لومى _مرمر
05-05-2010, 07:24 PM
ارجو من الاستاذه الكرام كتابه جدول مذاكره فى ماده الكيمياء ومذاكره الكيمياء بالكامل لاول مره مذاكره جيده
اطلب من الاستاذه وضع لى جدول مذاكره فى الكيمياء وتقسيمها فى كل يوم شويه حتى انتهى من مذاكرتها جيدا خلال 11 يوم ارجو الرد عليا ضرورى اوى اوى ونفسى يكون جدول حلو اوى عشان فعلا همشى عليه اوى عشان نفسى اذاكر الكيمياء عشان مش ذكرتها فى اول السنه خالص ولا عرفه اذاكر ازاى فيها
ارجو مساعدتى ضرورى اوى اوى فى غايه الاهميه
khaledzeama
05-05-2010, 07:51 PM
هما 9 ابواب ممكن تقسمى مثلا 1*2
اليوم الثاثى 3 الرابع 5*4
الخامس 6*
السادس 7
السابع الباب الثامن
العضويه بقا
الثامن لغايه البنزين
التاسع البنزين والكحولات
العاشر الفينولات والاحماض
الحادى عشر الاسترات
اتمنى اكون قدرت اساعد وربنا يوفقك
لومى _مرمر
05-05-2010, 09:11 PM
طب ممكن توضيح اكتر
انا عاوزه تقولى طريقه اخلص فيها مذاكره الكيمياء خلال 14 يوم واعيد تانى
يعنى مثلا اليوم الاول الباب الاول والثانى واليوم الثالث وهكذا بس تقسمه تقسيمه حلوه وكمان عشان خاطر بقيت المواد التانيه
ارجو ان تكون قد فهمت قصدى
واروجو المساعده اوى
لومى _مرمر
06-05-2010, 11:37 AM
ياجماعه حد يقولى ويرد عليا بسرعه انا عاوزه الحق اذاكر
لومى _مرمر
06-05-2010, 11:06 PM
ايه ياجماعه هيا دى حاجه صعبه اوى ان حد يحط جدول مراجعه
فين الاستاذه الكرام بتوع الكيمياء
هوه انا طالبه حاجه صعبه اوى للدرجه دى ولا ايه
hesseny_aswany
07-05-2010, 05:55 AM
بصى بقا:-
هتبتدى من بكره السبت:تمام؟
السبت: الباب الاول
الاحد: الباب الثانى
الاثنين: الباب الثالث ولو فى حاجة لسه قاعدة من اليومين اللى قبله.
تماااااااام؟
التلات: الباب الرابع لغاية ماقبل عناصر الفئة P
الاربع: عناصر الفئة P لغاية اخر الرابع
الخميس: الباب الخامس لغاية ماقبل الحديد
الجمعة: من الحديد لغاية اخر الخامس
السبت: الباب السادس
الاحد: الباب السابع
الاثنين: الباب الثامن لغاية ما قبل الخلايا التحليلية
التلات: لغاية اخر التامن (انا قسمت التامن عشان متتلخبطيش)
الاربع:من الاول لغاية ما قبل البنزين(يعنى لغاية الالكانات الحلقية)
الخميس: البنزين
الجمعة :الكحولات والفينولات
السبت:الاحماض والاسترات
يعنى 15 يوم يارب يكرمك وتخلصى الكيمياء يارب
بس بالله عليكى لتدعيلى بكلية الهندسة
عشان الدعوة فى ظهر الغيب هى المقبولة
وانا لو عليا ادعيلك بالكلية اللى انتى عايزاها
وربنا يكرمنا يارب
معلش طولت عليكى بقى
باااااااااااى:022yb4:
واحده من الناس
07-05-2010, 06:15 AM
بصى أنا هقولك على جدول أنا ماشيه عليه وان شاء الله ربنا يسترها معانا
وعلى فكره مش عاوزاكى تفكرى انك لواحدتك أنا والله اعتبر زيك بالظبط
بس برده عاوزه انصحك نصيح متسلميش نفسك للكيمياء
بمعنى انك تسيبى كل المواد التانيه وتفرغى نفسك للكيمياء بس
لأنك كده بجد هتبقى ضيعتى نفسك فى الكيمياء وفى المواد التانيه
بصى ياستى وركزى معايا
__________________________________
انتى مش هتبدأى من أول بكره السبت لأ معدش وقت يسمح بكده
انتى هتبدأى من اول النهارده
الجمعه / الباب الاول وجزء من العضويه علشان الملل يعنى وكده
السبت / نص الباب التانى وجزء من العضويه
الاحد / بقيت الباب التانى وجزء من العضويه
الاتنين /الباب التالت وجزء من العضويه
الثلاثاء /نص الباب الرابع وجزء من العضويه
الاربعاء / بقيت الباب الرابع والعضويه
الخميس/نص الباب الخامس والعضويه
الجمعه /بقيت الباب الخامس والعضويه
بس ياستى لحد هنا وتوقفى وتبدأى تحلى بقه بس حل بجد
الجزء اللى تمسكيه تطحنيه حل واهم حاجه تبعدى نفسك عن الضغط النفسى والانهيار
واوعى تعيطى علشان كل ما هتعيطى هتتعبى اكتر (اسألى مجرب)
والاهم من دا الصلاه وقراءه القران دا لازم واوعوا تنسى الاذكار
واوعى تنسى برده ان ربك كريم بعباده وعمر ربنا ما بيضيقها قوى الا اذا كان هيوسعها قوى
ودا مش كلا م شعارات وخلاص لأ دا بجد
(ويبيقى الامل ما دامت الحياه ) وهتقدرى تعملى المستحيل ان شاء الله
وربنا ممكن يبارك فى ساعه واحده أكتر من عشر ساعات
ماشى
لو الكلام دا اقتنعتى بيه ابقى قوليلى وانا كمل
دا مجرد وجهه نظر ولكى حريه تقبلها او رفضها
ماشى ياقمر .. ?
ملحوظه // لاتنسى ذكر الله ولا حقوق الوالدين
واحده من الناس
07-05-2010, 06:17 AM
بصى بقا:-
هتبتدى من بكره السبت:تمام؟
السبت: الباب الاول
الاحد: الباب الثانى
الاثنين: الباب الثالث ولو فى حاجة لسه قاعدة من اليومين اللى قبله.
تماااااااام؟
التلات: الباب الرابع لغاية ماقبل عناصر الفئة p
الاربع: عناصر الفئة p لغاية اخر الرابع
الخميس: الباب الخامس لغاية ماقبل الحديد
الجمعة: من الحديد لغاية اخر الخامس
السبت: الباب السادس
الاحد: الباب السابع
الاثنين: الباب الثامن لغاية ما قبل الخلايا التحليلية
التلات: لغاية اخر التامن (انا قسمت التامن عشان متتلخبطيش)
الاربع:من الاول لغاية ما قبل البنزين(يعنى لغاية الالكانات الحلقية)
الخميس: البنزين
الجمعة :الكحولات والفينولات
السبت:الاحماض والاسترات
يعنى 15 يوم يارب يكرمك وتخلصى الكيمياء يارب
بس بالله عليكى لتدعيلى بكلية الهندسة
عشان الدعوة فى ظهر الغيب هى المقبولة
وانا لو عليا ادعيلك بالكلية اللى انتى عايزاها
وربنا يكرمنا يارب
معلش طولت عليكى بقى
باااااااااااى:022yb4:
الجدول دا جامد على فكره بس عايز قوه وعزيمه شويه
ويارب يابشمهندس تدخل كليه الهندسه
علشان حضرتك كده بتفهم بجد
_________________ كليه الهندسه وبس _____________
وربنا يكرمنا ويوفقنا لما يحبه ويرضاه
يارب ندخل كليه هندسه ويكون فيها الخير يارب
يااااااااااااااااااااااااااااااااااااااااااااااارب
بالله عليكوا تقولوا امين
hesseny_aswany
07-05-2010, 07:00 AM
هى الايام دى مش عايزة غير قوة وعزيمة وبعد الشهر ده نعمل اللى عايزينوا
وربنا يخليكى يارب وربنا يكرمنا كلنا
وادينى مستنى على بال ما لومى _مرمر (http://www.thanwya.com/vb/member.php?u=323175) تصحى من النوم عشان تقول رايها
hesseny_aswany
08-05-2010, 03:01 AM
لومى _مرمر (http://www.thanwya.com/vb/member.php?u=323175) مشوفتيش الجدول ولا ايه
لومى _مرمر
08-05-2010, 02:47 PM
معلش الجهاز كان بايظ عندى
انا لسه شايفه الجدول النهرده بجد جدول جامد اخر حاجه
وربنا يفقك وتدخل الهندسه
انا نفسى بردو فى هندسه
ربنا معانا كلنا ويعدى السنه دى على خير
hesseny_aswany
08-05-2010, 08:35 PM
يارب يكرمنا
بس انتى المهم تواظبى على الجدول عشان تستفيدى
وانا عيونى لاى طلب