السلام عليكم


اولا احب اعرفكو انى انا بنت بس اللى سجلى هنا بابا
سالت حد سؤال بقوله انا نفسى اعمل حاجة علشان اوفى ولو لواحد على المليون من فضل امى عليا
ماتعرفش ممكن اعمل ايه؟
قالى زاكرى وانجحى واعملى حاجة تفيدها
قولتلوا ازاكر وانجح واتخرج وعارف ابقى كدة عملت ايه
ابقى زودت نسبة البطالة فيها
ولا اروح اتجوز واريح نفسي وابقى كدة ساعدت على الانفجار السكانى
حد يقولى انا ممكن اعمل ايه؟
بجد انا تعبانة جدا من الموضوع ده حاسة انى عاجزة ومتكتفة
وانا بحب مصر بجد ومستعدة انى افديها بروحى
واقسم بالله ان اللى بقوله ده مش شعارات ولا كلام وخلاص
شوف احساسك لما تكون بتحب حد اوى وهو محتاجلك وانت مش قادر تعملو حاجة
فما بالك بقا دى مصر امى وام الدنيا
انا مستنية ردودكم

انا عارفة ان السؤال صعب جدا علشان كدة محدش رد

ارجوكم حد يريحنى ويقولى اعمل ايه

:006et4::006et4:شكلك لما تكبري شويه حتبقي حاجه جامده اوي .بس بابا عنده حق لازم تذكري وتجتهدي عشان تنفعي بلدك .شوفي كام دكتور اتخرج وهو فاشل .وكام واحد مش سعر الدخول ليه اكبر من العلاج .كام مهندس خالف ضميره.كام مدرس مش عارف يربي الامانه اللي في ايديه.اللي انت منهم يا قطه.:romarioxp6:بس غير كده وقبل ما تكبري اوي ويبقي ده الهدف الاساسي شوف كام واحده زميلتك في الفصل او زميلك لو كنتي في ابتدائي ضعاف في ماده انت شاطره فيها واشرحيله .الماده وحلي اسئله معاه .كده يبقي شجعتيه .وفهمتي المعلومه اكتر وفدتي بلدك عشان ده حيبقي مواطن صالح انشاءالله بدل ما يفقد الثقه في نفسه .ورضيتي ربنا قبل كل شئ.وكوني مقتنعه انك مش بتذاكري عشان الدرجه.انت بتذاكري عشان تعرفي معلومات وعشان دماغك يبقي شغال.ومش تبقي زيي غيرك جاتله الفرصه وضيعها وسعتها حتكسبي حاجتين الدرجه.ونفسك

كونى لربك قبل أن تكونى لنفسك -------------- شكرا

انا متشكرة جدا على مروركم
بس الظاهر ان مفيش حد واخد الموضوع بجدية لان مفيش حد جاوبنى اجابة مقنعة
وانا مش صغيرة علشان حد يقوللى ياقطة انا فى تالتة ثانوى عام
يجد انا ابتديت افقد الامل فى كل الناس حتى اللى فكراهم مثقفين

هتقدر تعمل حاجة فعلا

بجد انا مخنوقة مكنتش متوقعة الردود دي
واحد يقوللى يا قطة وانا عندى 20 سنة
والتانى مش فاهمة قصدو ايه من الكلام اللى قاللو

انا اقدر اعمل اى حاجة بس انت قوللى

كونى لربك قبل أن تكونى لنفسك -------------- شكرا

مش فاهمة كلام حضرتك خالص وايه علاقة الكلام ده بالموضوع

اولا : أنا أحييى فيكى الاحساس بالمسئولية تجاه وطنك
وفى الحقيقة حماس الشباب ورغبته فى الاصلاح يصطدم مع توجهات المجتمع ومؤسساته وذلك لعدم اتاحة الفرص المناسبة لاستغلال طاقة الشباب والراغبين فى الاصلاح

ولكن كل انسان يستطيع ان يساهم فى تقدم المجتمع قدر استطاعته وحسب مجاله

و البداية تاتى باصلاح الذات اولا

الدنيا لا تنفصل عن الاخرة
1- الالتزام بمبادىء الاسلام واصلاح الدين اولا .

2-اصلح نفسك اولا ..بالمذاكرة والتفوق لانها الطريق الذى يصل بك الى وضع تكونى فيه اكثر قدرة على العطاء

ليس التخرج زيادة فى نسبة البطالة فعندما يكون الخريج متميز سوف يفرض نفسه ليحصل على افضل المناصب ..
وليس الزواج والانجاب زيادة فى عدد السكان وذلك
عندما تكون الاسرة نواة لخروج جيل متميز يقدر المسئولية سينفع المجتمع ولن يكون عالة على غيره .

شوفى بقى الرد المنتظر وبعدها لو عجبك ادعيلى

اولا:لازم تفهمى كويس انك مش هتقدرى تعملى اى شى بدون تاهيل وتدريب ((((((((((0عقلىومعنوى)))))))))))

والتدريب فين وازاى؟؟؟؟؟؟؟؟
اقلك يا قمر انا كانت عندى نفس مشكلتك ولقيت فكره
وعجبت مجموعه واشتركوا معى وسنبدا العمل والتدريب صيفاااااا 2010 باذن الله كلها ايام مش اكتر علشان الامتحانات

اللمكان / منتدى مجااااااااانى حزب شباب التنميه

http://hayat.banouta.net/forum.htm

عملته مجموعه رائعه وبنجهزه ليكون منتدى مجانى ثقافى هنفكر فيه وننظم افكارنا ونتعلم اللى ناقصنا ونعرف نبدا منين

ايد لوحدها متطورش
انشرى الفكره ورابط المنتدى المجانى
علشان نفيد بجد والافكار تزيد

اه صحيح اول ما تدخلى زورى قسم جيل التغيير والتنميه العقليه

وشوفى اول موضوع وحاولى تكونى صورة وهستنى رد فعلك
ونتقابل فى الصيف باذن الله وفقنا الله

اختك توتا

انا متشكرة جدا على المرور
انا دخلت المنتدى دا يا توتا وهو جميل جدا صراحة ويارب نقدر نعمل حاجة ان شاء الله هاسجل فيه فى الصيف
هو انتى المديرة بتاعت المنتدى انتى فتاة الحزب ولا مسجلة باسم تانى وايه هو

انت ازاي في تالته ثانوي ووالدك هو اللي مسجلك
وبعدين اللي بيوصل ل20سنه يبقي في تالته كليه .تالته ثانوي 16 حتي لو دخلتي المدرسه كبيره
وبعدين انت جايه تقولي كده وانت امتحانك يوم 12/6 ازاي انت بتهربي من المذاكره ولا مش محدده انت مين اصلا يا كبيره يا بتاعه تالته ثانوي

اولا بابا هو اللى سجلى هنا لاننا كنا لسة جايبين الكمبيوتر جديد او بمعنى اصح كنا لسة مشتركين فى النت جديد
وانا مكنتش اعرف استخدمه
ثانيا انا دخلت المدرسة متاخر سنة وقسمت تانية ثانوى احسبيها بقى
ثالثا حاجة ماتخصش اى حد ازاكر او ما ازاكرش دى حياتى واظن انا حرة فيها
وانا ماسمحش لحضرتك انك تكلمينى بالاسلوب دة لانى ماقولتلكيش حاجة غلط
وبعدين حبى لوطنى وحرصى على انه يبقى احسن بلد فى العالم مش محتاج مكان او زمان
اللى بحسو بكتبو وكنت ف****و اهل انى افضفض معاكو بس ياخسارة محدش بيفهم حد صح اليومين دول
كل واحد يفهم اللى هو عايزو ومايهمهش صح ولا غلط

وده برضه مش اسلوب تكلمي بيه ولا تردي بيه .ولو ميهمش حد مذكرتك ولا وحاجه تخصك جايه تشغلي مساحه ليه ؟وتسالي وتعترضي ؟
وبعدين برضه يعني ايه قسمتسي تانيه ثانوي انت مش في ام الدنيا اللي انت بتحبيها ولا ايه ؟
وبعدين مش عاجبك رد الاعضاء ومحدش عاجبك خالص كده
بكتبو وكنت ف****و اهل انى افضفض معاكو بس ياخسارة محدش بيفهم حد صح اليومين دول
كل واحد يفهم اللى هو عايزو ومايهمهش صح ولا غلط
بجد انا مخنوقة مكنتش متوقعة الردود دي
واحد يقوللى يا قطة وانا عندى 20 سنة
والتانى مش فاهمة قصدو ايه من الكلام اللى قاللو

بلاش تكتبي وتشغلي حيز.خلي اعمالك في سرك

وبعدين برضه يعني ايه قسمتسي تانيه ثانوي انت مش في ام الدنيا اللي انت بتحبيها ولا ايه ؟


بجد انا مش فاهمة حاجة ايه علاقة ده بده
اظن ان المنتدى مش بتاع حد ولاحد كتب اسمه عليه

انا اكتب اللى انا عايزة اكتبوا فى الوقت اللى انا عاوزاه مدام فى حدود الادب وعدم التعدى على خصوصيات الغير
يارب تكونى فهمتى
وعموما انا اسفة لو كنت غلط فيكى
والله يسامحك لو كنتى غلطى فيا

ربنا يعوض عليكم

كونى لربك قبل أن تكونى لنفسك -------------- شكرا

مش فاهمة كلام حضرتك خالص وايه علاقة الكلام ده بالموضوع



وأنا مش عارف أنصحك بإيه أكتر من أن تتوكلى على الله فهو حسبنا
وبعد ماتأكدت إنك لسه فى التعليم وإنا كنت فاكر إنك تخرجتى من الجامعه وبتدورى على حاجة تعمليها لبلدك
هقولك تانى
توكلى على الله وأخلصى فى مذاكرتك وربنا يوفقك ويمهدلك طريقك لتنفعى نفسك ووطنك
وشكرا لكى

انا متشكرة جدا لحضرتك على النصيحة الرائعة
وانا معجبة جدا بمواضيع حضرتك الهادفة وردود حضرتك اللى بتبين قد ايه حبك لبلدك
انا كان نفسى اقول لحضرتك الكلام ده من اول مادخلت المنتدى بس ماكنتش عارفة اوصل لحضرتك ازاى
يارب كلامى ده يوصلك

طيب أقول لنفسى إيه دلوقتى ؟
بعد مامنحتينى وسام أكبر من طاقتى
حب مصر فى قلوب كل سكانها
فقرا ومساكين وكمان أعيانها
حب البلد خطوه بنمشيها كل يوم
ودعوه بندعيها للواحد الأحد القيوم
يحفظ لنا أرضنا من (عندنا) لأسوان
ويوفقك وتعيشى دايما فى أمن وأمان
وشكرا لكى كمان وكمان وكمان و------

الله عليك يا استاذ
ربنا يخليك على الدعوة الحلوة دى
صدقنى انا لما بلاقى حد بيحب مصر اوى كدة ببقى فرحانة جدا واقول
مصر هاتتغير بينا
ربنا يخليك لمصر ويخلى مصر لينا

انا غيرت اسمى
هو دة الاسم اللى بيعبر عنى

نقدر نعمل الكثير طالما أن حبنا لها حقيقى

نابع من القلب بلا تكلف أو تصنع

فمصر لها حقوق كتيره علينا

ولكننا للأسف دائما ما نلقى عليها باللوم ولا نفكر فى كيف نعمل لنعلوا بها ونرفع من شأنها

جزاك الله خيرا على التوبيك الرائع

جزانا الله واياك خيرا
نورت التوبيك بمرورك الرائع

بجد موضوع رائع
تسلم الايادى

نقدر نعمل الكثير
زى ايه لو سمحت ممكن تقولى منه ولو قليل

نقدر نعمل الكثير
زى ايه لو سمحت ممكن تقولى منه ولو قليل