anafazora
30-05-2010, 07:26 PM
انا خلصت الفلسفة كلها بفضل الله لكن درس القضايا دة مش فاهم فية ولا حاجة علما انى مش باخد درس فى الفلسفة انا قلت انها مادة تافهة لكن ياريتنى اخدت درس يلا الحمدالله ..... ممكن مساعدة فى درس القضايا
|
مشاهدة النسخة كاملة : انقذونى anafazora 30-05-2010, 07:26 PM انا خلصت الفلسفة كلها بفضل الله لكن درس القضايا دة مش فاهم فية ولا حاجة علما انى مش باخد درس فى الفلسفة انا قلت انها مادة تافهة لكن ياريتنى اخدت درس يلا الحمدالله ..... ممكن مساعدة فى درس القضايا metoo_negar 02-06-2010, 11:35 PM اولا درس بسيط جدا بس ركز معايا اول حاجه لازم نعرف ايه هو الحد المنطقى الاول الحد المنطقى :هو اللفظ او الالفاظ التى تصلح ان تكون طرفا فى قضيه نخبر به شى او نخبر عنه شىء ولكن هذا الحد لا يعطينا المعنى الكامل مثلا نهر النيل هو اطول انهار العالم دى قضيه مكونه من عده الفاظ او حدود او حاجه مثلا نهر النيل ده حد هنخبر عنه شىء هنقول عنه معلومه بس لوحده مش هيوصلنا معنى كامل ينفع يعنى نقول نهر النيل ونسكت كده فهمنا حاجه لاء طبعا ولكن لما نقول نهر النيل اطول انهار العالم فيعتبر ( اطول انهار العالم ده حدود فى قضيه ولكن وحده اتممت المعنى مع الحد نهر النيل كده تمام .يارب يكون تمام نيجى بقى للقضايا * ما هى القضيه هى الجمله الخبريه التى تحتمل الصدق او الكذب نشرح بقى يا جميل يعنى القضيه فى المنطق هى الجمل الخبريه التى تعطينى معلومه من الممكن ان اصدقها او اكذبها يعنى ذهب محمد الى المدرسه دى قضيه طبعا عشان ممكن اقول هذه البقضيه صادقه فى حال ذهاب محمد للمدرسه فعلا او كاذبه اذا لم يذهب اما الجمل الانشائيه مثل (الاستفهام التمنى الترجى التعجب كل هذه الجمل لا تحتمل الصدق او الكذب او لا تصلح ان تكون موضوع علم المنطق لانها جمل لا تحتمل الصدق او الكذب مثلا لو قولت ما اجمل الطبيعه هذه الجمله لا تصلح ان تكون قضيه لانها انشائيه ومينفعش اقول صادقه او كاذبه لانها لا تعطينى معلومه حتى اصدقها او اكذبها خد بالك بقى معايا يا جميل للقضيه مكونات اولا الموضوع وهو الحد الذى نخبر عنه ولا بد ان يكون صفه ثانيا المحمول وهو الحد الذى نخبر به شيئا ويمكن ان يكون اسما او فعل او صفه ثالثا الرابطه وهى التى تربط بين الموضوع والمحمول وهى اما موجبه اى تفيد الاتصال بين الموضوع والمحمول وفى هذه الحاله تكون مستتره لا تكتب فى اللغه العربيه اما النوع الثانى ان تكون سالبه وهى تفيد الانفصال بين الموضوع والمحمول اى تسلب صفه المحمول عن الموضوع امثله بقى على الموضوع والمحمول والرابطه الموضوع مثلا محمد المتولى المحمول مثلا مدرس الفلسفه بالمحله الكبرى الرابطه هنا موجبه فتكون القضيه كلها عباره عن محمد المتولى مدرس الفلسفه بالمحله الكبرى فلا نقول فى اللغه العربيه محمد متولى يكون مدرس الفلسفه يكون هنا لا تكتب فى اللغه العربيه تمام اما فى حاله الرابطه السالبه هنقول محمد المتولى ليس مدرس الفلسفه يبقى هنا سلبنا او فصلنا صفه مدرس عن محمد المتولى تمام كده . ناخد بقى اول نوعين من القضايا وا سهلهم اول نوع القضيه الشخصيه وهى قضيه موضوعها اسم علم يعنى اسم شخص وهذه القضيه تعامل معامله القضيه الكليه لان موضوعها شخص واحد لا يتجزا فمثلا محمد موجود قضيه شخصيه كليه دائما لاننا لا يمكن ان نقول بعض احمد موجود او رجل احمد موجوده بس او دماغه فإن احمد لا يتجزأ النوع الثانى : القضيه المهمله وهى القضيه التى ليس لها سور ونحدد اذا كانت كليه او جزئيه حسب معناها اولا السور ههو ما يحدد كم وكيف القضيه فمثلا ليس بعض الناس مهمله القضيه هنا جزئيه موجبه وما حدد كمها وكيفها هو سورها ( ليس بعض ) تمام كده نرجع تانى ونقول ان القضيه المهمله قضيه لا سور لها وهى جزئيه او كليه حسب معناها مثال : المصريون عباقره هذه القضيه ج م ليه لما نلاقى قضيه ما ليهاش سور نسال نفسنا ونحلل معناها فهنا سألنا نفسنا هو كل المصريون عباقره لا مش كلهم جزء منهم يبقى القضيه هنا جزئيه موجبه طيب واذا قولنا المصرييون عرب هتبقى كل المصرييون عرب وهنا هنقول القضيه ك م . اتمنى ان يكون الشرح وصل الاول ركز فى الجزء ده وقولى ايه الى مش فاهمه وبعدين نكمل بعد ما ترد عليه بالتوفيق ان شاء الله مدرس الفلسفه بالمحله الكبرى محمد المتولى ونه 16-06-2010, 02:20 PM ازاى خلصت باقىالفصول وخاصةالمربع والقياس وانت ابيض فى القضايا؟ |