عملولك تاريخ وكأنك مش بشر [الأرشيف] - بوابة الثانوية العامة المصرية

مشاهدة النسخة كاملة : عملولك تاريخ وكأنك مش بشر

حميد بدوى

21-05-2010, 07:44 PM

الشاعر عبد الحميد بدوى

عملولك تاريخ وكأنك مش بشر
ما انت اللى حاربت وانت اللى انتصرت
وانت المهدى وجمال المنتظر
احنا احنا القضاء والقدر
متشغلش نفسك بينا
يعنى اية شعب؟
يعنى شوية حجر
على شوية شجر
تقدر تقول سيادتك
شوية بقر
احنا ياريس احنا حصانك
احنا مخلوقين عشانك
اوعى تفكر فينا ولا تشغل بالك
اغسل ايديك مننا
احنا ذنبا على جنبا
احنا مين احنا
علشان تتكلم عننا
وكتر الف خيرك
اية يعنى لما تجيب جمال
واية يعنى لما تحبس العيال
واية يعنى لما تركبنا ونقول كمان
قال مش عجبهم المحاكم العسكرية
وبيطلبوا بالديمقرطية
طيب ما احنا شعب غشيم
واللى بيفهم فينا بهيم
ما انت ياريس صاحب الطلعتين
الطلعة الجوية والطلعة البهية
وفيها اية لما تعدل الدستور
وفيها اية لما يضيع عمرنا فى طبور
وفيها اية طب ما احلى بنى ادام من الشعب
ان راح ولا جة طنبور
واية يعنى لما تسيطر على الجوامع والجامعات
واية يعنى انتخابات ومعدش فاضل كمان الا المحليات
واية يعنى لما تعاقب القضاة
معاك انت النجاة
واية يعنى صفر المنديال
واية يعنى حقوق انسان
واية يعنى لما تحبس الاخوان
واية يعنى لما تعين المعيد والعميد
طب ما الناس اسياد وعبيد
واية يعنى لما تكوينى بالحديد
دا حتى جسمنا ايربرب ويزيد
واية يعنى لما تحبس الصحافين
مهما فى الاصل شوية كدابين
واية يعنى لما تعوس وش الشعب طين
واية يعنى لما تدفنا واحنا عايشين
واية يعنى تلفيق التهم واية يعنى معتقلين
واية يعنى لما فى المطار اول كلمة تنقال
المصريين على جنب
المصرى راح ولا جة ابن كلب
واية يعنى بلد بتتسرق
واية يعنى بلد بتتحرق
واية يعنى كام عمارة بتقع
واية يعنى كام الف مشروع فشل
واية يعنى لو الشعب انتحر
واية يعنى خطط خمسية
واية يعنى جامعة ويعنى اية ثانوية
ويعنى اية من الاساس تعليم
دا مهما يتعلم ايطلع بهيم
ربنا يخليك لمصر
انت رمز النصر
سيبك من المعارضين
وجرايد المستقلين
ولا اقولك ياريس حطهم فى الحبس
مين اللى قال ان احنا سبع تلاف سنة حضارة
طب فين الامارة
مين اللى قال ان احنا عندنا
هرم ونيل
انت ياريس انت الاول وانت الاخير
وفيها اية لما تلعب
جوالف ولا اسكواش
طب ما الشعب بياكل ببلاش
شعب مقرف صحيح
شعب ما يختيشيش
قال اية عايز يعيش
وفيها اية لما نوصلوا الغاز لحد تل ابيب
لمدة عشرين سنة وزيادة
دا يوم الهنا
واية يعنى لما يبقى رخيص حبتين
كويس انهم رضوا هو احنا كنا نحلموا
ومعدش فاضل الا شوية الاعتصامات
والاضرابات وقال اية بيعملوا مظاهرات
دول شوية عيال خارجين عن القوانين
والبلد تمانين مليون ودول الف ولا الفين
شوية عيال زبالة
عايزين يعملوا فى البلد حالة
وان راحوا ولاجم حشرات
حكمتك يا ريس معاهم استحملتهم ساعات
وكتر خيرك
وفى الاول والاخر الكل يتمنى رضاك
ياريس اللى تحت ارضك
واللى فوق سماك
وكل الشعب يطلع ينزل
يعيش يموت بيهواك
واية يعنى لما يبقى مهندس
قاعد ببطتين فى السوق
واية يعنى لما يبقى مدرس
شغال على توك توك بيسوق
واية يعنى لما الشعب يأكل طوب
واية يعنى لما يبقى الشعب على امرة مغلوب
انت ياريس اللى طلعتنا من المنعطف للمنحنى
وعلى رايك كنا فين وبقينا فين
وكيف كنا وكيف اصبحنا
كنا قاعدين على المصطبة بنمصوا قصب
دلوقتى لسة قاعدين بس بنمصوا حطب
واية يعنى لما يبقى فية واحد عندة
كام الف فدان
وواحد تانى بيدور على قالب طوب
يحطة تحت راسة علشان ينام
واية يعنى لما يبقى فية كام مليون حكم قضائى
بضبط واحضار
يسبوهم ويحبسوا ناس تانية
معلهاش احكام
واية يعنى لما النصب ذاد
واية يعنى لما ينتشر الفساد
بطول وعرض البلاد
واية يعنى لما يبقى الظلم عدل
والعدل ظلم
وقال بيقولوا ازاى المسئول ينام
ومعدش كمان اللى محدودين الدخل
ومعدومين الدخل واللى عايشين فى الوحل
واللى عايشين فى الترب
بيقولوا اتناشر مليون
انشالله يكونوا تلاتين
دول مش عايزين غير ضرب الصرم
ولاد الكلب ملوا البلد
واية يعنى لما يبقى فية اتنين مليون اطفال شوارع
طب وعاوزين الحكومة تعملهم اية
ولا توديهم فين
طب دول عارفوا طريقهم
انتم طريقكم فين
بتتكلموا وخلاص وكلامكم ملوش اساس
واقفين تعرضوا وقاعدين تعرضوا
وتلاقيكم كمان نايمين بالعرض
علشان لما تصحوا تعرضوا وخلاص
ما قلنا الف مرة كلامكم ملوش اساس
انا مش عارف معارضة دى ولا لحمة راس
وقال مش عجبهم الامن المركزى
ولا الامن القومى ولا البحث الجنائى
ولا الامن الغذائى ولا سجن المطار
امال ايمشى ازاى النظام
انت ياريس انت صاحب القرار
انت اللى تخلى الليل ليل والنهار نهار
انت النقطة المركزية فى الكرة الارضية
انت الاسد المغوار
واية يعنى لما يبقى عندنا كل كام شهر كام قتيل
على الحدود مع اسرائيل
طب ما دى طبيعة الحدود
مش المشكلة فى الاسرائيلين
المشكلة فى الناس اللى قاعدين على الحدود
ولا عايزين نعملوا زاى بتاع ايران وحزب الله
وكل شوية نقولوا
دولة اسرائيل ملهاش وجود
مش بينا معاهدات واتفاقيات
نموتوا احنا وهما يبنوا مستوطنات
واية يعنى لما المعبر يتقفل ويتفتح بامر من اسرائيل
انتم هبل امال عايزين الامر من مين
دا الحمد لله انهم سيبنا عايشين
وكفاية قوى انهم ما بيعملناش زى ما بيعملوا الفلسطنين
واية يعنى امين شرطة
وفيها اية لما يضربك على قفاك
امال انت مفكر القفى معمول لية
علشان ياخد مقاس ايدية
امال اية
افهم يا بجم اعرف الحكاية اية
اوعى مهما يبهدك ولا يضربك
تتهبل وترد علية
واية يعنى لما الرئيس يختار
اللى يحطة فى الجنة واللى يحطة فى النار
واية يعنى لما قصيدة تزلزل بلد
واول كلمة تنقال هاتوا الولد
واية يعنى بلد بتنباع
واية يعنى كل شىء ضاع
واية يعنى مستشفيات زبالة
امال عايزنهم يودا الزبالة فين
واية يعنى لما اللى يموت يحطوة
تحت السرير
امال يعنى بالعقل عايزين يركبوله محاليل
قال لسة فية ناس بتتكلم عن الضمير
واية يعنى لما نكلوا لحمة كلاب وحمير
واية يعنى لما نشربوا مية مجارى
هو احنا كنا لاقيين
واية يعنى لما يبقى اللى عندهم
الكبد والسرطان ملايين
المرض بايد رب العالمين
واية يعنى لما تبيع الكبد بالف ولا الفين
انت فى الاول وفى الاخر
هتروح فين
ولازم تفهموا ان انتم احلى من غيركم بكتير
ياريس معلش الناس مطالبهم ذادت حبيتين
وبيقولوا كمان عايزين يصنعوا ويصدروا
والله الناس دول فاضيين
وقال مش عاجبهم ان احنا
نستوردا اكلنا
طيب هنكلوا منين
دا احنا قطعين
وبيقولوا كمان فية ناس عاطلين
طيب ما يشوفوا فية قدية موظفين
عيب الناس انهم مش فهمين
واية يعنى احكتار
واية يعنى لما الاسعار تغلى كل ساعة
ولا كل نهار
دى اسعار عالمية
واحنا لسة فى اول المشوار
اللى بيفهم من الناس دى حمار
خليك انت ياريس فى سكتك
ربنا يبارك فى خطوتك
ودوس بكل قوتك
انت اللى هتنقلنا يا جبار
انت عالم الاسرار
انت الكل عندك سكرتارية
الكل عندك قطع موبليا
انت اللى حاربت
وانت اللى انتصرت
وانت اللى وقفت على خط النار
واية يعنى لما يبقى فيه مجاعة
هو احنا فى ديك الساعة
على الاقل نخفوا حبتين
انا مش عارف بعد كدا هنرحوا فين
ويرجعوا ويقولوا اهم حاجة الثروة البشرية
طب ما الشعب دة لسه بيقعد على القصرية
ولا يعرف حاجة عن اى حاجة وعامل زى الرازية
وانت راجل المراحل اللى فاتت وجمال اللى جاية
وحيا تنا عندك ما تزعل مننا
انت سبب السعادة اللى مليا قلبنا
عيب الناس انهم مش قادرين يفهموا الحكومة
والحكومة مش عايزة تبص وراها ويبقى فيه رجوع
عايزين معارضة حقيقية متبقوش زى البتوع
انتم المفروض تيقيدوا للحكومة شموع
لان كل يوم فيه جديد وده فى حد ذاته عيد
يعنى اية فلاح ويعنى اية يرتاح
هو فية اكتر ما يبقى عندة عربية كاروا
ويبقى كاتب عليها الحلوة تفاحة للسفر وللسياحة
انا عايز حد يقولى فية اكتر من كدا راحة
وساعات كمان بيبقى كاتب عليها
عضت اسد ولا نظرة حسد
شوفت الموضوع وصل لحد فين
بس انتم مش فاهمين
واية يعنى مفيش كماوى
واية يعنى الجيب خاوى
واية يعنى مش لاقيين
واية يعنى معهوش حق السجارتين
هو يعنى احسن من مين
واية يعنى لما يبقوا كلهم مديونين
وشايلين الطين ما مصر كلها مديونة
انتم مفكرين نفسكم فين
هتقولوا الزراعه مش جايبه همها
وحالتهم كرب لعلمكم هى دى سياسية الارض
وفيها اية لما الدولة بجلالة قدرها
تستلف من الشعب ما الناس لبعض

الشاعر
عبد الحميد بدوى لسان حال مصر

أ/رضا عطيه

21-05-2010, 10:52 PM

Mr. Medhat Salah

22-05-2010, 12:08 AM

كفاااااااااااااااااااااااااااايه دا منشور تفصيلي

حميد بدوى

22-05-2010, 09:44 AM

لا للاسف دة الواقع المر بل الواقع امر

أ/رضا عطيه

22-05-2010, 05:50 PM

مفيش فايده --- الكل يصور نفسه الملاك الوحيد فى البلد -- أو المظلوم الوحيد فى هذا البلد
ولانى بشر ولست ملاكا وكل ابن أدم خطاء فلا أرجو إلا رحمة الرحمن وشفاعة العدنان
والرحيل عن عالم الفتنه --

حميد بدوى

23-05-2010, 12:26 PM

اية العقل دة كله؟؟؟؟؟؟

gaber ahmed

23-05-2010, 01:18 PM

ربنـــــــــــا معانا ف البلد دى

أ/رضا عطيه

23-05-2010, 03:28 PM

اية العقل دة كله؟؟؟؟؟؟ ( من درر الأستاذ حميد)
الحمد لله على نعمه وأفضاله على والتى لاتحصى
وربنا يهدينا ويهدى كل عاصى--- أمين
وشكرا يا أستاذ / حميد

وكما يقول الشاعر
وكم من يد لله عندى ونعمة -- يعض عليها كفيه الحاسد الوغد

ويقول الأخر
ليت بينى وبين الله عامر--- ومابينى وبين العالمين خراب

حميد بدوى

23-05-2010, 07:14 PM

ربنـــــــــــا معانا ف البلد دى

فية حكمة بتقول لا تسأل الظالم عن ظلمة
ولكن اسأل المظلوم لماذا تحملت
لازم يكون لنا دور

روووووز

26-05-2010, 11:32 AM

لا تعليق

وشكرا على الموضوع

أ/رضا عطيه

26-05-2010, 02:30 PM

هو لسه فيه مذاكره ؟!!!!!!!
يلا مش دعوه واحده ولا دعوتين - لا لا لا ---- مليون دعوه من القلب ربنا يوفقكم جميعا

روووووز

26-05-2010, 06:53 PM

هو لسه فيه مذاكره ؟!!!!!!!
يلا مش دعوه واحده ولا دعوتين - لا لا لا ---- مليون دعوه من القلب ربنا يوفقكم جميعا

:p:p شكرا لحضرتك :p:p

أ/رضا عطيه

26-05-2010, 07:28 PM

تانى ياروووووز
هو مفيش غير كدا:p
مافيه كدا:dولاكدا:022yb4:
ولا حتى كدا:excl:أوكدا;)

يلا مقبوله على كل حال
ومليون دعوه من القلب بجد لكى وللجميع بالتوفيق

روووووز

26-05-2010, 07:45 PM

تانى ياروووووز
هو مفيش غير كدا:p
مافيه كدا:dولاكدا:022yb4:
ولا حتى كدا:excl:أوكدا;)
إنما بنفس الصباع - نفس الصباع!!!!
يلا مقبوله على كل حال
ومليون دعوه من القلب بجد لكى وللجميع بالتوفيق

:d:d صباع ايه حضرتك

شكرا على الدعوة :blush::blush::blush:

حميد بدوى

27-05-2010, 10:18 PM

ممممممممممممممشكورين

saiedepied

28-05-2010, 12:54 AM

الملافظ سعد يا عبالعال
وكل اللى قلته فى حقنا له ألف معنى وموال
عايز تبكى إبكى معانا
من غيرغمز ولمز وهمز وكلام بطال فىبطالانا مع الشاعر عبد الحميد فى كل اللى قاله احنا وانا اولكم مانستهلش غير الألفاظ دى رضينا نكون مستضعفين فى الأرض ولما نحب نتكلم ونفضفض لازم الادب يتجه للرمز ونرجع تانى لكليلة ودمنه ونصيغ اسلوبنا على لسان الحيوانات
زمان كنت بقرأ فى كتب التاريخ واقول ليه الناس اللى كانوا عايشين فى الازمان دى يرضوا بالقهر والذل وجه على اليوم اللى اعيش فيه هذا الزمن واحفادى يتهمونى بالجبن كل ده ولسه بتقول نختار ألفاظنا لازم نتكلم وبكل لهجه ولغه نقول يمكن تأثر كلمه فى واحد مننا ونجرى على التغيير لاضوابط فى ظل الفساد لا حد للسرقه فى زمن المجاعه لا سلطان على الكلمات فى عهد الظالمين

http://www.alwafd.org/admin/comic/124.jpg

مسلمة متفائلة

28-05-2010, 02:48 AM

يا جماعة الحياة حلوة و الدنيا بخير
و بشروا و لا تنفروا
و تفائلوا بالخير تجدوه

و بلاش التشاؤم ده كله
بكره ان شاء الله الدنيا تتصلح و مصر تبقى بخير دايما

Boody.Shaf3Y

28-05-2010, 02:51 AM

رربنا معانا وليس علينا ...

ماتخفوش ..

حميد بدوى

28-05-2010, 10:03 AM

علشان يكون ربنا معانا لازم الاول نكون مع نفسنا
لازم نقولوا لالتزوير ولا لتصدير الغاز لاسرائيل
ولا للفساد ولا لتوريث ولا لل***** ولا للظلم والفساد
ولا للشغل العصابات اللى حاكم البلد وفى الاول وفى الاخر لازم
نتعلموا ازاى نقولوا لا ويكون لنا راى مش كمالة عدد

اشكرك يا استاذ سعيد انا معرفش انك هنا

مش تقول تحياتى لوجودك ولمرورك

حميد بدوى

06-06-2010, 06:23 PM

مممممممممممممممشكورررررررررررين