قبل ما بتدي انا حاليا في الصف العاشر اللي هو اولى ثانوي ..

و بدرس في كندا ...

عندي مشكلة بسيطة هي اني نفسي اجي ادرس طب في مصر .. بس للاسف محدش يقدر يزودني بالمعلومات لان التجربة دي مفيش ناس كثير مرت بيها

الثانوي الكندية متعادلة بالمصرية
بس المشكلة انها اصعب بميت مرره و دراستنا بالانجليزي
فبكثيري لما قطع نفسي حتت حجيب 95 %
اعمل ايه بقى ياجماعة الطب هنا نظامه غبي و كمان بيتكلف 18 ألف دولار في السنه يعني حوالي ستين الف جنيه في السنة الوحدة ده منقدرش عليه

عايزة اعرف الدرجات هتفضل زي ماهي ؟ و لا هتغيير حسب نظام طويل عريض .. مع العلم اني في العربي و الدين قويه لاني درست من اولى ابتدائي لثالثة اعدادي في السعودية ..

طيب اخر سؤالا الفيزياء مادة مهمة ؟ و لا مش ضروري ؟ ..

و يارب اللي يردعليا يجيب 100 %

و ادعولي

حرام عليكم


محدش عااارف ؟

السلام عليكم و رحمه الله و بركاته
اولا برحب بيكي و احب اعرفك بنفسي انا برضو طالبه في اولى (قدك يعني) و ممكن معرفش افيدك قوي بس انتي ممكن تستفيدي من الي عملتو
انا من رابعه ابتدائي كنت في السعوديه و لسه راجعه مصر السنه دي على اولى ثانوي
بس انا شفت ان هنا اسهل كمان من السعوديه و دي حاجه يمكن كتير ميصدقهاش بس بجد السعوديه نزلت قرارات للثانويه مدمرة فأنا اخدتها من اصيرها و رجعت و ان شاء الله هكمل و هاخد الثانويه العامه من هنا (بالرغم من ان اتعرض عليا ارجع و اخدها من السعوديه بس انا اخترت هنا لاني شوفت الدراسه اسهل و كمان نجحت فيها و كان ترتيبي في الامتحانات الثانيه )
فيعني دي تجربتي ممكن تستفيدي منها حاجه و يارب يوفقك و اعملي استخاره كده و استشيري باباكي و مامتك و ان شاء الله تحاولوا توصلوا لحاجه ...اسفه ان كنت طولت عليكي ...
و ربنا مع الجميع .....و ربنا ينولك الي في بالك

اولا اعرفك بنفسي
انا في الفرقة الاولى طب جامعة الاسكندرية

عندنا في الكلية فيه نظامين للدراسة او هو نظام الدراسة واحد بس البرنامج مختلف
برنامج مصري للطلاب المصريين و بعض الطلاب العربيين
و برنامج دولي
للطلاب الماليزين و المغتربين و راغبي هذا البرنامج التعليمي

اولا البرنامجين بيدرسوا نفس المناهج في نظام الدراسة الجديد لكن الاختلاف ان طلبة البرنامج المصري مش بيحضروا مع طلبة البرنامج الدولي و أماكن الدراسة تقريبا تكاد تكون واحدة

عشان حضرتك تعملي المعادلة و تدرسي بالبرنامج المصري بتقولي انك حتكوني جابية 95% معرفش انا نظام التحويل في كندا ايه و المعادلات رغم اننا معانا شهادات معادلة من طلبة الاي جي و الاميريكان في البرنامج المصري دي حاجة حضرتك تتأكدي منها

أما بالنسبة للبرنامج الدولي فأعتقد ده بالمصاريف بس لازم يكون فيه حد أدنى لنظام المعادلة
بمعنى ان البرنامج الدولي ممكن بيكون فيه طلاب مصريين من الدول الاجنبية مجموع معادلاتهم مدخلهومش البرنامج المصري
فبيدفعوا تكاليف البرنامج الدولي و يدخلوا فيه نفس الحكاية تقريبا بالنسبة للطلاب السعوديين و غيرهم في البرنامج الدولي

ده بالنسبة للدراسة في كلية طب جامعة الاسكندرية
معرفش حضرتك لو قصدك على كلية معينة
لو فيه استفسار حضرتك انا موجود