في البداية ارجو الا يسئ احد فهم العنوان وليس هذا الموضوع بقصد الاساءة للدكتور البرادعي الذي احترمه رغم اختلافي مع كل ما يطرحه
والموضوع ببساطة هو تحليل قصصي سياسي لظاهرة البرادعي كجزء من ظاهرة اكبر
البدايه حمادة يلعب
قصتنا تبدأ بحمادة يجلس امام الكمبيوتر يلعب كغيره من ملايين الاطفال يلعب فيفا او جاتا او نيد فور سبيد
فيحظى بلحظات من المتعة البريئة وتحقيق الذات فيصبح لاعب كرة فالنادي غالي وهو مش لاعيب قوي يعني
ويحظى بسارة حديثة
ويحارب ويربح
الفصل التاني حمادة بيحب
مرت كام سنة وكبر حمادة دخل عالم الشباب المبكر
الحب يداعب احلامه
والنت مليان وغرف الدردشة
وهو شاب مهذب يتعرف على بنوتة
يحدثها يحكي لها ينتظرها يتخيلها
وغالبا في النهاية تكون هذة الفتاة هي ابن خالته الرخم بيضحك عليه
الفصل التالت وبعدين طلع البرادعي
مرت كام سنة مش كتير وحمادة بقى شاب متحمس لبلده مقهور بظروفه
يحلم بمستقبل افضل
يبحث فين عن هذا الفارس؟؟؟؟
طبعا برضه على النت
فيطلع البرادعي
دكتور بس حمادة مش عارف في ايه
عالم ولا سياسي ولا موظف دولي؟؟؟
مش فارقة
وكما وجه حمادة كل طاقة الحب البرئ نحو توفيق ابن خالته الرخم
يوجه الان طاقته السياسية الحالمة نحو البرادعي
وهكذا يكون البرادعي جزء من فكرة العالم الافتراضي
Virtual world
صار شبابنا وكبارنا معهم يهربون من العالم الحقيقي لفضاء واسع عالم افتراضي يحاكي الواقع
حب وصداقة وسياسة وتعليم وكل شئ
قد يتصور البعض انني ضد هذا العالم على اطلاقه او اتصوره مجرد وهم
لكني اره له ايجابيات وسلبيات
ولكن الكارثة ان تختفي الحدود بين ما هو واقعي وما هو افتراضي

هههههههههههههههههههههههههههههههه
والله فهمت فى الاول غلط
مشكور على التوبيك
هههههههههههههههههههههههههههه

http://www.samygames.com/forumim/shokrmror/1/ouipuiopui.gif

بصراحة مكذب انا مفهمتش حاجة
معلش المذاكرة مؤثرة
ع العموم
شكراا ع الموضوع

يا عيني الحملة الاعلامية علك جامده قوووي حتي في النكت ؟؟؟؟؟؟؟؟

يا عيني الحملة الاعلامية عليك جامده قوووي حتي في النكت ؟؟؟؟؟؟؟؟

موضوع جميل بجد وشكرررررررررررا لحضرتك

thank you very much 4 this nice topic

اخي الغالي
اسف ان كنت تصورتها نكتة
والامر يحتاج منك اعادة قرأة منك
دمت موفقا

ما هو الواقع فى رأيك الذى يجب الا ننسحب منه ونذهب لخيال البرادعى

فعلا ممكن حضرتك توصف لنا العالم الحقيقى اللى المفروض نعيش ونرضى بيه

اللي يخلي اي حد يعيش في العالم الافتراضي ده هي القيود اللي في العالم الحقيقي

ايه اللي يغصبه انه يعيش في عالم مليان كوارث وقيود وظلم

بينما في عالم حر يعمل فيه اللي هوا عايزه سواء صح او غلط بدون ما أي حد يحاسبه

هي مشكلة فعلا ومحتاجة توعية ودلوقتي بأه كله بيضحك علي كله

والحلو اللي جوه الواحد هيتقلب وحش قريب

ربنا يهدي الجميع خلينا متفائلين

اولا اشكر الجميع على مروركم الكريم
ثانيا ارجو ان استطيع التعبير عما اقصده بوضوح
ان خيار اللجوء للبرادعي جاء في البداية وغالبه حتى الان عن طريق الفيس بووك
وهو ما اقصده ان الرغبة في التغيير وهي حق مشروع تحولت لمجرد حلم طوباوي مثالي بلا اجنحة فبحث عن رموز
يمكنها ان تحلق به عاليا
طرحت اسماء مثل عمرو موسى وزويل والبرادعي
وكان الاخير ابعدها عن الواقعية وهو نفسه لم يكن بباله الامر
ويتحول الحلم الافتراضي الي مشروع افتراضي يمس الواقع من قريب دون ان يتعمق فيه
والنتيجة
التف حوله يتامى الماركسية والباحثين عن الشهرة جوار الجادين الباحثين عن مستقبل افضل
وبدأت الانقسامات قبل ان تمر بضعة اشهر داخل ما عرف بالجبهة الوطنية للتغير وهي ترفض ان تكون حزب وتريد اللعب وفق قانونها هي
استقالات من القيادات والبرادعي يرد اللي عاوز يمشي يمشي
واتفق معكم ان العالم الافتراضي ارحب واقل قيودا وممكن ان يكون بداية للتغير شرط ان ننطلق منه ولا نكتفي به

بعد شوية إبن خالة حمادة سوف يكشف
له الملعوب ويسخر منه وسوف يفاجأ
بالبمبة الكبيرة لأنه فى الأصل لم يسمع كلام والديه أومن هم أكبر منه سنا

وبعد شوية أيضا سوف يكتشف هؤلاء الشباب الذين تعلقوا بالبرادعى على الفيس بوك أن حلمهم مجرد سراب
فالرجل فكره ليبرالى والليبراليون يحتاجون لمن يصلحهم لا أن يكون الأمل معقودا عليهم فى إصلاح أمة
أو العالم من حولهم.
الليبراليون فى الغرب ما أشد نفاقهم وهم يرون سفن الحرية وهى تضرب
من قبل اليهود أين ليبراليتهم؟
الليبرالية وهم يخفى وراءه كل الكراهية للاخر وحتى محاولة إلتهامه كما هو موجود فى أكثر من بقعة فى عالمنا الإسلامى مرورا من أفغانستان إلى العراق إلى فلسطين وليس إنتهاءا بالصومال
يا ليت قومى يعلمون كيد بنى ليبرال!!!!!
شكرا للأخ الحبيب أستاذ علاء

شكرررررررررأ على الموضوع.

مرسى على الموضوع الجامد
وبعدين هو البرادعى فاضى لسياسة البلد
وخلاص البلد بقت ميلك مبارك يبقى نتعب
نفسنا بقى ليه وربنا يعوض على المصريين

سيدى الفاضل ان ارتكبت خطأ فى التعميم
مع ادعائك بأنك لم تقصد البرادعى بسوء
لكنك بالفعل أسئت اليه ولأنصاره وخلطت بين الأوراق وبعضها وبين الجد وبين الهزل
ليس كل شباب النت حماده هذا وان كنت أقر بوجوده
لكن الخطأ هو التعميم المطلق دون روابط
ويقول الأستاذ أبو إسراء بأن خطأ حماده هذا انه لم يصتنت لأبويه أو لمن اهم أكبر منه سنا
وهذا خطأ أخر
فالقضية ليست قضية أعمار وإن كنت الخبرة مطلوبة لكنها ليست المقياس الوحيد

مع فائق الإحترام

الله يكرمك ياتيم بيرنرز لى اخترعت لعبه للشباب يلعبوا بيها
وشغلتهم عن واجباتهم ودرو سهم وليل ونهار قاعدين عليها
وإن شافوا شراره حولوها لنار ويقعدوا يشعللوا وينفخوا فيها
وباين منهم تبع عمو برادعى وعلمهم إزاىكل فضيحه يداويها
ينشر رجالته ع الفضائيات والصحف وكمان ع النت -ويكفيها
متعصبين ----للأسف متعلمين ومثقفين والبلد مدالهم إيديها
بيشعلوا فى النار- والمسئول عمل فرار والكل مش ناوى يطفيها

http://www.samysoft.net/forumim/shokrmror/1/sdfsdf.gif