مقارنه بسيطه بين (الطفل الفافي) ... و(الطفل البيئه )

الطفل الفافي) و (الهافلايف)
......................................

1-الولد من دول يصحى على صوت الكناري اللي في اوضته ....
- سو سو سو سو .... -
2-يدخل الحمام ياخد شاور ... ويغسل شعره بشامبو من ايطاليا .... ويحط
جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -
3- يطلع من الحمام يلاقي الداده مستنياه بفوطه من حريييييير ....
وتلاعبه
وتهزر معاه بالانجليزي ....
- الداده معاها دكتوراه من جامعة اسفخص في لندن -

4-يخش على اوضته ... ويفتح الدولاب ويطلع منه هدومه المكويه واللي
ريحة
اريال باينه فيها .....
- اريال .... نسيم الصباح -
5- يجيب جزمته من الجزامه ... اللي مليانه جزم وكوتشيهات ...
وسبوووز .....
- تقولش دخلت محل لطفي أو توكيل تمبرلاند -
6- ينزل يفطر مع مامي ودادي ... والفطار كورن فليكس بطعم الستروبوري
او
الشوكولات ...
- كورن فيليكس كلووقز .. مش بسكو مصر -
7- يسلم على مامي ويبوسها بعد ماتكون حطتله ديناربوكس بتاعه وفيه ....
ساندوتشين اتشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟

8- يسلم على دادي اللي يديله البوكيت موني بالدولار ..... مش يعرفو
حاجه
اسمها جنيه طبعا
- جنيه ؟؟؟؟ دي عملة انكردت من زمااان -

9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
10- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
>>- فريدرو جاكو .... فريدرو جاكو ... هايللبّووه -
>>__________
>>*الطفل البييييئه :
>>__________
....................
1- دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...
- طبعا .. مقضيها صرمحه في الشارع للفجر -
>>>>>>>>>>>>>>>>>>>>>>>>>>>>>>>>>>>>>>>>>>
>>
>>2- العيال دي ماتعرفش اختراع اسمه (غسيل الوش بعد ما تقوم من
>>النوم) .... هم شوية خناق مع اخواته ويبقى صحصح على الآآآآآآآخر ...
>>- بدل تمارين الصباح ... رياضه برضه -
>>>>>>>>>>>>>>>>>>>>>>>>>>>>>>>>>>>>>>>>>>
>>
>>3- طبعا بعد الخناق ده بيبقى جعان ... تلاقيه بيحوم في الشقه ويدوّر
>>في
>>المطبخ على اي حاجه ..... انشالله صرصار .. برضه هاياكله من الجوع
>>- عشان كده ماتلاقيش في بيتهم صراصير -
>>>>>>>>>>>>>>>>>>>>>>>>>>>>>>>>>>>>>>>>>>
>>
>>4- بعد ما يحط في بطنه اي حاجه في رغيف ... يدور على اي حاجه
>>يلبسها .... القميص مرمي تحت السرير ... ويقلع اخوه الصغير البنطلون
>>بتاعه وهو نايم ...
>>- هدومه كلها مكرمشه ... تقولوش طالعه من بق كلب -
>>>>>>>>>>>>>>>>>>>>>>>>>>>>>>>>>>>>>>>>>>
>>
>>5- طب وبعدين .... ساعتين بيدور على الجزمه ... مش عارف رزعها فين ...
>>واخوه الكبير خارج من البيت حافي كمان عشان مايقولش انه خدها ...
>>افتكر
>>اخيرا انه حاطط فرده منهم فوق الدولاب .... والتانيه ... تحت التلاجه
>>- طبعا ما يعرفش اختراع اسمه الشرابات -
>>>>>>>>>>>>>>>>>>>>>>>>>>>>>>>>>>>>>>>>>>
>>
>>6- دلوقتي معاد حرب كل يوم .
>>: ماما ... انا عايز مصروفي
>>: مصروف ايه ياااااض ... انت مش واخد امبارح .. ولا كل يوم مصروف
>>مصروف
>>: يعني مافيش اي حاجه ؟؟؟
>>: في دي .... دييييب ...
>>- ضربة بالحله على نافوخه -
>>>>>>>>>>>>>>>>>>>>>>>>>>>>>>>>>>>>>>>>>>
>>
>>7- الباشمهندس الصغير .... مايعرفش فين كتبه ولا كشاكيله اصلا ....
>>عشان
>>كده ... خد اي كتاب موجود في البيت على اي كشكول ....
>>- مايعرفش يعني ايه قلم .... غير اللي بياخده على قفاااه -
>>>>>>>>>>>>>>>>>>>>>>>>>>>>>>>>>>>>>>>>>>
>>
>>8- هايروح مدرسته ازاي ؟؟؟ طبعا اي ميكروباز او عربيه نقل وقضيها
>>شعبطه ....
>>- ليااااااااااااااااااااااااااااقة -
>>>>>>>>>>>>>>>>>>>>>>>>>>>>>>>>>>>>>>>>>>
>>============
لو الموضوع عجبكم هانزلكم الحلقة التانية فى طابور المدرسة
مستنية ردودكم

هههههههههههههههههههههههههه
حلو جدا
مستني الجزء التاني

هههههههههههههههه
حلوة جدا وفى انتظار الحلقة التانية

هههههههههههههههههههههه
ابداع جميل
شكرا لك

مش شايفة ردود كتيييييييير
الموضوع مش عاجبكم ولا ايه؟

مع احترامى الشديد لموضوع حضرتك


ولكنه يحمل جانبا انسانيا خطيرا بين جنباته


وهو مانسميه المضحكات المبكيات



على الرغم من أن الموضوع يبدو فكاهيا ولكنها يحمل بين طياته الكثير من المحن والألام


نسخر نحن من الألام ماتطلقون عليهم أولاد بيئه ..مع أنهم بشر مثلنا مثلهم ولكن شاء قدرهم أن يعيشون فى حاله فقر مدقع .. وحاله معدمه ...يجدون بالكاد قوت يومهم ...أنهكتم المحن ونالت منهم الصعاب ...


فهل ذنبهم أنهم أولاد بيئه حت نسخر منهم

ومن منا اختار أهله أو بيئته ... ومن أدرانا لو أنهم تسنت لهم العيش فى ظروف أفضل لتغيرت حالتهم الى النقيض



لذا بدلا من انتظار الجزء الثانى من السخريه بألام الناس


أطالب حضرتك بالبحث عن حلول نستطيع بها جميعنا أن نساعد هؤلاء التى ظلمتهم ظروفهم


واله انى عندما ارى أحدا منهم تثار فى نفسى كم هائل من الشفقه والحزن لحالهم

عموما شكرا لحضرتك

هههههههههههههههههههههههههه
حلوه جدا جدا جدا جدا جدا جدا
مستني الجزء التاني

http://vb.arabseyes.com/uploaded/55556_1220771934.gif
الموضوع ممتازجدامن ناحيه العرض فهذه تسمي البلاك كوميدي.كما ايضا يوضح مستوي اولياء الامور من الاهتمام بالاولاد .
ماهو برضه انا شايفه العيشه علي ادها معايا مش افضل اجيب في عيال .كفايه واحد ولما اعرف اربيه ابأه اجيب التاني .مش تنحصر مهمه الام في انها تجيب عيال والمجتمع يربلها هي والده.
وبعدين اصلا ده كمان بيوضح ظاهره الاهمال وعدم التنظيم .يعني سيبكم من الحاله الاقتصاديه.
ممكن حاله ماديه متدنيه .بس فيه تنظيم ومعرفه وثقافه.
وبعدين خلينا نناقش الكومديا دي بطريقه جديه مع العرض الطيب لها ايه المشكله؟!
ممكن لو تقالت بطريقه اخري يكون عدد المشاهدين اقل .زي مثلا كلنا بنحب حرب اكتوبر ومقتنعين ان المصريين كانوا رجاله.بس اعملي فيلم سينما مفيش حد حيدخل الفيلم وحيسقط
شوفي مسرحيه ماما امريكا لمحمد صبحي الجمهور تقريبا كان حيكسر الشباك .او مسرحيه وجهه نظر.............
http://www.mlffk.com/files/40a9be4ddb.gif (http://www.mlffk.com/view-files-40a9be4ddb.gif.html)

ههههههههه
حلو اوى زيك كده ياقمر
منتظرة الجزء التانى

مع احترامى الشديد لموضوع حضرتك


ولكنه يحمل جانبا انسانيا خطيرا بين جنباته


وهو مانسميه المضحكات المبكيات



على الرغم من أن الموضوع يبدو فكاهيا ولكنها يحمل بين طياته الكثير من المحن والألام


نسخر نحن من الألام ماتطلقون عليهم أولاد بيئه ..مع أنهم بشر مثلنا مثلهم ولكن شاء قدرهم أن يعيشون فى حاله فقر مدقع .. وحاله معدمه ...يجدون بالكاد قوت يومهم ...أنهكتم المحن ونالت منهم الصعاب ...


فهل ذنبهم أنهم أولاد بيئه حت نسخر منهم

ومن منا اختار أهله أو بيئته ... ومن أدرانا لو أنهم تسنت لهم العيش فى ظروف أفضل لتغيرت حالتهم الى النقيض



لذا بدلا من انتظار الجزء الثانى من السخريه بألام الناس


أطالب حضرتك بالبحث عن حلول نستطيع بها جميعنا أن نساعد هؤلاء التى ظلمتهم ظروفهم


واله انى عندما ارى أحدا منهم تثار فى نفسى كم هائل من الشفقه والحزن لحالهم

عموما شكرا لحضرتك
شكرا على اهتمامك ومرورك الكريم
انا كل قصدى الاهمال مش المستوى الاقتصادى
زى ماقالت smsma

الحلقة التانية:>>============
>>في طابور المدرسه ....
>>==============
>>=================
>>*الطفل الفافي (الهاف لايف) :
>>
>>1- العيال كلهم واقفين في صفوف شكلها يفرح .. ده غير ريحتهم اللي زي
>>الفل
>>- نضافه رباااااااااني -
>>=======================================
>>
>>2- الطابور كله تمارين ونشاط ....
>>- على انغام الدي جي (ياسر شاكر) -
>>
>>=======================================
>>3- الاذاعه المدرسيه .... اخبار من مجلات (واشنطون بوست)
>>- وطبعا .... مافيش ترجمه -
>>
>>=======================================
>>4- يغنو النشيد الوطني بقيادة المايسترو (سليم سحاب)
>>- (حسن كامي) ... كان بيغنيه معاهم قبل ما ربنا يفتح عليه -
>>
>>=======================================
>>5- طالعين فصولهم وكأنهم ملايكه أو فراشات ... وبحماس ونظاااام
>>- تقريبا ... والله أعلم ... بيحبو مدرستهم .... سبحان الله -
>>
>>=======================================
>>*الطفل البيئه :
>>
>>1- داخل المدرسه متأخر وحالته نيله
>>- اتشعبط في مكروباز (شبرا) ... ومدرسته اصلا في (الحلميه) -
>>************************************************ ** ****
>>2- بعد التذنيب والشتيمه من مدرس الألعاب (حسن أبو شفه) ... انضم
>>لباقي
>>زمايله في المعتقل ... سوري ... زمايله في المدرسه
>>- ولا واحد منهم فاهم هو فين أصلا ... واتضح ان صاحبنا أكتر واحد
>>شيييك
>>فيهم -
>>************************************************ ** ****
>>3- الأثاحه الملثيه .....----> تحريف لكلمة (الاذاعة المدرسيه) ...
>>- تخيلو انتو باقي الأخبار بقى -
>>************************************************ ** ****
>>4- النشيد الوطني اللي هم بيقولوه .... بتاع دوله مجهوله .. ونفسي
>>اعرف ايه هي؟؟؟
>>- طبعا على موسيقا آلات النفخ .... الشيشه -
>>************************************************ ** ****
>>5- في مرحلة طلوعهم الفصول .... بيختلط الحابل بالنابل ....
>>- ياترى انا في فصل ايه النهارده ؟؟؟ -
>>************************************************ ** ****
>>بعد المدرسه ما تخلص ... بيرجعو على بيوتهم بنفس الاسلوب ....
الحلقة التالتة باليل ان شاء الله

طول عمرك مواضيعك جنان

حلوة اوي
فعلا صورة واقعية
مستني الجزء التالت

مسكين الطفل اللى بتقولى عليه بيئه (يعنى ايه بيئه )لانه لم يختار واقعه وليس له ذنب فى
فى المستوى اللى اتولد فيه ولوكان بايده اكيد كان هيكون احسن من الواد الفافى ............ الاهمال
ناقوس خطر::::::::::::::::::::::::::::::::::::::::::::::: ::::::::::::

بصراحة موضوع مسلي جدا

بس مع الأسف كما تفضل الإخوة الأعضاء
يبين الكثير من السلبيات المنتشرة في المجتمع وأهمها الإهمال
والحالة الاقتصادية المتدنية والفجوة بين الأغنياء والفقراء

ومع الأسف تاني هو ده الوضع الحالي بدون زواق

يعني نحن لا نكذب ولا نتجمل

بس كان ممكن تختاري اسم أفضل من ( البيئة ) ممكن مثلا تقولي الطفل الشعبي أو البلدي أو حتى المصري
لإن الطفل ده بيعبر عن الغالبية العظمى من أطفال الشعب
وشكرا على الضحكة التي خرجت من أفواهنا رغم عنا

بصراحة موضوع مسلي جدا جدا جدا

تحية كبيرة الي عاشقة الاسطورة علي المشاركه الرائعة المضحكه

نطالب بالمزيد

شكرا مرة اخري عاشقة

السلام عليكم ورحمة الله وبركاته

الرد بالشكر فقط :
يدل على أن صاحب الرد شخص مهذب يحب أن يشكر الناس
لأي خدمة ولو كانت بسيطة .


الرد بإستخدام الوجوه الباسمة أو الصور :
شخص يحب المشاركة ولكن يخونة
التعبير أحياناً فيستعين بالصور وهناك أناس يؤمنون بأن الصورة أبلغ من الكلام .


الرد بطريقة حادة :
شخص متعصب لرأية لا يعطي الآخرين مجال لمناقشتة .


عدم الرد :
شخص يحب الاطلاع فقط على المواضيع ربما لضيق الوقت أولأن
الموضوع ليس من صميم إهتماماتة .


الرد بالموافقة أو المعارضة مع شرح الاسباب :
شخص مثقف يؤمن بأن اختلاف
الرأي لا يفسد للود قضية


منقووووووول

شكرا
جميلة خالص مالص
بس ياترى اللي في النص بينهم زي معظم اعصاء المنتدى يعمل ايه

ياجماعة انا والله محتارة اكمل ولا لا
بس انا والله مقصدش اى اهانة و لا سخرية من حد
الموضوع فكاهى مش اكتر
وفى نفس الوقت هو بيلقى الضوء على حياةالناس دى
وكمان كل المشكلة فالولد دا اهماله لنفسه و اهمال والدته
مش الفقر فى ناس كتيير حالتهم على قدهم بس عايشين
وشكرااااااااا لردودكم وارائكم الجميلة

عاشقة الموضوع مسلي جدا كملي

ياجماعة انا والله محتارة اكمل ولا لا
بس انا والله مقصدش اى اهانة و لا سخرية من حد
الموضوع فكاهى مش اكتر
وفى نفس الوقت هو بيلقى الضوء على حياةالناس دى
وكمان كل المشكلة فالولد دا اهماله لنفسه و اهمال والدته
مش الفقر فى ناس كتيير حالتهم على قدهم بس عايشين
وشكرااااااااا لردودكم وارائكم الجميلة

مش القصد من الكلام إن المضوع مش حلو
الموضوع بيبين سلبياتنا
واحنا علينا نقول كيف نعالجها
وده الهدف من كل المواضيع الموجودة في العام
ومش معنى إن في اعتراض على بعض الالفاظ يبقى الموضوع وحش
وياريت تكون دي نيتك
مش مجرد ضحكه والسلام
بارك الله فيك

توبيك جمــــــــــيل

طاب ماتيجى نضع حلول للمشكلة ...واسلوب عرضك اسطورة

منتظر الجزء الثالث

>>يومهم عامل ازاي دلوقتي
>>___________________
>>*الطفل الفافي (الهاف لايف) :
>>
>>1- يرجع من السكول تكون الداده في استقباله ... وتشيل منه الشنطه ...
>>ويغسل وشه ويغير هدومه
>>- والله العظيم ... وشه انضف من ما كان طالع الصبح أصلا -
>>#########################################
>>
>>2- بعد ما اتشطف .... وإتصبّن - الكلمه دي متعوب عليها على فكره -
>>يقعد
>>يلعب بلاي ستيشن لحاد ما يعملو الغدا
>>- الغدا بتاعهم بنشوفه في الأفلام الأمركاني -
>>
>>#########################################
>>3- هاني .. دينر از ريدي
>>- السيييم بتاعهم لما يجهز الغدا -
>>
>>#########################################
>>4- بعد الغدا ... يشرب كبايه (اورانج جووس) وينام ساعه عشان يعرف
>>يذاكر
>>ويحل الهوم وورك
>>- مش عارفة يعني ايه هوم وورك ... بس سمعتها من بنت خالتى -
>>
>>#########################################
>>*الطفل البييئه : ! !
>>
>>1- أخينا رجع من المعتقل ... او المدرسه زي مابيقولو عليها ... وهدومه
>>كلها مقطعه وعلامات التعذيب على جسمه ...
>>- تقولوش جاسوس اسرائيلي اتمسك في حلوان -
>>~~~~~~~~~~~~~~~~~~~~~~~~~~~
>>
>>2- امه لسه ماخلصتش الغدا ...
>>- النهارده امه دابحه دكر جبنه بيضه ... واحتمال يكون في فول بالصلصه
>>-
>>
>>~~~~~~~~~~~~~~~~~~~~~~~~~~~
>>3- ترااااادااترااااااااااااااااااااااااا ...
>>- دي اعلان الحرب ... أو الغدا <هجووووووووووم> -
>>~~~~~~~~~~~~~~~~~~~~~~~~~~~
>>
>>4- بعد اكلة الفول بالصلصه ومعاه فحلين بصل ... عادة ما يعقبها احساس
>>بالضياع
>>- تنااااااااحه ... فور آيفير -
>>~~~~~~~~~~~~~~~~~~~~~~~~~~~
>>بعد حالة التناحه او النوم دي ... بيجي وقت الشده ... ياترى الحياه
>>معاهم - الطفل الفافي .. والطفل البييئه - عامله ازاي ؟؟؟؟
>>
>>~~~~~~~~~~~~~~~~~~~~~~~~~~~
>>*الطفل الفافي (الهاف لايف) :
>>
>>1- يقوم من النوم على صوت الداده ... الهادي طبعا .. عشان يقوم يذاكر
>>مع المس (فرانكا) ... المدرّسه اللي جايبنهاله من انجلترا
>>- نازله مخصوص ...... بالكاتالوج -
>>_____________________
>>2- بعد ما يخلص المذاكره وتحضير دروس تاني يوم .... مامته تاخده
>>النادي
>>عشان يلعب رياضه (باسكت او تنس) و احتمال (سكواش)
>>- مشتركين في نادي المعادي والصيد والشمس ... ده غير سبورتنج في الصيف

>>_____________________
>>
>>3- يرجع من النادي ... ياخد دش ويحضر شنطته وينزل يتفرج على شانل تو
>>- شانل تو بتاعة الام بي سي ... مش بتاعة مصر طبعا -
>>_______________________
>>
>>4- على الساعه 10 يقوم عشان ينام .... والداده تحكيله حكايه قبل النوم
>>- سندريللا وسنوو وايت ... مش ابو رجل مسلوخه وامنا الغوله -
>>____________________________
>>5- ينام على صوت الداده وهي بتغنيله اغنيه رومانسيه ... وفي حضنه
>>الدبدوب اللي جاله في عيد ميلاده
>>- ملاك نايم يا اخواتي -
>>_____________________
>>
>>*الطفل البيييئه :
>>===========
>>1- يفوق من حالة التناحه من الفول والبصل على صوت حد من صحابه ...
>>عشان
>>ينزل يلعب كوره شراب في الخرابه اللي جنب الحاره بتاعتهم
>>- نفس بدايات ابراهيم سعيد -
>>_____________________________________
>>2- يرجع بيتهم وهو بيجري وهدومه متقطعه ودماغه واخده بتاع تلاتين قلم
>>على سهوه .... عشان شاط الكوره وكسر القزاز بتاع محل (عم سيد) البقال
>>- الراجل ده من كتر القزاز بتاعه ما اتكسر ... هايفتح مصنع قزاز -
>>________________________________
>>3- اخته جابته عشان يحل الواجب ويذاكر .. بس مامعاهوش قلم ... قام نزل
>>الشارع عشان يجيب قلم
>>- آدي دقني لو جاب ولا حتى رجع من أصله -
>>_________________________
>>4- على الساعه 2 الفجر ... باب بيتهم بيخبط .. وامه فتحت الباب شافت
>>جارهم دماغه متعوره وجايب لها المحروس اللي كان بيلعب حرب بالطوب وفتح
>>دماغه
>>- تقولش طفل من أطفال الانتفاضه -
>>____________________
>>5- ساب امه وابوه وهم بيصالحو جارهم وبيبوسو ايده عشان ما يعملوش
>>محضر .... واتسحّب المفعوص على المطبخ جاب حتة جبنه وطماطمايه ورغيف
>>معطن .... وزوغان على السرير
>>- بسلامته نايم وهو متلفح بالبطانيه زي مايكون من مطاريد الجبل

امه لسه ماخلصتش الغدا ..
>>- بسلامته نايم وهو متلفح بالبطانيه زي مايكون من مطاريد الجبلhttp://img141.imageshack.us/img141/9585/2oh6.gif
بسلامته نايم وهو متلفح بالبطانيه زي مايكون من مطاريد الجبل
اوعي يكون كده النهايه هههه فين الباقي
http://img209.imageshack.us/img209/5903/untitled1be2.gif

شكرا ليكى بس يعنى ايه بدايه ابراهيم سعيد دى اهانه لابراهيم سعيد ولا الزمالك

اختك توتا عاشقه الزمالك فور ايفر


اه على فكره فى ناس وسط مش كده اوى ولا كده اوى وهبقى احكيلك عنهم ومعظمنا منهم

الجزء الرابع ؟؟؟؟

هههههههههههههههههههههه