http://i66.servimg.com/u/f66/12/06/92/24/eoaae10.gif
يلا ننزل الشارع وشوية صراحة واللي يزعل هو الخسران
في هذا الموضوع قد تجدون أفكار غير مرتبة ومواقف متفرقة وغير مرتبطة ببعضها وأمور قد عايشها بعضنا وأمور لعلها لم تخطر ببال البعض
أمور نتمنى تغييرها للأفضل بإذن الله تعالى
ونعتذر مقدما عن إستخدام العامية بدلا من الفصحى وعن ركاكة الإسلوب كتب الله لي ولكم الأجر
وأرجو تفاعلكم معنا وعرض مداخلاتكم الطيبة وتعليقاتكم النافعة
والفكرة
هي أنا وأنتي وغيرنا كثيرات وحالنا خارج البيت
الأخت استعدت للخروج ولبست العباية السوداء الغير لافتة للنظر وظبطت نقابها وهندمت حالها وتذكرت أن أكمام العباية واسعة وقد تظهر ذراعها مع أي حركة لليد فقامت بإعداد معصم لترتديه تحت الكم _ إلى هنا تمام وزادها الله حرصا ويا سلام لو كان كم العباية من الأول مناسب ويغلق على معصم اليد وخلاص لكن ما علينا _
والمعصم لمن لا تعرفه هم كم ضيق يلبس تحت أكمام العبايات
لكن وقفة كده
الأخت جهزت معصم مختلف اللون عن العباية تماما أخضر وأصفر وخلافه
ووضعت الساعة الأكسسوار فوقه ولبست القفاز القصير وخرجت
وقبل ما تخرج
انتظري أخيتي الحكاية كده بقا مبهرجة خالص وزينة وليس ستر لليد حتقوليلي يعني هم حيبصوا على ساعتي وحرف ايدي
أه والله أخيتي حيبصوا ويدققوا كمان

كده مينفعش يا ناشدة الستر والتقى والعفاف
كده مينفعععععععععععععش
http://www.mltzm.com/vb/uploaded/43681_1271581024.gif
ويلا نشوف أخت انتظرت لتركب مواصلة عامة لنفترض ميكروباص مثلا _ مشروع بالاسكندراني _ ومعلش لعل الظروف لا تسمح لها بركوب تاكسي أو ترام النساء أو مضطرة لأي سبب
بصي بقا من البداية أهو مينفعش تركبي بأي شكل من الأشكال وجنبك بالكرسي رجل موضوع منتهى منه
طيب حنعملوا ايه قلنا مضطرة تركب مواصلة عامة يعني حتتشرط
أه انتظري أخيتي جاءت السيارة وليس فيها مكان إلا بجوار رجل لا تركبي
وانتظري قليلا سيرزقك الله خيرا منها
أهي جت أهي وبها أكثر من كرسي
طيب شوفي بقا حضرتك كوني كريمة وادفعي أجرة كرسين واحدة لكي والأخر اللي بجوارك لتجلسي عليه حقيبتك وبكده تضمني أنه مش فجأة بالطريق حتلاقي جنبك راجل

وبالمناسبة حاحكي لكم موقف حقيقي
إحدى أخواتنا في الله كانت تقف تنتظر أن تركب الميكروباص وجاءت السيارة وبها
كرسي فاضي بجوار رجلين وأمامهم كرسيان بهما رجل وامرأة نظرت الأخت للوضع وهمت أن تتراجع ولا تركب وفجأة وجدت الرجل الأمامي ينتقل للكرسي الخلفي بجوار الرجال ليركبها بجوار زوجته وسمعته يقول للرجال بالخلف
أصل دي متنفعش تقعد جنب الرجالة
تقسم الأخت أن الرجل لم يكن ملتزم ولا زوجته منتقبة ولكنه علم أن هذه تتقي الله من نقابها وحرصها على إرضاء الله تعالى

صح أخيتي مينفعش
http://www.mltzm.com/vb/uploaded/43681_1271581024.gif
ومع موقف تاني وبرضو حقيقي
في إدارة حكومية ذهبت أخت منتقبة لتقوم بتخليص أوراق لها وطبعا كانت الناس طوابير على الشباك وخلطبيطة نساء ورجال وحالة يرثى لها
أخيتنا وقفت تتفرج على بعد وطبعا ولله الحمد لم تراودها نفسها بالدخول في المعمعة وانتظرت بعض الوقت
وإذابالموظف يراها من خلف الشباك تقف هكذا فيشير إليها أن ترسل أوراقها وطبعا إحدى النساء عبرت عن رأيها يا سلام واشمعنا الأخت بقا
فرد الموظف قائلا : لأن دي مينفعش تتزاحم وسط الرجالة
اللي ذي دول مش بيحبوا يتزاحموا بين الرجالة وتخبط في ده وده يخبط فيها
وبرضو لا كان ملتزم ولا ملتحي لكن أخيتنا مضمونها ظاهر عليها من لبسها وحرصها

صح مينفعش تزاحم الرجال في أي ظرف من الظروف
كده مينفعششششششششش
http://www.mltzm.com/vb/uploaded/43681_1271581024.gif


انتظروني بقا مع رنات الموبايل واحنا بالشارع والمحلات والبايعين والمدرج والمحاضرة وحاجات كتير
بنقول فيها مينفعش
لكن انتظر منكم أنتم تقوليلي ايه تاني اللي مينفعش

لانه مينفعش اكلم نفسي كده
صدعتكم سامحوني
ونشكر لكم حسن المتابعة
لا تنسوني وصاحبه الموضوع من صالح دعائكم
http://www.mltzm.com/vb/uploaded/43681_1271581024.gif

بارك الله فيكى
وجزاكى الله وصاحب الموضوع كل خير
واللى مينفعشششششششش انتى قولتيه فى الموضوع ومينفعش كمان الاختلاط

جزاكى الله كل خير انتى وصاحبة الموضوع

بارك الله فيكى
وجزاكى الله وصاحب الموضوع كل خير
واللى مينفعشششششششش انتى قولتيه فى الموضوع ومينفعش كمان الاختلاط
الله يجزاكي كل خير يارب
ويجزاكـ الفردوس الاعلى من الجنه يارب
طيب كويس والله ماشاء الله
ايوه كده عايز تفاعل علشان تشجعوني

جزاكى الله كل خير انتى وصاحبة الموضوع
وربنا يجزاك يا حببيه الكل الجنه يارب
دعواتك ليا وليها بالزوج الصالح يارب

ياله يابنات عايزه تفاعل شديييييييييييييييييييييييييييييييد اوي

موضوع جامد جدا وكله افكار مهمه شكرا ليكى جدا وبالتوفيق دايما

موضوع جامد جدا وكله افكار مهمه شكرا ليكى جدا وبالتوفيق دايما
انتي اللي زي ال ياجميل
ربنا يك فيكي

منتظراكم تقوليلي ايه كمان اللي مينفعشي

ونكمل معكم
يلا بقا ندخل المحل وبرضو مينفعش تتكلمي بصوت عالي وتلقائي وكأنك في بيتكم _ خدي بالك العين عليكي والكاميرا عليكي والأذان معاكي _ انتبهي تعرفي ليه كل دول عليكي لأنك بزيك الإسلامي مستهدفة عايزين يقولوا أن المنتقبات سيئات وأن النقاب عادة ضد حقوق المرأة وأن حسن الخلق والالتزام ليس بالنقاب والدليل عندهم يقولولك المنقبات بيعملوا كذا وكذا
وبدل من أن نكون صورة حسنة لنصرة شرع الله تعالى أصبحنا نحاربه بسوء تصرفنا ولله المشتكى
يبقا مينفعش تتساهلي مع البائع في الكلام وتجادلي وتحكي وتشكي وتهزري مع البائعة في وجود رجال
لا تنسي حيائك ووجوب التزامك بصفات فتاة الإسلام الحريصة على نفسها من أي مطمع فلا تعطي فرصة لأحد ليعلق عليكي أو يتساهل معك أو يطمع فيكي وفي حديثك


صح مينفعشششششششششش
http://www.mltzm.com/vb/uploaded/43681_1271581024.gif


وأدي الموبيل بيرن والأخت تجلس في مواصلة عامة أو مكان عام لن أقول أن الرنة موسيقية لكن الأخت وضعت دعاء أنشودة ابتهال
واشتغلت بقا يا مكة ويا طيبة
وأصوات طبيعية وعصافير وغربان ومية بتنكب وحاجات بتقع وقطة بتنونو
وطبعا مع الأصوات وطبيعي الكل يلتفت ويبص على صاحبة الموبيل
مينفعش حبيبتي اجعليه صامت وهزاز أو خفضي النغمة بحيث لا تجذبي النظر إليكي
ونستنى الأخت حترد وياريتها ما ردت
بداية من الو والسلام عليكم وههههههه وأزيك يا قمر وفينك يا وحشة مش بتتصلي ليه يا حبيبتي ويا عسل ويا روح قلبي وحكاية قبل النوم وبعد النوم تتقال في الموبيل وعلى مسمع من الناس


خير إن شاء الله وكأنك بصالة بيتكم
بالله عليكم ده ينفع برضو
مؤكد مينفعش خالص لأنه ببساطة كأنك قاعدة تكلمي مجموعة من الرجال الأجانب والنساء وتهزري وواخده راحتك
هل هذه سلوكيات فتاة ملتزمة حريصة تقتدي بأمهات المؤمنين


مينفعشششششششششششششش

http://www.mltzm.com/vb/uploaded/43681_1271581024.gif


نرجع لموضوع اللبس وطريقة النقاب اللي بيظهر العين والحاجب واحيانا جزء من الخدود وكله ماشي
حتقولي مش باشوف من البيشة وباقع وعيوني بتوجعني ومش باشوف السبورة والكتابة وحاجات كتير
حاقولك ماشي
يبقا ترفعي شعار أشوف ولا تشوفني
وهو أن نقاب مهما كان شكله يساعدك على الرؤية وهذا حقك وفي نفس الوقت تخفي عينك على قدر المستطاع وبدون تفريط


العين عندما تظهر لوحدها فهي أشد فتنة من ظهور الوجه كامل
مينفعش حبيبتي تلبسي النقاب بدل ما تتستري فيه تفتني بيه
مينفعششششششششششش


ونيجي بقا للدبوس اللي بيلمع وفيه وردة وشجرة وغيره وتروح الأخت تحطه في النقاب والحجاب بحجة يمسكه ماشي حطي دبوس لكن مش لازم يكون فرح



حتى الشكل بيكون شاذ وغير مقبول يا صاحبة الستر


والموضة بقا عباية فوق الكعب وتحتها بنطلون بنفس لونها معرفش ايه ده نقص قماش مثلا
من أمتى والأخت المنتقبة تظهر للناس ما تلبسه تحت عبايتها مفترض أن العباية تستر وتغطي كل ما تحتها


يبقا مينفعش بقا أقول للناس كلها أني لابسة بنطلون شيك وعاملة حركات
مينفعش

لسه في تكمله للموضوع
بس قوليلي وشاركوني ارائكم علشان اكمل

بارك الله فيكى
وجزاكى الله وصاحب الموضوع كل خير
واللى مينفعشششششششش انتى قولتيه فى الموضوع ومينفعش كمان الاختلاط
_ هو الحج مش فيه اختلاط و فرض ربنا فرضه علينا .
_ و انا قريت مرة ان ايام الرسول صلى الله عليه و سلم كان فيه واحده اسمها رفيده النصارى كانت جراحة تخرج فى الغزوات مع الرسول لعلاج الجرحى .. ده مش اسمه اختلاط ان سيده تخرج مع جيش معظمه من الرجال .
_و هى ستنا عائشة رضى الله عنها ما خرجتش مع الجيش فى موقعة الجمل .

والله حاجات كتيرة اوي متنفعش في المجتمع اللي عايشين فيه ده

يعني مثلا .. مينفعش البنت تتصور على الموبايل

لأنها مش ضامنة موبايلها ده يتسرق منها ويحصل بقى اللي يحصل

أكيد طبعا عارفين

ووقتها مش هتعرف تتصرف ولا تعمل اي حاجة

.......

حاجات كتيرة اوي متنفعش

يعني لو قعدنا نقول لبكره مش هيقضي بردو

بس ربنا يجازيكي كل خير يا قمر

موضوع تمام وربنا يجازيكي كل خير عليه