مشاهدة النسخة كاملة : الاسطوانة المعروفة اللى بيقولها الشباب للبنات
the best futur 04-06-2010, 04:36 AM بسم الله الرحمن الرحيم
حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض
يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)
حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )
انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه
حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )
يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)
حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)
هكلم باباكى اول ماكًون نفسى
(موووووووووووت يا حمااااااااااار)
عايز اشوفك كل يوم كل ساعه كل ثانيه
(عشان اصحابه يتأكدو انها حلوه)
حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (نفسسسسسسس الاسطوانه المشروخه)
انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)
معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )
ياحبيبتى انتى بتتكلمى فى أيه انا كل عطورى من فرنسا
( ايوه كلونيا خمس خمسات اللى هوا بتحطها عارفينها طبعا )
ياه لما بشوف رقمك على الموبيل قلبى بيتنفض (طبعا من الخضه انها تكون فأسته)
فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)
حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)
اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)
اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)
عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)
عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)
متمنيه الشهاده 04-06-2010, 01:12 PM بجد بجد رووووووووووووووووووووووووووووووووووووووووووووووووو وووووووووعه تسلم ايدك
عاشقة الطفولة 04-06-2010, 02:09 PM جزاكي الله كل خير
وفعلا هو ده اللي بيحصل
ربنا يهدي بنات المسلمين
http://i75.servimg.com/u/f75/12/45/24/80/7fd21c11.gif
the best futur 04-06-2010, 08:20 PM امين
شكرا لمروركم
هاوى إبداع 05-06-2010, 12:01 AM هههههههههههههههه
والله توبيك يقتل من الضحك
والله دا إحنا ياما هنشوف :d
the best futur 05-06-2010, 11:26 AM شكرا لمرورك
مسلمة متفائلة 05-06-2010, 12:53 PM ياحبيبتى انتى بتتكلمى فى أيه انا كل عطورى من فرنسا
( ايوه كلونيا خمس خمسات اللى هوا بتحطها عارفينها طبعا )
هههههههههههههههههه
الحوار كله اصلا بيضحك مووت
بس دى عجبتنى اوى
يلا ربنا يصلح الحال
جزاك الله خيرا
شذى العطر 05-06-2010, 03:50 PM هههههههههههه
جميل جدا
شكرا على الموضوع
the best futur 05-06-2010, 06:16 PM شكرا لمروركم
أم عمار قائد الأحرار 05-06-2010, 06:27 PM ههههههههههههههه الله المستعان
وقانا الله واياكن غالياتي من شرور اولئك الذئاب
ونسال الله الهدايه لنا ولهم
جزاكي الله خير موضوع رااااااااائع ووصلتي بيه معلومه بطريقه بسيطه ومضحكه ويريت البنات تقرأ ما بين السطور
حفظكم الله وبارك فيكم
the best futur 05-06-2010, 06:33 PM شكرا لمرورك
.no comment. 07-06-2010, 10:01 PM هههههههههههههههه
شكرا نايس توبيك
هند يوسف 08-06-2010, 03:13 AM ياحبيبتى انتى بتتكلمى فى أيه انا كل عطورى من فرنسا
( ايوه كلونيا خمس خمسات اللى هوا بتحطها عارفينها طبعا )
هههههههههههههههه
بجد جميلة جدا كلها
ودي عجبتني جدا
the best futur 08-06-2010, 07:25 PM شكرا لمروركم
توفيق كمال 10-06-2010, 02:31 PM هي دي الحقيقة للأسف
احمد صبري سيد 10-06-2010, 05:45 PM مش كل اصابع الشباب زى بعضها وانا هعلق على الافكار الوحشة دى لآنى بقول الكلام ده للى حبتها ارجو انكم تسمعو بلطف:-
1-حبيبتى انتى عارفه انا مش بحب حركات الشباب الطايش
ج-ممكن يكون كده حقيقى بيكون فى ناس كده فى المجتمع
2-يااااه ياحبيبتى انا حاسس انى اعرفك من زمان
ج-ممكن يكون ده احساسة اللى نابع من جواه
3-حاسس ان فيكى حاجه غريبه غير كل البنات
ج-ممكن تكون فيها سحر بيشده ليها وممكن تكون عاملاله عمل زى فيلم حبيبى ناماُ هههههههههههههههههههه
4-انا حاسس ان فى شبه كبير بين افكارى و افكارك احنا اكيد
مخلوقين لبعض
ج-ممكن تكون الشبة دى افكار وحدة ايه المشكلة فى كده
5-حبيبتى انتى اول حب فى حياتى وانا حاسس انى اتولدت يوم ماقبلتك
ج-ممكن يكون شاف الذل والظلم على ايد حد تانى محبوش وتكون بداية ولادتة من جديد على ايدك عادى يعنى
6-يااه يا حبيبتى انتى تؤمرى وانا انفذ اللى انتى عايزاه اجبهولك
ج-مش كل حاجة طبعا يعنى فى ده الحق يتقال كداااااااااااااااااااااب
7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
ج-اكيد خايف من حجتين اول حاجة انو حاسس انو ممكن يمل منك وتانى حاجة انو ممكن الشباب تبصلها وتعاكسها وبالتالى الشهامة هتندفع منو ويروح يعمل نفسة روميو وبيدافع على جوليت ويروح الشباب يدوه درس فى العلاقة ههههههههههههههه انتم يا بنات فاهمين
8-هكلم باباكى اول ماكًون نفسى
ج-تختلف على حسب بقا هوا بيتكلم بجد وانتى واثقة فيه يأما بيتسلى من غير كلام الحاجة دى
9-عايز اشوفك كل يوم كل ساعه كل ثانيه
ج-برضو مش الكل ماهو ممكن يكون برضو مبيقدرش يستغنى عنك
10-حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (نفسسسسسسس الاسطوانه المشروخه)
ج-ليه اسطوانة مشروخة انا عاوز اعرفكم حاجة مش كل الشباب نمور واسود بينهارو على الشباب انتم كمان بتموتو فى الشباب ومتقدروش تعيشو من غيرهم
11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
ج-فى الحالة دى ممكن يكون مش عاوز حد يتكلم عليكي او خايف من اهلك ليعرفو او بيتسلى
12-ياحبيبتى انتى بتتكلمى فى أيه انا كل عطورى من فرنسا
ج- صح من فرنسا اللى فى شارع وسط البلد ههههههههههههههههههه
اخر حاجة يا بنات مش كل الشباب كده ارجو الردود عشان اسكتكم لآنكم برضو اللى بتمشو مع الشباب وبتديهم الفرصة للكلام ده و ان كان صح ولا غلط
انتم طبعاً فرحانين يا شباب بس دى الحقيقة وانتم انا عارف انكم مش هتبطلو اللعب على البنات وانا واحد منكم طالما هلاقة البنت عاوزة كد ولا ايهههههههههههههههههههههههههههه-
احمد صبري سيد 10-06-2010, 05:49 PM مش كل اصابع الشباب زى بعضها وانا هعلق على الافكار الوحشة دى لآنى بقول الكلام ده للى حبتها ارجو انكم تسمعو بلطف:-
1-حبيبتى انتى عارفه انا مش بحب حركات الشباب الطايش
ج-ممكن يكون كده حقيقى بيكون فى ناس كده فى المجتمع
2-يااااه ياحبيبتى انا حاسس انى اعرفك من زمان
ج-ممكن يكون ده احساسة اللى نابع من جواه
3-حاسس ان فيكى حاجه غريبه غير كل البنات
ج-ممكن تكون فيها سحر بيشده ليها وممكن تكون عاملاله عمل زى فيلم حبيبى ناماُ هههههههههههههههههههه
4-انا حاسس ان فى شبه كبير بين افكارى و افكارك احنا اكيد
مخلوقين لبعض
ج-ممكن تكون الشبة دى افكار وحدة ايه المشكلة فى كده
5-حبيبتى انتى اول حب فى حياتى وانا حاسس انى اتولدت يوم ماقبلتك
ج-ممكن يكون شاف الذل والظلم على ايد حد تانى محبوش وتكون بداية ولادتة من جديد على ايدك عادى يعنى
6-يااه يا حبيبتى انتى تؤمرى وانا انفذ اللى انتى عايزاه اجبهولك
ج-مش كل حاجة طبعا يعنى فى ده الحق يتقال كداااااااااااااااااااااب
7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
ج-اكيد خايف من حجتين اول حاجة انو حاسس انو ممكن يمل منك وتانى حاجة انو ممكن الشباب تبصلها وتعاكسها وبالتالى الشهامة هتندفع منو ويروح يعمل نفسة روميو وبيدافع على جوليت ويروح الشباب يدوه درس فى العلاقة ههههههههههههههه انتم يا بنات فاهمين
8-هكلم باباكى اول ماكًون نفسى
ج-تختلف على حسب بقا هوا بيتكلم بجد وانتى واثقة فيه يأما بيتسلى من غير كلام الحاجة دى
9-عايز اشوفك كل يوم كل ساعه كل ثانيه
ج-برضو مش الكل ماهو ممكن يكون برضو مبيقدرش يستغنى عنك
10-حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (نفسسسسسسس الاسطوانه المشروخه)
ج-ليه اسطوانة مشروخة انا عاوز اعرفكم حاجة مش كل الشباب نمور واسود بينهارو على الشباب انتم كمان بتموتو فى الشباب ومتقدروش تعيشو من غيرهم
11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
ج-فى الحالة دى ممكن يكون مش عاوز حد يتكلم عليكي او خايف من اهلك ليعرفو او بيتسلى
12-ياحبيبتى انتى بتتكلمى فى أيه انا كل عطورى من فرنسا
ج- صح من فرنسا اللى فى شارع وسط البلد ههههههههههههههههههه
اخر حاجة يا بنات مش كل الشباب كده ارجو الردود عشان اسكتكم لآنكم برضو اللى بتمشو مع الشباب وبتديهم الفرصة للكلام ده و ان كان صح ولا غلط
انتم طبعاً فرحانين يا شباب بس دى الحقيقة وانتم انا عارف انكم مش هتبطلو اللعب على البنات وانا واحد منكم طالما هلاقة البنت عاوزة كد ولا ايهههههههههههههههههههههههههههه-
the best futur 14-06-2010, 02:46 AM انا عاوز اعرفكم حاجة مش كل الشباب نمور واسود بينهارو على الشباب انتم كمان بتموتو فى الشباب ومتقدروش تعيشو من غيرهم
لية ان شاء الله دة بالعكس لو يولعواويتحرقوا حيريحونا من قرفهم
خر حاجة يا بنات مش كل الشباب كده ارجو الردود عشان اسكتكم لآنكم برضو اللى بتمشو مع الشباب وبتديهم الفرصة للكلام ده و ان كان صح ولا غلط
هو بصراحة انا معاك فى انهم هما اللى بيدلهم الفرصة بس اى بنت بتعمل كدة انا بصراحة معنديش غير لقب
هبلة
عبيطة
مش محترمة
عمية علشان تبص لحد من شباب اليومين دول
انتم طبعاً فرحانين يا شباب بس دى الحقيقة وانتم انا عارف انكم مش هتبطلو اللعب على البنات وانا واحد منكم طالما هلاقة البنت عاوزة كد ولا ايهههههههههههههههههههههههههههه-
بالظبط انت كدة قولت الحقيقة لعب على البنات
يبقى كل الشباب معفنين وبيلعبوا ومفيش حاجة اسمها بحبك ومعرفش حد غيرك..................................
وياريت متكدبش وتقول الكلام اللى انت قولتوا فى الاول لانه كله كدب
ومفيهاش حاجة لو قلت الحقيقة على معتقد انها احسن من الكدب
وشكرا لمرورك
the best futur 14-06-2010, 02:50 AM هي دي الحقيقة للأسف
شكرا لمرورك ولصراحتك واتمنى الشباب التانى يقولوا الحقيقة زى حضرتك احسن ميكدبوا
واحب اقول حاجة لكل الشباب
كما تدين تدان
على الاقل خاف على اخواتك البنات من باباك وممتك لو مش خايف على اخواتك اللى فى الاسلام
وشكرا على مروركم جميعا
بسنت امير 16-06-2010, 05:12 PM فعلا البنت هى اللى بتدى الفرصه للشاب انه يضحك عليها بس هى برده اللى قادره انها تخليه حاجه تانيه احسن لان الحب يصنع المستحيل وهى بعقلها اولا ثم قلبها تقدر تغير الانسان ده
the best futur 16-06-2010, 08:39 PM انا مش معاكى مفيش حاجة اسمها حب والكلام هى اللى ممكن تغير الشخص البيئة اللى بيتهيئلها انها بتحبه دة كلام غلط البنت بتقول علشان توهم نفسها انها مش بتعمل حاجة غلط ومش حرام
شكرا لمرورك
MUSTAFAEGYPT 22-06-2010, 06:27 PM مشكووووووووووووووووووووووووووووووووووووووور
MUSTAFAEGYPT 22-06-2010, 06:30 PM هوا ده اللى بيحصل بالضبط بس بأمانه فيه شباب ودول قليليين جدا اللى بيكونوا صادقين بس البنت مبتصدقش للأسف لان السيئة بتعم والشباب الصالح بيضيع مع الطالح
بسنت امير 22-06-2010, 10:32 PM انا معاكى ف الرأى ده
the best futur 25-06-2010, 01:54 AM هوا ده اللى بيحصل بالضبط بس بأمانه فيه شباب ودول قليليين جدا اللى بيكونوا صادقين بس البنت مبتصدقش للأسف لان السيئة بتعم والشباب الصالح بيضيع مع الطالح
لا مفيش حد صادق كلهم بيضحكوا على البنات
وعلى فكرة انا قصدى بكلهم يعنى كلهم بلا استثناء
وشكرا لمرور ك وعلى فكرة انا بنت
the best futur 25-06-2010, 01:55 AM انا معاكى ف الرأى ده
شكرا لتقبلك الراى
وشكرا لمرورك
أريــــ الجنة ــــد 25-06-2010, 02:00 AM فعلا
اسطوانات كلها مشروخة
بس هتقولي لمين بقى
لسة البنات بتنخدع بردو
ربنا يا رب يهدي كل شاب وكل فتاة مسلمة
شكرا حبيبتي على موضوعك الرائع
the best futur 26-06-2010, 12:43 AM اميييييييييييييييييييييييييين
شكرا لمرورك
ahmeddeep 26-06-2010, 03:19 PM حبيت اشارك معاكم لأهمية الموضوع
افعل ما شئت كما تدين تدان
ولكن هذا الكلام ان كان من شاب فأعلمى جيدا ً انه لن يكون على دين صادق واسف ان اقول
ذلك ولكن الاسلام حرام العلاقة الغير شرعية بين الرجل والمرءة هذا أولا ً
ثانيا : البنت التى تسمح للشاب بذلك تكون مثل الشاب كما ذكرت ليس عندها دين صادق
ولكن نقول للجميع ان اى علاقة بين الرجل والمرءة فى هذا النطاق تكون علاقة محرمة تمام
حتى لو حدث خطوبة فهذا الكلام يهلكهما معا بعد الزواج ويحدث انفصال ويكون السبب
ان العلاقة ليس علاقة صحيحة ام العلاقة الصحيحة هى التى تدوم
اللهم اهدى شباب المسلمين ونساء المسلمين برحمتك يا أرحم الراحمين
the best futur 27-06-2010, 01:43 AM امييييييييييييييين
شكرا لمرورك
mahmoudasus 27-06-2010, 12:22 PM لبست ثوب الرجا و الناس قد رقدوا ** و بت أشكو الى مولاي ما أجدُ
أشكو اليك أمورا أنت تعلمها ** مالي على حملها صبر و لا جلدُ
و قد مددت يدي بالذل مبتهلا ** إليك يا خير من مدت إليه يدُ
فلا تردنها يا رب خائبة ** فبحر جودك يروي كل من يردُ
http://www.3mda.org/uploads/images/3mda-com2d207da4d7.gif (http://www.3mda.org)
http://www.3mda.org/uploads/images/3mda-comaa25ca6f37.gif (http://www.3mda.org)
http://www.3mda.org/uploads/images/3mda-com7d19c3b279.gif (http://www.3mda.org)
the best futur 27-06-2010, 11:02 PM شكرا لمرورك
asmaa2011 28-06-2010, 10:39 PM هههههههههههههههههههه
حلوة جدا جدا
بس فعلا كما تدين تدان وهيترد ولو بعد حين
منة2011 28-06-2010, 11:38 PM موضوع رائع ويا ريت كل البنات تاخذ بالها
نكتار 30-06-2010, 06:16 PM الموضوع جميل جدا
ياريت البنت التى عارف شاب وماشية معه تفوق من هذا الوهم
والشباب ياريت يراعوا ربهم ويتركوا البنات في حالهم لأنهم همه السبب في تضيع البنات من الركوض وراه في كل مكان
the best futur 01-07-2010, 12:46 AM شكرا لمروركم
"أم طلحة" 02-07-2010, 03:00 PM جزاكم الله خيرا
موضوع ذا صلة
ضحايا الحب....... (http://www.thanwya.com/vb/showthread.php?t=199776)
♥روميســـاء♥ 02-07-2010, 03:08 PM جزاكِ الله خيراً
أسأل الله أن يهدينا ويسترنا
ويرزقنا العفاف والتقى
اللهم آمييييييييييييييين
the best futur 02-07-2010, 07:57 PM امييييييييييييييييييييييييين
شكرا لمروركم
ChihirO 08-08-2010, 01:49 AM هكلم باباكى اول ماكًون نفسى
(موووووووووووت يا حمااااااااااار)
حلوة دى قوى دى الى دايما بتتقال فعلا
موضوع تحفة تسلم الايادى
mostafa_elmahdy 08-08-2010, 08:38 PM مش كل الشباب كده ولو كنت هتدور ع اساس كل ده هتلاقى البنت هى اساس ده لان هى اللى بتكلمه طالما شايفه كداب بتكلميه ليه وغير كده ف بنات كدابين كتيييييييييييييييييير برضه والله لكن لو البنت محترمه من الاول الولد مش هيقدر يكدب عليها او يكلمها اصلا لكن البنت بتبقى فرحانه انها بتكلم ولد وبيتفاخروا بينهم وبين بعض ان دى بتكلم ولد وكده
|