قصيدة للشعب على لسان الريس....مش أنا اللي كاتبها متودوناش في داهيه!!! [الأرشيف]

مشاهدة النسخة كاملة : قصيدة للشعب على لسان الريس....مش أنا اللي كاتبها متودوناش في داهيه!!!

السيد صابر

07-05-2010, 07:44 PM

السلام عليكم ورحمة الله وبركاته
وانا بقرأ في النت لقيت القصيدة دي
وعاجبتني أوي رغم ما فيها من أشياء لا نرضاها ولكنها الواقع
حاجه كده زي اللي بيقولو عليها البلاك كوميدي أو الكوميديا السوداء
واحد من الناس بيعبر عن حال مصر لكن مش على لسانه ولكن على لسان الريس

يللا نشوف عظمته بيقول إيه.......

يا شعبي حبيبي يا روحي يا بيبي **يا حاطك في جيبي يابن الحلال

يا شعبي يا شاطر ياجابر خواطر ** يا ساكن مقابر وصابر وعال

يا واكل سمومك يا بايع هدومك ** يا حامل همومك وشايل جبال

يا شعبي اللي نايم وسارح وهايم ** وفي الفقر عايم وحاله ده حال

أحبك محشش مفرفش مطنش ** ودايخ مدروخ وآخر انسطال

أحبك مكبر دماغك مخدر **ممشي أمورك كده باتكال

وأحب اللي شايف وعارف وخايف **وبالع لسانه وكاتم مقال

وأحب اللي راضي وأحب اللي فاضي ** وأحب اللي عايز يربي العيال

وأحب اللي يائس وأحب اللي بائس ** وأحب اللي محبط وشايف محال

وأحبك تسافر وتبعد تهاجر **وتبعت فلوسك دولار أو ريال

وأحبك تطبل تهلل تهبل **عشان ماتش كورة وفيلم ومقال

وأحبك تأيد تعضد تمجد **توافق تنافق وتلحس نعال

لكن لو تفكر تخطط تقرر **تشغلي مخك وتفتح جدال

وتبدأ تشاكل وتعمل مشاكل **وتنكش مسائل وتسأل سؤال

وعايز تنور وعايز تطور **وتعملي روحك مفرد رجال

ساعتها ح اجيبك لا يمكن أسيبك ** وراح تبقي عبرة وتصبح مثال

ح ابهدل جنابك وأذل اللي جابك **وحيكون عذابك ده فوق الاحتمال

وامرمط سعادتك واهزأ سيادتك **واخلي كرامتك في حالة هزال

وتلبس قضية وتصبح رزية **وباقي حياتك تعيش في انعزال

ح تقبل ح احبك, ح ترفض ح البك **ح تطلع ح تنزل ح اجيبلك جمااااال

على فكرة مش أنا اللى كاتبها لا خوف ولا جبن
رغم ان الجبن نص المجدعه يعني
ولما بتدخل فيه الحكومة يبقى المجدعه كلها

Mr. Medhat Salah

07-05-2010, 09:30 PM

http://www8.0zz0.com/2010/05/03/09/503797394.gif

Azhar Aly

07-05-2010, 09:44 PM

هايلة جداااااااااااااااااااا

ahmed_mando

07-05-2010, 09:53 PM

جمييييييييييييييييييييلة اووووووووووووووووووووووى اووووووووووووووووووووى

السيد صابر

07-05-2010, 11:04 PM

يا ترى إيه حال اللي كتبها دلوقتي
:slap1qk6:
كده
:abdoog8:
وللا كده
:giljotiiniug3:

عاشقة الموج

07-05-2010, 11:53 PM

يا ترى إيه حال اللي كتبها دلوقتي

:slap1qk6:
كده
:abdoog8:
وللا كده

:giljotiiniug3:

إبداع رائع
و حاله الله أعلم به
ربنا ف عونه
و يبعد عنه أصحاب الشناكل

علاء سيف

08-05-2010, 07:15 AM

اخي الحبيب
القصيدة - ان كنت تراها كذلك وأنت اعلم مني بالشعر وعروضه-
اراها نوع من ادب الحشيش فقط ثرثرة مساطيل
ويجوز تنفع كلها ماعد اخر سطر على العصر الناصري
ايام ماكان اللي بيقول نكتة لصحبة بيروح ورا الشمس
مش كده برضة
اما الان فما اكثر الشتامين في الصحف والفضائحيات
ودمت بخير وموفق

هند يوسف

08-05-2010, 08:00 AM

شكرا استاذ صابر

وافرض اني حضرتك اللي كاتبه مفيهاش حاجة لاني القصيدة مابتكدبش ده حال مصر
وده مجرد تعبير عن راي وانا عايشين في حرية

السيد صابر

08-05-2010, 10:06 AM

اخي الحبيب
القصيدة - ان كنت تراها كذلك وأنت اعلم مني بالشعر وعروضه-
اراها نوع من ادب الحشيش فقط ثرثرة مساطيل
أخي الأستاذ علاء
بعد التحية
هي فعلا من أدب الحشيش زي ما حضرتك تكرمت ووصفت
لإن الحشيش ده أصبح اشهر وأسهل من العيش البلدي
ولو حضرتك بجد عايش في مصر يبقى أكيد عارف ان مفيش ناصية فيكي يابلد إلا فيها المساطيل المحششين قاعدين واخدين حقهم على الآخر
ولو حصل وواحد راح للقسم بيرجع قبل ما يوصل ولو وصل بيخلص نفسه بالحشيش برده
ويجوز تنفع كلها ماعد اخر سطر على العصر الناصري

العصر الناصري
كان فيه حاجه اسمها صناعة ثقيلة
لكن دلوقتي فيه الصناعات الصغيرة والتي يسجن أصحابها من كثرة الديون التي لا يستطيعون أن يسددوا منها شيء ده غير البطالة المعاش المبكر والخصخصة و... و.....
وحاجة اسمها كرامه
ودلوقتي والحمد لله العالم كله بيدينا بالجزمة ومتقدرش تقول لأ
لإن معندكش حد بيحترمك في الداخل يبقى ليه تلاقي حد يهتم بأمرك في الخارج
وحاجه اسمها مصر أم الدنيا
دلوقتي صعاليك العرب وأغبياء العالم
شايفين ان احنا أنصار اليهود وذيول لأمريكا وأوربا
والسبب في الحصار على غزة والخراب اللي في العراق بتكاسلنا وتهاوننا
حتى أفريقيا
أصبحوا بيدوسوا علينا وعايزين يبيعولنا مية النيل
وكمان حاجه اسمها لا لمهادنة الأعداء
وأيام عدوان الأمريكان على العراق كان جناب الرئيس بيقول لا للحرب على العراق ودي حرب غير مشروعة وأمريكا بتنتهك القانون الدولي
وفي نفس الوقت سفن أمريكا بتعدي من القناة
ودلوقتي احنا بنحاصر غزة مش اليهود
وبعد ما كانت حماس من سنة وللا اتنين
حركة المقاومة الإسلامية حماس
أصيحت حركة الإرهاب حماس
علشان الحاجات دي العالم الغربي كله كان بيحارب عبد الناصر وعصره
أما الفقراء في إفريقيا والعرب والعلم التالت كان عبد النصر بالنسبه لهم الميه والهواء
يكفي أنه لم يفرط في حق مصري خارج بلاده
وعمل السد العالي للمصريين
وأمم القناة للمصريين
بل ساعد العرب والعالم الفقير كله
ومقلش مصلحتي والكرسي أولا
وعايز أسألك سؤال
فين اللي نافس مبارك على الكرسي الانتخابات اللي فاتت؟
ليه ممنوع من ممارسة العمل السياسي؟
ليه دخل السجن واتهموه بالتزوير؟
ولو هو مزور زي ما قالوا
فين لجنة الأحزاب اللي وافقت على حزبه من الأول؟
هو أي حد يقول عايز اعمل حزب يتعملو حزب؟
مفيش حد سأل ولا عرف هو جاب الأوراق المطلوبة لخروج الحزب للنور من أين؟
أنا معرفوش أوي ومعرفش هو ممكن يعمل إيه للبلد أو فيها
ولا هو اللي انا عايزه يكون في المنصب ده
بس مينفعش أنه يتعدم سياسيا لأنه نافس على الكرسي

ايام ماكان اللي بيقول نكتة لصحبة بيروح ورا الشمس

مش كده برضة
جايز
بس لكل شيء سلبيات وإيجابيات
ولو قارنت فساد عصر عبد الناصر بفساد العصر الحالي
يبقى بقارن بين المية والنار
أو السما والأرض

اما الان فما اكثر الشتامين في الصحف والفضائحيات
المفروض إن الإعلام بكافة أنواعه مرآة للحاكم
يرى فيها سلبياته قبل إيجابياته
واعترف إن مبارك اعطى الإعلام في الفترة الأخيرة الحرية في كثير من القضايا
بل قل
غرقنا حرية صحافة الأيام اللي فاتت
والأمر ده غريب علينا شوية
علشان كده الكل بدأ يتكلم ويقول السلبيات اللى هو شايفها
وعلشان كده بقى كتير من الناس شايفه عرض السلبيات كأنه شتائم واللى بيقول الحقيقة والواقع شتامين
لأنه مش متعود إن حد يقول للحكومة إنك غلط
وكل واحد بيعبر بالطريقة اللي تعجبه
ومع الأسف الشديد
لا توجد في هذه القصيدة الحشيشية
إلا الواقع دون أي تزييف
كل الاختلاف إن اللي كتبها قالها لعموم الناس
اللي بقى معظمهم عايش ميت
ملوش في الدنيا هم غير لقمة العيش وازاي ينسى همومه
ولو كان فيها ما يخالف هذا الواقع أرجو أن تخبرني ولكم الثواب عند الله

ودمت بخير وموفق

دمت أخي بألف خير ووفقك ربنا لما يحبه ويرضاه
بس مقلوتليش حضرتك
إيه رأيك في السطر الأخير
مش هو ده أبو الواقع وامه وخلته وعمه والعائله كلها كمان

السيد صابر

08-05-2010, 10:10 AM

شكرا استاذ صابر

وافرض اني حضرتك اللي كاتبه مفيهاش حاجة لاني القصيدة مابتكدبش ده حال مصر
وده مجرد تعبير عن راي وانا عايشين في حرية

عفوا اخي العزيزة
طبعا مفيهاش حاجه خالص
هايخدوا من عمرنا ساعه وللا حاجه؟!!
لكن لك صاحب حق حقه
ولو أنا عارف مين اللي كتبها كنت قلت اسمه
لكن قرأتها في ردود لأكثر من واحد
رد على سؤال عن الأصلح للترشيح لمنصب رئيس الجمهورية
بارك الله فيك

اسامة THE LORD

08-05-2010, 10:18 AM

شكرااااااااااااااااااااااااااااااااا لك موضوع مميز

™Myth D™

08-05-2010, 11:33 AM

جزاك اللّة كل خير

أ/رضا عطيه

08-05-2010, 11:58 AM

رأي محايد ------------- ----الكل بيحاول يعمل من نفسه البطل الشهيد اللى شايل هموم الوطن الوطن وكلامى ده موجه لصاحب الروائع (افتح صفحات الجرائدوالفضائيات هتلاقى كلام أخطر من كدا ---- حد سمع عن واحد اتقطع لسانه ولا اترد عليه حتى - ياريت نشيل من فكرنا دور البطل الشهيد لأن لادى زمانها ومستحيل هترجع أيامها) :--
الله الله ينور عليك جمعت (حبايبنا الحلوين) حواليك
وإذا كنت قدرى فأنا قدرك وراح أسلط الأضواء عليك
إعجاب واعتزازومحبة رغم اختلافى فى كلام معاليك
بس بقولك من قلبى اطمن ونام وارتاح وغمض عنيك
وبلاش تلعب دور البطل الشهيد وربنا يهدينا ويهديك
وهنيئا لك لوكان كل كلامك ده من نبت وزرع أراضيك
لكن معلشى أنا خايف لا تكون دىأوامر و بتملى عليك
وماتزعل منى ياصاحبى ده كله من عشمى وثقتى فيك
وانت قلت إيه يعنى ؟غيررأى حر لمواجع ما بين إيديك
شجرة الحرية نبتت خلاص وما تخليش حد منهم يغرر بيك
وده سطر فى مقال صحيفه أوحوارات لا تطعمك ولاترويك
مقالات وحوارات ماليه الدنيا وشكلها ماليه نهارك ولياليك
سمعت ياعمنا عن حد اتقطع لسانه (اعقلها بقى الله يخليك)
وإليكم-----------------------------------
حاسس إنى قوى واقدر أغير كل الكون
ورب العزة دا إحساسى --------------
تقولوا عليه مغرور تقولوا عليه مجنون
برضه إنتم أهلى وناسى ---------------بنام من غير عشا بس بتنام العيون
وكروان الأمان فوق راسى------------
و هو دا حال الملايين من المصريين
ولايهمهم لعبة الكراسى--------------
هنا حبيت وهنا اتربيت وبهنا أفتخر
إن التراب ده مسقط راسى
وقرشناتى مش مكفيه ويعلم بيناالله
بس ولائى للبلد دى أساسى
وفى العالم ميت مكان أخرها اليونان
ماقدموا زى حلنا الافتراسى
---------------(وشكرا)

السيد صابر

08-05-2010, 04:18 PM

علاء سيف

08-05-2010, 04:39 PM

أريــــ الجنة ــــد

08-05-2010, 06:24 PM

قصيدة جميلة جدا

وبجد والله هو ده الحال دلوقتي

مفيش اي ديمقراطية

ح تقبل ح احبك, ح ترفض ح البك **ح تطلع ح تنزل ح اجيبلك جمااااال

الف الف شكر أستاذ سيد

أ/رضا عطيه

08-05-2010, 11:32 PM

كل

الكلام

ده

ومفيش

ديمقراطية ؟

عجبت لك يازمن!!!!!!!!!!!!!!!!!!!!!!!!!!!!!!!!!!!!!!!!!

كدا أو كدا - هو كدا
توافق الدولة - هوكدا
ترفض الدولة - هو كدا
ربنا يهدى اللى عايزين كدا
وكمان اللى رافضين كدا
لأ ن شكلنا كدا
هنشارك فى خرابها كدا
المؤيد والمعارض كدا
بيفكر فى مصلحته كدا
والبلد هتضيع بين كدا وكدا
والغلابه اللى زينا كدا
هينداسوا تحت الرجول كدا
وسلموا لى على كدا
وكمان ع الرافضين كدا
وكفايه كدا------------
وشكرا

السيد صابر

09-05-2010, 12:02 PM

اخي الحبيب السيد صابر مازلت عند رأي في القصيدة
ولم اكن اعرف انك ناصري لهذا الحد؟؟؟
وطبعا الكل بيحب البطل عبد الناصر لانه تولى الحكم وفلسطين جزء منها محتل
ورحل وفلسطين محتلة
وسوريا محتلة
ومصر محتلة
والاردن محتلة
وهكذا يجب ان يكون النضال الثوري
وطبعا الحرية كانت روعة وكان هيكل بيعبر عن كل الاراء فكان عصر الصحفي الاوحد
ومشى في جنازة عبد الناصر رحمه الله كل الفقراء الذين تولى الحكم 16 سنة وهم فقراء وماتوا وهم برضة فقراء
اما الكرامة فحدث ولا حرج لانه هو اللي علمنا الكرامة زي ما قال بنفسه في احد خطاباته انا اللي علمت الشعب الكرامة

وهل الشعر نقل الواقع ؟؟؟ عندها يكون بن سودوون اشعر من المتنبي حين قال

الارض ارض والسماء سماء والماء ماء والهواء هواء
والبحر بحر والجبال رواسخ وجميع اشياء الورى اشياء
والحلو حلو والمرارة مرة والصيف صيف والشتاء شتاء
عموما حديثي كان عن القصيدة وليس عن الفترة
ولي موضوع بعنوان التوريث في الاتوبيس ياريت تقولي رأيك فيه

بارك الله فيك أخي
عارف ان عصر عبد الناصر كان كله فقر واحتلال
بس ده لإن الغرب كان خايف من عبد الناصر
عشان كده كانوا بيحاربوه في كل اتجاه وبمجرد ما يخلص من مصيبة يقع في اللي أكبر منها
ومن كثرة الضغوط ازداد القلق مما ادي للحساب على كل كلمه لا تساند موقف الدولة
لكن عصر مبارك
مفهوش والحمد لله حروب ولا ضغوط زي اللي كانت عند عبد الناصر
يبقى ليه التخلف والتأخر والفساد والفقر والبهدلة اللي احنا فيها دي؟
أما عن القصيدة فهي فعلا عبرت عن الواقع والمصائب المنتشرة في مصر
ولا يمكن لابن سودون أن يكون أشعر من المتنبي
فما علمت في الشعر من هو أشعر منه
او تستطيع أن تقول أني لا أرى من هو أشعر من المتنبي
والأبيات التي أتيت بها لابن سودون انما تعبر عن شعره واتجاهه
فقد كان فذا في نظم البديهيات والحقائق بأسلوب جميل
زي ما حضرتك شايف في الأبيات دي
وبالنسبه للتوريث
أظن أن الجميع لا يتفق عليه
ولكن لا مفر منه
فقد جعلوه واقع بإقصاء كل من يستطيع المنافسه
وبارك الله فيك
وأرجو ألا تخلف هذه الكلمات شيء في صدرك من جانبي
فنحن كما أظن لا نبغي إلا ما يصلح بلادنا حياتنا
فهناك من يحب مبارك حبا جما وأنا لا أستطيع أن أمنعه
فقد ترى عينه ما تعجز عيني عن رؤيته
وفقنا الله للخير والصواب
وهدانا وولاة أمورنا لما ينفع البلاد والعباد
آمين
وفي النهاية لابد من كلمة
فانا ولله الحمد
لا أفقه شي في السياسه
يعنى أنا في السياسة صفرين تلاته وياريت على الشمال
دول ملهومش مكان في أي مكان
ولا أعرف ما هي الاتجاهات الناصرية وللا حتى الوطني
ولكن ما أقوله نابع مما أراه وأشعر به
لا أكثر ولا أقل
وهذا آخر ما أقوله في هذا الموضوع غير شكر من تفضل برد
اقبل مني جزيل الشكر والاحترام

أ/رضا عطيه

09-05-2010, 12:28 PM

كدا أو كدا - هو كدا
توافق الدولة - هوكدا
ترفض الدولة - هو كدا
ربنا يهدى اللى عايزين كدا
وكمان اللى رافضين كدا
لأ ن شكلنا كدا
هنشارك فى خرابها كدا
المؤيد والمعارض كدا
بيفكر فى مصلحته كدا
والبلد هتضيع بين كدا وكدا
والغلابه اللى زينا كدا
هينداسوا تحت الرجول كدا
وسلموا لى على كدا
وكمان ع الرافضين كدا
وكفايه كدا------------
وشكرا

السيد صابر

09-05-2010, 04:11 PM

علاء سيف

10-05-2010, 07:31 PM

اشكر لك حوارك العقلاني
واختلاف الرأي لن يفسد الود بين الاخوة ان شاء الله

السيد صابر

11-05-2010, 09:35 AM

اشكر لك حوارك العقلاني
واختلاف الرأي لن يفسد الود بين الاخوة ان شاء الله
نحن إخوة قبل كل شيء
أرجو أن يوفقنا الله لما فيه الخير
وبارك الله فيك وفينا وفي كل أحبتنا
آمين

أ/رضا عطيه

11-05-2010, 11:48 AM

ا/توفيق عزت

11-05-2010, 12:02 PM

احمد فؤاد نجم- في عيد ميلادك الكاموثمانين....
سيدي الرئيس
في عيد ميلادك الكام وثمانين
كل سنةوانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا تري يا حبيب الملايين
فاكرناولا احنا خلاص منسيين
فاكر المعتقلين
فاكر الجعانين
فاكرالمشردين
فاكر اللي ماتو محروقين
فاكر الغرقانين
الله يكون فيعونك - ها تفتكر مين وللا مين وللا مين
في عيد ميلادك الكام وثمانين
بقول لككلمتين
الأوله
شيلتنا طين
وهل تعلم أن النيل بقي رشاح
وقرب يروح مع الرياح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهممذبحة ولا بتاعة القلعة
والإقتصاد سداح
والسرقة بقت كفاح
ومصرمتاحة بس للسياح
وعرض البلد بقي مستباح
والثانية
ورتنا الويل
دا الخطوة في عهدك بقت ميل
والضحك بقي نواح وعويل
والكوسة
عارف الكوسة
ممكن أقول لك فيها مواويل
والجامعة بقت يا إما كباريه أودار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين
والقادة بقم طبالين
واديني في الهايف ياحبيب الملايين
والثالثة
عارف اليابانيين
زمان في سنة اتنينوخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسه مضروبين
وللصدقة مستحقين
دلوقتي إحنا فين وهما فين
هما فوق واحنا في أسفلسافلين
والرابعة
أمن بلدنا بقي تنين
والمحاكم اتملت مظاليم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام....عام
والفساد.....ساد
وفي جتة بلدنابيرعي
أفتكر لجنابك إيه وللا إيه
وكل ذكري ليك بدمعة
آآآآآآآآهآآآآآآآآه
أنا كنت حالف ميت يمين
أكملهم لك ثلاثةوثمانين
بس هاكفيهم ورق منين
وكل سنة وانت ..............
واحنا طيبين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
وصلنا لمرحله الكل من الليله بينفض إيديه - ويشيلها لمبارك وبيفرش الحرير للى عينه عليه
لوعديت عدد السيارات اللى فى الشارع مع سيارتك هتعرف إن رجل المرور هيعمل إيه ولا إيه
هل كل أصحاب السيارات صبحوا بدون عقل ولا كل واحد فيهم مصلحته الخاصه سيطرت عليه
وبلاش نتكلم كأننا من أبطال اليرموك والقادسيه وياريت كل واحد يحاسب نفسه وما له وعليه
و مش دفاع عن حد هنا ولاهنالكن لى وطن وشايف ياميت خسار ة البعض بيولع ويشعلل فيه
ومش هبرر نفسى لأنى زى الملايين غيرى حطينا نفسنا فى مزنق وبستار السلبيه ضللنا عليه
وشكرا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
على لسان الريس
يللا نشوف عظمته بيقول إيه.......
يا شعبي حبيبي يا روحي يا بيبي **يا حاطك في جيبي يابن الحلال
يا شعبي يا شاطر ياجابر خواطر ** يا ساكن مقابر وصابر وعال
يا واكل سمومك يا بايع هدومك ** يا حامل همومك وشايل جبال
يا شعبي اللي نايم وسارح وهايم ** وفي الفقر عايم وحاله ده حال
أحبك محشش مفرفش مطنش ** ودايخ مدروخ وآخر انسطال
أحبك مكبر دماغك مخدر **ممشي أمورك كده باتكال
وأحب اللي شايف وعارف وخايف **وبالع لسانه وكاتم مقال
وأحب اللي راضي وأحب اللي فاضي ** وأحب اللي عايز يربي العيال
وأحب اللي يائس وأحب اللي بائس ** وأحب اللي محبط وشايف محال
وأحبك تسافر وتبعد تهاجر **وتبعت فلوسك دولار أو ريال
وأحبك تطبل تهلل تهبل **عشان ماتش كورة وفيلم ومقال
وأحبك تأيد تعضد تمجد **توافق تنافق وتلحس نعال
لكن لو تفكر تخطط تقرر **تشغلي مخك وتفتح جدال
وتبدأ تشاكل وتعمل مشاكل **وتنكش مسائل وتسأل سؤال
وعايز تنور وعايز تطور **وتعملي روحك مفرد رجال
ساعتها ح اجيبك لا يمكن أسيبك ** وراح تبقي عبرة وتصبح مثال
ح ابهدل جنابك وأذل اللي جابك **وحيكون عذابك ده فوق الاحتمال
وامرمط سعادتك واهزأ سيادتك **واخلي كرامتك في حالة هزال
وتلبس قضية وتصبح رزية **وباقي حياتك تعيش في انعزال
ح تقبل ح احبك, ح ترفض ح البك **ح تطلع ح تنزل ح اجيبلك جمااااال

hwary

11-05-2010, 12:26 PM

فعلا احنا مسألناش نفسنا احنا متأخرين ليه
هو احنا ينفع نبعت لحد نسأله احنا متأخرين ليه
مفيش حروب امريكا بتساعدنا و الخير كتير و الناس اللى تشتغل موجودة

انا حاسس ان الحكومة والشعب اتنين متخاصمين
عارفين الاحساس اللى الواحد بيحسه لما يخش مصلحة حكومية
تحس ان انت داخل بيت عدوك او فيه حد جوه هيضربك لو اتكلمت

مع ان الناس اللى هم الشعب والحكومة كلهم مصريين
و ممكن يبقى قريبى عمى اخويا ابويا ابن خالتى
امال فى ايه ؟

كل يوم فى التلفزيون يجيبوا المشاكل اللى فى مصر
و انا مش فاهم ازاى المشكلة بتطلع عالتلفزيون قبل ما الحكومة
تتحرك عشان تحلها و كأن التلفزيون هو العين للحكومة العمية
او اللى بتلف وشها لما تشوف حاجة مش عجباها

طيب بذمتكو مبقيتوش تزهقوا لما تلاقوا البرنامج جايب مشكلة
و تحسس ان انت بتجرى ورا الحاجة التافهة عشان تطلع من المود
هو اساسا التلفزيون تلات ترباعه تفاهة بس تلاقى نفسك بتدور على
اتفه حاجة
حتى الناس اللى فى التلفزيون فهموا تلاقى فيه سؤال
عالتلفزيون بيقولك مين بطل فيلم اسماعيل يس فى الجيش
استهتار و استخفاف بعقول الناس بطريقة غريبة

و انا ليا تفسير واحد للى بيحصل فى التلفزيون ده
ان كل ده معمول عشان يخلق التبلد عند الناس
و فعلا ده اللى حاصل
لو جيت سمعت ان فيه 10 مليار جنيه مش عارفين راحو فين
هتلاقى نفسك عادى ولا عندك اى مشكلة
لو جه فى التلفزيون ان فيه سبع حيوانات اغتصبوا بنت فى طريق عام
تلاقى نفسك عادى بس لو جيت تفكر ان دى كان ممكن تكون اختك او
امك او حد قريبك

برده هتلاقى نفسك عادى وتلاقيك بتطرد التفكير

كل يوم مات مش عارف كام فى فلسطين او العراق
اسرائيل تطرد ناس من بيوتها و تبنى مستوطنات جديدة
وبرده عادى مفيش اى مشاكل

انا حاسس ان التلفزيون او الاعلام ده معمول عشان
عدوى يطلعلى لسانه
مش شرط يكون اسرائيل لا وولاد بلدى
و مش شرط الحكومة لا و الناس العادية برده

بحس ان هم مثلا بيشتمونى او بيضربونى على قفايا
وانا عامل فيها مش واخد بالى
ويجيلى فى التلفزيون يقولى انت مخدتش بالك ولا ايه
انا شتمتك والله يا عم شتمتك و بيطلع لسانه

ربنا يستر

السيد صابر

11-05-2010, 02:21 PM

هكذا يجب أن نكون ---- إذا أردنا أن نكون
والسماح يا أهل السماح لتدخلى فى الحوار بينكما
ولكن وجدتى مجبر بل مصر على تقديم التحية لكما لاستمتاعى لحواركما الموضوعى أولا والمبشر للخير ثانيا
شكراعلى المصداقية والشفافية ( الأستاذ السيد والأ ستاذ علاء )وبارك الله لكما ونفعنا بعلمكما
وشكرا للجميع
عفوا يا بلاك
وكمان بنمتعك أهو....
مفيش تدخل ولا حاجه
انا جايب القصيدة دي عشان نمتع نفسنا بالجرح اللي جوانا
وبدل ما هم بينكدوا علينا على طول نضحك شوية من نكدهم فينا
ربنا يديم المودة والمعروف بين جميع المسلمين
وشكرا لكلامك الجميل

علاء سيف

11-05-2010, 05:58 PM

الاخ بلاك اشكر لك هذة المجاملة الرقيقة
التي لا استحقها ولكنه ذوقك العالي
وشكرا لك

أ/رضا عطيه

11-05-2010, 08:45 PM

يا أستاذ توفيق عزت أعزك الله ---
أهان عليك أن تضع كلمات الغلبان وسط أشعار الحيتان!!!

احمد فؤاد نجم- في عيد ميلادك الكاموثمانين....

سيدي الرئيس
في عيد ميلادك الكام وثمانين
كلسنةوانت طيب
واحنا مش طيبين
كلسنة وانت حاكم
واحنامحكومين
واحنامظلومين
واحنامتهانين
ويا تري يا حبيبالملايين
فاكرناولا احناخلاص منسيين
فاكر المعتقلين
فاكر الجعانين
فاكرالمشردين
فاكر اللي ماتو محروقين
فاكر الغرقانين
الله يكون فيعونك - ها تفتكرمين وللا مين وللا مين
في عيدميلادك الكام وثمانين
بقول لككلمتين
الأوله
شيلتنا طين
وهلتعلم أن النيل بقي رشاح
وقرب يروح معالرياح
والجو أصبح بيئةوالعيشة ولعة
والشرفاقلوبهم عالبلد والعة
وانتعاملهممذبحة ولا بتاعة القلعة
والإقتصاد سداح
والسرقة بقت كفاح
ومصرمتاحة بسللسياح
وعرض البلد بقيمستباح
والثانية
ورتنا الويل
دا الخطوة في عهدك بقت ميل
والضحك بقي نواح وعويل
والكوسة
عارف الكوسة
ممكن أقول لك فيها مواويل
والجامعة بقت يا إما كباريهأودار مسنين
والشباب معظمهم من غير خمرة سكرانين
والعلم عز عليالمتعلمين
والأساتذةبقم دجالين
والقادة بقمطبالين
واديني فيالهايف ياحبيب الملايين
والثالثة
عارف اليابانيين
زمان في سنة اتنينوخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسه مضروبين
وللصدقة مستحقين
دلوقتي إحنا فين وهمافين
هما فوق واحنا فيأسفلسافلين
والرابعة
أمن بلدنا بقي تنين
والمحاكم اتملت مظاليم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاعالعام....عام
والفساد.....ساد
وفيجتة بلدنابيرعي
أفتكر لجنابك إيه وللا إيه
وكل ذكري ليك بدمعة
آآآآآآآآهآآآآآآآآه
أنا كنت حالف ميت يمين
أكملهم لكثلاثةوثمانين
بسهاكفيهم ورق منين
وكل سنة وانت ..............
واحنا طيبين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
وصلنالمرحله الكل من الليله بينفض إيديه - ويشيلها لمبارك وبيفرش الحرير للى عينهعليه
لوعديت عدد السيارات اللى فى الشارع مع سيارتك هتعرف إنرجل المرور هيعمل إيه ولا إيه
هل كل أصحاب السيارات صبحوابدون عقل ولا كل واحد فيهم مصلحته الخاصه سيطرتعليه
وبلاش نتكلم كأننا من أبطال اليرموك والقادسيه وياريت كلواحد يحاسب نفسه وما له وعليه
و مش دفاع عن حد هنا ولاهنالكنلى وطن وشايف ياميت خسار ة البعض بيولع ويشعللفيه
ومش هبرر نفسى لأنى زى الملايين غيرى حطينا نفسنا فىمزنق وبستار السلبيه ضللنا عليه
وشكرا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
على لسان الريس
يللا نشوف عظمته بيقولإيه.......
يا شعبي حبيبييا روحي يا بيبي **يا حاطك في جيبييابن الحلال
يا شعبي يا شاطرياجابر خواطر ** يا ساكن مقابروصابر وعال
يا واكل سمومكيا بايع هدومك ** يا حامل همومكوشايل جبال
يا شعبي اللي نايموسارح وهايم ** وفي الفقر عايموحاله ده حال
أحبك محششمفرفش مطنش ** ودايخ مدروخ وآخرانسطال
أحبك مكبردماغك مخدر **ممشيأمورك كده باتكال
وأحب اللي شايفوعارف وخايف **وبالع لسانه وكاتممقال
وأحباللي راضيوأحب الليفاضي ** وأحب اللي عايز يربيالعيال
وأحب اللي يائس وأحباللي بائس ** وأحب الليمحبط وشايف محال
وأحبك تسافروتبعد تهاجر **وتبعت فلوسك دولار أوريال
وأحبك تطبل تهلل تهبل **عشانماتش كورة وفيلم ومقال
وأحبك تأيد تعضد تمجد **توافق تنافق وتلحسنعال
لكن لو تفكر تخطط تقرر **تشغلي مخك وتفتحجدال
وتبدأ تشاكلوتعمل مشاكل **وتنكش مسائلوتسأل سؤال
وعايز تنوروعايز تطور **وتعملي روحكمفرد رجال
ساعتها ح اجيبك لا يمكن أسيبك ** وراح تبقي عبرة وتصبحمثال
حابهدل جنابك وأذل اللي جابك **وحيكونعذابك ده فوق الاحتمال
وامرمطسعادتك واهزأ سيادتك **واخليكرامتك في حالة هزال
وتلبسقضية وتصبح رزية **وباقيحياتك تعيش في انعزال
ح تقبل ح احبك, ح ترفض ح البك **ح تطلع ح تنزل ح اجيبلكجمااااال

التوقيع : لا إله إلا أنت سبحانك إنى كنت من الظالمين
ا/توفيق عزت عبدالعزيز
مدرس اول ثانوى لغة انجليزية و كمبيوتر فاقوس الصناعية بنين الشرقية
http://facousindustrial.ahlamontada.net/montada-f4/ (http://facousindustrial.ahlamontada.net/montada-f4/)

محمد عبد الحكم

11-05-2010, 08:53 PM

موضوعك جميل يا مستر ربنا يسستر عليك وعلي اللي كتبها وعلينا
جزاك الله كل الخير

السيد صابر

11-05-2010, 10:24 PM

موضوعك جميل يا مستر ربنا يسستر عليك وعلي اللي كتبها وعلينا
جزاك الله كل الخير
أمين أمين
وجزاك الله وأهلنا ومن نحب الخير والفلاح

shahd_good2000

11-05-2010, 10:48 PM

امييييييييييييييييييييين
أستاد توفيق إنت واضح جدا وتقصد بوضعك لشعر بلاك فى النص بين الشاعر المعارض أحمد والتانى - إن الغلابه أصبحوا محاصرين كالسندوتش ----- شكرا للتوضيح --- إنما حضرتك فى أى موقع ؟ مستحيل تكون مع الغلابه!!!

السيد صابر

13-05-2010, 10:15 AM

أ/رضا عطيه

13-05-2010, 08:58 PM

أرجو ألا أكون من اللى محاصرين الأستاذ توفيق في السندوتش
أنا والحمد لله
لا غلابه ولا غيرهم
الغلابه زى الهم على القلب بالملايين ولافيه إحصاء جديد قال غير كدا ---- والنبى لوفيه حاجه زى دى ياريت تفرحونا بيها وياسيدى أنا موافق أكون الغلبان الوحيد فى البلاد دى
وشكرا شاهد جود2000وشكرا للأستاذ السيد وكمان أستاذنا توفيق اللى محلش اللغز- ليه جمع التلاته فى سله واحده--- فهل من مجيب ؟ ماظنش --- ومن خبرتى البسيطه فى هذا المنتدى -- كتير يرموك بطوبه تقسم دماغك نصين وبعد كدا فص ملح وداب -- وشكرا للجميع

السيد صابر

13-05-2010, 10:12 PM