س___ كيف احصل من الطولوين علي زيت المروخ

طولوين > حمض بنزويك > بنزوات صوديوم > بنزين > كلورو بنزين > فينول > ألكلة > 2ميثيل فينول > أكسدة بـ v2o5 > سلسليك و تضيف إليه ميثانول

أقصر الطرق وان شاء الله صح :

الطولوين + الكلور ------- أرثوكلوروطولوين + ميتاكلوروطولوين+----

أرثوكلوروطولوين + koh مائية ---------c6h4 oh ch3

c6h4 oh ch3+o2 ----------- حمض سلسليك

حمض سلسليك + كحول ميثيلى ----------- زيت المروخ

بسم الله الرحمن الرحيم
1- طولوين + كلور = أرثو كلورو طولوين + بارا كلورو طولوين + HCl
2- أرثو كلورو طولوين + هيدروكيد صوديوم ( 300 *س ، 300 ضغط جو ) = 1-هيدروكسي ميثيل بنزين + NaCl
3- 1-هيدروكسي ميثيل بنزين + 3/2 O2 (خامس أكسيد الفاناديوم ، 400*س ) = حمض السلسيليك + ماء
4- حمض السلسيليك + ميثانول = زيت المروخ + ماء
جزاك الله خيرًا. تحويلة جميلة وعلى 4 خطوات بس ، يعني ممكن تيجي إن شاء الله.

ممكن حد يقولى المعادلات دى جت منين؟

يعنى انا مثلا يكون الكتاب اللى معايا كتاب بلد تانيه أو سنه تانيه؟

فيييييييييييييييييييين المعادلات دى؟

بسم الله الرحمن الرحيم
المعادلة الأولى في الكتاب ص 251
المعادلة الثانية في الكتاب ص 279 في آخر الصغحة
المعادلة الثالثة في الكتاب ص 290
المعادلة الرابعة في الكتاب ص 300
وأي تغيير في أرقام الصفحات ممكن عشان الطبعة ، أنا معايا طبعة 2006/2007

ياجماعه بالله عليكم حد يقولى
أنا ملقتش غير أول وأخر معادله

ورحت اسأل المستر قالى دى حاجات ملغيه ومش مستر واحد دول والله تلاته

أنا معايا كتاب 2009 2010 ممكن اللى معاه زيى يعرفنى الاقى المعادلات دى فين؟

هو انا عايش ف عالم تانى ولا ايه؟

مش احنا ف سنة 2010 برده؟

بالله عليكم الامتحان قرب وانا كده قلقت أوى

طب افتح مثلًا دليل التقويم ص 183 السؤال رقم 15 طبعة 2009/2010 وقوللي حتتحل ازاي؟
والسؤال رقم 8 كمان.

ماشى ياباشا انا عارف دى
بالنسبه بس للمعادله التانيه اللى هيا:


- أرثو كلورو طولوين + هيدروكيد صوديوم ( 300 *س ، 300 ضغط جو ) = 1-هيدروكسي ميثيل بنزين + NaCl

ده تفاعل تحضير الفينول. وجود مجموعة الميثيل مش حيأثر على التفاعل.

مشكووووووور

بس معلومه

امتحان الثانويه بيبقى لابد من وجود كل مافيه فى كتاب المدرسه

والمعادله مش موجوده ف كتاب المدرسه هيا ممكن نقول استنتاجيه بس لازم توفر كل المعادلات اللى هتيجى ف الكتاب
والا مش هيبقى امتحان ثانويه عامه




لك جزييييييييييييييل الشكر

عفوًا يا باشا. بس أظن إنه لازم يلاعبنا شوية على حتة التفكير دي :)

لو سمحتم أى حد من الاساتذه يدخل يعرفنا لأن انا للأسف مش عارف اوصل للنهايه
ومش عارف أزاى لما نضيف اكسجين ل 1-هيدروكسى ميثيل بنزين هيدينا حمض سلسليك؟
جت ازاى؟
أى مدرس ياريت من فضلكم

معلش على التطفل :) لكن ده تفاعل أكسدة. لما نأكسد الطولوين حيدينا حمض بنزويك، واحنا أصلًا معانا مجموعة هيدروكسيل في الوضع أرثو، يبقى حيتكون معانا حمض السلسيليك.
ويا ريت لو في أي حاجة غلط في كلامي يا ريت أي أستاذ يصلح لي ويعدل لي عشان الكل يستفيد

على فكرة مفيش حاجه غريبه فى المعادلات ولا حاجه
ومساله التويل سهله مش محتاجه وقفه
ومشكورين على المجهود