ازاى احبك يا بلد وانت مش حبانى
ازاى اعيش واموت واندفن فى ارض رفضانى
بنام وأحلم ببكرة الأقي بكرة زود أحزاني
أة يا بلد لو بإيدي كنت أهدك وابنيكى من تانى
بيقولك تعديل دستوري إحنا عايزين تعديل إنساني
كل إنجازات البلد أنفاق وكباري
بلد بتموت و شعب فى حالة سكوت وكانها لعبة اتارى
من كتر الظلم والضلمة بقول ياريت ايام الملك والانجليز ترجع تانى
أة يا بلد مليت بحبك الدفانر مع العلم أنك قتلاني
مين اللي قال أن عبارة السلام غرقت
ومين اللي قال أن ممدوع إسماعيل قاتل وجاني
اللي غرقت مصر واللي غرق ما بيطلعش حى تانى
هو يطلع من صالة كبار الزوار وأنا اتحبس
في سجن االمطار واتعرض علي البحث الجنائي
انا اللي من صغري أخترتك سكتي أتريها سكة أحزاني
أنا اللي من صغري أخترتك كلمتي ألاقيكي مقيداني
أه يا بلد نفسي قبل ما أموت الاقي زمانك وزمانى
إتغربت أكتر من سبع سنين ورجعت لاقيت الغربة هنا شكل تانى

بلد بتعاني بكل المعاني بكياني وانا املى احس بكيانى
عشرين سنة مخلص محبوس بين جدران دكاني
نفسي أعيش من غير ما أنافق السلطان والسلطاني
نفسي أعيش من غير ما أنافق ولا حتي أبويا اللي رباني
بكرة نتحاسبو علي السكوت وعلي العيشة العميانى
إبني مكملش سنتين نايم جنب مني
بيشد في شعري ويحط صبعة في وداني
ويضربني بالقلم ولسان حالة بيقول لية يابا خلفت تاني
وأنا في سري بأقول ياريتك يا أحمد يابني ياباني إبن ياباني
مع إن وجودك في الدنيا عمل فيا وخلاني
أحب البلد أكتر وأهد جدران دكانى
شيخ الازهر بيقول المعارضة حرام وانا نفسى
اعرف اية الحلال فى بلد المليون حرامى
وحياة عمتك البيضة وكاكولاتك البدنجانى
قولنا رايك بالمرة فى التعذيب فى السجون
والغش والنهب والتز وير فى الانتخابات والمعونة الامريكانى
الشاعر
عبد الحميد بدوى

اللهم ارحمنا واعفوا عنا

جميل جدااااااااا
بارك الله فيك

فعلا يارب ارحمنا برحمتة

ازاى احبك يا بلد؟؟؟؟؟؟؟؟؟
تتحب لانها مش بتخون
تتحب لانها مش بتموت
تتحب لانها بتحضنا من اول ما بنعيش لحد ما بنموت
تتحب لانها اول الوجود
تتحب لانها ربت وعلمت وولدها كانوا القدوة والمثل
تتحب لان شبابها خانوها وراحوا يقلدوا اللى اذوها وتعبووها

والله يا بلدى تستهلى تتحبى وتستهلى اضحى بعمرى من اجلك لانك ولادك بيخونوكى ويدمروكى وبرده فى الاخر ملهمش حضن غيرك وقت الشده يجوكى ويندموا ويتمنوا لو ينقذوكى
وانتى يا بلدى بتسامحى والله يا بلدى تستهلى عمرى وحياتى

يسلام على الحب
بلدنا لم تعد بلد الامن والامان ولكنها بلد الظلم والطغيان
مصر لم تعد مصرنا بل مصرهم

من كتر الظلم والضلمة بقول ياريت ايام الملك والانجليز ترجع تانى(من درر شاعرنا المقدام )



بانوا بانوا بانوا بانوا ---على أصلكوا بانوا--- أيوه كدا با نوا
:039uw8:



لا غنى ولا صيت دول جنس حويط ---والمكر يبان من عنوانه
:039uw8:


الله يرحمك ياصلاح جاهين وكأنك عايش فى وسطنا

ليه تقول كدة من قالك ان بلدك ما بتحبكش ما تقولش ايه اديتنا مصرقول هتدي ايه لمصر
وبعدين افرض ان بلدك مبتحبكش نقعد بقى نقضيها شتايم فيها ما انت ما عملتش حاجة لبلدك تدل انك بتجبها وللا هي كلمة بتتقال (بحبك يامصر)

ازاى احبك يا بلد؟؟؟؟؟؟؟؟؟
تتحب لانها مش بتخون
تتحب لانها مش بتموت
تتحب لانها بتحضنا من اول ما بنعيش لحد ما بنموت
تتحب لانها اول الوجود
تتحب لانها ربت وعلمت وولدها كانوا القدوة والمثل
تتحب لان شبابها خانوها وراحوا يقلدوا اللى اذوها وتعبووها

والله يا بلدى تستهلى تتحبى وتستهلى اضحى بعمرى من اجلك لانك ولادك بيخونوكى ويدمروكى وبرده فى الاخر ملهمش حضن غيرك وقت الشده يجوكى ويندموا ويتمنوا لو ينقذوكى
وانتى يا بلدى بتسامحى والله يا بلدى تستهلى عمرى وحياتى
الله على هذا الكلام الجمييل انت كده عملت حاجة لبلدك وتستاهل انها تحبك

اشكرك واشكر وجودك الدائم عليك ان تعلم ان كل كتاباتى هى فى حب مصر حتى لو بان العكس

اشكرك واشكر وجودك الدائم عليك ان تعلم ان كل كتاباتى هى فى حب مصر حتى لو بان العكس


وليه الفلسفه فى حب البلد

إنت متخيل كل الناس طه حسين ولا العقاد

ولا البرادعى وأحمد زويل

خليك مباشر تكسب تكسب رضا الله وبلدك وناسها

وشكرا

الله عليكى يامصر زى مانتى كده

الله الله على الكلام الحلو

انا بحسد حضرتك على الموهبة الفطرية الجميلة دى

اشكرك يا روووز تقبلى تحياتى وتقديرى

أزاى احبك يا بلد وانت مش حبانى

اولا تسلم ايديك اللي كتبت ثانيا مش معني اننا بنحب مصر نحبها زي ماهي اللي يحب حاجه يهمه انها تكون احسن ده بالعكس لو مش بنحبها كنا فرحنا انها كده بس قبل ماتعمل واجباتك خد حقوقك واحنا حقوقنا متاكله من زمااااان خلاص يقبي نحب ايه نحب اللي سرقونا؟ ولا اللي ضحكو علينا؟ تقبل مروري

كلامك مظبوط اشكرك واشكرعقلك وقلبك

أخى الحبيب حميد بدوى
من أجمل الكلمات التى قرأتها منذ دخولى على البوابة
بجد تسلم كل كلماتك


ودا واقع وجدانى
إنك تعيش غريب
فى بلدك وكأنك حد تانى
ما هما لو مكانى
قاعدين حاسيين بحالى
مكنوش قتلوا ابنى
وهو بين أحضانى
أبنى هو التريخ
تاريخ عمرى وكيانى



والله هم يبكى وهم يبكى
لأن معدش فى حاجه تفرح


حسبى الله ونعم الوكيل



تقبل مرورى ،،،

في حدا في الدنيا ما بيحب بلده ووطنه وارضه بس كلامك عنجد رائع

بارك الله فيك

اشكركم ومازال السؤال مشروع؟؟؟؟؟؟؟؟؟؟

بارك الله فيك
وجزاك كل خير
وجعله في ميزان حسناتك

اشكركم تقبلوا تحياتى

منننننننننننننننننننننننننننورين لو كل الناس حبت مصر زيكم كدا كانت الثورة هاتقوم امتى يوم القيامة العصر اللى يحبها يغيرها

ويبقى السؤال ازاى احبك يا بلد وانتى مش حبانى