السلام عليكم ورحمة الله وبركات

ارجو من المدرسين يجاوبوا على سؤالى دة
هو ممكن يسالنا اخر السنة الشاعر دة ولو سنة كان ومات سنة كام وكدة؟
ولكم جزيل الشكر

انا طالب ثانوية عامة بصراحة انا الي الاستاذ بتاعي قالوا ان هو هيجيب التكات الي في المنهج اليي مش واضحة و انا الي اعرفوا عن الثانوية العامة انه متوقع كل شيئ يجيبوا خصوصا مع الوزير الجديد ده

التعريف بالشاعر او الكاتب موجود فى كتاب المدرسة و مفيش حاجة فى كتاب المدرسة مش علينا بس هيا عمرها ما جتشى قبل كدة فى اى امتحان بس السنة العجيبة اللى احنا فيها -فيها كل العجب
وانتظر اى حلبسة فى الامتحان علشان الوزير عايز يرجع المجاميع القديمة تانى
ويا عينى علينا

استاذي بقول انه اخر حاجة هيجبا اسلوب الشاعر وخصائص كتاباته بس اقراها مش هتخسر حاجة

لا يا جماعه عمره ما هيجيب تورايخ وكدا عشان احنا بندرس عربى وليس تاريخ

انا مدرس ونصيحة مع الاوضاع الجديدة ذاكر كل صغيرة وكبيرة داخل كتاب المدرسة وخاصة فى تعليقات النصوص

صحيح كما قال الصديق
أبو بسملة أهم حاجة فى النصوص التعليقات عليها
0 أما الكلام من حيث التواريخ والسن وخلافه فليس مهما

يعنى ازاكر التواريخ ولا لا احفظها يعنى ولالا؟

لالالالالالالالالالالالالا لا تركز علها ابدا

التواريخ لا تأتى فى الامتحانات ولكن هناك اسئلة تخص الشعراء والكتّاب منها لماذا لقب ابو تمام بشاعر الصنعة وابن زيدوان ببحترى المغرب وابو فراس بشاعر الروميات والمتنبى بشاعر السيفيات وما فضل ابن المقفع على اداب اللغة وابن خلدون سبق عصره وشعر بهاء الدين زهير يمثل البيئة المصرية وهكذا