سمر مبارك
06-06-2010, 12:23 AM
لازم نعمل حاجه ... وهنعمل
مستني الأجازة ؟؟ مستنية الأجازة ؟؟
أكيد كلنا مستنيين الأجازة
... فينا اللي مستنيها عشان يروح رحلة أو مصيف
فينا اللي مستنيها عشان هياخد كورس في حاجة معينة
و فينا .. و فينا .. و فينا
... و في وسط كل الناس اللي مستنية الأجازة ديه
في ناس مستنية الأجازة بفروغ الصبر ... بس هما مش طلبة !!! أمال مستنيينها ليه؟؟
راجل مستني الأجازة ديه عشان أخيرا بيته هيبقاله سقف يستر مراته و عياله
أرملة بتحلم بالأجازة اللي فيها هتفرح بجواز بنتها اليتيمة
طفل صغير مريض مستني الكرسي المتحرك اللي هيخليه يسيب السرير اللي اتسجن جواه من سنين
ست عجوزة نفسها قبل ما تموت تتوضى من حنفية ميه في بيتها عشان تعرف تصلي الفجر
قرية بحالها مستنية ملائكة الرحمة اللي هيغيروا حالها في يوم واحد
ده نوع من الناس ....
و عشان ربنا ما بينساش حد ... قذف في قلوب ناس تانية الفناء في حب الخير
و قالوا أنا مش مهم ... المهم هما يفرحوا و انت بس ترضى يا رب
اللي رايح رحلة ... قال هتبقى رحلتي لله
و مش هافوت قافلة الأجازة
اللي هياخد كورس ... قال هاتعلم حاجة جديدة ... هاتعلم من زمايلي عمل الخير
و برضه مش هافوت قافلة الأجازة
و برضه فضلوا مستنيين الأجازة بفروغ الصبر
و ده نوع تاني...
ناس تانية قالوا ... احنا مش هنستنى الأجازة أصلا... احنا هنبدأ من دلوقتي
!!!!
هنجمع تبرعات ... هنكلم متطوعين ... ليه نضيع وقت الامتحان من غير ثواب ؟؟
هتبقى خنقة امتحانات ... و كمان حرمان من الثواب ؟؟؟
... و ده كمان نوع
طب و انت ؟؟؟ و انا ؟؟
احنا من أنهي نوع ؟؟
هنقضيها خروجات و بس ؟؟
و لا هنخش في مرحلة الفناء مع زمايلنا ؟؟
و لا أصلا مش هنقدر نستنى الأجازة زي زمايلنا الجدعان التانيين ؟؟
اسأل نفسك ... و انا كمان
مش كان ممكن ربنا يخليني من النوع اللي الأجازة بالنسبة له مسألأة حياة أو موت ؟؟
و لا عشان هو كان كريم معايا ... يبقى أنا انسى اللي ما عندهوش النعم اللي عندي
الناس ديه ما اختاروش يكونوا من النوع ده ... ولا عشان أنا عندي حرية الاختيار هاقول طب سيبني افكر
!!!!
أنا خلاص اختارت ... انت لسه ؟؟
يلا قووم ... خليك ايجابي ... كلم أصحابك... قرايبك ...اتبرع انت و قول لهم يتبرعوا
و خلي كل حد فيهم هما كمان يسأل نفسه ...
انت نوعك ايه ؟؟؟
بجد حتكون احسن اجازة فى عمركم لو كنت معنا..عشان بجد فى ناس محتاجة مساعدة منكم
عشان عاوزيين نقابل النبي يوم القيامة و نقولوا إحنا خدمنا أمتك
مستني الأجازة ؟؟ مستنية الأجازة ؟؟
أكيد كلنا مستنيين الأجازة
... فينا اللي مستنيها عشان يروح رحلة أو مصيف
فينا اللي مستنيها عشان هياخد كورس في حاجة معينة
و فينا .. و فينا .. و فينا
... و في وسط كل الناس اللي مستنية الأجازة ديه
في ناس مستنية الأجازة بفروغ الصبر ... بس هما مش طلبة !!! أمال مستنيينها ليه؟؟
راجل مستني الأجازة ديه عشان أخيرا بيته هيبقاله سقف يستر مراته و عياله
أرملة بتحلم بالأجازة اللي فيها هتفرح بجواز بنتها اليتيمة
طفل صغير مريض مستني الكرسي المتحرك اللي هيخليه يسيب السرير اللي اتسجن جواه من سنين
ست عجوزة نفسها قبل ما تموت تتوضى من حنفية ميه في بيتها عشان تعرف تصلي الفجر
قرية بحالها مستنية ملائكة الرحمة اللي هيغيروا حالها في يوم واحد
ده نوع من الناس ....
و عشان ربنا ما بينساش حد ... قذف في قلوب ناس تانية الفناء في حب الخير
و قالوا أنا مش مهم ... المهم هما يفرحوا و انت بس ترضى يا رب
اللي رايح رحلة ... قال هتبقى رحلتي لله
و مش هافوت قافلة الأجازة
اللي هياخد كورس ... قال هاتعلم حاجة جديدة ... هاتعلم من زمايلي عمل الخير
و برضه مش هافوت قافلة الأجازة
و برضه فضلوا مستنيين الأجازة بفروغ الصبر
و ده نوع تاني...
ناس تانية قالوا ... احنا مش هنستنى الأجازة أصلا... احنا هنبدأ من دلوقتي
!!!!
هنجمع تبرعات ... هنكلم متطوعين ... ليه نضيع وقت الامتحان من غير ثواب ؟؟
هتبقى خنقة امتحانات ... و كمان حرمان من الثواب ؟؟؟
... و ده كمان نوع
طب و انت ؟؟؟ و انا ؟؟
احنا من أنهي نوع ؟؟
هنقضيها خروجات و بس ؟؟
و لا هنخش في مرحلة الفناء مع زمايلنا ؟؟
و لا أصلا مش هنقدر نستنى الأجازة زي زمايلنا الجدعان التانيين ؟؟
اسأل نفسك ... و انا كمان
مش كان ممكن ربنا يخليني من النوع اللي الأجازة بالنسبة له مسألأة حياة أو موت ؟؟
و لا عشان هو كان كريم معايا ... يبقى أنا انسى اللي ما عندهوش النعم اللي عندي
الناس ديه ما اختاروش يكونوا من النوع ده ... ولا عشان أنا عندي حرية الاختيار هاقول طب سيبني افكر
!!!!
أنا خلاص اختارت ... انت لسه ؟؟
يلا قووم ... خليك ايجابي ... كلم أصحابك... قرايبك ...اتبرع انت و قول لهم يتبرعوا
و خلي كل حد فيهم هما كمان يسأل نفسه ...
انت نوعك ايه ؟؟؟
بجد حتكون احسن اجازة فى عمركم لو كنت معنا..عشان بجد فى ناس محتاجة مساعدة منكم
عشان عاوزيين نقابل النبي يوم القيامة و نقولوا إحنا خدمنا أمتك