مشاهدة النسخة كاملة : موال الغني والفقير


الباش مهندس
29-05-2010, 03:18 PM
بسم الله الرحمن الرحيم
السلام عليكم
لكل الاعضاء .. القصيده دي انا الفتها وانا بذاكر امبارح
هي اصلا عباره عن شعر ساخر ( زي بتاع احمد فؤاد نجم وكده )
انا هكتبها هنا عشان هي من تاليفي مش اكتر
وعلي فكرة انا لسه ماخلصتهاش وهنزلها علي جزئين بس لما اسمع النقاد
انا عايزك تقراها علي انها موال
اوك ؟

يلا نبدأ ................

اسمع يا صاحبي معايا وقول ,........ اصل الجدال هنا مقبول
وعشان صاحبنا مصطبح ............ وجاي واكل فول
هيقول كلام زي العسل ............. هيقول كلام معقول
دا امبارح كان جاي مش قادر .......... وقام نايم مقتول
والدنيا معاه مش تمام ............. وكانه بيعامل عجول
الدنيا ليه اتغيرت ............... وبقت غابه من غير اصول
كله عايز يلهف فلوس ............ وكله عايز يكون مأمول
لا في قانون يحكمها .............. ولا في كبير يديها
دا زمان كانت تقوم الدنيا ........... تلاقي الكل يكفيها
دلوقتي طايحه في الكل ............. ولا حد قادر عليها
لو غني اكيد دنيتك .................. فقير ماتعدش فيها
روح يا عم اتسجن ............... او شفلك تربه بات فيها


ولسه ليها بقيه ... ألفها بالليل بقي
ورونا الاراء يا اجمل اعضاء

Mr. Medhat Salah
30-05-2010, 10:34 AM
جمييييييييييييييييييييل

الباش مهندس
31-05-2010, 05:09 PM
جمييييييييييييييييييييل

شكراااااااا

المفكرة
31-05-2010, 06:39 PM
(لقد خلقنا الإنسان في كبد) سورة البلد ، آية 4 غنياً كان أم فقير

fatakat400
01-06-2010, 10:14 AM
جميل جدا ومنتظره الجزء التانى بفارغ الصبر
وياريت يكون فيه تالت ورابع
بس انا مش فاهمه رد المفكره
ممكن حد يفهمهولى
هيه لو تقصد ان كلنا واحد غنى او فقير
بس ده قدام ربنا
ربنا هوه الرحيم اللى بيعاملنا كده
لكن بتهيالى هوه كاتب الموال ده بالنسبه للبشر
وبالنسبه لزمانا دى حقيقه

المفكرة
01-06-2010, 04:48 PM
جميل جدا ومنتظره الجزء التانى بفارغ الصبر
وياريت يكون فيه تالت ورابع
بس انا مش فاهمه رد المفكره
ممكن حد يفهمهولى
هيه لو تقصد ان كلنا واحد غنى او فقير
بس ده قدام ربنا
ربنا هوه الرحيم اللى بيعاملنا كده
لكن بتهيالى هوه كاتب الموال ده بالنسبه للبشر
وبالنسبه لزمانا دى حقيقه

السلام عليكم
مساء اللطف و الأمل على الشباب الطيب. الغني شقيان و الفقير شقيان ، وحده الشباب يشعر أنه لو امتلك شيئاً من المال لامتلك حل لغز الدنيا ، ليس حقيقياً فرب الخلق خلقهم في كبد أي معاناة وشقاء.
كم من طعام أكلناه فأصابنا منه مرض أقعدنا عن الحياة أشهراً متواصلة ، حينها يحسد صاحب الداء من ليس لديه ما يطعمه على صحته و حسن حاله.
و السلام ختام.

زائر غير مسجل
02-06-2010, 06:46 PM
علي فكرة جميله جدا جدا ومستنيه الجزء التاني

الباش مهندس
03-06-2010, 11:56 AM
شكرا ليكي كتير يا فتكات
المفكرة
علي فكرة والله انا عارف ان عند ربنا مفيش فضل لواحد ع التاني الا بالتقوي والاعمال الصالحه
انما انا بتكلم في الحياه اللي علي الارض وبين البشر مش اكتر والله
يعني الغني بيااكل الفقير وان الفقير ليه مالهوش مكان بيننا .. مش اكتر ولا اقل
وانتظرو الجزء التاني بس بعد الامتحانات معلش