجي

تنصحي اتعلم برمجة اي لغات

وهل لازم اخد كورسات ولا اتعلم من الدروس اللي علىالنت



وشكرا لك مرة اخرى

شكرا لك:049gc0::049gc0:

طب انا ناوي ادخل انفرماشين تكنلوجي

تنصحي اتعلم برمجة اي لغات

وهل لازم اخد كورسات ولا اتعلم من الدروس اللي علىالنت



وشكرا لك مرة اخرى

السلام عليكم

هوة احسن لغة ممكن تتعلمها في الاول الc او الc++ مع ان مفيش شركات بتستخدمها بس تعتبر احسن لغة ممكن تتعلم عليها في البدايات لانها هتعلمك من الاساسيات

حكاية الكورسات مش لازم بس تتوقف على قدرتك لو قدرت تمشي من غير كورسات يبقى جميل اوي
لو هتابع دروس على النت برده لازم تقرى من كتاب و بلاش الكتب المترجمة دي نهائي هيبقى صعب عليك شوية في الاول بس هتتعود بعد كدة وطبعا لازم كل حاجة تقراها تطبقها مينفعش قراية من غير تطبيق خالص

ده لينك لكتاب الOOP جميل جد في الc++ انصحك بيه
http://www.mediafire.com/?nifn5uywmgm
و ده واحد تاني برده جميل اسمه C++ how to program
http://rapidshare.com/files/126220567/netbks.com_C.plus.plus.How.to.Program.5th.Edition. Jan.2005.INTERNAL.chm.html

شوف انت هتستريح في ايه وابدأ فيه ان شاء الله هتلاقي الموضوع جميل
خاصتا بعد اول برنامج يrun معاك :)


ده لينك دروس في c++ هوة ده اللي انا بدأت بيها بس كانت جميلة جدا بس مع الاسف هية وقفت لحد حاجة معينة مكملتش لاخر
http://www.thanwya.com/vb/showthread.php?t=71843

حاول بقى تبدأ في اي حاجة و اي اسئلة ان شاء الله هحاول اجاوبها
ربنا معاك ان شاء الله

شكرا جزيلا لك

شكراً على التوضيح انا متغاظ جداً لانى عندى موهبه فالكمبيوتر عاليه جداً وانا لسه عندى 17 سنه فلو ممكن تشرحولى اعمل بعيد عن الكليه ممكن اعمل ايه جنب الكليه اللى انا هدخلها علشان مضيعش الموهبه دهية وارجوا الرد سريعاً محمود

شكراً على التوضيح انا متغاظ جداً لانى عندى موهبه فالكمبيوتر عاليه جداً وانا لسه عندى 17 سنه فلو ممكن تشرحولى اعمل بعيد عن الكليه ممكن اعمل ايه جنب الكليه اللى انا هدخلها علشان مضيعش الموهبه دهية وارجوا الرد سريعاً محمود

موهبة في الكمبيوتر في ايه بالضبط ياريت تحدد
يعني مثلا موهبة في الجرافيك بتعرف تشتغل كويس على الفوتوشوب
ولا موهبة في انك تعرف تتعامل مع المشاكل اللي في الكمبيوتر والويندوز وكدة
ولا بتستخدم لغات برمجة في انك تعمل برامج
في حاجات كتير ياريت تحدد بالضبط