sheroukelshams
21-05-2010, 06:13 PM
أنا عضوة جديدة هنا وكان ليا استفسار مش عارفة اذا كنتو تقدرو تفيدوني ولا لأ
أنا كنت عايزة أعرف لو في طالب في اعدادي طب أسنان السنة دى و عايز السنة الجاية يحول بشري فهل ممكن مع العلم ان مجموه في الثانوية العامة 99.3%
من فضلكو اللي عندو معلومة موثوق فيها عن الموضوع دا يا ريت يفيدني
و شكرا
sheroukelshams
22-05-2010, 12:50 AM
ايه يا جماعة محدش بيرد عليا ليه؟
طب لو محدش يعرف معلومة صح يا ريت حتى تقولولي أسأل مين أو فين
أرجو الرد من فضلكو
Dr-Mahmoud Ehab
22-05-2010, 03:03 AM
اه ممكن يحول بس الكلام ده بالنسبه لبعض الجامعات
بس خدي بالك أنك ممكن تخشي من سنه أولي تاني حته لو ناجحه
وفي زمايلي كانوا في أسنان وحولوا صيدله بس إعتبروا أن الإتنين إعدادي
ويدوب شيلوهم ماده واحده ودخلوهم علي أولي علي طول
هو أهم حاجه أنك تكوني جايبه مجموع الكليه إلي عايزه تحوليها
بس نصيحه لو الموضوع يخصك ركزي في إمتحاناتك ومذاكرتك وكل واحد بياخد نصيبه
sheroukelshams
22-05-2010, 07:06 AM
متشكرة جدا على الرد جزاك الله كل خير
بس هل عندك فكرة هو ينفع في جامعة اسكندرية ولا لأ؟؟؟؟؟؟؟؟؟
Dr-Mahmoud Ehab
22-05-2010, 01:10 PM
طبعآ
أنا
بتكلم عن جامعه إسكندريه والناس زمايلي إلي شوفتهم حولوا إسكندريه
د\ الاء
22-05-2010, 10:53 PM
السلام عليكم
بصراحه انا معنديش معلومات ممكن تفيدك
بس انتي ليه عايزة تحولي اصلا
انا معاكي ان اعدادي دي رخمه اوي بجد وملهاش لازمه وكمان المواد اللي فيها مش هتفيدنا ف حاجه بعد كده
بس ان شاء الله اللي جاي افضل واحسن بكتير
بس فعلا انا سمعت عن موضوع التحويل ده
بس من اسنان لصيدله والعكس
حتي بتدخلي اولي علي طول من غير اعدادي تاني
لانهم بيعتبروا ان اعدادي سنه تمهيدي مش داخله ف التخصص حتي نسبتها ف التقدير العام قليله
بس بالنسبه من اسنان لبشري دي فمعنديش فكرة بس بيتهيقلي تعيدي اولي تاني
لان المواد مختلفه وكده مش زي اعدادي
ونصيحه ياريت تعيدي تفكير تاني
لان خساره سنه من عمرك تضيع كمان اسنان حلوة ولذيذه وكمان افضل للبنت
ده رايي ياريت تتقبليه
وطبعا انتي حرة ف قرارك ولكل واحد وجهه نظر
وربنا يوفقنا جميعا
وطبعا ده كله نصيب والسلام عليكم
ياريت تتقبلي مروري
sheroukelshams
28-05-2010, 06:03 PM
ميرسي جدا على ردودكو يا دكاترة جزاكم الله كل خير
بس معلش أنا عندي شوية أسئلة
أولا أنا سمعت ان التكليف بتاع طب هيتلغى فهل الكلام دا حقيقي؟؟؟
و لو كدا حد يعرف هيتلغي امتى بالظبط يعني ايه أول دفعة مش هتاخد التكليف؟؟
ثانيا كنت عايزة أعرف هي طب فيها امتحنات نص السنة ولا السنة كلها على بعضها زى أسنان؟؟ يعنى بتذاكرو في اجازة نص السنة ولا لأ
وثالثا بقى أنا سمعت ان اجازة الصيف بتاعة طب بتبقى أسبوعين تقريبا في ناس صحابي قالولي كدا و كنت عايزة أعرف الكلام دا صح ولا غلط ؟؟؟؟؟
Dr-Mahmoud Ehab
29-05-2010, 12:43 PM
أنا مقدرش أفيدك بموضوع التكليف ده
لأني مش طب أصلآ
بس بالنسبه لإسكندريه كان لحد السنه إلي فاتت كانوا بيمتحنوا ترم أول وترم تاني عادي جدآ زي أي كليه
بس من أول دفعه السنه دي اتطبق عليهم نظام جديد فبقوا بيمتحنوا بنظام
modules
يعني ياخدوا جزء ويمتحنوا عليه علي كده طول السنه وعندهم إمتحانات لحد شهر 8 نظام صعب جدآ الصراحه