بقلم بهاء الطويل
اليوم السابع
http://www.youm7.com/images/Editors/505.jpg

كلهم باستثناء خالد -الله يرحمه- اختاروا الهجرة.. أما هو فكان حب مصر مسيطر عليه وكأنه "إدمان" – مثلما اعتاد دائما أن يبرر حبه للبلد... كنا مجموعة متقاربة فى السن وفى الظروف، جميعنا اقتربنا من إنهاء "الفترة الإلزامية" -عسكرية كانت أو دراسية، جمعتنا سهرة على "قهوة" اعتدنا الجلوس عليها إذ ما التقينا فى "سبورتينج" بالإسكندرية، الجميع كان يخطط للهجرة خارج مصر لأسباب مختلفة "اللى أبوه مش حيصرف عليه بعد التخرج"، أو "اللى زهق من البلد واللى فيها".. باستثنائى بعد أن تمكنت من العمل بالصحافة، وباستثناء "خالد" أول ما سمع كلمة هجرة بره مصر قال "أعوذ بالله.. لا يا عم أهاجر ايه.. أنا ما اقدرش اسيب مصر.. أسيبها وأروح فين" فرد عليه أحد أصدقائنا يا عم إيه "اللى عاجبك فى العيشة اللى تقرف".. فرد خالد "ولا أى حاجة عجبانى فى البلد.. بس بحبها.. ابعد عنها أزاي.. نصيبنا أن بلدنا كده حنعمل إيه نصيب". لكن لو خالد كان يعلم "نصيبه" الذى ينتظره بالتأكيد كان سيفضل الهجرة.

انقطعت أخبار "خالد" منذ فترة بعد انتقالى من الإسكندرية للقاهرة، لكن اليوم فوجئت بصورة لشاب عظام وجهه محطمة ومسحوقة لا يمكن التعرف على معالمها وإلى جوارها صورة خالد وتحتها خبر صحفى يحاول إقناعى أن صديقى "خالد محمد سعيد" - بملامحه الطفولية- هو نفس الشخص الذى تعرض لـ"ضرب وحشى على يد رجال شرطة حتى تحطمت عظامه، وتشوهت ملامحه، ونزفت دمائه حتى فارق الحياة".

حاولت أن أجد مبررا لما فعلته الداخلية لـ"خالد" لم أجد فهو.. لم يكن يوما ناشطا سياسيا معارضا، أو متعاطٍ للمخدرات، أو يبادل شخص مهم العداء.

من قتلوا خالد لم يعرفوا أن "الضرب فى الميت حرام".. قتلوه وزعموا انه متهرب من الخدمة العسكرية وهو أداها مثل أى شاب مصري.. زعموا تعاطيه للمخدرات وهو أصلا غير مدخن.. زعموا ارتكابه لجرائم والجميع يشهد بأخلاقه.. يعنى قتلوه وكمان عايزين يشوهوا صورته.

دم خالد فى رقبتى ورقبتك ورقبة كل اللى عرف اللى حصله، افتكروا دايما أن خالد مشى جنب الحيط وحصلوا كده.. افتكروا أن خلاص محدش حيترحم.. أى حد أيدهم حطوله حيعملوا فيه كده.. لو اللى قتلوا خالد ما تحبسوش يبقى كل واحد يستحمل اللى ممكن يحصل له.. ولو الكل قرر يسكت يبقى مش حنقرا الفاتحة على روح خالد بس.. لا يبقى نقرا الفاتحة على "الرجولة" كمان.. ويبقى البلد دى فعلا ما فيهاش رجالة.

http://www.youm7.com/News.asp?NewsID=239898

يارب يرحمة اكتر واحد بجد اثر فينا قبل ما نقرا قصتة واحنا عارفين انو مظلوم بس احنا في ايدنا نعمل اية بس ياربي انا واحدة من الناس في ايدي اعمل اية عشان انقذ ما يتم انقاذة يعني اعمل اية انا كل اللي اقدر اعملة اني بدعيلة بان يكون في الجنة ان شاء اللة واكيد باذن اللة ربنا هيرحمة لانو مظلوم ، وان محدش خدلوا حقة رب الكون واعظم خالق هيخدلة حقة اضعاف مضعفة حسبنا اللة ونعم الوكيل في كل واحد بيستقوى على انسان ضعيف وشكرا على الموضوع

حسبنا الله و نعم الوكيل فى كل ظالم و حسبنا الله فى جار لنا ظلمنا ولم نقدر على شى فوضنا امرنا الى الله انة نعم المولى ونعم الوكيل

الله يرحمه ويسكنه في جناته
حسبي الله ونعم الوكيل

منذ وقوع الخبر و أنا أبكى ضياع الكرامة و الشهامة و الرجولة التى كثيراً ما كنا نسمع عنها و لكن أين خالد الآن ؟؟؟؟؟؟
إنه بين يدى الله
و لكن
من لم نسمع عنهم ف غياهب السجون و المعتقلات التى قالوا عنها إنها أزيلت .... !
الله يرحم خالد الشهيد و أكثر من مليون خالد لهم الرحمة من سمعنا عنهم و من لم نسمع
و
حسبنا الله و نعم الوكيل
فى كل رؤوس الفساد بمصر
من أكبر كبير بها لأحط فرد فيها
ما لم يؤخذ على أيدهم فلنا الله نعم المولى
و نعم النصير
و أرجو إدارة المنتدى عدم حذف ما سجلت
و أنا متحملة العواقب القانونية
و ربنا الهادى سواء السبيل

الله يرحمه

الله يرحمه ويسكنه في جناته
حسبي الله ونعم الوكيل

لا نملك إلا ان نقول " وأفوض أمري إلى الله فهو حسبي ونعم الوكيل".

رحمه الله وتجاوز عنه
ولكن اتعجب من هذا اليقين الذي تتحدثون به
سجلات وزارة الدفاع وليس الداخلية تؤكد انه حوكم بتهمة التعاطي ثم الهروب من الخدمة
والطبيب الشرعي وليس الداخلية يؤكد ان سبب الوفاة اسفكسيا الخنق لابتلاع شئ ما
وان كان ممكن ان يكون تعرض لضرب وليس سبب الوفاة
اسألكم جميعا وأرجو الاتغضبوا
لماذا من تتهم الشرطةبقتله يكون شهيدا وان كان ليس فوق الشبهات؟؟؟
ومن يقتله الاطباء وان كان مريضا مجرد رقم خطأ؟؟؟؟
ومن يلوثه الصحفي وان كان شريفا مجرد ضحية وجايز ؟؟؟
لماذا نظل نفكر باسلوب القطيع ننساق وراء تجار كفاية و6 ابريل ماذا فعلوا لخالد وهو حي حتى يبكوه ميتا
يتاجرون بدمه لحسابهم ومعهم شياطين التوك شو من الست منى لهيما ابو حمالات
ارجو ان اجد اجابات غير متشنجة
ورحم الله خالد والهم اهله الصبر

لا أعتقد انه هرب من الخدمة العسكرية لان شهادة انهائه الخدمة العسكرية تم نشرها. بالنسبة للطبيب الشرعي كلامه غير امين لان كلام رئيس مصلحة الطب الشرعي السابق اكد عكس ما قيل في السابق والتقرير منشور على الموقع هنا. جريمة قتل خالد على يد الشرطة مختلفة تماما عن ان طبيب يقتل مواطن خطأ اثناء عملية لان الطبيب لم يتعمد حقن المريض حتى الموت لكن رجال الشرطة كان واضح ان هناك نية وتعمد لضرب خالد حتى الموت وصور تعذيبه تملأ الدنيا ولان رجل الشرطة هو المفروض انه يحمي خالد والقتيل الجديد صابر عبد السيمع وليس ان يعذبهم حتى الموت.

أرجو الا ينساق البعض وراء ان القتيل لا يستحق ان نبحث عن حقه لانه كذا وكذا حتى لو كان كذلك ليس من حق احد تعذيبه بهذا الشكل وقتله.

طالما لا يعجبك تجار كفاية ممكن تتكلم مع تجار الحكومة وتسألهم عملوا ايه ل80 مليون ميت في هيئة احياء مش لخالد بس. و اخر انجازاتهم ان الدورة الحالية لمجلس الشعب انفضت (http://www.masrawy.com/News/Egypt/Politics/2010/june/19/bakry.aspx)دون مناقشة قضية العلاج عل نفقة الدولة والتى اهدر فيها احد النواب بمفرد فقط 242 مليون جنيه خلال 4 سنوات.

لا يجوز ان ندافع عن جريمة تعذيب وقتل تحت اي مسمى لأن الحكومة نفسها مابتعملش كده, وفتح التحقيق مرة اخرى بواسطة النائب العام بعد ضغوط المحتمع المدني "ومنها 6 ابريل" والاعلام " برامج الحوار والتوك شو" والناس "وهم اصحاب الفضل الحقيقي في اعادة التحقيق" خير دليل على ذلك.

الله يرحمك ياخالد ويصبر أهلك على رحيلك
وينتقم الله ممن أنسونا حتى البكاء على فراقك
وحولونا لمجرد شهود تناصر فئه على فئه
حتى من يدعى صداقته له
تحول من صحفى مبتدىء إلى صحفى يناطح نقيب الصحفين فى الشهره
كدا عرفوا إزاى يستغلوا المصيبه لصالحهم
(مصائب قوم عند قوم فوائد)
وشكرا لكم

انا خلاص مش متأكدة من كلام
اى حد الاعلام بيقول كلام
والناس بتقول كلام
بس فى الحالتين
الى نقدر نعملة
هو اننا ندعيلوا بالرحمة
اللة يرحمة .
واذا كان مذنب جذائة عند ربنا
واذا كان ع حق ثوابة عند ربنا.

كدا عرفوا إزاى يستغلوا المصيبه لصالحهم ليه التشكيك في كل حد عاوز يسلط الضوء على الجريمة وعاوز القصاص العادل, انا حاسس ان ماحدش حاسس ببشاعة الجريمة دي وزيها كتير اتكررت وهاتتكرر , الغرض من تسليط الضوء جعل ارتكاب مثل هذه الجرائم صعب لان من سيرتكبها هايبقى عارف انه هايتفضح وانه صعب ان حد يداري عليه والكل هايعرف اسمه و مكان بيته وجريمته. هايواجه ازاي اسرته و هو قاتل واحد نتيجة التعذيب؟ هايقول لابنه ايه؟ او لجيرانه او لاهله و هو مجرم و جلاد وقاتل؟ ده هدف تسليط الضوء على الجريمة. ده دور مؤسسات المجتمع المدني والاعلام في اي مكان في الدنيا, مش السكوت على الجريمة حتى لا يتهموا باستغلال الاحداث.

كلنا لازم نقف ضد جريمة التعذيب ولا نبررها, ولا نتعامل معاها انها شيء عادي ومن البيديهات في حياتنا.

هههههههههههههههههه
حتى الولد أخر العنقود فاقسكم وعارف أولكم من أخركم
يبارك فيك يا بنى --- إبن أبوك صح
ولك الله ياكل مظلوم فى هذا البلد ويبعد عنك أضواء المستغلين
وكفاك رب العرش ناصرا فهو العادل سبحانه وهو أحكم الحاكمين
وربنا يلطف بينا أجمعين ------- قولوا أمين

ربنا يرحمنا من السريحة. واخد موضوع تعذيب وقتل خالد باستخفاف شديد من الأول ولا كأن في حاجة, الحمد لله على نعمة الاحساس.

رحمة الله عليك يا خالد
اللهم يا ربنا أسكنه فسيح جناتك واجعل مثواه الجنة واجمعنا وإيا مع سيد المرسلين في الفردوس الأعلى برحمتك يا أرحم الراحمين
الهم الهم أهله الصبر والسلوان
ونسألك يا ربنا ان تتنتقم من ظالم يعث في الأرض فساداً
انك يا ربنا على ما تشاء قدير وبالإجابة جدير
حسبــــــــــــي الله ونعم الوكيـــــــــــــــل

امين يارب شكرا لدعائك الجميل استاذ أبو بطة

فعلا والله صدمه مش للام ولا للصديق للعالم كله

شاب جميل يحصله كدا ويقولوا عليه كلام كدا

بزمتكوا ياجماعه انا عايز امانه للي شاف صورته

دا شكل واحد بيتعاطي مخدرات ولا سياسي معارض امانه عليكوا حد يجاوبني

بلاش كان يستحق دا كله

بلاش قولولي ايه احساس امه لما واحد صاحبه بيتكلم عليه بالحرقه دي

ربنا صابر علينا اوي اوي اوي اوي ......

بس عارف ان فيه ناس كويسه وفيه خير جاي مننا .

ربنا يرحمنا من السريحة. واخد موضوع تعذيب وقتل خالد باستخفاف شديد من الأول ولا كأن في حاجة, الحمد لله على نعمة الاحساس.



سيبوا التحقيق ياخد مجراه علشان نعرف الحق فين وساعتها هتلاقينا كلنا بلااستثناء بنطلب بحقه وحق اللى قبله
إنما هدفكم زرع الشك فى نفوسنا فى كل شىءحتى الحصن الوحيد على الارض واللى باقى للغلابه
النيابه والقضاء وكمان الطب الشرعى --- لايهمنى ماتقوله الداخليه ولكنى ومثلى الملايين فى انتظار كلمة النيابة والقضاء ولكنكم تكرهون منا هذا الانتظار وتحسبونه سلبيه --- لأنكم تريدون هدمها وليس إصلاحها
إنكم تريدون تدمير كل شىء تحت أى سبب كبير أوصغير من أجل مكاسب سياسيه - لعنة الله على السياسه ومن يريدها بهذه الصوره البشعه --
دائما تحسبون أنفسكم الأبطال وباقى الشعب رعاع وقطيع
تحسبون أنفسكم من يطالبون بحقوق المظلوم ومادونكم مغلوب على أمره
يا أستاذ قبل ماتخطى بقدمك هذه الجمعيه كنت عضوا قبل أن تلوثوها
راجع نفسك لماذا هجرها من بدأو ها ستجد السبب رفضنا لهذا الأسلوب اللعين
وسلام

ان شاء الله في خير جاي مننا. الناس في مصر لازالت بخير هما محتاجين بس يتعلموا يطالبوا بحقوقهم و يقفوا امام الظلم.

يا أستاذ قبل ماتخطى بقدمك هذه الجمعيه كنت عضوا قبل أن تلوثوها اسلوبك غير لائق في الحديث كعادتك دائما واعتقد انك انت من تلوث كل شيء

راجع نفسك لماذا هجرها من بدأو ها ستجد السبب رفضنا لهذا الأسلوب اللعين جمعية ايه الانت بتتكلم عنها ومين هجر ايه؟ لو تقصد الجمعية الوطنية للتغيير هي زي ماهي ومكان نقاشها مش هنا لكن لو تقصد انك انت الهجرتها براحتك حاجة ماتخصنيش ولا تخص اي انسان اصلا ولا احد اهتم اساسا و واضح انهم هم من طلبوا رحيلك لذلك فموقفك مع البرادعي والجمعية له جانب شخصي واضح جدا من ردودك.

البنتكلم في هنا مش سياسة دي جريمة تعذيب و قتل ومطلوب مننا اننا ننام ونستى ونصبر لما التحقيق يكمل وينتهى. التحقيق كان انتهى اصلا و كانت القضية هاتنتهي اصلا, ولما الناس ضغطت وبان غضبها تم اعادة التحقيق مرة تانية. انا عارف انك نفسك ان قضية خالد تموت وتتنسي. بس ده مش هايحصل.

لأنكم تريدون هدمها وليس إصلاحهامن يريد الهدم هو من يدافع عن جريمة التعذيب و القتل ويبررها ويطالب بالصبر والانتظار حتى يتم نسيان القضية زي غيرها وشوف قضية صابر عبد السميع انتهت لايه لما محدش اهتم بيها. قضية خالد مش هاتموت.

دائما تحسبون أنفسكم الأبطال وباقى الشعب رعاع وقطيع من يحسب الشعب قطيع ورعاع هو من يقتلهم كالكلاب في الشوراع "خالد اتقتل كده" ويترك جثتهم في الطريق "جثة خالد اتسابت كده" و يحاول ان يداري على جريمته بكل الطرق ومن ضمنهم السريحة.