احمد فؤاد نجم- في عيد ميلادك الكام وثمانين....



http://www.google.com.sa/imgres?imgurl=http://www.jordan1one.com/media/image/news/Mobarak_Health.jpg&imgrefurl=http://www.jordan1one.com/show-news.php%3FID%3D93&usg=__ceDO-gEhG4R7uJ8QGofMzvhhglM=&h=360&w=420&sz=19&hl=ar&start=3&itbs=1&tbnid=_4n9Xh1yg4WdIM:&tbnh=107&tbnw=125&prev=/images%3Fq%3D%25D8%25AD%25D8%25B3%25D9%2586%25D9%2 589%2B%25D9%2585%25D8%25A8%25D8%25A7%25D8%25B1%25D 9%2583%26hl%3Dar%26safe%3Dactive%26sa%3DG%26gbv%3D 2%26tbs%3Disch:1

سيدي الرئيس
في عيد ميلادك الكام وثمانين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا تري يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين وللا مين
في عيد ميلادك الكام وثمانين
بقول لك كلمتين

الأوله
شيلتنا طين
وهل تعلم أن النيل بقي رشاح
وقرب يروح مع الرياح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والإقتصاد سداح
والسرقة بقت كفاح
ومصر متاحة بس للسياح
وعرض البلد بقي مستباح


والثانية
ورتنا الويل
دا الخطوة في عهدك بقت ميل
والضحك بقي نواح وعويل
والكوسة
عارف الكوسة
ممكن أقول لك فيها مواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين


والثالثة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسه مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين


والرابعة
أمن بلدنا بقي تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين

والخامسة
القطاع العام....عام
والفساد.....ساد
وفي جتة بلدنا بيرعي
أفتكر لجنابك إيه وللا إيه
وكل ذكري ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك ثلاثة وثمانين
بس ها كفيهم ورق منين
وكل سنة وانت ..............
واحنا طيبين

خمسة و وخميسة هتقر علي الراجل ولا اية


الاعمار بيد الله


اللهم اصلح احوال امتنا و حكام المسلمين

بارك الله فيك
الله كلماتك جميلة جدا
وشكرا

كل سنة وانت طيب يا حبى

بالنسبه للشعر -------- الله عليك -------------بالنسبه للمضمون لى رأى ياريت تتقبله --------------------------


وصلنا لمرحله الكل من الليله بينفض إيديه - ويشيلها لمبارك وبيفرش الحرير للى عينه عليه


لوعديت عدد السيارات اللى فى الشارع مع سيارتك هتعرف إن رجل المرور هيعمل إيه ولا إيه


هل كل أصحاب السيارات صبحوا بدون عقل ولا كل واحد فيهم مصلحته الخاصه سيطرت عليه


وبلاش نتكلم كأننا من أبطال اليرموك والقادسيه وياريت كل واحد يحاسب نفسه وما له وعليه


و مش دفاع عن حد هنا ولاهنالكن لى وطن وشايف ياميت خسار ة البعض بيولع ويشعلل فيه


ومش هبرر نفسى لأنى زى الملايين غيرى حطينا نفسنا فى مزنق وبستار السلبيه ضللنا عليه


وشكرا