تسجيل الدخول

مشاهدة النسخة كاملة : اوعي تلعب في الاجازة .......

midoragab
09-05-2007, 03:23 PM
<div align="center">اهلا بالشباب اللي زي الورد

صباحنا اشطة بالصلاة علي النبي

و الله يا جماعه ليكم وحشة بس بعيد عنكم لسه مخلص امتحانات الميد تيرم و الشفوي و ربنا نتعني بالسلامة و لله الحمد

انا كنت هكلمكم في ايه صحيح

انت ياض منك له

انسي الكلام الفاضي بتاع الثانوي اللي يقولك انا في الاجازة هقضيها العب و اروح مصيف و اموت نفسي من اللعب

و كلام الاطفال بتاع المرحله الثانوية ده

لا يا حلو منك له ( بدل ما دخلت كليه عمليه ) يبأي مفيش اجازة لحد ما تموت

انا عن نفسي ناوي باذن الله اني اخد كورسات كومبيوتر لغات برمجه php , html , css و مش بعيد تطأ في دماغي و اخد كورسات الماني

لانهم اصل الهندسة و مراجعهم فظيعه

الكلام اللي فوق ده بما اني في كليه هندسة و ناوي بإذن الله علي قسم اتصالات فلازم اخد اللي هيفيدني

يا جدعان الكليات العملية بمتخرجكش علي الشغل علطول

لان كل الكلام النظري ده كله هوا اساسيات و بس و انت المفروض تطورها و لو فضلت عليها هيجيلك جواب تعيين علي سنة 2095 بأذن الله

و بأذن الله في الاجازات بعد التخصص ناوي اتدرب في اي شركة كومبيوتر حتي لو مفيش مقابل مادي


الكلام ده يسري علي صيدله و طب و اي كليه عمليه .................

معلش صدعتلكم دماغكم

نصيحه لطلاب الثانوي

( شدوا حيلكوا و الثانوية دي مش فاكوس قفظع و لا حاجة دي عبيطة اوي و الله و كلكم بأذن الله هتعدوا علي خير شدوا بس في الايام الاخيرة المفترجه دي )

</div>
_the_sad_smile_
09-05-2007, 07:40 PM
ناوية اخد لغة بردة بس اعدى يا رب اعدى اعدى يا رب
ويارب يوفقنى واللى زيى يا رب واديهم على قد نيتهم
انا اول مرة مستناش الاجازة كدة واول مرة استنى انى انجح بس
انا عايزة كى جى وان من الاول ووالله هزاكر
bassam_h
09-05-2007, 09:16 PM
يعنى نفضل نزاكر و نتعب نفسنا طول السنه و فى الاجازه برضه نحرق اعصابنا طب على الاقل ناخد اسبوعين راحه من ضغط الثانويه العامه اللى هتفجرلنا دماغنا قريب
Antakiah
10-05-2007, 08:51 AM
و الله انت مخك نظيف,لو كانت الناس زيك ماكنش حالنا يبقي كدة :D :D :D :D
جميله
10-05-2007, 10:23 AM
حمدلله على السلامه يا ميدو

و يا بختك انت خلصت الميد ترم و الشفوي

انا الميد ترم بداته من رابع اسبوع في الدراسه

و العملى و الشفوي بداتهم من 3 اسابيع

و كان عندي 6 امتحانات في يوم واحد يوم التلات اللي فات ( ربنا عالظالم )

و اخر امتحان عملى هيكون رسم ماكينات يوم الثلاثاء الجاي باذن الله و معاه شفوي كيميا

و النظري يوم السبت اللي بعده على طول

المهم انت عندك حق انا مش عارفه زمان انا كنت ازاي بقضي الاجازه دي تضييع وقت

المفروض اني استغل كل دقيقه عندي لغاية ما اتخرج

علشان اقدر الاقي شغل كويس

حتى في مشروع التخرج هحتاج حاجات كتير اكون عارفاها

كمان ان شاء الله لوقررت احضر دراسات عليا هحتاج حاجات كتير اوي

عشان كده قررت كل سنه ان شاء الله اعمل حاجه

انا هيبقى عندي اساسا كل اجازه تدريب صيفي بس مفيش بعد اولى

يعني هبقى فاضيه السنه دي

انا قررت ان شاء الله الاجازه دي واللي هتبدا يوم 7/6

اني اخد كورسات اوتوكاد ( بما انك هندسه طبعا عارفه )

علشان هحتاجه بعدين

و كمان ان شاء الله هاخد كورسات انجليزي اصله بعافيه شويه

كمان قررت اتعلم السواقه ( انا اساسا هتعلمها في التدريب الصيفي علشان هسوق الجرار )

ده اللي قررته لغايه دلوقتي

بس الامتحانات تعدي الاول (يا رب عديها على خير )

و يعديها معانا كلنا على خير
midoragab
10-05-2007, 05:09 PM
ربنا يوفقك يا جميله ( مش فاكر اسمك الحقيقي سوري تأثير الديناميكا )

و انطاكية لو البلد كلها زيي يبأي هتخرب يا بني هههههه

بسام انا عامل الموضوع في قسم الجامعات يا ريس ..... مجبتش سيرة الثانوي يا عمي

ربنا يعينك يا sad smile ........................
islamkoko
15-05-2007, 12:09 PM
شكرااااااااااااااااااااااااااااااا
M I D O
15-05-2007, 03:16 PM
تمام يا ابو رجب وانا سبقتك فى الحكاية دى ياض

يلا دوركم انتوم يا ابطال
baky
30-05-2007, 02:42 AM
انا هاخد كورسات كتيره بس انجح الاول من السنه ده اللى خلاص جبت اخرى منها
مـــــــــازن
30-05-2007, 02:48 AM
انا اخلص بس من السنه دى وبعدها اقرر
The Happy Angel
31-05-2007, 08:59 AM
thank you mido i love you relly



ich hallfst du

ok
mohamed radwan
31-05-2007, 10:49 PM
koنخلص من اعدادى وبعدين نبقى نفكر فى اللى جاى
SAMSAMAH
01-06-2007, 05:54 PM
انا عن نفسى مظبط وقتى هيبقى لشغلى ولعبى وهروح احضر كورسات كمبيوتر وانجليزى
مصطفى رجب عبدالعاطي
11-06-2007, 11:37 PM
انت يا ميدو رجل عشرة على عشرة 00 هو فعلا مفيش لعب في الأجازة0

الله يكون في عونك يا جميلة000 مش هقولك أكتر من كده
مصطفى رجب عبدالعاطي
11-06-2007, 11:52 PM
أحسن حاجة فيك يا ميدو انك بتبص دايما لأدام ومش بتبص تحت رجليك

ربنا معاكي يا جميله
hamada_85_5
17-06-2007, 03:10 PM
ايه يا عم ميدو االحباط ده طيب احنا كلية التجارة نظري وعملي ومفحوتين في اسكندرية امتحانات يوم ويوم لما بندعي علي اليوم اللي دخلنا فيه الكلية بس ادينا بنقضيها بعد ما بنخلص يا اما مصيف يا اما شغل ما انت لازم تعمل حاجه موش تقعد كده لازم تغير مود المذاكرة وربنا يستر علينا لما نخلص خالث بقه يا اما هنروح علي الشارع يا اما هنروح الجنة بعد ده كله هههههههههههههههههههه .
killzior
17-06-2007, 06:35 PM
يا عم هو صحيح الاجازةو مش كلها للعب و لازم تراجع فيها الى خدتة بس نصيحتى ليك حاول تنسى الدنيال و تعيش الاجازة بكل لحظة فيها و خدلك غطس عميق فى المرح عشان صدقنى دماغك هتتفرمت اول ما تدخل الجامعة و حتدفضل كدة لغاية ما اتخلص و باذات فى كليات الهندسه و الطب و الصيدلة "كلامى لا ينطبق على التجار...ههههه :D