مشاهدة النسخة كاملة : انا كنت بقول بتكدب....
رفعت فوزى 23-04-2007, 03:52 AM <div align="center">فى البدايه احب اشكر الاخ والصديق العزيز عبد اللطيف الطحان على سؤاله عنى دايما واسف انى اتاخرت فى الرجوع زى ما وعدته
وشكرا اختى الغاليه غرام بسؤالها عنى وشكرا لكل انسان افتكرنى فى يوم حتى لو مكتبش كلمه يسال فيها عنى
وبعتذر عن سوء التفاهم اللى حصل بينى وبين استاذى العزيز جمعه واللى فعلا بحترمه
وحبيت ابدا هنا باخر عمل كنت شاركت بيه
واللى بسببه سبت المنتدى لما حدث من سوء فهم
لانى لاحظت ان فيه اعضاء كتير جديده وافكر الاعضاء بيا اللى اكيد نسيونى
والان مع كلماتى المتواضعه واللى احب طبعا انى اعرف رايكم فيها
وسؤالى التقليدى ..ايه اكتر جزء عجبك واثر فيك من اللى قراته فيها؟؟؟؟؟؟؟
- انا كنت بقول بتكدب
- لما كانت بتوصف
- ازاى شكلك جميل
- وبقيت اقول لنفسى
- واحده فى جمالك انتى
- وجودها مستحيل
- ولما جيتى وشوفتك
- لقيت جمال عنيكى
- لكلامها كان دليل
- لفيت الكون دا كله
- وف نص جمالك انتى
- بجد مفيش مثيل
- انا مش طمعان فى حبك
- او يوم اسكن فى قلبك
- او حتى اكون زميل
- انا بطمع فيكى نظره
- انولها من عنيكى
- وهيبقى الكون جميل
- ومن حقك تمنعينى
- لكن من حقى احلم
- ولو حتى هعيش ذليل
اتمنى الكلمات تكون عجبت اللى بيقراها لاول مره
واوعدكم ان شاء الله بجديد
اذا لقيت انى مرغوب فى وجودى هنا تانى بينكم
فى انتظار رايكم</div>
gamal saber 23-04-2007, 05:25 AM كلمات جميلة بجد
nihad 23-04-2007, 08:45 AM فعلا كلمات حلوه جدا
وكلها اثرت فيا
وارجع طبعا وجودك مرغوب فيه
رفعت فوزى 23-04-2007, 10:53 AM شكرا جمال على ردك
وانا سعيد بيك جدا لانك اول واحد يعلق على العمل بس كنت اتمنى اعرف اكتر جزء عجبك ويا ريت يا شباب الكل يقول من غير ما اسال تانى لانها والله بتفرق معايا
THE LITEL PRINSES
شكرا على المرور والرد
الاسطورة 23-04-2007, 01:37 PM جميلة جدآ يا عاشق الجمال
ربنا يوفقك
JuMpO 23-04-2007, 01:45 PM والله كلمات روووعة وفوق الجمال يا عاشق الجمااال
وحمدالله على السلامة
<div class='quotetop'>إقتباس</div>- لفيت الكون دا كله
- وف نص جمالك انتى
- بجد مفيش مثيل[/b]
الحتة دي عاجباني جدا جدا
<div class='quotetop'>إقتباس</div>- ومن حقك تمنعينى
- لكن من حقى احلم
- ولو حتى هعيش ذليل[/b]
ودي والله كلامتها فوق الحلوة
واكتر جزء حسيته تقيل هو
<div class='quotetop'>إقتباس</div>- ولما جيتى وشوفتك
- لقيت جمال عنيكى
- لكلامها كان دليل[/b]
:D ;) :D
MohammeD el_SadaT 23-04-2007, 01:49 PM <div align="center">والله يا بنى أنا دورت على جزئيه أقتبسها واعلق عليها وأقولك إنها هى دى اللى عجبتنى
لقيت نفسى هقتبس كل كلمه كل حرف
بجد ووالله بعيد عن اى مجامله أو أى حاجه تخطر على بالك
الكلام جمييييييييييييييييييييييييييييييييييييييييييل جميييييييييييييييييييييييييييييييييييييييييييييييي ل
وبجد عجبتنننننننننننننننننننننننننننننننننننننننننننننن نننننى أووووووووووووووووووووووووووووووووووووووووووى
ومرسيه ليك على طرح الكلمات الجميله دى
ومنورنا برجوعك تانى يا بطل
</div><div align="center"> </div>
رفعت فوزى 23-04-2007, 01:58 PM شكرا على على المرور الجميل والاروع حتى الان لانه وضحلى كل اللى سالت عنه
وسعيد انها عجبتك
go_away_u_broken_my_heart
شكرا على كلماتك الجميله
والمنتى منور باللى فيه يا بطل
والله يسلمكم جميعا
الاسطورة 23-04-2007, 02:05 PM واحنا لأ يا عم
على العموم ماشى :P
محمد عامر(كابو) 23-04-2007, 02:31 PM السلام عليكم
معنى انا مباليش كتير فىى المنتدى بس احب اقولك الكلمات جميله جدا جدا جدا
هندى
شاعرالحب 23-04-2007, 03:03 PM حمدا لله على سلامتك :)
رفعت فوزى 24-04-2007, 01:00 AM elma7et
اسف يا باشا انت طبعا نورت الموضوع بزيارتك اللى زادته اهميه وجمال
بس مع انك لك ردين على الموضوع لكن ليه مقلتش اكتر جزء عجبك او اللى معجبكش قول اللى انت حسيت بيه الموضووع سهل
هندى
شكرا على الاهتمام بالرد والمرور
«®°™ عدو المرأه ™°®»
الله يسلمك يا باشا
فتاة_الإسلام 24-04-2007, 01:37 AM <div align="center">السلام عليكم ورحمة الله وبركاته
أولاً أرحب بعودتك من جديد للمنتدى أخي عاشق الجمال،، عوداً حميداً بإذن الله..
ثانياَ الشعر جميل، لكن لي تعليق بسيط على هذه النقطة:
<div class='quotetop'>إقتباس(عاشق الجمال @ Apr 23 2007, 03:52 AM) 297240</div>
- ومن حقك تمنعينى
- لكن من حقى احلم
- ولو حتى هعيش ذليل
[/b][/quote]
أعتقد سيكون من الأفضل لو حذفت الـ " واو " في " ومن حقك تمنعيني ".. أشعر أنها تثقل الوزن..
وشكراً لك على المشاركة الجميلة..
hagar 24-04-2007, 04:06 AM اكتر من راااااائع :rolleyes:
بجد بجد تسلم ايدك :D
ومنتظرين الجديد
رفعت فوزى 24-04-2007, 04:59 AM اهلا فتاه الاسلام
سعيد ان الكلمات عجبتك وشكرا على النقد الجميل
هاجر شكرا على المجامله الرقيقه
واتمنى انى اعرف ايه اكتر جزء عجبك
وايه اكتر جزء حسيتى انه تقيل
او مش عاجبك
الاسطورة 24-04-2007, 09:52 AM <div class='quotetop'>إقتباس(عاشق الجمال @ Apr 24 2007, 01:00 AM) 297575</div> elma7et
اسف يا باشا انت طبعا نورت الموضوع بزيارتك اللى زادته اهميه وجمال
بس مع انك لك ردين على الموضوع لكن ليه مقلتش اكتر جزء عجبك او اللى معجبكش قول اللى انت حسيت بيه الموضووع سهل
[/b]
معلش يا عاشق الجمال
انا مش بافهم فى أجزاء الشعر
لكن بأقرأه فقط
و المنظر العام كده كويس
و رينا يوفقك :)
noussa 24-04-2007, 10:03 AM اولا شكرا
ان المتصفح للوهلة الاولي يرى ان العبارات كانت بسيطة ومباشرة,لكن عند التمنعن فيها جيدا يلاحظ انك استطعت نسج خيط صورة رومانسية رائعة
لا يقدر عليها الا شاعر موهوبومتمكن من ادوات الكتابة.
اما الجزء الذي شدنى اكثرهو عندما قلت.
انا مش طمغان في حبك
او يوم اسكن في قلبك
اوحتى اكون زميل
فيه قوة وصراحةونسج جميل.
واتمنى ان اقرا لك الاحسن واتمنى ان تصل الى ما تصبو اليه وابقى دائما بهذه العزيمة القوية.
نوسة
Miss_CaR!zma 24-04-2007, 10:15 AM اولا احب اقوللك منور المنتدى بعد غياب طويل
بالنسبه بقى للكلمات
بعيدا عن المجامله مش عرفت اقتبس جزئيه معينه لسبب انها مترابطه مع بعضها يعنى هقتبسها كلها
وبجد عجبتنى جدا فبحييك عليها وفى انتظار الجاى باذن الله:)
المخلص الي الابد 24-04-2007, 11:44 AM كلام جميل جدا جدا جدا يا عاشق الجمال
وانا هكدب عليك لو كتبتلك انه في جزء واحد عجبني
بالعكس انا كل الكلمات عجبتني جدا بجد رائعة ومنتظرين منك كل ما هو جديد
وانت اخي اكيد مرغوب بيك معانا واللي يقول غير كده يكون هو اللي مش مرغوب بينا
Engy Mohamed balat 24-04-2007, 12:45 PM بصراحه الكلام اكتر من رائع
وكلها عجبتنى اووووى
و اكيد وجودك هيشرف معلش انا مش عارفاك لانى لسه جديده فى المنتدى
لكن اكيد المنتدى يتشرف بوجود شاعر موهوب كده
ربنا يبارك فيك
نغم البحر 24-04-2007, 03:24 PM اولا
الف حمد لله ع السلامة يا عاشق الجمال
والله ليك وحشة وكنا مفتقدينك معانا فى الممنتدى
ان شاء الله تكون بداية جديدة وقوية وربنا يوفقك
انا فعلا اول مرة اقرا الاغنية دى بس فعلا جميلة
تسلم ايدك ومنتظرين المزيد من ابداعاتك
تحياتى
نغم البحر
رفعت فوزى 25-04-2007, 01:00 AM elma7et
شكرا اخى على الرد الجميل وان كان لك اى تعليق تاكد انى هقبله بصدر رحب
noussa
مش معقول نوسه؟
تهلا بيكى معانا فى المنتدى وشكرا على تسجيلك وانى احصل على الو رد لكى فى المنتدى
وشكرا على كلماتك الرقيقه
Dare Angel
ابراهيم الفلسطيني
simsim gege
شكرا على كلماتك الجميله والرقيقه اللى بعتبرها وسام على صدرى واتمنى انى اكون عند حسن ظنكم بيا
محمد البري
اهلا يا باشا منور الموضوع
انت بقى بتقول ايه رايك يهمنى فعلا وانت عارف ده من زمان
اما موضوع الرتم والله هى بتمشى معايا كده اللى بحس بيه بكتبه وانا مش دارس يعنى وانت فاهم اما تسلسل رتم الكلمات من السرعه والبطىءفانا بصراحه بحاول ان الفكره تكون فى ترتيب معين بحيث انها ترسم صوره متراصه ومتكامله فى زهن القارىء
تمكنه من تخيل موقف ومكان الانسان اللى المفرض انه بيقول الكلام ده
اتمنى تكون الفكره وضحت
واى استفسار تانى انا موجود
نغم البحر
الله يسلمك
وشكرا على تشرف الموضوع بوجود رد لك فيه
وان شاء الله قريبا فيه عمل جديدخاص بيا انا ولتجربه شخصيه
اية فايد 25-04-2007, 01:32 AM عاشق الجمال رفعت
اسفة بجد انى مكنتش من اول الناس اللى يقروا موضوعك مشغوليات الدراسة واللله
انتا طبعا عارف ردى عليها من اول مرة نشرتها
اكتر من رائعة & ملحمة مشاعر رائعة & احساس عالى من شاعر موهوب
طبعاااااااا طبعاااااااا كلها احساس عالى وحس مرهف من شاعر موهوب زييك
اهلا برجوعك لينا
ويا رب تفضل معانا على طول
اختك غرام واتمنى متزعلش منى لتاخرى فى الرد
مـــــــــازن 25-04-2007, 05:38 AM كلمات جميلة والاجمل انها بسيطة
رفعت فوزى 25-04-2007, 04:19 PM gharaam
كفايه عليا انك شرفتى الموضوع
وشكرا على كلماتك الجميله
وعادى اتاخرى عليا براحتك
ههههههههههه
بس اوعى تعمليها تانى
BrOkEN_He@RT
شكرا على مرورك
بالحق انت بلديات البرى مش كده؟
واضح ان المنطه عندكم كلها شعراء جيدين
وكلهم احساسهم مرهف
جميله 26-04-2007, 07:04 PM حمدالله على السلامه اولا
حضرتك نورت المنتدى
بس انت فعلا اتاخرت شويه في العوده
انا افتكر حضرتك مش تفتكرني و لا حد في المنتدى فاكرني ولا الدنيا فاكرني
بس ده العادي
عموما الكلمات رائعه و انا فاكره اني كنت علقت عليها قبل كده
و ان في قصايد كتير رائعه برده كنت علقت عليها
عموما مستنيين منك الاروع
و حمد لله على السلامه كمان مره
رفعت فوزى 27-04-2007, 01:11 AM اهلا اهلا جميله
الله يسلمك انتى كمان
انا انساكى ؟ انتى كان لكى اكتر من نقد جميل على مواضيعى وكان دايما بيعجبنى احساسك بالكلمات
فاكره؟
لما كنتى بتقولى انك بتقدرى تحسى العمل كويس ولكن مش بتقدرى تكتبى
هى دى جميله فاكراها؟
ولو دورتى شويه هتلاقى رساله خاصه منى كنت بعتها بشكرك فيها على النقد الجميل والاهتمام باعمالى ونقدها
واتمنى ان نبره الياس دى تروح فى الرد القادم على عملى الجديد اللى هينزل قريب ان شاء الله
غاوى حب 02-05-2007, 02:27 PM اهلا حبيب قلبى رفعت اخبارك ايه
والله انا ما عرفت انك رجعت المنتدى غير لما اسامه قابلنى امبارح وقالى
انا اساسا بقالى فتره مبدخلش هنا
حمد الله بالسلامه يا باشا
اه هتقولى النقد والكلام ده انت عارف رايى فى كل كلمه انت بتكتبها من ايام الجامعه
وبفكرك اوعى تنسى ميعادنا يوم السبت ماشى؟ هنتظرك فى الميدان فى ميعادنا
اسيبك بقى علشان لسه هشوف باقى اللى انت نزلته
سلام
اخوك احمد السيد
رفعت فوزى 05-05-2007, 04:34 PM هههههههههههههه
ازيك يا احمد
شكرا على تشريفك الموضوع بالمرور
وبالنسبه لميعادنا النهارده انت عارف اللى حصل
pirate 08-05-2007, 06:00 PM بجد والله يا عم عاشق الجمال الموضوع اكتر من رائع ربنا يوفقك ويزيد موهبتك
gharaam 04-12-2007, 09:37 PM اخى وصديقى وكل الجوانب المضيئة فى حياتى رفت
فين غبت عنى كدا من غير ما تقولى انت فين ولا فى اية حصللك؟؟؟؟؟
ازاى تكون بتتفق على معاد نتكلم فية وفجأة مسمعش منك ولا كلمة انا هتجنن
ارجوك لو دخلت فى يوم النت تانى رد عليا
بندق__2007 05-12-2007, 01:42 AM جميلة اوى اوى و ربنا يوفقك و متحرمناش من كلماتك الرقيقة دى
بصراحة كده يا رفعت كلماتك جميلة جدا ورقيقة هو انت مفكرتش تكتب اغانى ؟؟؟؟؟؟؟؟؟؟؟؟؟؟؟؟؟؟؟ اه وبالنسبة للخلاف بينك وبين مستر جمعه اللى انا معرفوش هقول احنا كلنا اخوات والاخوات دايما بيتخانقم وبيتصالحم تانى على اقل الاشياء علشان كده انسوا اللى فات وابدءوا من جديد اوكى يامان ................. واهلا برجوعك لينا مرة تانية
gharaam 13-12-2007, 02:08 AM رفعت وحشتنى يا اغلى صديق واخ عزيز عندى طولت الغيبة اوى عايزة اسمع منك ارجوووووك
hagar 14-12-2007, 04:24 AM كلام تمااااام
الي الاماااام
gharaam 15-12-2007, 01:47 AM يا رب الى الامام دايما بس هو يظهر بقى ويرجعلنا بالسلااااااااامة
|