اميرة الرسم
05-05-2010, 05:46 PM
السلام عليكم
انا طالبة داخلة علمي ان شاء الله مش عارفة اخد اقتصاد واحصاء ولا علم نفس
ناس بيقولوا ان علم النفس سهل اوى وامتحانه سهل بس محتاج مجهود وهيكون صعب مع الاحياء
وناس تقول ان الاقتصاد والاحصاء خفيفة بتخلص بسرعة لكن ممكن يرخم في الامتحان
ياااااااااااااااااااااريت حد يساعدني انا اولي بكل درجة في الثانوية
وياريت حد يكتب ليا موجز مختصر عن الاقتصاد والاحصاء وبتتكلم عن ايه
sarahwalid
27-07-2010, 06:14 PM
انا كمان طالبة فى علمى رياضة و محتارة جدا بين علم النفس و الاقتصاد والاحصاء
يارت حد يساعدنا بسرعة قبل بداية الدروس و
هل اذا اخدت الاقتصاد و الاحصاء لازم ابتدى فيهم دروس من اول شهر 8 ؟؟
abdelRhman772007
29-07-2010, 01:32 PM
امتحانات 2008 لسة عاملة رعب لغاية دلوقت ؟؟؟
مع إن امتحان 2009 & 2010 اتفه ما يكون
بصوا اللى حصل فى 2008 سواء فى الإحصاء أو الرياضيات أو الفيزياء فهو بسبب
الاعتماد على الدروس الخصوصية و اعتماد الأخيرة على الكتب من نوع الصيت و لا الغنى
كتاب المعاصر خذل طلبة الرياضة و الإحصاء
و كتاب المثالى و الامتحان خذلا طلبة الفيزياء
فى حين 100% و المعلم كانا متميزان فى امتحان الرياضة
و كتاب الوسام & 100% ( لنفس المؤلف) رفعا رأس طلبة الفيزياء - باستثناء سؤال موجود فى كتاب الوزارة فقط -
و يبقى الإحصاء اللى أحسن كتاب شوفته مغطى الامتحان كان - التوقعات المرئية - رغم أنه ملخص مش شرح
عمومًا الكلام ده مقدمة لأن أقول أزمة 2008 مش هتتكرر
أى طالب رياضة ما يخودش إحصاء يبقى بيستهبل
و أى طالب مستواه عالى بمعنى ناوى على فوق الحاجة و تسعين
أرشحله إحصاء لسبب بسيط جدًا هاقوله أهه
من السهل إنك بمجهود بسيط تقفل علم النفس
لكن الأسهل إنك تنقص بدون سبب وجيه
و ده اللى حصل مع أصحابى و اللى بيحصل كل سنة
زائد الحكاية المشهورة تلاتة يغشوا من بعض بالنص نفس الورق
بس كل واحد بدرجة - الحكاية حقيقية و منطقية -
بعكس الإحصاء أنت حالل هتاخد حقك و زيادة
عمومًا أنا كنت حالل 80% من الإحصاء بالآلة الحاسبة
و ده هتلاقولها موضوع مشروحة فيه بالتفاصيل الممـلة
احنا كنا قبل الامتحان خايفين من الاقتصاد مش من الإحصاء
بالنسبة امتى تبدأ مش هتفرق الإحصاء حوالى سبع حصص و زيهم فى الاقتصاد
ده الأساسى ممكن يزيدوا فى بعض الدروس الخصوصية
و معاكوا جهبذ فى الإحصاء فى القسم هنا أتوقع أنه مش هيبخل بشروحات معاكوا
و
بالتوفيق ،،،،،،،،،،
sarahwalid
29-07-2010, 06:35 PM
شكرا كتير على ردك و ان شاء الله هتوكل على الله و اخذ اقتصاد و احصاء
و كنت عايزة اعرف احسن كتاب خارجى فى الفيزياء و الرياضيات
منتوو
30-07-2010, 05:42 AM
لو محتار بين علم نفس واقتصاد واحصاء ، ومش عارف تختار المستوى .. ادخل هـــنــــا
http://www.thanwya.com/vb/showthread.php?t=231006
أتمنى ينفعكم ، وتلاقوا فيه طلبكم ,,
abdelRhman772007
30-07-2010, 10:22 PM
الرياضيات 100% شرح
100% مراجعة
المعلم مراجعة
التلاتة مهمين
بالنسبة للفيزياءكله حلو بس ابعدى عن المثالى