بيقولوا عليكى أم الدنيا والناس


بيقولوا عيلكي أم الدنيا والناس

وأنا شايفك أم الكوسة والقلقاس

كل حاجة في البلد طبيخ

وشربة خضار ولحمة راس

مش أنا االلي أعيش

وأقول أهي عيشة وخلاص

مش أنا اللي طموحي مروحة في الصيف

ودفاية في الشتا

وزرعة خضرة في البلكونة منبتة

أنا كل أملي أوصل كلمتي

لأهل بلدي و لناسي ودنيتى

نفسى اصرخ باعلى صوت

واقول يا داهوتى

علشان الفقر والجوع ابيع كليتى


صوتك معدش دافى ولاقلبك لحافى

ولا فيكى بموت يا معلمانى السكوت


حتى على الورق اكتب احرق وانحرق


عمرى منى بينسرق بينسرق فى سكوت

مفيش ولا قدمنا ولا ورانا اللى الموت

يا مصرى اكبرذنب انك مصرى

انجلد واصرخ باعلى صوت

شوف مين هايسمعك

لو انت موزنبيقى او حتى افريقى

كنت اتلاقى الف واحد يلحقك

انما المصيبة انك مصرى

اقوالك ايه الله معك

ربنا يرحمنا ويرحمك وسمعنى اغنية بودعك

الشاعر
عبد الحميد بدوى

ليييه كدة بس المصريين أحسن ناس وبجد مصر أم الدنيا مش(يا مصرى اكبرذنب انك مصرى)

مصر ليست ام الدنيا ولكنها عالة على الدنيا
العالم فى حالة سبق اما نحن فمازلنا تحت النفق
علينا ان نصنع ونتنج ونزرع ونرفض الظلم والتزوير والاستبداد والفساد
سعتها بس هنبقوا ام الدنيا

مصر لها السبق في الحضارة وإن شاء الله هترجعلها الحضارة زي ما كانت زمان وعلى فكرة الكلام اللي انت بتقوله ده بيحصل دلوقتي في أماكن كتيرة من مصر بس الكلام ده مش هيحصل مرة واحدة

وأنا شايفك أم الكوسة والقلقاس
ي فعلا بقت كده

وذنب مصر إيه ؟
كل ذنبها ان احنا ولادهاالمدللين
بس ولاد عاصين ولخيرها ناكريين
وقفت فى طابور العيش النهارده؟
طبعا لأ - - يامنعم ياولد المرفهين
خليك فى مبارك وامدح البرادعى
وإياك تسىء لبلد كرمها رب العالمين
وإن كان ده جهل منك يبقى ذنبك
الحق ينكسر قلمك أوتتأسف للمصريين
وقبل مانبقى لعبه فى إيدك ولغيرك
لازم تعرف حدودك بحق ربنا المعين
وهى دى الحرية اللى عايزنها
كله متاح ولافيه حصانه حتى للدين
وياسلام لو حد غريب قال الكلام ده
كنا زمانا فى كل أهله وبلده مقطعين
ليه التناقض ده وعلشان مين
احفظوا بلدكم ومجدأجدادكم ياموحدين
واللى ناسى يرجع لأهله وحبايبه
ويقول (مصر) ويتأمل قوى نظرات العين
عمر مصر ماكانت حقبة من الزمن
مصرمينا وأحمس وعمرو وصلاح الدين
وإن كان بجهلنا وصلنالكربنا وذلنا
الامل دايما فى نبت الأرض ليوم الدين
راجعوا دستورنا فى كتاب ربنا الكريم
واتعلموا إزاى نستحق نكون مصريين
البلد براء منكم ومن أفكاركم اللئيمه
ولعن الله الفتنة ولعن اللهالمتأمرين
وحفظ الله مصر من كل جاحد
وأعزنا المولى لنصرة الحق والدين
قولوا -أمين
--------------------
التوقيع :مصرى يتحدث عن نفسه وصحيح الفقرعادمه ومغمور
لكن ينقطع لسانى وعمرى ما أقول
( انما المصيبة انك مصرى)
زى ماسمح لنفسه وقالها--شاعركبيرومنعم فى خيرها ومشهور

-------------------------------------------------
وشكراللجميع

انت بتتكلم عن اية هو فية دولة عظيمة وشعب عظيم يرضى بالتزوير
هو فية دولة عظيمة وشعب عظيم يرضى ان واحد فرد يتحكم فى تمانين مليون
العظمة لله
هو فية شعب عظيم يوافق انه يصدر الغاز باقل من سعر التكلفة للاسرائيل
ويبنى جدار فولاذى ويحاصر غزة ويضرب الناس فى الانفاق بالغاز السام
هو فية شعب عظيم من يوم ما بنا الاهرامات وهو فى انفاق وكباراى
تعرف ان 250 الف طن من المواد الغذائية اللى كانت رايحة لاهل غزة فسدت
وانتهت صالحيتها وهى واقفة اكتر من سنة على المعبر ولم تمر
ياترى تقدر تقولى الشعب المصرى عظيم لية
علشان خد بطولة افريقيا تلت مرات متتالية صح
مع حبى لمصر ولشعب مصر لازم نصرخ ونرفض الوضع
ونرفض ان يحكمنا شخص لازم الشعب يكون لية كلمة وصوت
اوعى تخاف من مسئول المسئول اللى لازم يخاف منك
المسئول بيشتغل عندى وعندك
كل شعوب العالم عظيمة ولكن الشعوب التى تبنى وتصنع وتنتج
مش الشعوب المبلطة
احنا فى مصر تمانين مليون مبلط
لازم نتحرك لو بنحب مصر
حب مصر مش اغنية ولا موال
حب مصر واجب وفرض واحل الحلال
بس حب مصر يرتبط بحب تغيير الوضع القائم وتغيير النظام
الناس بتتظاهر بالكفن يا عالم فية اكتر من كدا عايزين اية تانى
اوعى تفكر ان بالطريقة بتاعتك دى انك بتحب مصر
لازم نعترف بالمرض علشان العلاج
انما اتقعد تقول مصر عظيمة ومصر ومصر
ان لم يكن لك عدو لابد ان تخترع عدو
حتى تتعلم وتتقدم انما عندنا مصر حاولت بقدرة قادر
ان حماس وحزب الله وسوريا هم الاعداء
اما اسرائيل هى حبيبة الملايين وربنا يرحمنا اجمعين

هذه هى أرض مصر
بلد الحضاره




مصرانشأت اكبر سد فى العام خلال القرن العشرين(السد العالى)



واعلى جسر فى الشرق الاوسط(مبارك السلام)



واطول كوبرى فى الشرق الاوسط وافريقيا(كوبرى 6 اكتوبر)



واكبر استاد فى الشرق الاوسط وافريقيا






مصر اول دوله تقيم شبكه مترو الانفاق فى افريقيا والشرق الاوسط







ثانى دوله تنشأ شبكه سكه حديد فى العالم







الاطباء المصريون معروفون من اكفأ اطباء العالم وهم من اخترعوا تقنيه تشخيص امراض الكبد عن طريق الليزر واكفأ جراحى القلب وفصل التوائم فى العالم هم مصريون ولديها اكبر مستشفى سرطان اطفال فى العالم 57357







مصر واحده من اعظم الدول السياحيه فى العالم حيث تستقبل 8 مليون سائح سنويا







اكثر من ثلث اثار العالم توجد فى مصر اكبر متاحف العالم موجوده فى مصر وهو المتحف المصرى




مصر بطلة العالم في الأسكواش



معظم مستخدمى التقنيه الحديثه فى الشرق الاوسط وافريقيا من المصريون






مصر هى خامس اقوى دول البحر المتوسط رياضيا اول افريقيا و الشرق الاوسط






كرم جابر البطل السكندرى الاسطوره


منتخب مصر لكرة القدم هو الأول على افريقيا و العالم العربي و الشرق الأوسط



مصر هى خامس اكبر دوله فى انتاج الغاز الطبيعى والاولى فى انتاج خام







مصر الاولى فى انتاج زهور الياسمين




مصر هي الأولى في مستوى الإعلام في الشرق الأوسط بـ 600 قناة و قمرين ..


علم مصر مرفوع فوق اعلى قمه جبل فى العالم قمه إيفرست






استطاع الشاب المصرى عمر السمره ان يكون اول عربى يتسلق قمه جبل افرست اعلى جبال العالم فى مغامره تنطوى على قدر كبير من الخطوره والمتعه واستغرقت حوالى شهرين فى درجه حراره تصل احيانا الى _ 40




مصر هى الدوله الوحيده التى تقع بين قارتى اسيا وافريقيا







القطن المصرى هو افضل وافخم انواع القطن فى العالم



مصر أول دول تقهر الجيش الذي لا يقهر (اسرائيل)




الاهرامات المصريه هى الوحيده الباقيه من عجائب الدنيا السبع







جيش مصر انتصر فى اول حرب الكترونيه فى التاريخ







مكتبه الاسكندريه هى رابع اكبر مكتبه فى التاريخ








السياره التى تعمل بالطاقه الشمسيه هى اختراع مصرى ومصر هى الاولى فى الشرق الاوسط فى تصنيع السيارات




هناك ما يزيد عن 318 الف عالم مصرى يخدمون العالم فى امريكا وانجلترا وكندا واسترليا و فرنسا و ألمانيا و روسيا و اليابان


اذكى طفل في العالم هو طفل مصري (محمود وائل )





الدولة العربية الوحيدة التي حصلت على 4 جوائز نوبل ...


مصر صاحبة الريادة الاعلامية و الثقافية و الاقتصادية و الرياضية و السياسية و العلمية في الشر الأوسط ...




دى مصر ام الدنيا





الامضاآء
أى مصري/ مصرية

مجنون بحب
أم
الدنيا
مصر الحبيبة

لدينا سلبياتنا التى نعترف بها...ولكن لاتنسى انك مصرى

احنا فى مصر تمانين مليون مبلط(من درر الأستاذ / حميدبدوى)
صدقت يا أستاذ
دا حتى الناس اللى فى الغيطان (عارفها-- جمع غيط وهو الحقل اللى مليان طين وجله وبلهارسيا) عفوا هات لك مترجم بقى
الناس دى منعاكه طين من ساسها لراسها -- لما كنت فى وسطهم دلوقتى لقيتهم مبلطين بيبلطوا المشاتل بأجسادهم علشان يزرعوها رز (عارفه)-- الهم مم---
وابن عمى اللى شغال فى شركة المحلة (عارفها) بيقولى إحنا بنقضى الوردية بتاعتنا كلها فى لعب وهزار وجوزه وقمار
يا أستاذ إخلع النضاره السوده وشوف بلدك على حقيقتها وبلاش تعمل زى غيرك وتوهم الناس بان مصر أصبحت أيله للسقوط وتوصل الناس لمرحلة اليأس ويعملوا زى مالمثل بيقول (إن خربت دار أبوك خد منها قالب واجرى ) ولا إيه ؟
ومش عيب نسمع كلام غيرنا ونقبل النصيحه دون تعصب - ماهو ده الهدف من المنتدى -- مش حاجه تانيه- ولووقفت شويه فى حرارة الجوالنهارده أكيد هيصعب عليك الناس المكويه فى نارها فى الغيطان والمصانع والصحرا- وريح التكييف شويه - ولا إيه؟
شوف الأستاذ عبد الله بيقولنا إيه - رغم اختلافنا فى حاجات كتيره لكن عند كرامة المصريين لازم الكل يعمل ستوب - عفوا stop ومعذره عن علمى باللغات الاخرى
اتعلموها بقى --- وشكرا على كل حال يا أستاذ حميد--- وتقديرى لك أستاذ عبد الله الرفاعى -- وشكرا للجميع

احنا فى مصر تمانين مليون مبلط(من درر الأستاذ / حميدبدوى)
صدقت يا أستاذ
دا حتى الناس اللى فى الغيطان (عارفها-- جمع غيط وهو الحقل اللى مليان طين وجله وبلهارسيا) عفوا هات لك مترجم بقى
الناس دى منعاكه طين من ساسها لراسها -- لما كنت فى وسطهم دلوقتى لقيتهم مبلطين بيبلطوا المشاتل بأجسادهم علشان يزرعوها رز (عارفه)-- الهم مم---
وابن عمى اللى شغال فى شركة المحلة (عارفها) بيقولى إحنا بنقضى الوردية بتاعتنا كلها فى لعب وهزار وجوزه وقمار
يا أستاذ إخلع النضاره السوده وشوف بلدك على حقيقتها وبلاش تعمل زى غيرك وتوهم الناس بان مصر أصبحت أيله للسقوط وتوصل الناس لمرحلة اليأس ويعملوا زى مالمثل بيقول (إن خربت دار أبوك خد منها قالب واجرى ) ولا إيه ؟
ومش عيب نسمع كلام غيرنا ونقبل النصيحه دون تعصب - ماهو ده الهدف من المنتدى -- مش حاجه تانيه- ولووقفت شويه فى حرارة الجوالنهارده أكيد هيصعب عليك الناس المكويه فى نارها فى الغيطان والمصانع والصحرا- وريح التكييف شويه - ولا إيه؟
شوف الأستاذ عبد الله بيقولنا إيه - رغم اختلافنا فى حاجات كتيره لكن عند كرامة المصريين لازم الكل يعمل ستوب - عفوا stop ومعذره عن علمى باللغات الاخرى
اتعلموها بقى --- وشكرا على كل حال يا أستاذ حميد--- وتقديرى لك أستاذ عبد الله الرفاعى -- وشكرا للجميع

عم بلاك بلاك عارف اكتر حاجة بتعجبنى فيك ايه...انك بتكتب الفكرة زى مابتيجى على دماغك بتكتبها(خام)ب(عبلها) على رآى عصام الشوالى(بدون تزويق ولا تنميق..مين يضيع يقبل)
_ عم بدوى ....... صحيح البلد فيها..بلاوى..مصايب..رشاوى ..فساد..تزوير..تهليب..برادعى ..مبارك..مبلطين..كوسة قلقاس..لحمة راس..فلنات ..شربات..اى حاجة بتنين جنية ونص.....لكن فى وسط الزحمة دى لو سألتك:انت مصرى.... قلى: طلعان روحى فيهاوروح اللى مخلفنىواللى جيبنى وابوهم..لكن .......برده....................................... .................................................. .................................................. ....................مصرى وابويا مصرىولكما منى جزيل( التقدير والحب والعرفان)

الصراحة انا مش موافقة معاك علي الكلام ده
فعلا مصر ام الدنيا
مصر ماضيا وحاضرا ومستقبلا انشاء الله ام الدنيا والناس
العيب مش مصر العيب فينا احنا الي عاوزين كل حاجة تيجي لحد عندنا ودي المصيبة مش المصيبة اني احنا مصريين
لو كل واحد اده عمله وباتقان مكانش دي بقي حالنا وماكنتش انت قلت علي مصر الكلام ده

تقبلوا رأي

وياسلام لو حد غريب قال الكلام ده
كنا زمانا فى كل أهله وبلده مقطعين
ليه التناقض ده وعلشان مين
احفظوا بلدكم ومجدأجدادكم ياموحدين
واللى ناسى يرجع لأهله وحبايبه
ويقول (مصر) ويتأمل قوى نظرات العين
عمر مصر ماكانت حقبة من الزمن
مصرمينا وأحمس وعمرو وصلاح الدين
يبدو إننى أصيبت بتناقض زى غيرى ولأول مره نفسى تزيد المشاركات فى موضوع أنا مش هاضمه وحولنى لإنسان محبط لأن يبدو إنه لم يعد هناك قدسية لأى شىء(مع الاعتذار للأستاذ حميد)-- ولكن ده رأى
وشكرا للجميع

حفظ الله مصر للمصريين

صحيح البلد فيها مبلطين لكن فيه اكثر منهم صاحيين صحيح ان احساسنا بالظلم فى البلد واضح لكن مش ممكن اكرهها واتنكر لهاورغم اعتراضى على بعض كلام الاستاذ حميد الا انى بالتمس له العذر ولجميع المظلومين لكن المصيبه اننا بنتكلم عن المرض ومفكرناش مره واحده فى العلاج وده يتطلب منا الاعتراف بوجود المرض علشان نقدر نبحث له عن العلاج المناسب مش نقول كله تمام زى بعض الناس المهم اننا منكنش امعه لازم بجد نفكر ازاى نغير البلد للاحسن علشان ساعتها نكون راضيين عن نفسنا فى حبها بحبك يابلدى رغم لطماتك المتتاليه على وجهى

احلى حاجة ان كل وجهات النظر موجودة

أستاذ حميد بتمنى وبترجى منك - - تحدد كلامك وتتكلم عن أشخاص
وبلاش بكلمه سهله تدوس بقسوه -- على ضماير وذمة ملايين الناس
وتقول مبلطين وهما من الغلب والشقى عايشين وشاربين مر الكاس
من حقك ياعمنا تناصر اللى تناصر ه -- ومش من حقك تتنكر للأساس
---------------------------:078111rg3::078111rg3:
وشكرا للجميع

يا جماعة مش مصر اللي وحشة دول شوية ناس هما اللي مبوظين مصر وسمعتها ومش بقى كل واحد فاضي يقعد يشتم فيها لإن دا آخره اللي شايف حاجة ليه ما يحاولش يغيرها

هى وجهة نظرك ولازم نحترمها وفى سلبيات كتير فى البلد احنا لو فضلنا نعدها ونقولها يبقى مش هنعمل حاجة
عارف سيب الكلام للناس اللى مش بتحب مصر وانت اكيد بتحبها يبقى المفروض انا وانت وكل واحد بيحب مصر يشوف الحاجة السلبية ويغيرها وفى كتير مننا بيعمل كده
بس عارف احلى حاجة فى الصريين ايه؟
اننا بنحبها اوى و وقت الشدة بنقف فعلا جنبها وبنخاف عليها اوى
عارف بقى احنا لو اتجمعنا علشان نغير مظهر سلبى فى مصر والله العظيم هنغيره وهتبقى مصر دى فعلا جنة واحلى بلد فى الدنيا و أم الدنيا فعلا

اصدقائى الرائعين انا لااكتب سوى الواقع وهذا من واقع حبى لمصر اكتب لكى ادق ناقوس الخطر

صديقى الرائع ما تكبرشى الموضوع ده مش ناقوس خطر ولاحاجة ده مجرد جرس فسحة وشويه وهتنتهى بإذن الله


أصل إنت ماتعرفشى المصريين كويس --- المصرى اللى ماشى معاك أو أمامك أو وراك قوله البلد حالها مايسرش
واحنا تعبانين وكأننا مش عايشين تلاقى كل واحد فيهم عنده من الهم يهد جبال وفى نفس اللحظه خلى أى واحد
غريب أو قريب يسىء للبلد اللى قرفاكم و مطلعه عنيكم --- فكر هيكون إيه الرد - وعندك مثال موضوع الجزائر


دى بيسموها الخصوصيه --ابكى من قسوة أمى على أحيانا لكن لا أسمح بأحد مهما إن كان يوجه لهاأى إساءه
صح ياعمنا؟ وده بيسموه عندنا فى الفلاحين ( الأصيل) بلاش لعنة السياسة تمسح التاريخ -- لأن ده ملك للجميع -


وشكرا

:022yb4:بالظبط كده بلدنا دى احسن بلد فى الدنيا ومش هنلاقى حضن دافى زى حضنها حتى لو فى مرة واحنا فى حضنها اتألمنا بس فى مرات كتير اوى كنا فى حضنها فرحانين ومتطمنين وعمرنا ما هنقدر نكرهها او نقول حتى انها كانت قاسية علينا بلدنا عمرها ما كانت قاسية بس احنا اللى بنقسى على بعض ونكره بعض ونأذى بعض
بلدنا عمرها ما كرهتنا بس احنا اللى مش قادرين نحب ولا حتى قادرين نحب نفسنا علشان كده مش حاسين بحبها لينا

ما هي دي المصيبة ؟
الحلو إحنا
والوحش في البلد دي برضه إحنا

أوروبا والعالم من حولنا
في عز ما هم فيه من وقاحة وفجور
إلا إن كل واحد عارف دوره وبيأديه
ليه نقعد حاطيين إيدينا على خدنا
ما نقوم وكل واحد يبدأ بنفسه
مشوار الألف ميل يبدأ بخطوة
المصيبة إن كل واحد فينا بيقول
المشوار طويل
ومش عايز يبدأ
طب ما نبدأ
كل واحد في مجاله
ودع ما لمالك لمالك

المهم البداية

هي كده أصعب حاجة في الدنيا البداية

فعلا بلدنا احلى بلد فى الدنيا بس لما تنتج وتزرع وتصنع لما يكون للشعب كلمة ودور لما يكون عندنا مشروع قومى
زى المنتخب القومى لما يكون عندنا انتخابات لما يكون عندنا المواطن له كرامة وكيان ووجود لما يكون فية تداول للسلطة
ياجماعة احنا الوطن الوطن مواطن يمشى على قدمين شوفوا انتم حال المصرى من حال مصر
المصرى بقى مسخرة برة وجوة واديكم شوفتوا الناس اللى مقبتضش مرتبها من 26 شهر اتعمل فيهم اية
ياجماعة فية ناس بتقول العالم كله فية فساد احنا معنداش الا الفساد بانواعة واشكالة المختلفة

عندك حق لكن الاصيل لما أكرهه فى أهله وأصله مش هيلاقى غير اليأس
واليأس هدام ولا إيه؟

انتوا كده يا مصريين واحد عبر عن مشاعرة كلوا هاج عليه
دى حرية تعبير ومصر حبيبتكم فيها حرية القول وانت حر مالم تضر
واحنا بلد الحرية صح ولا ايه

وكمان انا مش مختلفة فى انها ام الدنيا بس متعودوش تقولوا احنا بلد الحضارة احنا الفراعنة احنا واحنا واحنا

شوفوا قدامكم فى ناس بتموت من الجوع والفقر
وبيموتوا من البرد فى الشتا ومش عارفين يعلجوا اولادهم ولا يجيبوا لهم دواء

انت مفكريين احنا فقراء لالالالالالا احنا اغنياء جدا جدا جدا
بس ياترا الفلوس بتروح فين سالتوا نفسكم السؤال ده
انا هقولكم بتروح على الافلام والمهرجانات والكرة اللى كانت هدخلنا حرب

السياحة فى مصر وقناة السويس بتجيب فلوس لا حصر لها بس
حاميها حراميها
المفروض نقول احنا اهو مش اجدادنا فعلوا وعملوا

مع احترامى وتحياتى للجميع

هذه وجهه نظرى

هو علشان أب مش قادر يعالج إبنه --- يبقى نمسح تاريخ البلد بأستيكه
هو علشان فيه حرامية فى البلد نبقى نغمض عنينا عن دم ألاف المسلمين والمسيحيين دفعوا حياتهم مهر من ألاف السنين إلى الان ليوصلوا لنا أجمل وأطهر عروسه إسمها مصر ---------- -----------إذا كان فى العيله حرامى يبقى نتبرأ من باقى العيله ونقطعها من جذورها
إذا كرهنا الأصل والفصل يبقى وصلنا لليأس ---- فيه يائس بيعمر ويغيير يارووووووز ؟!!!!وهو ده هدفهم مش مجرد رأى-- الديابه شغاله جوه وبره - والمصير مجهول إذا تجاهلناهم - ولا إيه ؟
وأرجو أن تتقبلى تحياتى ودعواتى لك بالتوفيق ----- وشكرا

هو علشان أب مش قادر يعالج إبنه --- يبقى نمسح تاريخ البلد بأستيكه
هو علشان فيه حرامية فى البلد نبقى نغمض عنينا عن دم ألاف المسلمين والمسيحيين دفعوا حياتهم مهر من ألاف السنين إلى الان ليوصلوا لنا أجمل وأطهر عروسه إسمها مصر ---------- -----------إذا كان فى العيله حرامى يبقى نتبرأ من باقى العيله ونقطعها من جذورها
إذا كرهنا الأصل والفصل يبقى وصلنا لليأس ---- فيه يائس بيعمر ويغيير يارووووووز ؟!!!!وهو ده هدفهم مش مجرد رأى-- الديابه شغاله جوه وبره - والمصير مجهول إذا تجاهلناهم - ولا إيه ؟
وأرجو أن تتقبلى تحياتى ودعواتى لك بالتوفيق ----- وشكرا


شكرا يا سيدى الفاضل انا بحب مصر لكن عايزاها تتقدم وتكون احسن واحسن :d:d:d:d

انتوا كده يا مصريين واحد عبر عن مشاعرة كلوا هاج عليه
دى حرية تعبير ومصر حبيبتكم فيها حرية القول وانت حر مالم تضر
واحنا بلد الحرية صح ولا ايه

وكمان انا مش مختلفة فى انها ام الدنيا بس متعودوش تقولوا احنا بلد الحضارة احنا الفراعنة احنا واحنا واحنا

شوفوا قدامكم فى ناس بتموت من الجوع والفقر
وبيموتوا من البرد فى الشتا ومش عارفين يعلجوا اولادهم ولا يجيبوا لهم دواء

انت مفكريين احنا فقراء لالالالالالا احنا اغنياء جدا جدا جدا
بس ياترا الفلوس بتروح فين سالتوا نفسكم السؤال ده
انا هقولكم بتروح على الافلام والمهرجانات والكرة اللى كانت هدخلنا حرب

السياحة فى مصر وقناة السويس بتجيب فلوس لا حصر لها بس
حاميها حراميها
المفروض نقول احنا اهو مش اجدادنا فعلوا وعملوا

فعلا
" ليس الفتى من قال كان ابي كذا وكذا ولكن من قال ها أنا ذا "
لابد ان نقف مع أنفسنا وقفة حق وكل منا يبدأ بنفسه
فكلنا راع وكلنا مسئول المسئولية ليست الحكومة وغيره
كل منا له دور ولو بالقول ولو بالتعبير عن رأيه
" اذا طلب منك رشوة مثلا لخدمة معينة "
تصرف وقف وارسل شكواك لأعلى القيادات لا تقل انا مش فاضي او خلافه
توقف وخذ موقف بلاش السلبية في المواصلات مثلا نجد السلبية من الشعب عند استغلال السائقين للركاب في زيادة الأجرة ويقولون ياعم دي بسيطة ياعم مش هتفرق
طب ليه
مثلا اشاعات توقف العملة المعدنية
لم نجد احدا يأخذ موقف منها الجميع يقولك دي اتمنعت
وعندما تأخذ موقف وتقول دي شغالة وهناك قضية تجد من يتعالى صوتهم ياعم دي بسيطة دي كذا وكذا
هذا هو الشعب " سلبي
لا نتكلم عن مصر
ولكن نتكلم عن انفسنا
مصر رعتنا وعلمتنا
وعندما سافرت الى السعودية كنت اشتاق فقط الى هواء مصر
وامشي في شوارعها
واتكلم مع الشعب المصري
واتجول في الأسواق
ياه عليكي يا مصر
فعلا ام الدينا

شكرا يا سيدى الفاضل انا بحب مصر لكن عايزاها تتقدم وتكون احسن واحسن :d:d:d:d
كلنا نفسنا مصر تقدم يا روووز
ولكن علينا المشاركة في تقدمها
أيد لوحدها لا تصفق
بنحب مصر حب كبير
ونفسنا تكون رقم واحد في كل شيء
صناعة
تجارة
دين
رياضة
زراعة
ادارة
جهاز اداري" أهم شيء" هنا بالذات كلنا مشتركين في تأخره " بسبب السلبية "

تعرفوا مدام سهير اللى اكتشفت اكياس الدم الفاسدة واتصرفت تصرف النبلاء
حصل فيها اية لحد الان مش عارفة ترجع شغلها
تعرفوا لما واحد فى مصر بعد الشر تضربه عربية
وميكنش مات وممكن يتلحق
ترف اللى بيروح بية بيحصلوا اية
بياخد عقاب الشهامة والرجولة
ممكن توصل لحبسة
تعرفوا لو مادفعتش
فى اى ورقة مهما كانت هيفا
اكيد مش هيفا التانية
يحصل اية
ابقى تعالى قبلنى اذا خلصت
ممكن انت تخلص والورقة الهيفا تبقى قضية كبيرة وتاخد حكم تلت سنين وتتعلم الادب على حق من وجهة نظرهم
هتغير اية واتعمل اية مع دولة بتحارب شعب انا لااكتب من واقع الخيال انا اكتب حقيقة
وفية بلاوى لاتعد ولا تحصى

تعرفوا مدام سهير اللى اكتشفت اكياس الدم الفاسدة واتصرفت تصرف النبلاء
حصل فيها اية لحد الان مش عارفة ترجع شغلها
تعرفوا لما واحد فى مصر بعد الشر تضربه عربية
وميكنش مات وممكن يتلحق
ترف اللى بيروح بية بيحصلوا اية
بياخد عقاب الشهامة والرجولة
ممكن توصل لحبسة
تعرفوا لو مادفعتش
فى اى ورقة مهما كانت هيفا
اكيد مش هيفا التانية
يحصل اية
ابقى تعالى قبلنى اذا خلصت
ممكن انت تخلص والورقة الهيفا تبقى قضية كبيرة وتاخد حكم تلت سنين وتتعلم الادب على حق من وجهة نظرهم
هتغير اية واتعمل اية مع دولة بتحارب شعب انا لااكتب من واقع الخيال انا اكتب حقيقة
وفية بلاوى لاتعد ولا تحصى


والله الزمن ده زمن المصايب والبلاوى ربنا معانا

بكلمكم من ورا الستار بين الحديد والغربه والنار
مهندس الكترونيات- وكنت لسه فى أول المشوار
سمعت كلام أمثالكم وكرهت البلد-- واخدت القرار
ورحت على بلاد الحريات- ومن مصر عملت فرار
يقدرحد يخلصنى من هنا ويرحمنى م الذل والمرار
ولاهناصم بكم وحقوق الإنسان بس للمعبر والجدار
وياريتنى غرقت زى غيرى وسكنت فى قاع البحار

هو دة نفس موضوعنا علشان منغرقش كلنا
البلد بتغرق يا قبطان

انا اسفةجدا جدا

اتق الله لما انت بتقول كدة على بلدك يبقى الناس الغريبة تقول ايه
اللى انت بتقولو دة صحيح مقولناش حاجة بس شوف العيب من مين هاتلاقيه منك ومن اللى زيك اللى ماوراهمش الا يندبوا
على حالهم
وميبقاش بالطريقة دى يبقى باحترام شوية
والله بيتهيقلى لو اى حد ادالك اى حاجة علشان تبيع بلدك لتبيعها
انا اسف لو كلامى هيزعلك شويه رغم انى يهمنى انك متزعلشى بس لازم نكلم بعض باحترام شويه ومنجرحشى فى بعض بسبب الاختلاف فى الرأى ومن حق كل واحد يقول وجهة نظره لان ده اللى يساعد على تشخيص المرض والبحث عن الدواء ومش لازم نقول كله تمام وخلاص ومش معنى انى بنقد بلدى ابقى بكرههاولا انا بتكلم غلط ياجماعه ............مجرد رأى

انا معاك فى كل كلمة قولتها بس ما تنساش ان اللى بيقروا الكلام ده مش مصريين بس ولا عرب بس لا
احنا لازم نخلى صورة مصر كويسة قدام الناس التانية
انا زعلان علشان انا بحب مصر بجد ونفسى تتغير بس الكلام دة مش هو اللى هايغيرها
يارب تكون فهمتنى وماتزعلش منى وماتفهمنيش غلط

هو فيه على تراب البلد دى حد بيكرها
لأ طبعا كلنا بنحبها
بس مانجيش كدا --وفى لحظة غضب
وبدون وعى نهدها
بجهلنا أوحتى بشدة حرصنا كدا أوكدا
هنقصف عمرها
الثعابين بره وجوه بالملايين وبالفتن هنا وهناك --شغاليين
ومش بعيد تلاقيهم للحكومه الجديده-- --كمان لها مشكلين
يقولوا البلد مليانه حراميه-- ---وهما على الشبابيك واقفين
ودى حقيقه ومش ناكرينها -----بس ياريت نفكرالحل فين؟
الحل بإيدينا مش بوصية علينا --وشوية متعصبين مبرمجين
النص مصرى والنص التانى فكرهم وعلمهم كله متأمريكين
دى حتى الكوره ياعالم اتحولت لمنا فسه مابين--- سيا سين
توافقهم تبقى أنت حبيبهم-- --تعارضهم تبقى من الضالين
ومن عشوائيات فكرنا وشعرنا ------الناس دى لنا متربصين
تسىء لبلدنابرهان لهدفهم -ومطالبهم --السيطرةليوم الدين

وأخيرا أرجو من الاستاذ حميد ألا يحمل نفسه أكثر من طاقتها ويظن أن كل الكلام موجه لشخصه الكريم
فكلامى دائما كإنسان مصرى للعموم وليس له بذاته
وكل الاختلاف كان حول ( اليأس لايبنى وطن بل يكمل على هدمه )
فهل كنت مخطئا فى هذا؟ ---
وشكرا للجميع

اتق الله لما انت بتقول كدة على بلدك يبقى الناس الغريبة تقول ايه
اللى انت بتقولو دة صحيح مقولناش حاجة بس شوف العيب من مين هاتلاقيه منك ومن اللى زيك اللى ماوراهمش الا يندبوا
على حالهم
وميبقاش بالطريقة دى يبقى باحترام شوية
والله بيتهيقلى لو اى حد ادالك اى حاجة علشان تبيع بلدك لتبيعها





:mad::mad::mad: هذه الحقيقة ولكن الشاعر بدوى بيكتب اللى بيشوفوه ودى الحقيقة حضرتك بس اللى بتحبها كلنا بنحبها بس عيزينها تتصلح شويه
وكلام حضرتك جارح شويه لحضرته
كل واحد له وجهه نظر وعلى الاخر تقبلها بصدر رحب
واختلاف الرأى لا يفسد للود قضية
مع احترامى وتقديرى للجميع :078111rg3::078111rg3::078111rg3::078111rg3:

تعرفوا لو اكتشفوا العلماء جهاز لقياس درجة حب البشر للاوطان
ساعتها بس هيعرفوا قيمة مصر عندى بس الموضوع مش محتاج اجهزة ولا اخترعات
الموضوع محتاج كلمة حق وهذا ابدا لا يسىء الى مصر الذى يسىء الى مصر هو العكس
والكلام اللى بيتقال اننا احسن من غيرنا واحمد ربنا وعيش واحنا شعب عظيم ودولة عظيمة
مفيش شعب عظيم عايش على المعونات مفيش شعب عظيم بيتزور صوتة ويرضى بالتزوير ولا بالفساد ولا بالتوريث
مفيش شعب عظيم مهمش لاحول له ولا قوة الشعب العظيم والدولة العظيمة هى التى تنتج وتزرع
وتصنع وتصدر وتكون الكلمة الاولة والاخيرة لشعبها العظيم انما ما يحدث فى بلدنا العكس وكلنا للاسف متفرجين
لسنا فى حصة تاريخ ولكن لحظة مع الواقع
الى كل من يحب مصر يجب ان يغضب ويصرخ من الغضب واحيانا ينفجر من الظلم
ماذا تصنع عندما تسمع عن طالبة انتحرت علشان ابوها مش قادر يدفع مصاريف المدرسة
وهناك الالاف القصص اسف ليست قصص ولا افلام ولكنها واقع مر
ماذا تشعر عندما كانت ام تمسك بيدى ابنها فى طريق رئيسى وفجاءة يسقط فى النيل
لا تقولو ا ان فى العالم يحدث مثل هذا واكتر
الفرق بيننا وبين العالم ان اذا حدث يتعاقب المسئول عن هذا دا اذا حدث
اما فى بلادنا لاعقاب لاى مسئول ولكن العقاب دائما للشعب فهو المسئول الاول والاخير
ولذلك يجب ان نغضب ونرفض الظلم حتى يتغير الحال وتتغير مصر واذا تغيرت
سوف تتغير الامة العربية وساعتها بس هنبقوا امة عظيمة وخير الامم

مفيش فايده -كل واحد متصور إنه هو الزعيم المقدام!!!
وباقى الشعب واقفين فى الشارع بيهتفوا- يحياالفساد!!!!!
نفس الكلام اللى شغالين عليه من سنين
تزوير - اهمال- خمول - فساد - توريث - والبقية تأتى
انتخابات الشورى كلها يومين لولك صوت هتكلف خاطر سموك وهتنزل من البرج العالى وهتروح تحط صوتك
أقولك مش هتروح وهتفضل قاعد تحت التكييف وهتطلع تقول لنا تانى يوم - :-
لقد جاءنا البيان التالى من جميع وكالات الأنباء العالميه ( إياها) لقد تم تزوير الانتخابات وتقطع فى البلد
كلنا اعترفنا بأن هناك سلبيات ومصائب فى المجتمع لازم نواجهها ولانبرأ أنفسنا منها
وكان نفسى تشوف الاف الشباب وهم يهتفون لمرشحهم واصرارهم على الوقوف معه رغم إنه يعتبر معارض للحكومه
وعمر مجلس الشورى ماكان بيبقى له هذا الاهتمام ولا هذا التنافس ولاكنا بنسمع عنها أى حاجه - وكانت بتمر عادى
لكن الناس صحت - الناس فاقت - الناس بدأت فى طريق الايجابية - وياريت تكون معانا -- وماتكونش مجرد عداد بيعد لنا سلبياتنا لتصل بنا إلى الاحباط --دا حتى الكورة صبحت سياسيه - أرجوكم المسيرة بدأت ولكن بطريقة اللى عايزين يستردوا جوهرتهم دون تجريحهاأو وقوعها فى أيدى ال---- فكونوا معنا لا علينا -- كونوا معنا لاعلينا --أرجوكم -
أرجوكم- وشكرا لحضرتك ولمندوب الدفاع عن حضرتك

مصر ليست ام الدنيا ولكنها عالة على الدنيا
العالم فى حالة سبق اما نحن فمازلنا تحت النفق
علينا ان نصنع ونتنج ونزرع ونرفض الظلم والتزوير والاستبداد والفساد
سعتها بس هنبقوا ام الدنيا


انظر الي مشاركتك ماذا قلت استخدمت الضمير نحن
هذا يدل ان العيب فينا وليس بادارة او مؤسسة او حكومة
ابدا بنفسك هتلاقي نفسك قدام
وكفي شرفا بمصر
ان الله كرمها وذكرها بالقران خمس مرات
كفي لنا بهذا شرفا
فلا يجوز ان نجرح بهذه البلد

عذرا
نرجو من المشرف حذف مثل هذه المواضيع ؟؟
فلا اظن ان لها اي نفع
عذرا
اتمني الا ينزعج احد مني
ولكن سؤالي :
ما الفائدة بمثل هذا الموضوع
؟؟
ساقول لك انا
لن يؤدي االا الي حالتين
اما النقاش الحاد المتعصب واختلاف الاراء
واما التجريج بمصر

خلاص كلمهم كمان يمنعوا برنامج العاشرة مساءا وبرنامج 90 دقيقة وبرنامج واحد من الناس وامنع كل البرامج اللى بتتكلم
عن شعب مصر ومشاكل مصر وياريت كمان تمنع قناة الجزيرة بالمرة
والاخ اللى بيتكلم عن الانتخابات
انا قلت قبل كدا مرشح الحزب دافع 2 مليون وكانوا فى الاول 3 مرشحين واللى دفع اكتر
هو اللى فضل مجرد مرشح تعرف لو هو حاطط فى دماغة انه خسران
او ممكن يخسر كان دفع 2 مليون هنا السؤال
وانت تقولى صوتك
تعرف ان مجلس الشورى مفهوش ولا عضو من خارج الحزب الوطنى متعرفش لية؟؟؟؟؟؟؟
تقولى صوتك ساء الخير ياصوتى
الدولة التى يحكمها فرد لا تستحق ان تكون دولة

خلاص كلمهم كمان يمنعوا برنامج العاشرة مساءا وبرنامج 90 دقيقة وبرنامج واحد من الناس وامنع كل البرامج اللى بتتكلم
عن شعب مصر ومشاكل مصر وياريت كمان تمنع قناة الجزيرة بالمرة
والاخ اللى بيتكلم عن الانتخابات
انا قلت قبل كدا مرشح الحزب دافع 2 مليون وكانوا فى الاول 3 مرشحين واللى دفع اكتر
هو اللى فضل مجرد مرشح تعرف لو هو حاطط فى دماغة انه خسران
او ممكن يخسر كان دفع 2 مليون هنا السؤال
وانت تقولى صوتك
تعرف ان مجلس الشورى مفهوش ولا عضو من خارج الحزب الوطنى متعرفش لية؟؟؟؟؟؟؟
تقولى صوتك ساء الخير ياصوتى
الدولة التى يحكمها فرد لا تستحق ان تكون دولة




إهبط ياسبع رويدا رويدا رويدا ----------
هما دول مصادرك
هما دول حبايبك
ياخسارة أيام وليالى
قضيناها نفكر فى أمرك

ومن أدب الحوار ألا تعلق على كلام ضيف وكأنه نكره وشكرا على كل حال
واستمر فى الهذال والكلام البطال وخليك فى وهمك يابطل الأبطال:040vk0:
كلنا شايفين الروح والهمه فى كل مكان وسعادتك عايش فى نفس الموال:039uw8:
ورغم حوارنا الطويل بالأدب الجميل بعد اللى عملته ماتستحق كلام يتقال
ومن غير سلام

ليه اكبر ذنب انه مصرى بالعكس داه محظوظ تلاقى انت فين كرم وحنان المصريين تلاقى فين بلد زيها خيرها مغرقك اطلع بلد برا كده واطلب المساعدة من واحد متعرفوش هيفتكرك مجنون ويخاف منك ويجرى انما هنا مش لازم اقول لاننا كلنا عارفنها المصرى ملهوش كرامة فى الخارج بس اعظم انسان ناس ليها الثواب عند ربنا هى ام الدنيا واللى يقول غير كده ومن غير ما اقوله سورى يبقى مبيفهمش لانه لو قدر كويس خير مصر هيبقى فعلا هو داه مصرى ناسها طيبين وغلابة بيشوفوا الويل بس عند ربنا هيبقوا فى نعيم الطبقة الفقيرة هى اغنى طبقة لانها غنية بحب الله خليك قنوع وارضى باهل بلدك وبلاش حد يقول مبلطين

يا جماعة انتم من حقكم تقولوا قد كدا عشر مرات ولا عمرى ازعل بس لما اكون باكتب شعر
انا باكتب واقع اللى مش قادر يشوفه هو حر انما انا شايفة وحاسة

يا جماعة انتم من حقكم تقولوا قد كدا عشر مرات ولا عمرى ازعل بس لما اكون باكتب شعر
انا باكتب واقع اللى مش قادر يشوفه هو حر انما انا شايفة وحاسة



والله صح كل واحد له وجهه نظر
شوفوا الدنيا ماشيه ازاى
مع احترامى للجميع :022yb4::022yb4::022yb4:

اشكرك يارووووووووز واشكر وجودك الدائم

اشكرك يارووووووووز واشكر وجودك الدائم



اى خدمة انا مع الحقيقة والواقع :d:d:d

بيقولوا عليكى ام الدنيا والناس

وانا شايفك بصراحة ام الكوسة والقلقاس

واذا مكنتوش مصدقين اسألوا كل المسئولين

البلد بينا تبقى واحه ومن غيرنا ياعم تبقى ساحه وتلعب فيها الديابه

وانت ياحميد ديب قطقوط زغنطوط بتلعب ع الحبل وتتباهى بالخيابه

قطيعه الونج اليمين ع الونج الشمال الاتنين معلمين و خلوها لناغابه

وانت سعيد ياعم البعيد وبتخطف م الناس الغلابه كل المروءه والطيابه

علشان أهداف بتسعى لها وحاولت كتير توصالها وللأسف بلا استجابه

الناس فيها اللى مكفيها ومش ناقصه ياعم متقال تغنى لهم على الربابه

حكايات الأكابر اللى ماصانوا النعمه وخطفوا اللقمه حتى من فم الغلابه

وشالوا الصحون ونضف المعون ومافضل لنا ياعمنا غيريادوب هبابه

سيب الناس لأوجاعها وألامهاوبلاش تانى تصدعها بقراءة فاضيه وكتابه

خليك فى زمن الضياع وبلاش تكون بياع لتاريخ بلد هو سرالوجودوالصلابه

وشكرا للجميع

بيقولوا عليكى ام الدنيا والناس

وانا شايفك بصراحة ام الكوسة والقلقاس

واذا مكنتوش مصدقين اسألوا كل المسئولين

والله المسئولين مش فاضين وراهم حاجات اهم مننا
وهى جمع الفلوس والنصب والتزوير
الا ما رحم ربى

على فكره انا مستغربه جدا من الكلام ده سمعت مليون واحد فى مصر بينتقدها ومليونين بيشتموها وتلاته بيهجروا منها طب لما لحنا كلنا كويسين وجدعين قوى كده ورغايين مبنعملش حاجه ليه خايفين هوالعمر واحد هنخاف ليه وليه ده حتى لو نهايه ان احنا نصلح بلدنا الموت ......................... طب ما نموت احسن على الاقل نترحم من الفساد ده
ياجماعه الحل فى الفعل فى الاتحاد بلاش خوف مفيش حاجه تستاهل الخوف لازم ناخد خطوه واحده ونتحد وصدقونى لو معملناش كده هيجى اللى يموتنا ويقضى علينا كفايه كلام بقى اتكلمنا كتير اوىىىىىىىىىىى خليما معمل حاجه وكفايه نضحك العالم علينا اكتر من كده

اشكرك يا شروق فعلا مصر تستحق اكتر من كدا مصر تستحق تكون دولة والسلطة الحقيقية فى ايد الشعب
مش كل حاجة فى ايد فرد

"ابدأ بنفسك ومن تعول"
لا افضل الشعارات والصيحات
اهم من كل شيء ان نغير من انفسنا
من منا ي>هب الى عمله ويلتزم فيه من بدايته الى نهايته( الا من رحم ربي )
من منا يراعي ضميره في عمله وفي تربية أبنائه التربية الصحيحية( الا من رحم ربي )
المسؤلية ليست دولة وحكومة
الفساد منا نحن ومن الحكومة " مشترك "
الم تقرأو حديث السفينة " فيما معناه " جماعة من الناس ركبوا سفينة مجموعة في اعلاها ومجموعة في اسفلها فكان من في الأعلى معهم الزاد والماء ومن في الأسفل لا يوجد معهم شيء فان اراد من في الأسفل الطعام او الشراب كان يتحكم فيه من اعلاها ومن في الأسفل ان لم يأكلوا ويشربوا وينالو حقوقهم فبيدهم اغراق السفينة واحداث فتحة في اسفلها واغراقها "
فعلينا جميعا ان نبدأ بأنفسنا "
" لا يغير الله ما بقوم حتى يغيروا ما بأنفسهم "

مممممممممممممممممممششششششششششكورين

ابدء بنفسك

لما مصر ام الدنيا
الدول اللى بتنتج وتزرع وتصدر وتصنع اية

بيقولوا عليكى ام الدنيا والناس

هههههههههههههههههههههههههههههههههههههههههههههههههه ههههههههههه
على فكرة انت عندك موهبة رووووووووووووعة بجد والله بس انت مش مستغلها صح حد مايقتخرش انو مصرى و يقول ذنبك انك مصرى
لا طبعا دا اكبر غلط
وانت بتحب مصر من جواك من غير ماتعرف
وكلنا بنجب مصر
واللى يبقى مصرى ومايحبهاش مايبقاش عندة اى انتماء
وليه ماتبقاش انت عظيم بشعرك دا يعنى تألف شعر وتكون من اعظم الشعراء والاداب زى طه حسين
وليه لا؟
ماتقولش ماقدرش قول اقدر وانت هاتقدر وهاتعرف طبعا

وانا متنبئة ليك بمستقبل مشرق
وبكل توفيق

اشكركم جمعيا اشكرك ايتها المحبة للرسم وللشعر و للحياةتحياتى يا غالية

الواقع مر تحياتى للجميع