اكتشاف دواء جديد يطيل العمر لأكثر من مائة عام [الأرشيف]

ايه كمال

18-05-2010, 01:57 PM

اكتشاف دواء جديد يطيل العمر لأكثر من مائة عام
http://www.youm7.com/images/NewsPics/large/mos15200828114820.jpg

اكتشف فريق من العلماء برئاسة البروفيسور نير بارزيالى المختص فى علم الشيخوخة ودراسة الخلايا البشرية بكلية ألبرت آينشتاين للطب فى نيويورك، دواء جديدا يساعد الإنسان العادى على العيش لأكثر من 100 عام وينتظر طرحه فى الأسواق فى غضون عامين.

ونسبت صحيفة(الشعب)الصينية إلى البروفيسور بارزيالى قوله خلال مؤتمر عقده تحت عنوان "إعادة عقارب الساعة" فى جامعة كامبريدج ببريطانيا، إن دورة الحياة عند البشر يمكن إطالتها لمئات السنين فى منتصف هذا القرن، حيث سيتم وضع هذه الأدوية التى تحتوى على جينات مضادة للشيخوخة فى التجارب السريرة فى عام 2012.

وقال إن التجارب الأولية أثبتت أن هناك بعض الخلايا فى جسم الإنسان يمكن تجنيبها الإصابة بأمراض مثل السرطان والزهايمر والسكرى وأمراض خطيرة أخرى الأمر الذى يسهم مباشرة فى تمديد فترة الحياة

http://www.youm7.com/News.asp?NewsID=228719&SecID=89&IssueID=112 (http://www.youm7.com/News.asp?NewsID=228719&SecID=89&IssueID=112)

clinical chemist

18-05-2010, 02:08 PM

ايه كمال

18-05-2010, 02:17 PM

من غير ما اشوف اكيد هو دواءantioxidant
هو مش اكتشاف ولا حاجة
احنا شغاليين عليه في كليات العلوم
وزمايلي بيعملو رسائل ماجستير علي المركبات دى عندنا في الكليه

وانا بردو شغال عليه في شركه ادويه وهى شركه من اكبر شركات الادويه في مصر

الله اعلم بس مش مذكور انه موجود فى مصر اساسا

وعلى العموم العمر ده بايد ربنا وحده

وشكرررررررررررررررررا لمرور حضرتك

clinical chemist

18-05-2010, 02:23 PM

الله اعلم بس مش مذكور انه موجود فى مصر اساسا

وعلى العموم العمر ده بايد ربنا وحده

وشكرررررررررررررررررا لمرور حضرتك

المادة الفعاله هى antioxidant
هى للي بتعمل كدة والمادة دى مكتشفنها من حوالي 15 سنه
واثير الكلام دة قبل كدة

سواء سرطان او زهيمر او شيخوخه
وفيه نظريه كامه اسمها
antioxidant and agening

ودى متجربه علي فران وحشرات وحيوانات
ولقو ان الفيران للي محقونه بالمادة دى بتعيش عمر اطول من للي مش بتتحقن قد يصل العمر للضعف

ايه كمال

18-05-2010, 02:27 PM

clinical chemist

18-05-2010, 02:32 PM

شكررررررررررررررررررررررررررا لمعلومات حضرتك

العفو
وعلي فكرة
المشكله عندنا ان مفيش حد بيهتم بالعلم
وبالتالي للي كاتب المقال هتلاقيه كاتبه من غير ما
يعرف لاتركيب المادة ولا يعرف اي حاجة
لاننا لاسف شعب جاهل بالعلم

وشكرا علي الخبر

ايه كمال

18-05-2010, 02:40 PM

العفو
وعلي فكرة
المشكله عندنا ان مفيش حد بيهتم بالعلم
وبالتالي للي كاتب المقال هتلاقيه كاتبه من غير ما
يعرف لاتركيب المادة ولا يعرف اي حاجة
لاننا لاسف شعب جاهل بالعلم

وشكرا علي الخبر

انا سمعت الخبر ده برده على قناة الجزيرة امبارح

يمكن يكون حصل تجديد فى ذلك البحث

clinical chemist

18-05-2010, 03:38 PM

انا سمعت الخبر ده برده على قناة الجزيرة امبارح

يمكن يكون حصل تجديد فى ذلك البحث

ممكن يكون محطوطله مواد اضافيه
addative substances
للتحسين منه
لكن اعتقد البالك اوالمادة الاساسيه هى
antioxidant
لانهم المواد الوحيدة اللي تقدر تعمل كدة
علي فكرة العلم للي بيبحث في ال antioxidants
دى اسمه الكميا الحيويه الاكلينيكيه
وانا كميائي اكلينيكى وبعمل ماجستير في الميكروبيولوجيا والمناعه

والاتجااااااااااااااااه كله في العالم دلوقتى وفي مصر لاربع حجات
مضادات الاكسدة antioxidant
والنانوتكنولوجىnanotechnology
والخلايا الجذعيه stem cells
وبيولوجيا السرطان cancer biology

بيولوجيا السرطان والخلايا الجذعيه ومضادات الاكسدة هى شعب من الكميا الحيويه
اما النانوتكنولوجى فيندرج تحت عده علوم منها الكميا الفزيائيه والميكربيولوجيا التطبيقيه

clinical chemist

18-05-2010, 04:06 PM

وفيه معلومه احب اضيفها هتفيدكوا بردو

ال anti oxidant
دى من ضمن وظايفها انها بتكسر مواد اسمها الفري راديكالfree radical

الفري راديكال free radical
دى بتبقي مواد كميائيه غير مستقرة في المدار الاخير بتعها الكترون منفرد
الالكترون دة هو سبب كل الشاكل

بيروح علي غشاء الخليه cell membrane في جسم الانسان
و غشاء الخليه دة بيبقي فيه مركبات مهمه للخليه جدا زى بروتينات ودهون

فيقوم الفري راديكال دة يهاجم البروتيات والدهون عن طريق الالكترون دة ويدى مركبات جديدة
المركبات دى بتسبب سرطان

اما لو خدتى الانتى اوكسدانت دة بيقوم يكسر الفري راديكال دة وبالتالي يقي شويه من السرطان

.................................

الفري راديكال مش بيسبب سرطان بس لا

دةيسبب امراض كتيرة دة ليه علاقه بامراض كتيرة زى الشيخوخه وتصلب الشرايين والزهيمر وكل مرض
ليه تفاصيل ازاى الفري راديكال دة بيسبب المرض دة العلم دة اسمه الكميا الحيويه الاكلينيكه ودة علم جميل جدا جدا لابعد الحدود

مثلا ازاى الفري راديكا تسبب تصلب الشراييين

بيجى الفري راديكال دى في الشريان للي بيمشي فيها الدم واول ما الفري راديكال دى تلزق في جدار الشريان بيترسب عليها حاجة اسمهاlow dentistry protein
للي منها الكوليسترول ولما يترسب الكلوستيرول يترسب علي الفري راديكال دى يقوم الشريان يبقي متصلب
يعنى مش بيبقي مرن والدم لما يجري في الشريان مش هيبقي زى الاول
بالظبط كدة زى لو عندك خرطوم والخرطوم دة بيجري فيه الميه وراح حاجة سداه من جوة
فالميه للي جواه السريان بتاعها هيختلف والخرطوم نفسه هيبقي جامد ومتصلب شويه عن الاول

يجى بقي الدوا بتاعنا دة للي هو الانت اوكسدانت دة يكسر الفري راديكال دى
وبالتالي يقى من تصلب الشرايين

.........................
الفري راديكال دة بردو بيسبب الشيخوخه
وزى ما قلت فيه نظريه كامله اسمها
antioxidant and fee radical and agening
والنظريه دى حططت علاقه بين الفري راديكال دى وبين الشيخوخه والتقدم في العمر وبين الانتى اوكسيدانت دى

والنظريه دى قالت ان كل اللي عندهم شيخوخه نسبه الفري راديكال عندهم عاليه جدا
و لما حطو زى ما قلت قبل كدة الانتى اوكسيدانت لفران تجارب وماحطوش لبعض الفران الاخري
ومررو الفران بنفس الظروف
لقوا ان الفاران للي واخدة الانتى اوكسدانت دى عاشت اكتر من الفران التانيه
وممكن يوصل عمرها لضعف عمر التانيه

التجارب دى كلهابتتعمل في اقسام الكميا ء الحيويه في كليات العلوم وهو علم رائع جدا جدا الي ابعد الحدود ولكن مصر لا تهتم لا بعلم ولا بدياولو

مصر بس يهمها ابو الليف وشعبان عبد الرحيم ونانسي ولاعيبوا الكورة
انما علم وكلام فاضي لااااااااااااااااااااا
انسي ياعمر

ايه كمال

18-05-2010, 04:27 PM

شكرررررررررررررررررررررررررررررررررررا جزيلا clinical chemist لمعلومات حضرتك القيمه دى وربنا يعينك

رجاء فكرى ابراهيم

19-05-2010, 03:21 AM

معلومات قيمة - - و لكن ماذا يفعل الانسان بمضاعفة عمره - - - المهم مش عدد السنين المهم ماذا يفعل خلال هذة السنوات لنفسه و اسرته و مجتمعه

™Myth D™

19-05-2010, 04:42 AM

على ما اعتفد الانسان مش بيموت عشان مث11لا هوة فى الشيخوخة مثال ملكة انجلترا ماتت عندها 119 سنة يعنى اكثر من ثقرن وربع دى حاجة بتاعة ربنا مهما حصل لو اخترعوا اية وشكرا للخبر

nooneasme1

19-05-2010, 05:02 AM

لكل أجل كتاب

Mr.Hani

19-05-2010, 07:51 AM

العفو
وعلي فكرة
المشكله عندنا ان مفيش حد بيهتم بالعلم
وبالتالي للي كاتب المقال هتلاقيه كاتبه من غير ما
يعرف لاتركيب المادة ولا يعرف اي حاجة
لاننا لاسف شعب جاهل بالعلم

وشكرا علي الخبر

يا أخى حرام عليك تعمم الكلام ده
مصر فيها ومنها خيرة العلماء
وغالبية الشعب المصري يهتم بالعلم
وشعبنا العظيم ليس بجاهل يا أخى
لو شعبنا جاهل ما كانش حضرتك تبقى منه!!!!!!!!!!!!!!!!!!!!!!!!
وحضرتك بتشرحلنا دلوقتى
ولا حضرتك مش مصري
وأولاً وأخيراً الأعمار بيد الله
ولولا ذلك لما كانت الامم السابقة اعمارها اكثر بكثير مما عليه نحن الان بدون الدوية اللى حضرتك بتتكلم عنها

™Myth D™

19-05-2010, 08:02 AM

ايه كمال

19-05-2010, 10:42 AM

شكرررررررررررررررررررررررررررررررررررررررا لمروركم جميعا

BaNZeR

19-05-2010, 01:11 PM

المادة الفعاله هى antioxidant
هى للي بتعمل كدة والمادة دى مكتشفنها من حوالي 15 سنه
واثير الكلام دة قبل كدة

سواء سرطان او زهيمر او شيخوخه
وفيه نظريه كامه اسمها
antioxidant and agening

ودى متجربه علي فران وحشرات وحيوانات
ولقو ان الفيران للي محقونه بالمادة دى بتعيش عمر اطول من للي مش بتتحقن قد يصل العمر للضعف
طيب وبما إنه سيادتك خبير في الموضوع
أكيد مادة زي دي بتغير حاجة في الخلايا نفسها او في الجينات
ودي اكيد ليها اضرار جانبية كتير
فربما تؤثر على المخ او تقلل من صحة الانسان مثلاً

وعامة على كل حال
عندنا في مصر المادة دي مش حيبقى ليها لازمة
كل اسباب الوفاة النفسية والمعنوية والمادية والطبيعية متوفرة وبكثرة :d
يا أخى حرام عليك تعمم الكلام ده
مصر فيها ومنها خيرة العلماء
وغالبية الشعب المصري يهتم بالعلم
وشعبنا العظيم ليس بجاهل يا أخى
لو شعبنا جاهل ما كانش حضرتك تبقى منه!!!!!!!!!!!!!!!!!!!!!!!!
وحضرتك بتشرحلنا دلوقتى
ولا حضرتك مش مصري
وأولاً وأخيراً الأعمار بيد الله
ولولا ذلك لما كانت الامم السابقة اعمارها اكثر بكثير مما عليه نحن الان بدون الدوية اللى حضرتك بتتكلم عنها
اختلف معك

فكما قال نحن شعب جاهل بالعلم وهذه الكلمة تفرق عن قولنا أننا لا نفهم او اننا لسنا اذكياءً

فقيل في بعض الاحصائيات العالمية
أنه مقابل متوسط قرائتنا لربع كتاب خلال فترة سنوية اعتقد يقرأ في المقابل الاجنبي عشرات الكتب
بالطبع فنحن اصبحت لدينا اولويات اقل اهمية !!

ايه كمال

19-05-2010, 01:49 PM

clinical chemist

19-05-2010, 05:05 PM

طيب وبما إنه سيادتك خبير في الموضوع
أكيد مادة زي دي بتغير حاجة في الخلايا نفسها او في الجينات
ودي اكيد ليها اضرار جانبية كتير
فربما تؤثر على المخ او تقلل من صحة الانسان مثلاً

وعامة على كل حال
عندنا في مصر المادة دي مش حيبقى ليها لازمة
كل اسباب الوفاة النفسية والمعنوية والمادية والطبيعية متوفرة وبكثرة :d

لا المواد دى مش مضرة ومالهاش اثار جانبيه نهائي دى حتى موجودة ناتشورال او طبيعيه
في البصل والتوم والقرنبيط والتفاح والكرنب عشان كدة كل يومين لو بتابعوا ابحاث يقول التوم يقي من السرطان
البصل يقاوم السرطان
وهكذا

المواد دى بردو بتستخرجها من البكتريا والفطريات والطحالب في اقسام الميكروبيولوجى في كليات العلوم وبتتطبقها علي امراض كتيرة منها السرطان
وانا ليا زميله بتعمل ماجستير راحت اخدت كورسات غوص عشان هى بنفسها للي تجيب بعض الطحالب من الميه في اسكندريه
وجابت واستخرجت منها مواد كميائيه وطبقتها علي السرطان وجابت معاها نتيجة كويسه جدا
.......................
وبالنسبه للعمر يا جماعه
الاعمار بيد الله
يعنى ايه
يعنى لو الفار دة عاش اطول
يبقي هو ربنا للي كاتبله كدة انه يعيش اطول
اينعم بتبقي حاجة غريبه لكن دة كله بامر وارادة ربنا

ايه كمال

19-05-2010, 05:19 PM

لا المواد دى مش مضرة ومالهاش اثار جانبيه نهائي دى حتى موجودة ناتشورال او طبيعيه
في البصل والتوم والقرنبيط والتفاح والكرنب عشان كدة كل يومين لو بتابعوا ابحاث يقول التوم يقي من السرطان
البصل يقاوم السرطان
وهكذا

المواد دى بردو بتستخرجها من البكتريا والفطريات والطحالب في اقسام الميكروبيولوجى في كليات العلوم وبتتطبقها علي امراض كتيرة منها السرطان
وانا ليا زميله بتعمل ماجستير راحت اخدت كورسات غوص عشان هى بنفسها للي تجيب بعض الطحالب من الميه في اسكندريه
وجابت واستخرجت منها مواد كميائيه وطبقتها علي السرطان وجابت معاها نتيجة كويسه جدا
.......................
وبالنسبه للعمر يا جماعه
الاعمار بيد الله
يعنى ايه
يعنى لو الفار دة عاش اطول
يبقي هو ربنا للي كاتبله كدة انه يعيش اطول
اينعم بتبقي حاجة غريبه لكن دة كله بامر وارادة ربنا

شكرررررررررررررررررررررررررررررررررررررا لمرورك الكريم وتوضيحك

clinical chemist

19-05-2010, 05:43 PM

يا أخى حرام عليك تعمم الكلام ده
مصر فيها ومنها خيرة العلماء
وغالبية الشعب المصري يهتم بالعلم
وشعبنا العظيم ليس بجاهل يا أخى
لو شعبنا جاهل ما كانش حضرتك تبقى منه!!!!!!!!!!!!!!!!!!!!!!!!
وحضرتك بتشرحلنا دلوقتى
ولا حضرتك مش مصري
وأولاً وأخيراً الأعمار بيد الله
ولولا ذلك لما كانت الامم السابقة اعمارها اكثر بكثير مما عليه نحن الان بدون الدوية اللى حضرتك بتتكلم عنها

اختلف مع حضرتك لان في مصر عندنا شعب جاهل بالعلم
دة حتى حضرتك شوف وضع كليه علوم في مصر
هل كليه علوم وخريجينها واخديين وضعهم
بالطبع لاء
دى اعرق واحسن كليه وهى رقم واحد في دول العالم المتقدمه

في مصر لو سالت ناس كتير خريج كليه علوم بيشتغل ايه قليل للي هيجاوب

لدرجة استحواذ الفئات المقابله لينا لمهنا ووظايفنا

يعنى علي سبيل المثال في كل دول العالم تخصص التحاليل يتبع كليه العلوم والشخص للي بيشتغل في التحاليل
اسمه عالم مختبرات طبيه للي هو clinical laboratory scientist
بيبقي خريج كليات العلوم
دة في كل دول اوربا وامريكا
هنا في مصر

لو سالت حد في من الشعب قوله تخصص التحاليل دة تبع ايه هيقولك التخصص دة تبع طب
وبالتالي لما تيجى تدور علي حقك مش هتعرف لان دى ثقافه شعب جاهل بالعلم

مش في موضوع التحاليل بس
لا عندنا في مجال الادويه
حضرتك في كل دول العالم الكميائي و الصيدلي جنبا لجنب في مصانع الادويه

في مصر حاليا عشان الكميائيين مسيطريين علي شركات الادويه ومعظم للي شغاليين في مصانع الادويه كميائيين والقله صيادله بتقوم حروب جوه المصانع تصل ان الصيادله للي في المصانع دى يوم تنسيق الثانويه العامه السنه للي فاتت يقومو يطبعوا مئات النسخ من التنسيق ويلزقوه في المصانع عشان يثبت ان كليه صيدله احسن من علوم

حضرتك قولي ليه بيحصل كدة في مصر فقط
عشان احنا شعب جاهل وجاهل الي ابعد الحدود
ومش جاهل بكدة وبس
جاهل بالعلم
حضرتك شوف تعامل مع العلماء والعلم ومع الرقاصيين والمغنيين ولاعيبه الكوره
دى ثقافه شعب جاهل الي ابعد الحدود

وبالتالي لما اي حد بيسافر برة بيتالق برة
حضرتك لو شفت الدكتور ممدوح غنيم للس لسه عامل علاج للسرطان عن طريق الخميرة هو استاذ مناعه في جامعه في برطانيا وبيتخرج من تحت ايده الاف علماء المختبرات الطبيه للي ماسكيين معامل التحاليل في انجلترا
حضرتك دة لو كان قعد في مصر كان ايه للي حصل؟؟؟؟

مش ممدوح غنيم بس
عندنا امثله كتيرة زى الدكتور عصام حجى والدكتور زويل وغيره
وكتير من الكميائيين الناجحيين للي بيسافرو برة وبيشتغلوا ويدرسوا وبيصلوا لمناصب قياديه في مصانع الادويه

دول حضرتك تخيل لو جم هنا واشتغلو في مصانع الادويه
مش كان هيحصل فيهم زى الموقف للي حصل دة

وفيه حجات كتيرة جدا تدل علي اننا مش شعب جاهل بالعلم
بس احسن حاجة فينا اننا شعب طيب الي ابعد الحدود

زائر غير مسجل

20-05-2010, 02:15 PM

شكرا علي الخبر والمعلومات القيمه دى
جزاكم الله خيرا

clinical chemist

22-05-2010, 02:31 PM

فيه خبر نزل انهاردة عن antioxidant

........................
شوكولاتة مبتكرة تكافح الشيخوخة

قالت اكبر شركة منتجة للشوكولاتة في العالم إنها ربما تنتج نوعا من الشوكولاتة قد يكافح التجاعيد ويبطىء عملية الشيخوخة. واظهرت دراسات اجرتها شركة "باري كاليبو" أن تناول 20 جراما من شوكولاتة مصنعة بشكل خاص ومحشوة بمضادات الأكسدة يوميا قد يساعد في منع ظهور التجاعيد ويجعل البشرة أكثر توهجا بزيادة المرونة وتحسين مستوى السوائل في الجسم. وكانت دراسات ربطت من قبل بين الشوكولاتة السمراء وفوائد صحية مؤكدة مثل المساعدة في خفض ضغط الدم وتقليل مخاطر الاصابة بالسكتة الدماغية بفضل نسبة مضادات الاكسدة العالية الموجودة بها.

ايه كمال

22-05-2010, 02:34 PM

ايه كمال

22-05-2010, 02:43 PM

الشوكولاتة تكافح التجاعيد وتبطىءعملية الشيخوخة
http://jazeeranews.net/images/stories/fruit/000859.jpg

زوريخ - قالت اكبر شركة منتجة للشوكولاتة في العالم انها ربما تنتج نوعا من الشوكولاتة قد يكافح التجاعيد ويبطىء عملية الشيخوخة.

واظهرت دراسات اجرتها شركة باري كاليبو أن تناول 20 جراما من شوكولاتة مصنعة بشكل خاص ومحشوة بمضادات الاكسدة يوميا قد يساعد في منع ظهور التجاعيد ويجعل البشرة اكثر توهجا بزيادة المرونة وتحسين مستوى السوائل في الجسم.
ويزداد وعي المستهلكين بالقيمة الغذائية لما يتناولونه. وتأتي ادعاءات باري كاليبو في وقت تدخل فيه شركات عملاقة مثل نسله ودانون حلبة الاغذية الصحية.

وكانت دراسات ربطت من قبل بين الشوكولاتة السمراء وفوائد صحية مؤكدة مثل المساعدة في خفض ضغط الدم وتقليل مخاطر الاصابة بالسكتة الدماغية بفضل نسبة مضادات الاكسدة العالية الموجودة بها.

وقال مدير الابتكار في باري كاليبو هانز رينس في مقابلة ان المجموعة السويسرية ابتكرت طريقة للحفاظ على مضادات الاكسدة الموجودة في حبات الكوكا خلال عملية تصنيع الشوكولاتة بما يمكنها من انتاج شوكولاتة غنية اكثر بمضادات الاكسدة.

ويسهم التدخين والتلوث ومادة الكافيين وقلة النوم في تكون الجذور الحرة التي يمكن ان تتلف الخلايا الصحية في الجسم وتسرع عملية الشيخوخة.

وقال جون كوس المحلل في كيبلر كابيتال ماركتس "هناك دليل يظهر أن مضادات الاكسدة تبطيء التلف الذي تسببه الجذور الحرة.
http://jazeeranews.net/islmic-library/voice-islam/8759-2010-05-22-00-40-14.html (http://jazeeranews.net/islmic-library/voice-islam/8759-2010-05-22-00-40-14.html)

clinical chemist

23-05-2010, 12:12 AM

شكرررررررررررررررررررررررررررررررررررررررررررررررا جزيلا لاضافة حضرتك
بس الباشمهندس هيقولك عاوز مصدر الخبر فجبته

العفو ويا رب يكون الناس استفادت من الموضوع

Mohamed.Helmy

23-05-2010, 12:25 AM

لكل أجل كتاب

بصراحــــــة أحسن تعبير اتقـــــال ...جزاك الله خيرا

hofny

23-05-2010, 01:11 AM

قال الله تعالى : " ومن نعمره ننكسه في الخلق أفلا يعقلون "

و مع ذلك هم لم يعيشوا حتى 100 سنة حتى يتأكدوا أن الاختراع ناجح.........

Ayman M.Ebrahim

23-05-2010, 02:40 PM

الاعمار بيد الله يا اخت آية
ومهما توصل العلماء الى ادوية فلن يقدموا او يؤخروا ساعة من العمر المكتوب

قال تعالى " فإذا جاء أجلهم لا يستئخرون ساعة ولا يستقدمون"

ايه كمال

23-05-2010, 05:04 PM

الاعمار بيد الله يا اخت آية
ومهما توصل العلماء الى ادوية فلن يقدموا او يؤخروا ساعة من العمر المكتوب

قال تعالى " فإذا جاء أجلهم لا يستئخرون ساعة ولا يستقدمون"

اكيد طبعا وده فعلا رأيى اللى كتبته

وشكرررررررررررررررررررررا لمرورك

Mr.Hani

24-05-2010, 10:05 AM

اختلف مع حضرتك لان في مصر عندنا شعب جاهل بالعلم
دة حتى حضرتك شوف وضع كليه علوم في مصر
هل كليه علوم وخريجينها واخديين وضعهم
بالطبع لاء
دى اعرق واحسن كليه وهى رقم واحد في دول العالم المتقدمه

في مصر لو سالت ناس كتير خريج كليه علوم بيشتغل ايه قليل للي هيجاوب

لدرجة استحواذ الفئات المقابله لينا لمهنا ووظايفنا

يعنى علي سبيل المثال في كل دول العالم تخصص التحاليل يتبع كليه العلوم والشخص للي بيشتغل في التحاليل
اسمه عالم مختبرات طبيه للي هو clinical laboratory scientist
بيبقي خريج كليات العلوم
دة في كل دول اوربا وامريكا
هنا في مصر

لو سالت حد في من الشعب قوله تخصص التحاليل دة تبع ايه هيقولك التخصص دة تبع طب
وبالتالي لما تيجى تدور علي حقك مش هتعرف لان دى ثقافه شعب جاهل بالعلم

مش في موضوع التحاليل بس
لا عندنا في مجال الادويه
حضرتك في كل دول العالم الكميائي و الصيدلي جنبا لجنب في مصانع الادويه

في مصر حاليا عشان الكميائيين مسيطريين علي شركات الادويه ومعظم للي شغاليين في مصانع الادويه كميائيين والقله صيادله بتقوم حروب جوه المصانع تصل ان الصيادله للي في المصانع دى يوم تنسيق الثانويه العامه السنه للي فاتت يقومو يطبعوا مئات النسخ من التنسيق ويلزقوه في المصانع عشان يثبت ان كليه صيدله احسن من علوم

حضرتك قولي ليه بيحصل كدة في مصر فقط
عشان احنا شعب جاهل وجاهل الي ابعد الحدود
ومش جاهل بكدة وبس
جاهل بالعلم
حضرتك شوف تعامل مع العلماء والعلم ومع الرقاصيين والمغنيين ولاعيبه الكوره
دى ثقافه شعب جاهل الي ابعد الحدود

وبالتالي لما اي حد بيسافر برة بيتالق برة
حضرتك لو شفت الدكتور ممدوح غنيم للس لسه عامل علاج للسرطان عن طريق الخميرة هو استاذ مناعه في جامعه في برطانيا وبيتخرج من تحت ايده الاف علماء المختبرات الطبيه للي ماسكيين معامل التحاليل في انجلترا
حضرتك دة لو كان قعد في مصر كان ايه للي حصل؟؟؟؟

مش ممدوح غنيم بس
عندنا امثله كتيرة زى الدكتور عصام حجى والدكتور زويل وغيره
وكتير من الكميائيين الناجحيين للي بيسافرو برة وبيشتغلوا ويدرسوا وبيصلوا لمناصب قياديه في مصانع الادويه

دول حضرتك تخيل لو جم هنا واشتغلو في مصانع الادويه
مش كان هيحصل فيهم زى الموقف للي حصل دة

وفيه حجات كتيرة جدا تدل علي اننا مش شعب جاهل بالعلم
بس احسن حاجة فينا اننا شعب طيب الي ابعد الحدود

أولاً : اشكرك على متابعة الردود
ثانياً : شعبنا لديه العلم وليس جاهلاً
شعبنا جميل جداً جداً ولكن ينقصه ........... (ياريت حضرتك تكملها)
وياريت حضرتك تقول الحل فى الوضع اللى حضرتك بتوصفه ده من وجهة نظرك

BaNZeR

24-05-2010, 10:37 AM

clinical chemist

24-05-2010, 12:01 PM

جزاكم الله خيراً الاستاذ الكيميائي واستاذة آية
___________

تعليقاً لى الإخوة الذين يربطون الموضوع بموضوع القدر والعمر

إذا كان القدر مكتوباً لنا فلماذا نأخذ دوائنا؟
إذا كان قدرنا مكتوباً لنا فلماذا نأكل من الفاكهة الصحية التي تزيد المناعة ضد الامراض القوية ؟

مش معنى إني أحافظ على صحتي وشكلي وبدني لحد آخر يوم في عمري إني مبقاش مؤمن بالقدر ولا بالقضاء

وطبيعي اي واحد لما حيوصل لمرحلة التجاعيد حيحاول يقللها بمثل ذلك

اللى خلانا دلوقتي بنحاول نحافظ على منظرنا وجل وكريمات ومكياجات ومعرفش ايه

اولا انا دكتور كميائي واخصائي تحاليل طبيه وليس استاذ كميائي
واحنا للاسف لينا كذا لقب ودة ملخبط االناس

........................
وبالنسبه للعمر والدوا يا جماعه محدش يربط بينهم
يعنى عايز الناس تفهم ان الدوا مش بيعدل علي حاجة لان عمر الانسان مكتوب من اول ما بيتولد
وبالتالي حتى لو هو بيطول عمر الانسان
بيبقي ربنا كاتبهوله

يعنى كدة كدة ربنا مقدرله عمره حتى لو خد مليون دوا

clinical chemist

24-05-2010, 12:32 PM

أولاً : اشكرك على متابعة الردود
ثانياً : شعبنا لديه العلم وليس جاهلاً
شعبنا جميل جداً جداً ولكن ينقصه ........... (ياريت حضرتك تكملها)
وياريت حضرتك تقول الحل فى الوضع اللى حضرتك بتوصفه ده من وجهة نظرك

العفو

وشعبنا شعب طيب
بس ينقصه حجات كتير ومنها تقدير واحترام العلم

وبسبب عدم التقدير دة من الدوله ومن الشعب خلا
خريجى كليات العلوم يعملوا احتجاجات في كل القطاعات للي بيشتغلوا فيها
وهى القطاع الطبي والقطاع الصناعى والقطاع البحثى

ويمكن دة حديث لدكتور كميائي ودكتورة كميائيه علي احد القنوات الفضائيه بيوضح جزء من المشكله دى

http://www.youtube.com/watch?v=SFEOc1xK1Ok

http://www.youtube.com/watch?v=lFihQOHhsC4

وكمان المشاكل دى بتضايق جدا من يعمل من العلميين او خريجى كليه العلوم بسبب جهل فئه كبيرة من المجتمع بالمهن بتاعتنا وسرقه بعض مهنا لكليات اخري بالاضافه لعدم وجود قانون يحمى خريجى كليه علوم من خطف مهنه للي بتعد اكتر كليه من حيث المهن
وفعلا اتعمل القانون دة وهو داخل مجلس الشعب وبقاله اكتر من اربع سنين كل سنه بيدخل لمجلس الشعب
والسنه دى اتعمل كذا وقفه احتجاجيه لتطبيقه
ومن الاخر القانون هيعمل اعتراف رسمى بخريج كليه العلوم في كل القطاعات الطبيه والصناعيه والبحثيه

فمثلا في القانون دة ممنوع اي حد يبنى بيت الا لما يروح لجيولوجى عنده مكتب استشارة هندسيه جيولوجيه لتحليل التربه ويشوف صلاحيتها

القانون دة هيمنع اي حد يشتغل في التحاليل الطبيه الكميائيه والميكروبيه الا خريجى كليات العلوم والبند دة طبعا هيحصل عليه بلاوى سودة من الاطباء

القانون دة بردو هيبقي موجود حاجة زى الصيدليه للكميائيين وممنوع فتحها الا بترخيص من كميائي

عندنا قسم اسمه الميكروبيولوجى مثلا وهو علم دراسه البكتريا والفطريات والفيروسات والطحالب
ومفيش اي كليه بتطلع تخصص اسمه الميكروبيولوجى الا كليه علوم

الميكروبيولوجى ينقسم لنوعين ميكروبيولوجى طبي وميكروبيولوجى صناعى

الميكروبيولوجى الطبي للي هو التحاليل الخاصه بالميكروبات ودة شغله في التحاليل ودة بيتعرض مع خريج طب للي بيدرسه مادة واحده طوال السبع سنين كليه طب
اما الميكروبيولوجى الصناعى للي هو صناعه المضادات الحيويه والامصال والادويه من البكتريا ودة بيدرسه خريج كليه صيدله مادتييين

فبيجى في الشغل بقي بعد التخرج
في معامل التحاليل في قسم الميكروبيولوجى مفيش قانون يلزم ان للي يشتغل في قسم الميكروبيولوجى في معامل التحاليل خريج كليه علوم للي هو اخصائي الميكروبيولوجى
وفي
مصانع الادويه في قسم الميكروبيولوجى مفيش قانون يلزم مصنع الادويه ان للي يشتغل في قسم الميكروبيولوجى في مصانع الادويه هو خريج كليه علوم للي هو اخصائي الميكروبيولوجى

وبالتالي المهن بتاعتنا بتروح لغيرنا فنلاقي مثلا قسم الميكروبيولوجى في مصانع الادويه في بعض الصيادله ودة خطا كبير لانه لازم المتخصص للي يكون موجود في القسم دة وكذلك في باقي المهن

القانون الجديد هيخلي بعض الناس تعرف مزايا كليه علوم سواء كانت في القطاع الطبي واو الصناعى او البحثى

غير كدة
اتمنى من المدرسيين للي هنا انهم يوضحوا لطلبه ا بتدائي واعدادى وثانوى اقسام كليه علوم ومجالات كل قسم لان دة هيخلي ناس كتير تعرف ان دة بيشتغل ايه ودة بيشتغل مش انك تعيش مع شعب مش عارف وظيفتك ويوم ما تسافر ع امريكا او ع اوربا ونشتغل في نفس مجالاتنا يبقي نقعد نقول دة ميه ميه
دى تبقي فضيحه مننا كشعب ااننا مش عارفيين خريج كليه علوم بيشتغل ايه وعارفيين ابولليف ونانسي عجرم وتامر ولاعيبه الكورة

Mohamed.Helmy

24-05-2010, 12:48 PM

استهدوا بالله ....الاخوة الدكاترة اللى هنا احنا شعبنا برضه ناقصه حاجات كتير قوى وهو اننا مش بنعرف نسمع بعضنا

يعنى احنا بنتكلم عن القدر ...انتوا داخلين تشتوا فى الشعب ليه ؟؟

حسبى الله ونعم الوكيل ....والله العظيم الشعب المصرى احسن شعب فى الدنيا ...

مجدي صـالح

24-05-2010, 01:49 PM

الآجال مضروبة كما قالت أم المؤمنين رضي الله عنها

hofny

24-05-2010, 02:58 PM

جزاكم الله خيراً الاستاذ الكيميائي واستاذة آية
___________

تعليقاً لى الإخوة الذين يربطون الموضوع بموضوع القدر والعمر

إذا كان القدر مكتوباً لنا فلماذا نأخذ دوائنا؟
إذا كان قدرنا مكتوباً لنا فلماذا نأكل من الفاكهة الصحية التي تزيد المناعة ضد الامراض القوية ؟

مش معنى إني أحافظ على صحتي وشكلي وبدني لحد آخر يوم في عمري إني مبقاش مؤمن بالقدر ولا بالقضاء

وطبيعي اي واحد لما حيوصل لمرحلة التجاعيد حيحاول يقللها بمثل ذلك

اللى خلانا دلوقتي بنحاول نحافظ على منظرنا وجل وكريمات ومكياجات ومعرفش ايه

تأخد الدواء لأنك مأمور بذلك فأخد الدواء أمر شرعي والمرض أو الموت أمر كوني ... أما هذا الموضوع فقد قرأته في مكان آخر وفيه وداعا ً للحياة تحت الخمسين معاً للحياة بعد المائة هذا بمعناه و أيضا أكتشاف دواء يحارب الشيخوخة داخل الخلايا

... وهذا خلاف سنن الله الكونية و قول رسول الله صلى الله عليه وسلم في الحديث الصحيح الذي معناه "أن أعمار أمته بين الخمين والستين إلا قليلا " إن لم تخني الذاكرة و"الأمة" هنا هي أمة الدعوة وليس أمة الإجابة كما يتوهم البعض. أي المسلمين وغيرهم

ايه كمال

24-05-2010, 05:19 PM

clinical chemist

24-05-2010, 07:47 PM

قال الله تعالى (لكل أجل كتاب )
فأعمارنا محدده سواء اخذنا الدواء ام لم ناخذ وليس معنى ذلك ألا نأخذ الدواء
فقال صلى الله عليه وسلم ( يا عباد الله تداووا فان الله لم يخلق داء الا وخلق له دواء)
والكلام ده للأدويه التى تشفى الامراض اما الذى يطيل العمر فالله اعلم

جزاكم الله خيرا لمرور حضراتكم جميعا

تمام كدة هو دة للي بقوله من الصبح
اعمارنا محدده
سواء كان خدنا الدوا او لم ناخد
فلو حتى اخدنا الدوا عشان هو بيقاوم الشيخوخه وبيطيل العمر
ربنا كاتب ان عمرك هيطول
يعنى كدة كدة ربنا كاتب عمرنا من قبل ما ناخد الدوا

روووووز

24-05-2010, 10:15 PM

والله العمر الطويل مش كويس كل يوم بنزيد فى السئات

والله الغرب بعملوا المستحيل والله هما بيخافوا من الموت

BaNZeR

25-05-2010, 12:15 AM

اولا انا دكتور كميائي واخصائي تحاليل طبيه وليس استاذ كميائي
واحنا للاسف لينا كذا لقب ودة ملخبط االناس

مقصدتش باستاذ إنك مدرس كيميا يعني مثلا
ممكن تكون استاذ دكتور
كنوع من التقدير مش كتحديد معين للقب بغض النظر عن كونه
اوكي يا دكتور :)

تأخد الدواء لأنك مأمور بذلك فأخد الدواء أمر شرعي والمرض أو الموت أمر كوني ... أما هذا الموضوع فقد قرأته في مكان آخر وفيه وداعا ً للحياة تحت الخمسين معاً للحياة بعد المائة هذا بمعناه و أيضا أكتشاف دواء يحارب الشيخوخة داخل الخلايا

... وهذا خلاف سنن الله الكونية و قول رسول الله صلى الله عليه وسلم في الحديث الصحيح الذي معناه "أن أعمار أمته بين الخمين والستين إلا قليلا " إن لم تخني الذاكرة و"الأمة" هنا هي أمة الدعوة وليس أمة الإجابة كما يتوهم البعض. أي المسلمين وغيرهم

حتى لو الحديث ده موجود فأعتقد انه ضعيف
فالنبي نفسه (ص) تجاوز الستين وكثير من الصحابة تجاوز السبعين
وكثير منا يموت شباباً
ولكنها ليست القضية أيضاً

القدر هو شيء مكتوب ولا يجوز لنا التكلم او التحدث فيه
لو اعتمد على أن القدر مكتوب يبقى مش حذاكر
منا لو مكتوبلي النجاح خلاص حنجح ايه لازمة المذاكرة ؟
مينفعش احط القدر في الحسبة ده اللى عايز اوصله

انا بشتغل بفرض إني انا اللى بصنع قدري
واللى انا حصنعه ده هو اللى حيكون مكتوب
لما احاول اعالج نفسي عشان المرض ميموتنيش يبقى القدر كان مكتوب كده
سيبك من اللى بيقولوه الناس عن الدوا ووداعاً للحياة تحت الخمسين كلها مجرد عبارات

hofny

25-05-2010, 02:07 AM

عفوا أخي الكريم ها هو الحديث

- أعمار أمتي ما بين الستين إلى السبعين وأقلهم من يجوز ذلك الراوي: أبو هريرة المحدث: الألباني (http://www.dorar.net/mhd/1420) - المصدر: صحيح الترمذي (http://www.dorar.net/book/977&ajax=1) - الصفحة أو الرقم: 3550
خلاصة حكم المحدث: حسن

- وثانيا لا يجوز لنا أن نضعف حديث بمحض توهمات العقول ... ندرس علم مصطلح الحديث و علومه خمس وعشرين سنة بعدها نستطيع أن نحكم على الحديث بالصحة أو بالضعف ( هذه المدة سمعتها من الشيخ الحويني لمن أراد أن يشار إليه بالبنان في هذا العلم ) .

- وقال بعض العلماء الأفاضل في مسألة عدم الخوض في القدر : و هي أن الخوض في القدر بالعقل دون الشرع مذموم منهي عنه , والواجب بيان العقيدة الصحيحة في القدر

- مسألة الاتكال على القدر ( طالما مكتوب لي لن أنجح فلن أذاكر ) : - أولا : لا نعرف الغيب فلن نعلم أننا سننجح أم سنفشل
- ثانيا ً الأخد بالأسباب مأمور به واجب فعله كما قال النبي صلى الله عليه سلم " احرص على ما ينفعك "
- ثالثا عدم الأخد بالأسباب لأني مكتوب لي لن أنجح ...أي معنى ذلك أني مجبور .. و لذا قال العلماء " الجبر طعن في التشريع و نفي مشيئة الله عز وجل طعن في التوحيد " قال النبي صلى الله عليه وسلم : اعملوا فكل ميسر لما خلق له "

رابعا : أخي الكريم والله إني أحبك في الله فلا تخض في القدر بعقلك دون الشرع فهذا الباب ضل فيه ناس كثير بل علماء...
لا تخاذهم العقل دون الشرع .

- خامسا ً : الأخذ بالأسباب واجب و الاعتقاد فيها شرك فلا يعتقد المرء أن الأسباب مستقلة في الإيجاد أي : وظيفته مثلا تجلب المال فيصير عبدا للوظيفة لا يستطيع أن يستغني عنها و يتصور أنه سيموت جوعا بدونها فلا بد أن تعتقد أنها مجرد سبب و أن الله هو يرزقك و لوذهبت هذه الأسباب فسيرزقك الله غيرها بفضله و تتوكل على الله لا على السبب فالتوكل على الأسباب شرك و الأخذ بها واجب.

- سادسا ً : بعض الكتب في مسألة القضاء والقدر لعلماء من أهل السنة والجماعة :
http://www.waqfeya.com/book.php?bid=515