السلام عليكم ورحمة الله وبركاته

أود فى بداية حديثى ان أشكر جميع القائمين على هذا المنتدى الرائع
وأنا من أحد محبين مدينة المنصورة وكم اتمنى ان ازورها فى يوم من الأيام بأى شكل من الأشكال وبأى وسيلة
ولكن أرجو من أهل هذا البلد أن يتكلمو عنها لكى أتحمس أكثر واذهب الى هذا البلد الذى اتمنى ان أكون من أحد سكانه فى يوم من الأيام
ولكم جزيل الشكر

ايه يا جماعة هوة ليه مش فى أى حد خالص قالى كلمة حلوة عن المنصورة علشان اتشجع وأزورها

المنصورة اصلا بلد الجمال
وناسها طيبة وجميلة
وانا من المنصورة

شكرا يا استاذ طارق

انا من المنصورة و بجد بحبها عمرى ماشوفت فى مصر بلد زيها ولا اتمنى اعيش فى غيرها
المنصورة بلد جميلة بجد بس اكتر حاجة بحبها فيها انها بلد متوسطة مش مجتمع مفتوح زى القاهرة و أليكس ولا مجتمع متشدد زى القرى او الصعيد
و مش زحمة زى القاهرة و مش فاضية اوى
و الناس فيها طيبين و لهجتهم عادية اصل بصراحة فى بعض لهجات تلاقيها مش على قلبك
مهما اتكلم عنها بجد مش هقدر اوصفها ممكن تكون عشان دى بلدى اللى بحبها
بس كفاية انها عاصمة الطب فى مصر و بلد غنيم و بيها اكبر مركز لعلاج امراض الكلة



و عموما تنورنا

شكرا يا برنسيسة على هذه النبذة المختصرة عن بلدكم ونتمنى زيارتها فى أقرب وقت باذن الله تعالى

انا اسمع ان المنصورة من أجمل المدن الموجودة في مصر واتمنيي جدا ان ازورها

وانا دقهلوية وكمان اهلاوية

واكيد انا من المنصورة وبمووووووووووووووووووووووووووووووووووووت فى دى بلد

بلد الجمال >>>>>>>>>>>بفتح الجيم طبعاا وليس كسرها

المنصورة بقت زحمه جدا
اوعى تسكن هناك خدها من نصيحه
مع انى بحبها

هيا المنصوره فعلا زحمه لكن مش طول اليوم ف مواعيد معينه بتبقي فاضيه خالص تقدر يامستر تعمل زي رحله لكل اعضاء السايت من المنصورة وتنورنا هنا وهتشوف جمال المنصورة بنفسك

:d:d:d:d:d:d:d:d:d:d:d:d
أنا هابنى بلدى مين يبنيها معايا؟؟؟
============================
السلام عليكم ....انا النهاردة مش هكلمكم انتم .. انا هكلم قلوبكم وضمائركم.. انا هكلم كل انسان موجود وبيسمعنى.. انا هكلم كل أب بيحلم انه يربى عياله احسن تربية .. بكلم كل أم نفسها تشوف اولادها افضل اولاد فى العالم...

بكلم كل أخ بيخاف على اخوه ويحب له الخير.. بكلم كل أخت ب...تخاف على اختها من الضياع والجهل..

انا بكلم قلوبكم ....

لو مشينا فى الشارع فى كل مكان .. هنلاقى ناس فقيرة جدا وناس اغنياء جدا... هنلاقى الفقير بينظر للغنى ويقوله انا اخوك ..

هنلاقى الفقير بيقول للناس انتم ليه مش حاسين بيا؟؟؟؟؟

هنلاقى اطفال مالية الشوارع... اطفال حكمت عليها الظروف.. او الاقدار انها تكون كده.. عشان تكون ابتلاء لينا...

عشان تكون امتحان لينا وتختبرنا ازاى هنتصرف فى المواقف زى دى.. يا ترى هنساعدهم.. ولا هنهملهم...

بس انا عاوز أسأل سؤال.... لو انا وانت وانتى وانتم كلكم لو كنتم مكانهم... كنتم هتعملو ايه ؟؟؟

لو كان الطفل ده هو طفلك .. كنت هتسيبه يتشرد فى الشوارع ولا تحاول تساعده؟؟؟؟

لو كان الرجل الفقير ده هو احد اقاربك.. يا ترى هتقف جنبه ولا هتسد الباب فى وجهه ؟؟؟؟

يا ترى الام الغلبانة الفقيرة اللى بتجرى على مصاريف العلاج لبنتها التعبانة.... لو كانت دى
امنا ... كنا هنعمل ايه ؟؟؟؟؟

احنا ممكن ما نكونش فاهمين الكلام او مش مقدرين الكلام ده. لاننا عمرنا ما نمنا من غير عشاء...

لاننا عمرنا ما الجوع قرصنا وربطنا الحزام على بطننا...

لاننا عمرنا ما مشينا فى الشوارع نمد ايدينا للناس عشان نجيب رغيف عيش ناكله...

لاننا عمرنا ما بيعنا بيوتنا وهدومنا وحاجتنا عشان نجيب مصاريف العلاج لعيالنا ...

او اننا نجيب مصاريف المدراس لولادنا اللى عاوزين نعلمهم....

فيه ناس كتير اوى هتقول طب ليه ربنا ما يساعدهمش؟؟؟

احب اقول لحضراتكم ان ربنا قادر فى اقل من لمح البصر .. انه يجعل كل فقير غنى ويجعل كل غنى فقير...

بس تفتكروا يا جماعة لو كان كل الفقراء اصبحوا اغنياء... مين اللى هيتصدق.. مين اللى هيجاهد بماله ونفسه ... مين اللى هينفق فى سبيل الله فيضاعف الله له ما يشاء

لو كل الفقراء اصبحوا اغنياء.. مين اللى هياخد ثواب المتصدق بماله
ومين الى هيدفع الزكاة؟؟

عرفتم ليه الفقراء موجودين؟؟؟ موجودين عشان نشعر بفضل ربنا علينا ... موجودين عشان ده ابتلاء من ربنا يختبرنا هنتصرف ازاى؟؟؟؟

الاطفال اللى بنشوفهم فى الشوارع .. كانوا فى التعليم .. لكن اهلهم مش قادرين على مصاريف تعليمهم.. فاضطروا انهم يخرجوهم من المدرسة عشان يشتغلوا فى اى مكان ويساعد فى مصاريف البيت..

او اخرجوهم من المدارس وقعدوا فى البيوت وبداو يسرحوا فى الشوارع ويتعرفوا على تجار المخدرات وتجار الرقيق من الاطفال....

فيه ناس فعلا مش لاقية تجيب اكل لعيالها...مش لاقية تجيب دوا لاطفال لسه ما كملوش سنة... مين هيساعد الناس دى مين هيقف معاها...؟؟

مش هما دول بلدك اللى نفسك تصلحهم ... مش دول ناس زيهم زيك..مش دول جيرانك اللى مش حاسس بيهم.

. لا قدر الله لو حد مننا مكان الرجل الغلبان ده كنت هتعمل ايه.؟؟؟

الناس دى لو ما لحقنهاش هتموت... الرجل الغلبان ده هيسيب البيت عشان مش مستحمل صراخ عياله الميتين من الجوع او من ابنه اللى بيتالم من المرض اللى مش قد مصاريفه فهيسيب البيت ويروح فى اى حتة يسرق او يشحت او ممكن يقتل او اضطر.

.. والام هتخرج عشان تجيب فلوس بأى شكل بأى شكل... ولك أن تتخيل الام ممكن تعمل ايه عشان تأكل عيالها .. تبيع دهبها تبيع عفش بيتها او تبيع اى حاجة عشان تاكل عيالها ...

ولو الناس دى ما ساعدنهاش .. ولادهم هيصيعوا فى الشوارع لان اهاليهم مش قادرة على مصاريف المدرسة والكتب.والدروس..

. وهينحرف مع باقى الناس اللى بنشوفها فى الشوارع ..

وبكره الولد ده هيكبر بس هيكبر على اللى هو شافه الجوع والحرمان والبطالة .

. فهيعمل اى حاجة انه يجيب بيها فلوس هيكون قاطع طريق من اللى بيثبتوا الناس بالليل

او من الناس اللى بتسرق او من اللى بتبيع مخدرات او من اللى بيخطفوا عيال ..

ساعتها انت هتكون خايف على ابنك وضناك اللى حميته ووفرت له كل اللى نفسه فيه وصرفت عليه وعلمته احسن علام ولبسته احسن لبس ...

هتكون خايف عليه من الولد الصايع اللى نايم فى الشارع انه يعوره او يخطفه او مش بعيد يقتله...


طب هو مين السبب ان يبقى الولد ده صايع ومجرم؟؟ ... مش احنا ؟؟؟..

مش احنا اللى رفضنا نمدله ايدينا ؟؟؟..

مش احنا اللى رفضنا نساعده حتى بوقتنا؟؟؟


بنطلب منك مساعدتك للناس دى.. احنا بنطلب منك وقت .. ساعة او ساعتين. بدل ما تقعد على النت تشيت مع ميمى وسوسو وجيسيكا بال 5 ساعات... بدل ما تقعد على القهوة طول اليوم وتضيع صحتك وفلوسك ووقتك..

بدل ما تضيعى وقتك فى مشاهدة الافلام وسماع الاغانى ... بدل ما تضيعى وقتك فى المكياج والموضة

.
تعالوا معانا نساعد الناس دى ... تعالوا معانا نعلم الاولاد دى اى حاجة ممكن تفيدهم فى حياتهم وما يبقوش ضايعين...

تعالوا نعلمهم يعنى ايه قيم ويعنى ايه اخلاق... تعالوا نعلمهم حرف من القران... تعالوا نعلمهم ازاى يكتب أ ب ت وازاى يكتب اسمه.. تعالوا نعلمهم حب ربنا وحب نبينا وحب بلدهم

... تعالوا نبنى بدلنا وامتنا بايدينا ... تعالوا نحفر اسمنا فى سجل الجندى المجهول اللى ضحى بنفسه عشان البلد.

.. انتم لا تقلوا أهمية عنه... هو ضحى بروحه فى سبيل بلده واحنا هنضحى بوقتنا او جزء من فلوسنا عشان ننهض بامة الاسلام....

اقولكم احنا مين.... احنا جمعية صحابة الخير.. إحدى جمعيات صناع الحياة بالاسكندرية. واللتى يشرف عليها أستاذ عمرو خالد.....

وحاليا انضم فريق مجددون لنا ... عشان يساعدونا ...

احنا فى صحابة الخير عاملين مشروع اسمه انسان...

بنهتم بالاسرة الفقيرة ونوفرلها مشروع تقدر تكسب منه وتصرف على نفسها وعلى اولادها.. واحنا بنشترط ان الولاد يرجعوا تانى للمدارس والتعليم....

بنهتم بالاولاد .. بنعلمهم الفيم والاخلاق والمبادئ .. بنعلمهم القراءة والكتابة...

لو فيه واحد فقير وانت بتديله كل شهر 100 جنيه... الفير ده هيعمل ايه لو ملقاش ال 100 جنيه اللى بيستناها كل شهر.. احنا فى مشروع انسان بنخليه يعتمد على نفسه ويصرف على اهل بيته ....

احنا من سنة شغالين فى المشروع ده .. والحمد لله نفذنا فى اسكنرية.. حوالى اكثر من 100 مشروع السنة اللى فاتت.. وهدفنا السنة دى اننا نوصل ل 100 مشروع بنهاية العام..

محتاجين ساعة من وقتكم كل يوم.. محتاجين مساعدتك المادية والمعنوية معانا...

انا بكلم اهل مصر واهلى فى اسكندرية لاننا بنطبق المشروع فى اسكندرية.. لكن اخوتنا فى كل بلد .. يقدروا ينفذوا المشروع فى بلدهم.. ويكونوا هما الاوائل وياخدوا ثواب كل الناس من بعدهم..

اللى يحب يشارك يا ريت يروح لجمعية صحابة الخير فى منطقة لوران فى اسكندرية.. او يروح لاى جمعية خيرية فى بلده ويقولهم على فكرة المشروع....

افكركم بحديث الرسول صلى الله عليه وسلم....

إن لله عبادا اختصهم بقضاء حوائج الناس... حبب الخير فيهم وحبب الخير اليهم... وهم الامنون من عذاب الله يوم القيامة..
==========================

بارك الله فيك

بجد انا مهما اتكلمت عن المنصورة مش هقدر اوفيها حقها
ومش هتكلم عنها عشان اشتياق حضرتك ليها يزيد
بس بجد من اجمل بلاد مصر وبلاد العالم كمان
ودلوقتى انا بدعو اى شخص يحب يزور المنصورة
نعمل يوم لقاء نتقابل فية كلنا ونلف المنصورة كلها
ها اية رأيكم ؟
فى رعاية الله

انا عن نفسي معنديش مانع