لأن اولادنا اغلى حاجه عندنا وكمان لأنهم أذكياء وبجد هم اذكياء جدا ((ومعظمنا يعرف ان اذكر طفل فى العالم هو المصرى محمود وائل محمود، مواليد 1/1/1999-خضع الطفل محمود وائل محمود لاختبارات عديدة لقياس الذكاء لديه، فتبين انه يتفوق من حيث الذكاء على رؤساء جامعات مصرية في كيفية تدبر أمره والتصرف في حالات معقدة.))

وعلشان بيسألو اسئله محرجه (طبعا دا من وجهة نظرنا احنا الكبار) و اسئله عمرها ما خطرت على بالنا واحنا صغيرين
عملت الموضوع ده اللى هناقش فيه اكتر الاسئله احراجا وجرأه اللى اطفالنا بيسألوها وكمان ازاى هتكون اجابتنا عليها
اسئله اطفالنا هى نافذة لنا لمعرفة كيف يفكرون وطريقة معرفتنا لطرق تفكيرهم هتخلينا نعلمهم احسن وبكفاءه اكتر احنا محتاجين نخاطب عقول ولادنا ونسمح لهم بالنقاش معانا موش نفرض عليهم آراءنا
ولازم نعرف ان عندنا فرصه واحده بس علشان نجاوب اسئله اطفالنا بطريقه صحيحة

أسئله اولادنا وبناتنا من سن 4 الى سن 10 سنوات

سنضع الاسئله وعاوزين نعرف ايه هى احسن وافضل الاجابات المباشرة والصادقه

1- الام او الاب: اصحى يا أحمد علشان تروح المدرسه.
الطفل : انا موش عاوز ارح المدرسه النهارده . هو لازم اروح المدرسه كل يوم؟

2- الاب او الام: ميعاد النوم جه؟
الطفل : ممكن اسهر كمان شويه ؟

3- الطفل:هو فى عفاريت ؟
الاب او الام : ايوه بس منقدرشى نشوفهم
الطفل: مدام منقدرشى نشوفهم يبقوا موش موجودين .صح؟

فضلا وليس امرا من الاخوه الاعضاء وضع اجابنهم بنفس ترتيب الاسئله

ولكم جزيل الشكر

1- الام او الاب: اصحى يا أحمد علشان تروح المدرسه.
الطفل : انا موش عاوز ارح المدرسه النهارده . هو لازم اروح المدرسه كل يوم؟
طبعا لازم تروح .زميلك مستنينك بيسألوا عليك .ومدرسينك يزعلوا لو مرحتش .وبعدين اي مهندس ممتاز لازم يكون متعلم ونشيط

2- الاب او الام: ميعاد النوم جه؟
الطفل : ممكن اسهر كمان شويه ؟
قبل معاد النوم بتاعه بنص ساعه .حقوله ادخل نام .حيقولي اسهر كمان شويه .حقوله تختار تنام دلوقتي(اللي هو المعاد الاصلي) ولا بعد نص ساعه .اعمله حريه اختيار.

3- الطفل:هو فى عفاريت ؟
الاب او الام : ايوه بس منقدرشى نشوفهم
الطفل: مدام منقدرشى نشوفهم يبقوا موش موجودين .صح؟
بقوله اصلا مافيش عفاريت م الاول .
هو يقولي فلان قالي .او حكي لي .
بغنيله اغنيه الجنيه.
لأ قول كلام غير دا
دي حاجه متدخلش العقل
طب قولي فين هي الجنيه دي حاجه ولا ليها اساس
واديني اهو في وسط الميه والميه تطدب الغطاس
بت بابت انتي يا جنيه اطلعي ياله قوام من الميه ووريني نفسك دلوقت .
انا هو ادامك مستني وما خفتش وجريت وهربت
طب بت يا بت انتي يا جنيه يا بت ده انتي يا دوب كلمه في حدوته وملتوته
زمنك خلاص عدا من بدري ودلوقتي بقي فيه النت.:romarioxp6:
http://www.youtube.com/watch?v=D-jjngfVeKQ

افتكر كده عشان مش اخلي دماغه مهلبيه ويصدق الخرافات .:confused:بس انا مش عندي اطفال .انا مدرسه رسم:039uw8:

دي وجهه نظري

شكرا للاخت الفضيله smsma (http://www.thanwya.com/vb/member.php?u=331289) على الاجابات اللى اقنعتنى شخصيا واكيد هتقنع اى طفل
شكرا مرة اخرى
http://safeena.org/vb/images/smilies/salimat.gif

طيب لو ابنك او بنتك سألك هو ربنا فين؟
طيب هو ليه ايدين و رجلين زينا
وبياكل و يشرب زينا
و مين اللي خلاه ربنا ترد تقول ايه

عسل اوي مدرسة الرسم

«بابا هو مين ربنا؟»، «هو أنا لازم أصلى كل يوم؟» هذه الأسئلة وغيرها لا يتردد الأطفال فى توجيهها لآبائهم، ليبدأوا بها أولى مراحل معرفتهم بأمور الدين البسيطة التى تناسب أعمارهم، لكن آباء وأمهات عديدين يعانون من كيفية توصيل هذه الأفكار إلى الأبناء، ومنهم من يؤجل الحديث فيها مع الأطفال بحجة أن «عقلهم صغير» وعدم استيعابهم لما يقال فى هذه الأمور.. وهو ما يتسبب فى شرود ذهن الأطفال والبحث عن إجابات بعيدة لكل تلك الأسئلة، قد يكون من الصعب تغييرها فيما بعد.
أ. د. إنشاد عزالدين، أستاذ علم الاجتماع العائلى والمشكلات الاجتماعية، يرى أهمية الحديث مع الأبناء فى بعض أمور الدين منذ سن مبكرة، مثل فكرة وجود الله والثواب والعقاب وتشجيعهم على الصلاة والصوم، على أن يتم ذلك بأسلوب مبسط وسهل مع الحرص على استخدام الألفاظ البسيطة فى توصيل تلك المعانى، والرد على أسئلة الأطفال مهما كانت ساذجة أو محرجة، وفى حالة عدم معرفة الأب أو الأم إجابة السؤال فلا داعى للرد الخاطئ، بل من الأفضل البحث عن الإجابة الصحيحة حتى لا تتراكم مفاهيم خاطئة فى ذهن الطفل.
الاتفاق بين الأب والأم فى أسلوب تربية الأبناء أمر غاية فى الأهمية، وليس من الصحيح إن كان هناك اختلاف بينهما أن يصل هذا الاختلاف للطفل، خاصة فيما يتعلق بالدين، لأن الأطفال يتمتعون بذكاء كبير، فعندما يرفض الأب مثلا أن يصوم ابنه بينما توافق الأم وتشجعه، فإن ذلك يجعل الطفل فى حالة تذبذب ويستغل بعض الأبناء هذا الاختلاف فى حالات كثيرة للإفلات من العقاب.
كما يجب على الأب والأم أن يكونا قدوة حسنة لأبنائهما، فكيف أطلب من ابنى المواظبة على الصلاة بينما لا يرانى أصلى.
ويعطينا أحمد ربيع، مدرب تنمية بشرية، بعض الأساليب التى يمكن استخدامها خلال تعريف أبنائنا بأمور الدين وغرس القيم الصالحة فى نفوسهم، ومنها استبدال العنف والضرب بوسائل للترغيب فى المراحل الأولى لتعليم الأطفال الصلاة، مثل الهدايا، ثم نبدأ معه مرحلة متقدمة وهى التعريف بثواب الصلاة.
واستخدام اللعب كوسيلة لغرس القيم الأخلاقية فى سلوك الطفل وربطها بالناحية الدينية، فعلى سبيل المثال قيمة «الصدق»، يمكن اختبارها بمساعدة الطفل فى الرسم ثم سؤاله: «هل ساعدك أحد؟» فإن كذب، قل له الحقيقة مع إرشاده إلى أن مَن يكذب فسوف يعاقبه الله.
اختبار الأمانة: قل لابنك أى شىء سرا وأطلب منه عدم الإفصاح عنه، فإذا أباح به لأحد، تحدث معه عن قيمة الأمانة وعقوبة خائنها.
التعليم بالقصص: يحب الأطفال القصص، وليس من الضرورى أن تكون دينية، ارو له قصة ثم ناقشه فيها بأسلوب مبسط، فإذا لاحظت انحيازه لشخصية ذات طباع سيئة، تكلم معه عن قيمة العدالة.
انصحه بمشاهدة برامج دينية وتعليمية تناسب سنه، ليرى نماذج لأطفال أكبر منه أو فى سنه حققوا نجاحات مشرفة، وشجعه على تقليدهم.
التوجيه وسيلة مهمة لتعليم الطفل، مثل «كُل بيمينك»، أو إذا وجدته يضرب صديقه فأمره بعدم تكرار هذا الفعل لأنه خطأ، واربط الواقعة بآية أو مقولة دينية تنهى عن ذلك.

طيب لو ابنك او بنتك سألك هو ربنا فين؟ربنا في كل مكان يسمع ويري كل شئ احنا بنعمله .
طيب هو ليه ايدين و رجلين زينا
وبياكل و يشرب زينا
لا هو مش زينا .هو اللي خلقنا.ومجدش حيشوفوا غير المؤمنين اللي بيسمعوا الكلام
و مين اللي خلاه ربنا ترد تقول ايه
لان هو قادر علي كل شئ ومفيش أي مخلوق تاني يعرف يعمل اللي ربنا قادر عليه.
تعرف تخلق عضفوره وتخليها تطير

وعادتا اسئله الاطفال استفساريه .!:confused:مش تحليليه.
وبيبقي فيه أسئله اصعب من كده لو أم والاب مردوش عليها بيسأل زميله في الخفاء في الفصل وبعدين تتحول للمدرس:(

ولازم في الاجابه منحبطش الطفل ونقوله لنا تكبر حتبقي تعرف:redface:

عشان ممكن يضحك ويقولك يعني انت عارفه؟مش انت كبيره؟
طيب قولي ولا انت مش عارفه تجاوبي!:redface: