لو سمحتووووووو عايزة حد يقولى ملخص بالعربى للقصة اللى حكاها Jack benting فى القصة الاخيرة عشان مش فاهمة فيها ولاااااااا كلمة والاحداث كلها متلغبطة و عندى امتحان بكره ومش عارفة اعمل ايه

القصة كانت انه شاف اعلان في التايمز بيقول مطلوب شاب لعمل غير عادي لازم يكون عنده راس باردة وراح قدم للوظيفة وراح الفندق وقابل مستر فان اللي قاله ان مهمته هي حراسة الحلقين الالماس في البداية حس جاك ان الوظيفة مملة بس قبل لا المال اللي عرضه عليه فان كان كتير ومستر فان كان بائع الماس كبير في هولندا وكان رايح نيويورك علشان يعرض اللالماس على مجموعة من المشترين الامريكان وركبوا السفينة وكان الالماس محفوظ في خزنة السفينة في حقيبة جلدية في صندوق احمر صغير جواه كان الروزيلز(الالماس) محطوط على فرشة سودة من القماش
في اول يومين كان جاك مستغرب ليه فان بيدفعلو فلوس كتير رغم ان كل عمله هو انه يشارك فان في وجباته ويلعب معاه شطرنج كمان كان مستغرب ليه عمله ده كان محتاج راس باردة وكان كل اللي بعمله في اول يومين انه يروح هو وفان يطمنوا على الالماس في الخزنة وان كل حاجة في مكانه وفي اليوم التالت فان بقى متوتر ومضطرب وقام وقال لجاك انه لازم يروح يطمن على ولاده طبعا قصده الالماس وراح الخزنة وجاب الالماس وكان في ناس كتير على السفينة علشان كده جاك قاله انه لازم يرجع الالماس علشان كان خايف ان حد يسرقه بسبب الزحمة قام فان قاله انا عارف ان ده غباء مني بس انا مش بايدي حاجة اعملها لان الالماس ده كان اعظم اكتشاف في حياته وان اللي قطعهم كان واحد اسمه فان ميولين وده كان اعظم قاطع الماس على مر العصور وان مفيش حاجة بقية من الالما اللي قطعه الا في التاج الملكي لبريطانيا كمان قاله انه لو كان غني مكنش بع الالماس ده ابده وقاله ان هو بقاله 43 سنة بيشتغل الشغل ده وان باباه هو اللي علمه وان الالماس كان اعظم اكتشاف في حياته وانه حصل عليه من 4 شهور ومن ساعتها والالماس ده مفارقهوش وانه حصل عليهم من عضو من العائلات الملكية في باريس وبعدين رجع فان الالماس مكانه بالعافية وفي اليوم التالت جاك عرف ان مهمته هي حراسة صاحب الالماس مش الالماس نفسه كمان عرف ليه المهمة دي كانت عايزة راس بارده وفي اليوم الرابع الجو كان وحش والبحر كان هايج والسما كان فيها غيوم وفان بقى قلقان اكتر واكتر من اليوم التالت وراح يجيب الالماس تاني بس وهو بيجيبه فتح الحقيبة الجلدية وطلع الصندوق الاحمر وهو بيفتحه السفينة اتهزت هزة مفاجئة وعنيفة فوقع الصندوق في البحر وهو اتمكن من انه يتشبث في القضبان الحديد وبعد كده جاك سال اصحابه لو كانو في مكانه كانو هيعملو ايه
ودورد قاله انه يقول للقبطان انه يوقف السفينة ويبعت قارب يجيب الصندوق بس كان اقتراحه مش عملي لان القبطان مكنش هيوافق انه يدور على صندوق صغير في بحر هايج وكبير كمان السفينة كانت بتمشي بسرعة ولكن ماكوين ساله اذا كان اللي بيدفعه فان لجاك كتير قاله انه بيدفعلو فلوس كتيرة قد مرتب سنة في البوليس الهندي قاله انه يسبح ويرجع يجيب الصندوق بس اقتراحه مكنش عملي هو كمان لان السباحة في بحر زي ده صعبة كمان كان صعب انه يلاقي الصندوق الصغير فسالوه هو عمل ايه قالهم انه اول ما شاف الصندوق بيقع في البحر رمى كرسيين وتربيزة وراه علشان يحدد مكان الصندوق وراح اقنع القبطان انه يبعت قارب ويجيب الصندوق ودورد قاله تفكير ذكي وقاله اكيد فان دفعلك زيادة قاله لا لان فان اول ماشاف الصندوق بيقع في البحر جتله سكتة قلبية ومات وده بيوضح قد ايه فان كان بيعشق الالماس
ودي كانت نهاية القصة

شكرااااااااااااااااااااااااااااااااااااااااااا جدااااااااااااااااااااااااااااااااا معلش تعبتك معايا