بسم الله الرحمن الرحيم
السلام عليكم ورحمة الله
بقولكم ايه
ممكن افهم بقي ايه البلبلة الى شغالة ف البلد دي
بجد يعنى وسائل الاعلام وخصوصا برامج التوك شو بيعملوا كده ليه؟
هم عوزين يشغلونا عن الاحداث الجارية المعاصرة وحياتنا ومشاكلنا
ونقعد ونشرب شاي ونتناقش فى تعديل الدستور والنظام السياسي ووو
وكلها مسلسلات
اه بيجوا يطلعوا فى العاشرة مساءا و 90 دقيقة يمثلوا علينا ويعملوا حوارات علشان يشغلونا ويغيبونا عن الواقع
لان كلامهم ولا بيقدم ولا بياخر
حالة شوشرة و ضوضاء وضباب اعلامى عقيم
ام انهم يفعلون ذلك لياتى العدو الاجنبي ويحتلنا بحجة التنظيم والتدخل في شئون البلاد الداخلية
يعني مش كل مواطن صالح ومتعلم ومثقف ومتدين و و و ومنقصناش غير التعديلات الدستورية والتغييرات السياسية دى اخر حاجة ممكن نفكر فيها
بس قبلها نحل المصايب والبلاوى و ينعم الفرد بحقوقه البسيطة
سياسة ايه بس ؟
مذيع ولا مذيعة يدوشونا بكلام مسجوع محفوظ اجوف من المعانى
اعذرونى لتعصبى وانفعالى فى كتابة الموضوع
لكن انا مقدرش اتصور
ان امريكا او اسرائيل يحتلونا بسبب معتز او منى الشاذلى

لو واحد طلع وقال كلمتين جداد حتى (زي اللى اسمه ابو الليف ده) لازم حستضيفوه في كل البرامج
لو نملة ضربت نملة حيعرضوها في 90 دقيقة وممكن يحلو مشكلتها مع محمود سعد

امال الاعلام حيجيب مواضيع منين ولا حيفضل يرغي في ايه كل يوم

http://img139.imageshack.us/img139/1041/22965910.gif

الاخت الغالية د/ بسمة الاسلام
تحية مستحقة عن هذا الموضوع الهام المتميز

http://img714.imageshack.us/img714/1843/79313567.gif
وكنت من فترة في موضوع قديم دعوت لمقاطعة هذة البرامج كلها و ساعتها تحمس معي القليل وعارضني غالب الاخوة

ولكنني كل يوم ازداد قناعة بأن هذة البرامج التي هي ليست اخبارية ولا محايدة كما تدعي هي احد اسباب انهيار روح التسامح بيننا و زيادة ثقافة صراع الديوك والمكلماخانات بدلا من العمل
هذة البرامج التي تسود الدنيا اكتر في عيوننا بينما مقدموها الافاضل ينعمون بمئات الالاف شهريا
وتجدي ان نفس الموضوع يناقش في اربع او خمس برامج في نفس اليوم والضيوف هم هم
واذا قلت لا تكون وطني وعندك رأي محترم و اذا قلت نعم على اي حاجة تبقى منافق وبتاع الحزب
واخر التقاليع ظهور الصحفي المكلبظ ابو حمالات مقدما لاحد البرامج في قناة ساويرس كتعويض ربما على ان جريدة ساويرس خطفت منه الصحفيين
لم نري برنامج يهاجم احمد بهجت ولا راتب ولا ابو العنين ولا 000 سواء اصحاب المحطات او الرعاة
لم نرى برنامج يهاجم شركات المحمول او هذا السفه في سوق النغمات

اشكرك على الموضوع وتقبلي مروري

http://img682.imageshack.us/img682/6886/68377437.gif

فعلا موضوع خطير
واحنا معظمنا مش مقدر خطورة الموقف
بجد حضرتك رائعة يا د\ بسمة
جزاك الله كل الخير

الله يكرمك ويبارك فيك --- لاكلام بعد كلامك --- وأنا أول واحد هسكت بس بعد ما أقولك شكرا

فعلا كلامك صح 100 %

وان كانت بعض البرامج مفيده جدا وفعلا هادفه فى المجال التنموى مثل برنامج عمرو الليثى
مش كل هدفها التشهير بمشاكلنا مثل برامج التوك شو

جزاكى الله خيرا على الموضوع

ده اكيد صفه من صفات الاعلام الماهر الي بيحاول يفهمك نه بيجيب من الف لغاية مالانهايه

احنا مش المفروض منسمعلهوش احنا المفروض نتجاوب معاه ونبينله ان احنا مش مهتمين اساسا

لو عايز يفتح مواضيع ساخنه ياخد مواضيع اليهود والفلسطنين والمواضيع دي مش بتنتهي

بيقولو بداية التغيير امسح الي فات بالاستيكه وابدا صفحه جديده

الاعلام بتاعنا باه عايزنا نفضل عايشين في الصفحه السوده ومنغيرهاش وده اول فشلنا

ميعرفوش ان بايدهم يعملو كتييييييييييييير بقناه واحده لان الناس هتستجيب لهم يعني الاعلام بايده صلاح مصر كلها

د\ بسمه اكيد طبعا زهقتي من الشكر

بس تستحقي تكوني بسمة الاسلام فعلا

جزاك الله خيرا

الحمد لله الحمد لله الحمد لله
والله ياروان اى رد سواء نقد او عتاب او شكر او او بيسعدنى جدا واكيد مبزهقش من مثل تلك الردود الرائعة
بس فعلا اكتر حاجة شدت انتباهى في ردك
ان الاعلام يقدر يغير حال مصر
علشان كده احنا ممكن نطالب باعلام ايجابي سليم يهدف الى صلاح المجتمع
والبركة بقي في الجزء الصالح من شباب الفيس بوك بتوع الحملات الاصلاحية
الف شكر لردودكم جميعا
وجزاكم الله جميعا الجنة عن ردودكم