على الامتحان خلاص مفيش الا ايام يا ترى جهزنا للامتحان ازى؟

كل واحد مننا بيفكر بطريقته انه كده جهز للامتحان بس اكيد كلنا نتفق يا جماعة اننا لازم نلجا لربنا ونبقى متاكدين ان ربنا معانا ومش هيسبنا وان لكل مجتهد نصيب واللى لسه بيفتح الكتاب لاول مرة يجتهد ويحاول يلم اى حاجة المهم مش لازم يستسلم ولازم يعرف انه مش هيتعب بس عشان نفسه لا ده فى المقابل هيتعب عشان عائلته كلها اللى بتتمنى انها تشوفه حاجة كبيرة ارجو ان كلنا فى الايام دى نتجه لربنا بالدعاء ونبقى مؤمنين انها معادلة بسيطة لو احنا مؤمنين بربنا لازم هنبقى متاكدين اننا مش هناخد الا اللى ربنا كتبه لنا على العموم فى النهاية اتمنى النجاح والتوفيق للجميع وشكر خاص لكل المشرفين على الموقع والاساتذة الافاضل

good luck 2 u all... I hope everyone does well on his&her tests.... i only have 2 more; one on Monday and the other is on Tuesday, then I will be DONE....YAY! Alhamdulillah....then we will watch movies in all my classes till the end of the year; June 4th..
I really wish u all the best of luck and don't forget to make Du3aa as u start ur exams :)

<div align="center">بجد ربنا يوفقك على الموضوع اللى زى العسل ده

بس بجد هو الواحد هينهض يعمل ايه بس فى الكام يوم دول

وعلى فكره انا مش ثانوى عام
انا كليه تجاره



</div><div align="center"> </div>

شكرا ع الموضوع اللي ممكن ان هو يدي دفعة ولو صغيرة جدا للي محتار ومش عارف يتحرك يمين ولا شمال لغاية دلوقتي ,وطبعا اهم حاجة المفروض نعملها فعلا ذكر الله سبحانه وتعالى "احفظ الله يحفظك"وياسلامم لو ليلة الامتحان خليناها ليلة عبادة ودعاء من ربنا وياريت نصلي الفجر كمان اعتقد اليوم دة هيبقى يوم خاص جدا جدا جدا ,وطبعا ماننساش والدينا واخواتنا اوحتى قرايبنا ياريت نخليهم يدعولنا بجد وتوعدهم بفرحة قريبة باذن الله اكيد هيدعولنا من قلبهم لان الفرحة الحقيقية مش سهلة ....ودايما انا بامن ان الدافع النفسي اهم بكتير من اي دافع بس صدقوني لو طبقنا الكلام اللي ذكرته اكيد هتبقى النتيجة جميلة جدا وهنصيف واحنا مرتاحين...ههههههههه

شكرا جدا على ردودكم وانا باتمنى ان كلنا نقضى اجازة زى العسل ونحقق اللى نتمناه وعلى العموم كلها ايام وهتعدى بحلوها ومرها والعبره هنا بالصبر والكفاح عشان تعدى بخير وحظ سعيد للجميع ولازم نعرف انا مش كفاية نتمنى لكن لازم كمان نحاول نحقق اللى نتمناه

جهزت للامتحان ازاي ؟؟
اه فعلا سؤال ليه معني
انا لعبت 30 ضغط و40 سوسته وجبت ايس كريم
ينفعوا :D

بشرب شاىوشغال على بسكويت التغذية المدرسية
ومتسألوس بجيبه منين

...وعندى انيميا....
ايه تانى

لكن الامتحان ك امتحان
لسه حاجز ملعب فى فرنسا..يمكن اعمل معسكر قريب :lol:

بصراحة الموضوع دة كويس اوى اوى وباذن الله ربنا يكون معانا كلنا . وانا عضو جديد هنا وبشكرك على الموضوع دة .

انا بـ جهز

فى الطريق يعنى

بمعنى انى بدل ما كنت باخد ساعه ع النت كل خميس وجمعه بقي تقريبا كل يوم

وكبرت لمحاضرات المراجعة

ومتابعة قلب حبيبة ولحظات حرجه ومسلسل ع mbc4

مع انى اصلا بستغلسهم والله

والحمــد لله بدات اروق لنفسي وحاليا ماما بتكملى كورس الطبيخ دخلت فى مرحلة صعبة شوية

وبروح النادى يوم ويوم لا وبنام الساعة 2 ونص وبصحى غالبا 11 كده

اما عن المذاكرة فبذاكر فى اليوم مادة ( حلو اوى )

ولا فيه احساس بالمسؤولية ولا بتاع احمر

وربنا يستر عليا حاسة ان نهايتى قربت

وعمالة انصح وانا غرقانة فى شبر ميه ومفيش غير الالمانى اللى تقريبا انا مقفلاه

والحمد لله حتى بابا اللى كان عاوزنى ادخل حقوق بقي يقوللى يا رب تجيبيها

والمدرسون زهقوا من اعذاري اللى مبتخلصش يوم تعبانة دايخة سنانى واجعانى عيينيا اتعمت مصدعة مغص ع طول وبرد فى الحر وسخونية فى الشتا

ووالله المدرسين بيتصلوا بيا مثلا الانجليزى كل اسبوع مرة ع الاقل بيقوللى عملتى ايه ويحطلى جدول ويقوللى ع فيتامينات و يكلم ماما

بس انا مبتحركش

والرياضة والكيميا كذا مرة قعدوا معايا بعد الدرس وابقي خارجه اقول انا هروح اقطع نفسي وبردو مفيش اى حاجه بتحصل

ومدرسين المدرسة حتى يا ما قالولى خلينا نفخر بيكى انتى الوحيده اللى فى المدرسة من ساعة ما بدانا ندرسلك ............

ومفيش فايدة

وادينى النهاردة ربنا فتحها عليا وادينى اهوه اخيرا حليت 4 امتحانات المانى و حليت ييجى 7 صفحات فى كتاب الامتحان وطايرة بيهم حاسة انى عملت حاجه متعملتش قبل كده فى التاريخ

واصحابي مبيكلموينيش غير فى مواضيع تافهة حتى وان كنت متازمة

الواد بصلى الواد قلى عن اذنك البت برقتلى ماما قالتلى يا وحشة ابويا قاللى انتى مش فالحة

انا تعبانة واول سنة احس بتانيب ضمير جامد وقوة اكبر منه مخليانى مش قادرة اتحرك

ومش عارفة الوضع ده هيفضل لحد امتى مع انى والله والله كنت كاتبة ع كل كراساتى انا الاولى ع الجمهورية

وطبعا ده كله ومع ذلك لسه بعيده عن ربنا ... حتى الدعاء بيبقي قصير ومش من القلب كده

واحترامى بدا يُتحدث عنه الى ان تملكنى الغرور الذى ع وشك ان يدفع بى الى الهاوية

لولا انه المفروض اننا لا نسب الدهر لكنت قلت فيه اقاويل

انا قلبت جد بعد ماكنت داخلة اهزر

.. حسبي الله ونعم الوكيل على ما فعلت بنفسي !!!

هههههههههههه
نومى بقى 9 ساعات بدل 5 ساعات
وبقيت اقعد نت زياده عن الايام اللى فاتت
مش عارفه ايه اللى حببنى فى الفيديو جيمز مره واحده
والعاب التليفزيون اللى مش فى حد بيجى جنبها بتسلى بيها
وام بى سى اكشن عامله معاها واجب كبير وفيلم النهارده كان جميل اوى حتى استفدت منه بسؤال علل فى الفيزيا :D
وطبعا ده كله لا يخلو من كوب كابتشينو فى الخمسينه بنام بعديه على طول
وبجهز فى الهدوم اللى هروح بيها الامتحانات
الخ :D :P :lol:
ودمتم

ل الحاجات اللى بتعملوها ممكن تفضلوا تعملوها بس قلل منها شوية يعنى اللى بيتفرج على مسلسل اوبيمارس رياضة يا ريت يحدد وقت معين ليها لان حتى لو حاولت انك تذاكر 24 ساعة فى 24 ساعة صدقنى مش هتعرف تركز وكله هيبقى فى الفاضى على الاقل لوبتذاكر ساعة وتروق على نفسك ساعة احسن من مفيش وما زلت باقول يا جماعة نتجه لربنا بالدعاء وان شاء الله ربنا هيوفقنا كلنا انا عارفة ان ممكن كتير منكم يستهيف الموضوع بس بجد كل واحد فينا يقعد مع نفسه ويشوف هو جهز نفسه ازاى للامتحان ؟ اتمنى ان كل واحد فينا يقف مع نفسه وقفه واتمنى من اختى السنونو الطائر انها تحاول تقف مع نفسها ومتلوميش نفسك كتير اكيد انتى حاسه بضغط بس يا ريت لو تزودى الدعاء والصلاة وقيام الليل حتى لو تقدرى وفى النهاية ان شاء الله تحققى اللى فى نفسك واللى دايما بتكتبيه على كشكولك انك الاولى على الجمهورية مع تمنياتى بالنجاح والتفوق للجميع ههههه وانا معاكو كمان

اللهم امين
والله انا من ساعه ما كتبت المشاركه دى وانا اساسا مش طبيعيه :D
يللا ربنا يستر:)

:angry: :angry: :angry: :angry: :angry: :angry: :angry: انا بقى بالضبط 10 ساعات على النت بشيت وبكلم فى بنات وفى الوسط اروهح درس ولا اعد اكل والباقى بتمشى مع صحابى الفشلة فى الشارع او نعد على القهوة نلعب دمنى او شطرنج وفى الاخر بنام وكل يوم على هذا ومش عارف غير مادة واحدة ومقفلها الحمد لله والباقى مش عارف حتى فى كلمة واحدة والنهاردة 14/5/2007 فاضل اقل من الشهر على الامتحانات مش عارف الم الى فاتنى ازاى وا وا وا وا وا وا وا وا وا وا وا وا وا وا وا وا وا وا وا وا وا وا وا

الاول اقعد مع نفسك يا احمد وفكر انت بتعمل كده ليه وخصوصا خلاص مفيش على الامتحانات غير ايام واسال نفسك يا ترى ده نتيجة ضغط عليك؟ او فقدان امل انك ممكن تلحق تخلص حاجة؟ او اى حاجة تانية بس صدقنى حاول تلم اى حاجة وان شاء الله ربنا يوفقك ومفيش مانع يا عم تعمل كل الحاجات دى بس اصبر لحد الاجازة وكلها ايام وهتعدى سواء كانت حلوة او وحشة وان شاء الله بالتوفيق ليك و لنا كلنا