لم يكن احد يتوقع وصول سيادته والوفد المرافق له إلى تلك المدرسة الصغيرة الواقعة في أطراف السلوم ....

-وسع يا جدع منك له...سعادة الباشا الوزير وصل!!!

-هوه فين الزفت الناظر؟؟؟

-انا الناظر.... يا معالي الباشا ...الوزير!!

-انت الواد الناظر؟؟؟....ومالك بتترعش كده؟؟؟ وركبك سايبة !!! وحالتك بالبلا؟؟؟!

-اعمل ايه يا افندم؟؟ دا انا ميت في جلدي من اللي باسمعه عن سعادتك!! وبعدين جنابك برضه ليك هيبة ولا شمشون الجبار!!

-انت فاكرني يالاااااا عبيط وبريالة وح اصدق الكلام البكش بتاعك ده؟؟؟علقوه في الفلكة من رجليه واسحبهولي على طابور الصباح!!

وفي حوش المدرسة انهال الوزير ضربا على الناظر بكرباج سوداني اصيل منقوع ف الزيت ...

-طبعا انتو عارفين انا بأمط الواد الناظر ليه ؟؟؟؟!!!!

-ليه يامعالي الوزير؟! ربنا يديك الصحة كمان وكمان! ويعلي مراتبك!! ويزيدك من نعيمه!!!

-عشان يكون عبرة لمن لا يعتبر!! بسلامته جاي المدرسة متأخر خمس دقايق ! فاكرها عزبة المرحوم الوالد!! لازم تعرفوا كويس البايظ مالوش عندي غير الجزمة القديمة!!

-تحيا مصر....وعاش معالي الوزير..... وعاشت جزمته القديمة !!!

وهنا وجه الوزير ركلة اخيرة للناظر الممدد ع الارض وقال له:

-قوم يا لااااااااالبس البنطلون والجزمة بتاعتك !! واعمل حسابك انك من بكره منقول شلاتين!!!

-ليه بس كده سعادتك!! ده انا مولود في السلوم وعايش فيها انا وعيالي من خمسين سنة!!!

-ماهو عشان كده ح انقلك شلاتين انت والعيال !!! عشان تتربي.... وتعرف ان الله حق!!!

ثم قام الوزير بجولة تفقدية في الفصول...

-حصة ايه دي يا يالااااااااااااا؟؟؟

-حصة عربي يا معالي الوزير!! ما هو مكتوب ع السبورة سعادتك أهه انها شعر جاهلي!!

-ياااااد انت فاكرني اعمي والا فاكرني اعمي !! انت من انهي داهية ياالااااا!؟؟

-محسوبك وخدام تراب جزمتك!! حمودة المخاوي مدرس اول لغة عربية من نجع الزرايب!!!!

-عال قوي !! مدرس اول وبترد ع الوزير يا بجم يا اللي اهلك معرفوش يربوك!!! انت من بكرة منقول عمل اداري في النوبة !!!

-ليه بس كده معاليك؟؟؟ دا انا خلاص الشهر الجاي ح اتحال ع المعاش !!!!

-معلهش يا مخاوي!! انا ح امد لك اربع سنين كمان تقضَيهم في النوبة!! عشان تعرف ازاي تكلم الوزير بتاعك يا منحل يا عديم التربية!!!

وفي فصل آخر...

-قوم ياشاطر اشرح لي المدرس بتاعكم كان بيقول ايه!!؟؟

-الاستاذ زغلول ما كانش بيشرح يا سيادة الوزير ..ده كان بيقول لنا نكت قلة ادب!!!

-هوه فين زغلول ؟! ايه يا افندي يا محترم انت فاكر نفسك في كباريه والا نايت كلوب!!؟؟

وبدون سابق انذار انهال الوزير بالشلاليت والصفعات على المدرس حتى اسقطه ارضا ثم طلب من التلاميذ ان يكملوا عليه...

-انا عايزكم تريحوه ع الآخر!!! وتوضبوهولي عشان استلمه منكم مشفي!!!!

فانهال التلاميذ ضربا وركلا وعجنا في المدرس الغلبان ثم استلمه الوزير..

-انت خلاص يا افندي مفصول بقرار وزاري!! ولو عايز تتظلم... قدامك المحاكم ممكن تتظلم فيها براحتك!!! بس ورحمة ابويا ما انت راجع شغلك طول ما انا في الوزارة!!!

-طيب والعيال وامهم!! يا معالي الوزير ده احنا غلابة وما حيلتناش اللضا!!! وساكنين في شقة ايجار جديد ع السطوح!!

-انشالله تشحتواا!!! ياااااد بتضحك على عقل العيال بنكت قبيحة عشان ياخدوا منك دروس!!!!

وفي فصل ثالث ...

-ايه الروقان ده كله؟!! مالهم العيال كده هاديين وساكتين ومؤدبين وما حدش سامع لهم حس؟؟؟

-أصل ده فصل الصم والبكم سعادتك!!!!

-ودول بيتعلموا حاجة ....والا قاعدين كده كمالة عدد!!؟؟

-والله سعادتك احنا بنحاول معاهم على قد ما نقدر!!! بس للأسف لا احنا فاهمينهم ولا همه فاهمينا!!!

-اقفلوا الباب وهاتوا لي الكرباج!!! ورحمة ابويا لأخليهم ينطقوا النهاردة همه والمدرس بتاعهم!!!

وبعد ذلك توجه الوزير والوفد المرافق لسيادته الى مديرية التربية والتعليم...

-هوه فين هباب البرك وكيل اول الوزارة!! هوه بسلامته مش عارف اني جاي والا ايه!!!

-معلهش معاليك!! حسونة بيه في الانعاش عشان جات له ازمة قلبية لما عرف ان جنابك ح تشرف!!!

-عال قوي!!! سيادته بيتمارض وعامل عيان وسايق اللوع!!! ودوني ع المستشفى بتاعته بسرعة!! ورحمة ابويا لأربيه!!!!!

وفي المستشفى اقتحم الوزير غرفة العناية المركزة

-فين المريض اللي هنا ....اللي اسمه حسونة؟؟؟؟

-انا...اهه يا معالي الوزير!! بس سايق عليك النبي ما تزعل روحك !!! انا جات لي جلطة م الفرحة لما عرفت ان معاليك جاي السلوم !!!

-قوم يا حسونة من السرير وشيل الانابيب والابر المغروسة في جسمك دي!!! والا ح افرج عليك امة لا اله الا الله!!

-انا تحت أمر جنابك!!! بس سايق عليك النبي ما تزعل روحك !! صحة معاليك غالية علينا كلنا !!!!

-ياااااااااد ما أنت زي الحصان اهوه وما عندكش حاجة!! بتستموت يا حسونة وعامل عيان؟؟ وفاكر بكده انك ح تقدر تهرب مني!! وحياة ولادي لأشرحك!!!!!

وهكذا انهال الوزير بالصفعات على وجه وكيل اول الوزارة ثم قال له:

-اسبقني يا فهلوي ع المديرية بالخطوة السريعة!!!! حسابك معايا هناك!!

وفي المديرية امر معالي الوزير بتعليق وكيل اول الوزارة من ايديه ورجليه في مروحة السقف ثم انهال عليه ضربا بالكرباج ...

-شوفوا يا غجر!!! انا جيت الوزارة دي عشان اربي البايظين اللي فيها واطلع عينيهم! وأوريهم النجوم في عز الضهر!!

وبعد اجتماع عاصف قرر الوزير نقل جميع القيادات الى الواحات ثم استقل سيارته المرسيدس عائدا الى العاصمة:

-أظن معاليك عايزني اطلع بالعربية ع السراية !!!عشان جنابك ترتاح لك ساعتين!!!

-سراية ايه يا اسطى حنفي !! دي لسه المغرب بتأدن!! اطلع بينا على مركز توضيب المناهج وخلي الاسطمبولي يجمع لي البهوات اللي هناك!!

وفي المركز عقد سيادته اجتماعا موسعا..

-هوه فين البيه المحترم اللي ماسك المركز!؟؟

-انا اهوه يا سعادة الباشا الوزير؟؟ محسوبك الدكتور الشنكوتي

-قل لي ياشنكوتي فلوس المعونة الامريكية والكندية والاوروبية والخليجية راحت فين!!؟؟؟

-صرفناها معاليك على تظبيط المناهج...والايصالات اهيه!!!

-ايه الانضباط ده كله!! انت فاكرني يا شنكوتي واكل داتورة ؟؟!! ولا باشم كولة!!!!

-أرجوك يا معالي الوزير حاسب على الفاظك!! احنا كلنا هنا اساتذة جامعة وما يصحش كده!!!

-ياحلاوة يا ولاد!! ما تيجي يااااد تعلمني اتكلم ازاي!! والا اقولك ما تاخدني قلمين على صداغي عشان اتربي واعرف اتكلم كويس !!! علقوهولي يا رجالة من ايديه ورجليه في السقف !!!!

وفور تعليق مدير المركز في السقف انهال الوزير عليه ضربا بالكرباج حتى سقط مغشيا عليه...

-من بكرة نصكم ح يوريني عرض كتافه !!! والنص التاني ح افضل أوضب فيه لغاية ما يبان له صاحب!!!

وعقب ذلك توجه الوزير الى ديوان عام الوزارة حيث كان في انتظاره كبار معاونيه:

-انا عايزكم تجمعوا لي تنابلة السلطان المستشارين!!! ورحمة ابويا ما انا عارف أنا في وزارة ...والا في جمعية الرفق بالحيوانات!!!

-السادة البهوات المستشارين وصلوا سعادتك!!

-اهلا وسهلا بالغجر!!! أظن انكم مبسوطين معانا آخر انبساط!!! أكل ومرعى وقلة صنعة !!! والا ايه يا زلنطحي يا مستشار الغبرة يا مخضرم؟؟؟

-والله سعادتك احنا مقطعين روحنا اجتماعات!!! الشهر اللي فات بس عملنا 775 اجتماع !!! والشهر ده عملنا 999 اجتماع!! وكلها عشان مصر!!!

-عشان مصر والا عشان الخمسة مليون اللي بتهبروهم كل شهر ؟؟!!

-معاليك عارف كويس ان خبرتنا تتوزن بالدهب!! واحنا رافضين عقود الخليج وقاعدين هنا بس عشان الغالية بنت الغالي مصر!!!!

-خلاص يا زلنطحي!!! ومصر استغنت عن خدماتكم!! انتو تروحوا في ستين داهية وانا اوفر الملايين اللي بتلهفوها!!!

-طيب بعد اذن معاليك ح نروح نصرف باقي مستحقاتنا المالية قبل ما نتكل على الله!!

-وماله بس الاول تاخدوا التحية بتاعتكم!!! امسكوهولي كويس يارجالة!! انا بقا لي ساعتين ما ضربتش حد!!

بعدها استقبل الوزير الاعلامي الكبير حمامة الهجاص .....

شوف يا أخ حمامة انا مش فاضي للتصريحات والكلام الفارغ ده! انا راجل واضح وسياستي واضحة!!! الجزمة القديمة لكل منحرف!! والكرباج السوداني المنقوع في الزيت لكل بايظ وفاجر!!!!

ماهو عشان كده انا جاي أعمل مع سيادتك حمار ...أقصد حوار!!! وبالمرة احل مشكلة الواد الاهطل ابن اخويا اللي سقط خمس مرات في الثانوية العامة!!!

-هاتوا لي الكرباج بسرعة!! عشان الاخ حمامة ياخد الواجب بتاعه!!

وفي نهاية يوم طويل وشاق استدعى الوزير مساعده لشئون الجولات الوزارية...

-عايزك من بكرة يا حوكشة تشتري لي لوط كرابيج سوداني وصواعق كهربا عشان جولة الصعيد!!!!!

-ايوه معاليك بس احنا لسه شاريين لوط كرابيج وصواعق الشهر اللي فات!!

-ما خلاص يا بني آدم اتمزعوا في جولة بحري!!! والا انت خلاص مخك تخن ع الشغلانة وعايز تتعلق من ايديك ورجليك في مروحة السقف؟؟!!


http://www.almesryoon.com/news.aspx?id=28397

ياريت بلاش الاسلوب دا حتي ولو كان وزير

الكل يعمل ويحقظ دماء وجهه ورعاية الله في العمل دون الانتظار العقاب من الخلق

مش أنا اللى كاتب الموضوع استاذى الفاضل
أنا ناقل الموضوع من جريدة المصريون

وعندك الرابط


أنا عجبنى الموضوع وخصوص بسبب قسوة الوزير مع المعلمين - الذين أصبحوا ملطشة لكل أفراد المجتمع - واهانته للمعلمين الأفاضل ونفيهم دون تحقيق وذلك لارضاء الرأى العام وأصبح وزير الشو الإعلامى تصرف أحمق أمام شاشات التليفزيون

الوزير اللى كان مفروض أنه يحافظ على كرامة المعلم ويعيد للمعلم كرامته
راجع فيديو زيارة الوزير لمدرسة الخلفاء الراشدين وشوف كان بيكلم ازاى المدير والمدرسين
وشوف ازاى الإعلام اتكلم على المدرسين فى برامج التك شو لدرجة أن أحد المتصلين طالب بجلد المدرسين
استاذنا الفاضل المجتمع منهار الفساد فى كل شئ لكن العنصر الوحيد فى المجتمع الذى يهان ويقلل من كرامته هو المعلم للأسف ولا افاقة للمجتمع وسوف يظل المجتمع ينهار حتى يصل إلى أسوء حالات الانحدار بسبب السياسات الفاشلة والأسلوب الذى يعامل به المعلم

أنا لست معلم بالتربية والعليم وأنمات معلم بالأزهر الشريف
ولكننى أبكى على ما وصل إليه المعلم من احتقار ومهانة فى مجتمع يحتقر التعليم

هو ده الكلام ولا بلاش
مية مية يا وزيرنا انت
لو مكنتش عملت كده
كان كل مدرس شاف
نفسه على ولا حاجة
انت كده عرفت كل واحد امته

لا تعليق لا تعليق لا تعليق

No Comment
جزاك الله كل خير

والله اللى بيراعى ضميرة فى شغله ما يهموش لا من وزير ولا من اى حد
اما اللى بيخاف يبقى اكيد عارف انه مقصر فى شغله :stickjo4::stickjo4::stickjo4:

اول انا وصلت لنص الموضوع بس

ثانياً انا عايز اسأل الكاتب إنت عايز الوزير يعمل ايه ؟
ينام زي يسري الجمل في مكتبه ويفضل يصدر قرارات ومش لازم تتنفذ ؟

سيدنا عمر بن الخطاب كان بيصدر القرار وينزل تاني يوم يتأكد بنفسه إنه كل حاجة شغالة
هل كده كان ماشيلهم بالكرباج برده ؟

المدارس فيها بلاوي ياما
مهو محدش عمل الدروس الخصوصية غير تراخي المدرسين في المدارس
واجبارهم على الدروس

لو كان الكرباج هو الحل الوحيد لتظبيطهم فأنا معه !

ده لو الوزير عمل كده يبقى ..................................



راحت عليك يا تعليييييييييييييييييم

اول انا وصلت لنص الموضوع بس

ثانياً انا عايز اسأل الكاتب إنت عايز الوزير يعمل ايه ؟
ينام زي يسري الجمل في مكتبه ويفضل يصدر قرارات ومش لازم تتنفذ ؟

سيدنا عمر بن الخطاب كان بيصدر القرار وينزل تاني يوم يتأكد بنفسه إنه كل حاجة شغالة
هل كده كان ماشيلهم بالكرباج برده ؟

المدارس فيها بلاوي ياما
مهو محدش عمل الدروس الخصوصية غير تراخي المدرسين في المدارس
واجبارهم على الدروس

لو كان الكرباج هو الحل الوحيد لتظبيطهم فأنا معه !


استاذنا الفاضل
للوزير الحق فى متابعة قرارت ومتابعة سياساته
ولكن ليس بنظام الشو الإعلامى
يصطحب كاميرات الاعلام الخبيث ليظهر المعلم والمدارس فى أقبح صورة
أستاذنا الفاضل
ده وزير الحزب الوطنى الذى لا يهمه الا المظاهر بدون فعالية وستجد الأيام تدل على ذلك

هو ده الكلام ولا بلاش
مية مية يا وزيرنا انت
لو مكنتش عملت كده
كان كل مدرس شاف
نفسه على ولا حاجة
انت كده عرفت كل واحد امته


كان كل مدرس شاف
نفسه على ولا حاجة
انت كده عرفت كل واحد امته

المعلم هو اللى علم حضرتك وعرفك ازاى تكتب الكلام ده ازاى تستهج الحروف
من علمنى حرفا ........................ أكمل استاذنا الفاضل

لا تعليق لا تعليق لا تعليق

No Comment
جزاك الله كل خير



No Comment
حسبنا الله ونعم الوكيل

[quote=BaNZeR;2124647]اول انا وصلت لنص الموضوع بس

ثانياً انا عايز اسأل الكاتب إنت عايز الوزير يعمل ايه ؟
ينام زي يسري الجمل في مكتبه ويفضل يصدر قرارات ومش لازم تتنفذ ؟

سيدنا عمر بن الخطاب كان بيصدر القرار وينزل تاني يوم يتأكد بنفسه إنه كل حاجة شغالة
هل كده كان ماشيلهم بالكرباج برده ؟

المدارس فيها بلاوي ياما
مهو محدش عمل الدروس الخصوصية غير تراخي المدرسين في المدارس
واجبارهم على الدروس

لو كان الكرباج هو الحل الوحيد لتظبيطهم فأنا معه !

انت مين انت عشان تتكلم عن سيدنا عمر بن الخطاب شوف الاسم اللى انت كاتبة او الصورة الشخصية بتاعتك
وازاى تتكلم عن المدرسين بهذا الشكل المدرس هو اللى خلاك تعرف تكتب اللى انت كتبتة عليه ده
انت تلاقيك كنت طالب فاشل فى المدرسة وعندك عقد من المدرسين
علشان كدة انت بتتجنى عليهم
وانت برضة اللى هاتضرب المدرسين مع الوزير
انت ماعندكش...............

الوزير ده غبى وجدول الامتحان اغبى

اول انا وصلت لنص الموضوع بس

ثانياً انا عايز اسأل الكاتب إنت عايز الوزير يعمل ايه ؟
ينام زي يسري الجمل في مكتبه ويفضل يصدر قرارات ومش لازم تتنفذ ؟

سيدنا عمر بن الخطاب كان بيصدر القرار وينزل تاني يوم يتأكد بنفسه إنه كل حاجة شغالة
هل كده كان ماشيلهم بالكرباج برده ؟

المدارس فيها بلاوي ياما
مهو محدش عمل الدروس الخصوصية غير تراخي المدرسين في المدارس
واجبارهم على الدروس

لو كان الكرباج هو الحل الوحيد لتظبيطهم فأنا معه !


انت مين انت عشان تتكلم عن سيدنا عمر بن الخطاب شوف الاسم اللى انت كاتبة او الصورة الشخصية بتاعتك
وازاى تتكلم عن المدرسين بهذا الشكل المدرس هو اللى خلاك تعرف تكتب اللى انت كتبتة عليه ده
انت تلاقيك كنت طالب فاشل فى المدرسة وعندك عقد من المدرسين
علشان كدة انت بتتجنى عليهم
وانت برضة اللى هاتضرب المدرسين مع الوزير
انت ماعندكش...............

لو كان في مكتبه .. تحت التكييف .. فنجان القهوة في المكتب .. تصريح عاطل باطل كل دقيقة..

كان هيطلع قليل الذوق..


طيب
قام وراح يشتغل ، ويعدل الحال المايل ، وينضف المؤسسة ، ويشتغل عملي ....
طلع برده قليل الذوق..



العيب مش فيه
العيب في الشعب اللي مبيعجبوش العجب

من كل قلبي:
"ربنا يعينك يا د.أحمد على ما ابتلاك به...."

اه ده احنا ناقصيييييييييييييييييييييييين

هى دى الفتنه الجديده لأنصار البرادعى وأيمن نور وغيرهم
بدأوها بفتنة التوريث والله أعلم فى جعبتهم إيه أكتر من كدا
وإذا قلنانعم نبقى حزب وطنى وإن قلنا لأ نبقى معارضه
واحنا لا كدا ولا كدا طيب نعمل إيه ؟
نتفرج على ولاد البيه اللى بيعبثوا بمستقبل ولاد الإيه!!!!!!!!!
يلا نتفرج
وكل التقدير لتنظيمكم - فأنتم موزعين نفسكم صح الصح---
ومختاريين مواضيع تكسر الظهر -- برافو
( لاعروبه -- لافرعونيه - لا مادة ثانيه -- لاحوار مع من خار ج فكرنا - - لا إنجاز للحكومه )
وانتم بسم الله ماشاء نجحتم -- واسأل أى شاب وقول له بس تقول إيه عن (مصر )
هيقولك ملعون أبو -- واللى فى --------------
تستحقوا جائرة نوبل على نجاحكم فى كراهية بعض المصريين لوطنهم
ولم أجد أفضل من هذا الموضوع ليأكد صدق قولى
هذا وزير متحرك وسط مجموعة وزراء مشلولين ورغم ذلك تصورونه بهذه الصورة السيئة
يعنى كزهتوا البلد وكرهتوا الناس فيهالكرهكم للحكومه وكأن الحكومه هى مصر
وتدعوا الثقافه --- أكيد ثقافة الهدم ولا التهجير والموت فى البحر
سؤال : ليه بتبقى حريص وانت خارج لمظاهرة بتبليغ كل وسائل الإعلام وخاصة الأمريكى -- ؟
والوزير لو ماكانش اللى حصل مذاع ع الهوى كان حد هيصدقه ?انتم زرعتوا عدم الثقة فى كل شىء
وهو دا اللى مضايقكم (الزيارة مذاعة )وإنه ضيع عليكم فرصة عظيمه كنت قلبتوا بيها الدنيا --- وكفاية كدا- وشكرا