ارجوكم حد يساعدنى [الأرشيف] - بوابة الثانوية العامة المصرية

Bent 3bdo

02-05-2010, 08:58 PM

نصيحه مني ماتفكريش ف التأجيل خالص
انا واحده اعرفها كانت أجلت فيزيا ف السنه اللى امتحانها كان زي الزفت ده وبتقولى انه كان قرار غلط خالص
و قريت كومنتات لناس كتير مأجله وبتقول انه بيبقى شعور وحش جدا وانت شايف كل أصحابك اللى قدك سابقينك وان لو يرجع بيهم الزمن عمرهم ماكانو يعملو كده
بصى يابنتى انتى اعملى اللى عليكى وسيبيها ع ربنا
وبتقولى انتى مذاكرة المنهج 3 مرات قبل كده ياعنى ماشاء الله حلو جدا
ياعنى هتراجعى عليه الشهر ده هتفتكريه ان شاء الله وحل امتحانات كله هيبقى تمام ان شاء الله
وانا ف 3 ثانوي ع اخر 5 كده جالى الجدري
بجد لما عرفت قعدت اعيط جامد وخصوصا ان خلاص مافيش وقت ناقص 15 يوم ع الامتحانات و العربى ماكنتش اعرف عنه اي حاجه بغبائى كنت سيباه للأخر
الدنيا اسودت ف وشى وقلت خلاص مش هلحق اعمل اى حاجه ابيض فالعربى و الاقتصاد كمان كنت سيباه و المواد التانيه فيها مواد عايزة تكمل وتتراجع وطبعا ولا هينفع اخد دروس ولا أى حاجه وكنت خايفه ماخفش قبل الامتحان ولجنه خاصه بقى وانا مجربه قبل كده انى اروح الامتحانات تعبانه
بس الحمد لله عدت اهى
متيأسيش وخلى عندك ثقه ف ربنا وركزى الشهر ده وربنا مابيضيهش تعب حد وان شاء الله خير