السلام عليكم ورحمة الله وبركاته
ازيكم يا جماعة عاملين ايه ان شاء الله تكونو بخير ندخل على طول فى الموضوع :blush:
النهاردة ناس كتير بتشتكى من المذاكرة والدراسة والامتحانات فانا حبيت اعمل الموضوع ده يمكن تستفيدوا منه
اولا وقبل كل شئ لازم نعرف ان علاقتنا بربنا اهم حاجة :) ولازم نتاكد اننا مش هنقدر نوصل للى عايزينه الا مع ربنا
لو الواحد فينا قام قبل الفجر بساعة وصلى ركعتين ودعا ربنا وهو واثق ان ربنا هيجيب دعائه وبعدين يصلى الفجر كده علاقته هتنتظم مع ربه وده اول عنصر حبيت اتكلم فيه وده اهم عنصر مش كده ولا ايه ؟
* ازاى اذاكر وانظم وقتى ؟ سؤال بيقوله طلاب كتير وهنا لازم الواحد ينظم يومه بمعنى يشوف هيعمل ايه ويسجله بوقته فمثلا
" هروح المدرسة من الساعة 6 للساعة 1 على حسب كل واحد يبقه ده وقت المدرسة . نشوف بقه وقت الاكل يعنى نص ساعة غدا ونص ساعة عشا مثلا يعنى نشوف وقت الصلاة ودى اهم حاجة ندى كل صلا 20 دقيقة على الاقل يعنى وهكذا نشوف وقت الراحة والترويح والنوم والدرس طبعا " وبعد كده نشوف صافى المذاكرة هيكون كام والمفروض يكون صافى صافى ومش لازم يتساوى عدد ساعات المذاكرة كل يوم على حسب تنظيمة الوقت وبعدين نعتبر اتبقالنا 6 ساعات مذاكرة نبدا نقسمهم على المواد المختلفة كل يوم بالتنوع يعنى مواد النهاردة غير مواد بكرة وهكذا ....ونخلى بالنا لازم لما نقعد على المذاكرة نصفى كل اللى فى عقلنا ونبقه مركزين ومنسرحش :stickjo4: وعلى فكرة لازم تحب المادة اللى بتذاكرها هاقولك اثر ده ايه مثلا لما تبقى قاعد مع زميلك وبتحكى معاه هل بنسرح لا طبعا :stickjo4:هكذا المذاكرة لازم نحب المادة ونحاول نحل كتير عليها ونراعى ظروف الدرس والمدرسة يعنى لو صابح عليا مادة تاريخ يبقى لازم اذاكر تاريخ واحاول على اد ما اقدر احضر الدرس الجديد علشان ده له افادة كبيرة هتعرفها بعدين .:040vk0: كده يبقه خلصنا العنصر التانى ولسه الموضوع ماخلصش لسه هنعرف ازاى استفيد من وقتى فى المدرسة ازاى اركز فى الفصل واستفاد من المدرس اللى بيشرح وازاى اكون الطالب الذكى وبرضه هنعرف ازاى نواجه قلق الامتحانات وحاجات كتير :049gc0:بس هتوقف النهاردة ونكمل بعين لما اشوف ردودكم وهل الموضوع عاجبكم ولا ايه ؟ مع السلامة دلوقت ونكمل بعين :av4056bb7jp3::078111rg3:

شكرا جزيلا على المعلومات دى
وكملى وربنا معاكى
حضرتك ذكرتى حاجات جديدع اول مره اسمعها ولكن بقول كملى واستمرى وعايزين معلومات جديده ومفيده للطلبه
وبالتوفيق وربنا يجعله فى ميزان حسناتك
والسلام عليكم

شكرا جزيلا على المعلومات دى
وكملى وربنا معاكى
حضرتك ذكرتى حاجات جديدع اول مره اسمعها ولكن بقول كملى واستمرى وعايزين معلومات جديده ومفيده للطلبه
وبالتوفيق وربنا يجعله فى ميزان حسناتك
والسلام عليكم

متشكرة قوى على مشاركتك ويا رب اكون قدرت افيدكم سعيدة بمرورك :av4056bb7jp3::av4056bb7jp3:

شكرا جزيلا على المعلومات دى
وكملى وربنا معاكى
حضرتك ذكرتى حاجات جديدع اول مره اسمعها ولكن بقول كملى واستمرى وعايزين معلومات جديده ومفيده للطلبه
وبالتوفيق وربنا يجعله فى ميزان حسناتك
والسلام عليكم

متشكرة قوى على مشاركتك ويا رب اكون قدرت افيدكم سعيدة بمرورك :av4056bb7jp3::av4056bb7jp3:

نتابع مع بعض ونكمل الموضوع مستعدين........ يلا بينا :049gc0:
دلوقتى بقه هنعرف ازاى منسمحش اطلاقا لاى فرصة انها تضيع :049gc0:علشان نضاعف قدراتنا التعليمية بمجهود صغير خالص :romarioxp6:
هنقولها فى ملاحظات بسيطة وانتبهوا معايا خالص متفقين يلا :040vk0:
1- هنبدأ نستعد قبل ما ندخل الفصل ازاى ؟ ان احنا نجهز كراسة لتدوين الملاحظات الهامة اللى بيقولها المدرس وسط الشرح ودى نقطة مهمة مش بيركز عليها الا الطلاب اللى بيفكروا صح :slap1qk6:
2- هنبدا نهزم اى احساس يجيلنا بالحرج او الخوف من طرح اى سؤال على المدرس اللى قدامى مهما كان السؤال ممكن يكون فى اجاببته معلومة مفيدة تعرفها لاول مرة :028ja7:
3- اوعى تفكر تفكير سلبى بان الطلاب التانية اشطر منك واتاكد انك مش هتقدر تمنعهم من المذاكرة وبرضه اتاكد انهم برضه مش هيمنعوك من المذاكرة :039uw8:
4- فى حاجات بتقوى العلاقة بينك وبين مدرسك وده له اثر كبير عليك طبعا ايه بقه الحاجات دى اولا متقاطعش المدرس بطريقة غير لائقة :022yb4:وكمان لما تيجى تجاوب على سؤال من المدرس لازم تستنى لما يخلص سؤاله وبعدين رتب اجابتك فى مخك وابدا قولها بثقة وبصوت عالى مش عالى قوى يعنى :028ja7: كمان اذا جبت درجة مكنتش متوقعها فى الامتحان متزعقش فى مدرسك وتقوله ليه كده يا مستر وتعترض على الدرجة بل بالعكس لازم تقوله علمنى يا مستر ازاى اتعلم من اخطائى ازاى احسن من اجاباتى
5- من الامور المهمة كمان انك متسارعش فى جمع كتبك يلا الجرس يدق وخلى بالك دايما المدرس يقول المعلومة المهمة فى اخر الحصة خلى بالك للحتة دى :040vk0:
6- من اكتر الحاجات اللى بتستفز المدرس انك كل شويه تبص فى الساعة كدة انت بتوتر العلاقة اللى بينك وبينه والطالب الذكى يركز فى الشرح حتى لو كان ممل مش كده ولا ايه :friendsxs3:
كده انا قولت ازاى منضيعش فرصة وقت المدرسة من ايدينا واهم حاجه ان نعمل بالكلام ده كل ده مش هياخد منك لاوقت ولا مجهود بل هيديك حاجات تفيدك ونكمل العناصر التانيه بعدين لما اشوف ايه رايكم خلى بالكم الموضوع لسه مخلصش سلام :022yb4:

مشكوره يا قمر

استفدت كتير

فى انتظار الباقى على أحر من الجمر

يلا نكمل موضوعنا ...احنا كنا وصلنا لغاية فين ؟ افتكرت خلاص .................
ازاى نذاكر ؟ ازاى نحفظ صح ؟ ازاى نبعد عنا السرحان ؟
اولا قبل ما نذاكر لازم نحدد هدفنا واتاكدوا ان اللى بيذاكر علشان يطلع التانى عمره ما هيطلع الاول :stickjo4:يبقى لازم نذاكر ونحط قدامنا هدف اننا لازم نطلع الاول خلاص اتفقنا ...........كمان فى نقطة هتاثر كتير وهى المكافاة ازاى ؟ هاقولك لما تيجى تذاكر وتنجز حاجات كتير اومثلا تجيب درجة نهائية فى امتحان ما تكافئ نفسك وده هيقوى عزيمتك "جرب وادعيلى " .............
نشوف بقه هنحفظ ازاى ؟ علشان تحفظ كويس وتجيب الدرجة النهائية اعمل اللى هقولك عليه :
لو عايز تحفظ درس مثلا هتقسمه لجزئيات وتحدد لكل جزئية وقت محدد مناسب لاكتير ولاقليل وتعمل مسابقة مع الوقت:stickjo4: بمعنى لو انت خلصت قبل الوقت ما يخلص يبقى غلبت الوقت :friendsxs3: وفزت عليه اما لو الوقت خلص وانت مخلصتش يبقى الوقت فاز عليك :blush: اما لو خلصت مع الوقت يبقى تعادل بس بشرط احفظ كويس ولازم تثبت الحفظ بحل التمارين والاسئلة ويا ريت تكون مجابة علشان تعرف مستواك واوعى تكروت الحفظ :stickjo4:واحفظ بفهم ومتيأسش لو الوقت غلبك عادى المهم تكون حفظت وحاول تطوير نفسك ....... كمان هاقولك على حاجات تثبت حفظك وهى لما تيجى تذاكر احفظ من مصدر واحد كده يبقى انت حافظ ميه فى الميه خلى بالك دى نقطة مهمة جدا كمان وانت بتحفظ بوصيك بالتكرار دا ليه مفعول سحرى بجد والله كمان المعلومات اللى عايزها تثبت فى مخك احفظها قبل ما تنام وافضل اوقات المذاكرة تانى قبل الفجر جرب دى طريقة سحرية
علشان تتغلب على السرحان حاول تذاكر وجنبك اشخاص ده يخليك تحس انك متراقب
يا رب اكون قدرت افيدكم وبرضه لسه الموضوع مخلصش ان شاء الله هتوصلوا للنهائية بس ثقوا بالله واعملوا كل اللى بقولكم عليه ولسه هنتكلم على المراجعه والامتحانات ........ يلا سلام وعايزه اشوف ردودكم :av4056bb7jp3::av4056bb7jp3::av4056bb7jp3:

بجد معلومات خطيره

يلا كملى مستنيين الباقى

ربنا يوفقك

توبيك جااااااااامد جدا

الف شكر لحضرتك

متشكرة على مروركم وهنكمل باذن الله

توبيك جميل جدا
جزاك الله خيرا

متشكرة اوى وانتظرونى

شكرا بجد واستفاده اكيد

انتظروووونى :)

نستكمل قريبا ان شاء الله

بجد شكرا جدا ان انتى لسه متابعة الموضوع روعة وياريت تكمليه

شكرااااااااااااااا كتييير

جميل جدا محتااجين التكملة

متشكرة اوى اوى لتواصلكم وده اقل واجب اقدمه لمنتدايا الغالى :) :blush: وان شاء الله هكملكم الموضوع وانا مبسوطة قوى انى قدرت افيدكم :022yb4:

موضوعك رائع ياقمر بارك الله فيكى
وربنا يجازيكى كل خير
وانا متابعاكى ان شاء الله

التكملة التكملة
عاارفة لو الموضوع مكملش هعمل مظهرة غدا
ماااااااشي واعتبري دااا تهديد
ههههههههههههه

ربنااا معااكي ويجعلوا في ميزان حسنااتك

وانا اقدر مكملهوش :frown: دى تبقى مشكلة ههههههههه:d
بصوا بقه قبل ما ادخل فى المراجعة والامتحانات هنشوف معادلة مهمة قوى وهى " صحة جيدة = مذاكرة افضل "
باختصار عايزين نتاكد ان الصحة عامل اساسى للتفوق ومن النصايح اللى هاديهالك
-1- اشرب عصير برتقال يوميا او حتى عصير ليمون بلاش الشاى والقهوة لانها مش كويسة للمذاكرة
2-اهتم بشكل عام على تناول اللحوم والبقول يعنى تنوع غذائك
3- اشرب ميه كتير وخاصة فى الحر علشان تعوض المفقود
* شروط المذاكرة :friendsxs3:
الوضع الصحيح للمذاكرة يكون والظهر مستقيم وانك تبص فى الكتاب بمستوى نظرك يعنى متنزلش رقبتك علشان تقرا
خلى بالك من الاضاءة ويفضل تكون لمبة الفلورسنت ولا تضئ مكتبك بالاباجورة وتسيب بقية الاوضة معتمة
لما تلاقى نفسك مرهق استرخى لان اى معلومة هتذاكرها وانت مرهق مس هتثبت نهائى
المراجعة المثالية
وانت بتذاكر دون اهم النقاط التى تقابلك فى كراسة للملحوظات وفى نهاية الاسبوع واثناء الاجازات لما تيجى تراجع احرص انك تعود ليها
هتحصل على نتيجة افضل لو قريتها بصوت عالى فور كتابتها
كلما كانت مذكراتك اقل تستطيع ان تتذكرها بسهولة اكثر
ثبت ان المراجعة على فترات متقاربة بيسهل المذاكرة ويثبت المعلومات
وهنا بناكد خطورة الخطا الشائع بترك المذاكرة لاخر اسبوع فى السنة :friendsxs3:
لحد هنا وتعبت اكملكم بعدين علشان الصيام :040vk0:بس اوعدكم هكمل الموضوع لغاية اخره يلا بقى سلام :022yb4:

بصراحة كلام رائع ومفيد

روووووووووووووعه ومستنين الباقي
ياقمرررررررررررررر

شكرا جزيلا

لا شكر على واجب انتوا نورتونى

شكرا ليكى وعلى متبعتك

توبيك روووووووووووووووووووووووووووووووووووووووووووووووعة

موضوع متميز
جزاكم الله خيرا

شكرا جدا على الموضوع الجامد ده وربنا يجعله فى ميزان حسناتك

ما شاء الله نصائح وكلام مفيد وصحيح 100 % ربنا يكرم شبابنا ويفهمو ويعملو كدة

بارك الله فيكي

اشكركم على تفاعلكم وان شاء الله وان شاء الله هاكملكم الموضوع قريبا:av4056bb7jp3:

يلا يا جماعة شجعونى علشان اكمل :022yb4:

موضوع جميل استفدت منه كتير

شكرا ليك و لمرورك

بجد جميل اوى وربنا يوفقك ويعينا ان احنا نقدر نطبقه باذن الله وادعولنا بليز عشان احنا فى رمضان وباذن الله الدعوات مستجابه

وثانكس مره تانيه ومستنيه الباقى

نصايح جميله جدا شكرا ليكي وان شاء الله ربنا يكرمنا ونجيب اعلي الدرجات

ان شاء الله تجيبوا اعلى الدرجات وتطلعوا الاوائل وشكرا لمرورك

ايه الجمال والروعة دي
جزاك الله كل خير

متشكرة اوى يا جماعة

السلام عليكم
شكرا ليكى على الكلام الحلو ده
ربنا يوفقك

جزاكي الله خيرا و ربنا يقدرك على فعل الخير وبجد استفدت من كلامك الجميل ده جاااااااااااااااامد
ان شاء الله يكون في ميزان حسناتك

توبيك روعه بجد

بجد موضوع اكثر من راااااااااااااااااااااائع يا راية الاسلام و انا استفدت منه كتير و باذن الله هاطبقه

جزاكى الله خيرا .............. بس احنا عايزين نعرف انتى بفى دخلتى كلية ايييييه ؟؟؟؟؟؟؟؟؟؟؟؟؟؟؟

يلا كملى موضوعك جميل وياريت نعرف انتىفى ايه دلوقتى

انا فرحانة انى قدرت افيدكوا وان شاء الله نكمل الموضوع مع بعض وشكرا لمروركم اللى اسعدنى كتير

شكرا ليكى بجد بجد مووع رائع بل أكثر من ده
تسلميلى
شكرا

بصراحة موضوع جميل جدا

:slap1qk6: فكرة جميلة