هل التعليم فى مصر حشو دماغ : أنا اعتقد ............نعم ........
لان كل المدرسين الى انا شفتهم بهتموا بالنكتبوا فى ورقة الامتحان
مبيهتموش بتوصيل المعلومة ويتأكدوا أن احنا فهمناها
اما بالخارج مثل لأوربا بهتموا بالطالبه ويستخرجوا منهم الحاجات
الى هما شيفين ان هي كويسه فيهم
هل انا كلامى صح ولا انا خلطان ويرات حد يرد عليه

أولا شكرا على الموضوع

ثانيا أنا من غير ما أقرا الموضوع أحب أقول ياريت التعليم يجى على حشو الدماغ بس

<div align="center">التعليم ف مصر بايظ من أوله لآخره

يعني ف النقطة اللى بتتكلم عليها و ف حتت تانية كتير

المناهج كلها بتعتمد ع الحفظ و التلقين و محطوطة بصورة غبية

هضرب لك مثال - يمكن كتير مياخدش باله منه -

ف احد دروس الفيزياء ( اللى هي المفروض اعلى مادة تعتمد ع الفهم و التحليل و المخ العالي )

اللى هو درس التيار الكهربي

فضلو يعلمونا لحد 2 ثانوي ف تعريفين لو الواحد يركز فيهم يلاقي العجب

الأمبير : هو شدة التيار لما يمر ف الموصل كولوم ف الثانية

اوكي .. بس انا مش عارف ايه هو الكولوم .. و لازم اعرف ايه هو عشان يكنمل تعريف الأمبير ف دماغي
يقول لك

الكولوم : هو كمية الكهربية اللى بتمر ف ثانية لو كانت شدة التيار أمبير

يا سلام ع الفكاكة

يعني انت بتعرف لي الكولوم بالأمبير و الأمبير بالكولوم

و انا مفهمتش الاتنين

يعني زي م اكون بقولك : "مين جمال؟ "

تقوللى : " اخو علاء"

اقول لك :"طب هو مين علاء؟"

تقوللي :" اخو جمال"

كده انا فهمت يعني

ده بس مثال يوضح التخلف اللى بيدرسوا لنا بيه العلم

و ده على سبيل المثال لا الحصر

شيل بقه على دماغك آلاف الحاجات اللى زي كده اللى تدل على اننا مش بنتعلم

احنا بيتم تلقيننا زي ...........(لا مؤاخذة ف اللفظ)............... الحيوانات

شكرا</div>

شكرا على اضافتك وهو ده الى كنت عايز اقوله
شكرthe lord of the rings

حضراتكوا بتسموا التعليم فى مصر دا تعليم؟؟؟؟؟؟؟
هههههه عجيبة والله
باه بالزمة اما تكون انت مخك علمى وتدرس مادة ادبية يباه دا اسمو تعليم؟
واما تكون ادبى وتدرس رياضة ومادة علمية يباه دا اسمو تعليم؟
واما تكون نفسك تدخل كلية قمة وتحص لك ظروف وتدخل كليه مالهاش لزوم عشان حظك كدا يباه دا تعليم
فى الدول المتقدمـــــــــــــــــــة اللى عايزة فعلا تعلم الكل وتوفر لهم سبل الراحة
الواحد بيدرس المادة اللى عايزها مش بيدرس مية مادة جمبها ع الفاضى
وفى اولى ثانوى الواحد ياخد طول التيرم كيمياء ولا فيزياء
ويحشوا لو مخو بيها يباه دا اسمو تعليم؟
واما تعترض يقوللك ارضاء الكل غاية لا تدرك
بلا هم دى بلد عايزة .............
يلا ربنا يصح الحال ويصبرنا عليها

بسم الله الرحمن الرحيم

بالنسبة للسؤال بتهيئلي انه لا ينطبق على كل المراحل التعليمية يعني انا باعتبر ان المرحلة الاعدادية هي اكتر المراحل اللي نسميها حشو دماغ والدليل ان احنا اول مادخلنا اولى ثانوي اصبحنانععرف بل نتلقى الصدمة تلو الاخرى بماذا ؟
بان المعلومات اللي كنا بناخدها التمن سنين اللي فاتت غلط .....
وبما اننا تعرفنا على الكارثة دي في ناس كتير مننا فقدت الثقة في اللي احنا بنتعلمه مما ادى الى اننا لانتعمق في التعليم
قدر ما نهتم بكيفية الحصول على اعلى الدرجات فنبقى من الاوائل ودخل الكلية اللي اتحملنا عشانها 11 سنة تعليم نصهم او تلت ارباعهم بيتصحح في اخر سنة ولا سنتين ,ويمكن ه دة عيب التعليم في مصر ,بس بصراحة انا شايفة ان في تانية وتالتة ثانوي لما ادخلها باذن الله.............................................. .........يااااارب استر....... :rolleyes: .................................................
تقريبا هم اكتر سنتين حسيت وكاني اول مرة باعرف معنى كلمة تعليم وخصوصا مادة االكيمياء اينعم فيها ابواب كتير ومتفرعة كتير
لكن تعليم وعلم,ويمكن السنة الجاية تكون الاحياء والفيزياء مواد مفيدة برضه ...مش عايزة اطول عليكو عموما انا متفائلة بالسيد وزير التربية التعليم /يسري الجمل ,لان انا شايفة انه خطى اكتر من خطوة تدل على وجود فكرة التطوير بحد ذاتها واعتقدان دة ممكن يوصلنا لتعليم صحيح ومطور ,ومع تقديري لوزارة التربية والتعليم على جهودهم لكني ايضا حابة اقول ان العالم تغير وبما اننا مؤمنين بفكرة التطوير يبقى ما نطورش من جانب واحد يعني خففوا ع الطالب عشان يعرف ايه اللي بيحصل حواليه يعني كيف ياتي الطالب بوقت ليعرف ايه التطورات اللي بتحصل حواليه اذا كننا يدوبك بنروح بنتغدى مننا بينام شوية وبيصحى يذاكر ممكن لحد الساعة 12 بالليل منهمبيفضل بعد الاكل عشان يذاكر واعتقد ان معظمنا يوم ما يرفه يا هيقعد على مسلسل يا يعرف اخر الاغاني ايه ولا فيلم يتفرج عليه في السينما وانت لو قلتله تعالى شوف البرنامج العلمي دة هيقولك اقل كلمة هو انا ناقص ودة بيحصل مع كتير مننا بل بالاحرى هذا هو الواقع والنتيجة ان الكتب فيها نظريات من سبقونا من ايانم نيوتن وماكسويل ونظريات التطور اللي ملهاش لازمة وطلعت غلط في الاخر ,قوله مين اخترع التليفزيون اللي انت مهتم بيه اوي دة هيقولك ياعم ادينا بنتفرج احنا لسة هنعرف اصله وفصله؟.....!
وللاسف ان المصطلح الوحيد هو ان عقولنا تقوقعت وربنا يستر مانجيش ندخل الجامعة نكتشف ان تعليمنا كله غلط وبكدة يبقى كل سنة واحنا وانتوا طيبين واخيرا"صدق اللي قال العلم بحر واااااااااااااااااااااااااااااااااااااااااااسع مالوش نهاية"
شكرا على السوال اللي فجر القنبلة الموقوتة اللي جوانا ;) والسلام عليكم ورحمة الله وبركاته

YESSSSSSSSSSSSSSS! i STRONGLY AGREE that education in Egypt is
حشو دماغ
believe me! I noticed the difference when I came here! it's like being on two ends of a veeeery wide spectrum

فعلا التعليم فى مصر حشو دماغ جامد اوى جدا التعليم هنا يهتم اكثر بالعلم النظرى و ليس بالعملى كل اللى على الطالب
انه يحفظ وهيلاقى ان شاء الله النتيجة وده رايى :(

<div align="center">أنتا بتسال ولا بتجاوب :unsure: </div>