بســـــــــــــــــــــــــــــم اللــــــــــــــــــــــــــــه الرحمــــــــــــــــــــــــــــــــــــن الرحيــــــــــــــــــــــــم


نحن الان علي وشك الدخول للصف الثاني الثانوي _الجد_ ولذا فكل منا بحاجة للمشورة سواء في دخول العلمي ام الادبي والمستوي الرفيع والمواد المأخوذة في ثانية وفي تالتة والكتب الخارجية و.......................الخ


هيــــــــــــــــــــــــــــــــــا هيـــــــــــــــــــــــــــــــــــا نفيد ونستفيد هيا يا طلبة تانية ثانوي الجدد

انا حائره بين العلمى والادبى بس كل مدرسينى بيقولولى انتى دماغك علمى

يا ريت بجد حد يتكلم في الموضوع دا

انا شايف والله ان العمليه كلها كتر مذاكره . اللي بيذار كتير يخش علمي حتي لو كان دماغه علي اده و العكس. لان ايه الفايده من واحد داخل علمي ودماغه حلوه بس مبيذاكرش وكمان المناهج سواء علمي او ادبي كلها حفظ حتي الفيزياء اللي كل الناس بيخافو منها فيهاسبعه و تلاتين درجه و نصف نظري يعني حفظ و الباقي عملي ومسائل

يا جماعة والله انا اعتقد ان لو الواحد شغل
دماغه كل حاجة هتمشى ومن رأى ان
ادبى لا تقل مذاكرة عن علمى الكل بيحتاج
مذاكرة لكن الفرق انت ميولك اه او انت عاوز اه
بس من رأى انه هو دى الفرق وانا كتبت علمى
والله ولى التوفبق

أقول انا بقي رأيي
بصوا بقي
المفروض ان كل واحد عارف نفسه يبقي ايه
وعارف ميوله دى تبع ادبي ولا علمى
اما بقي بالنسية للرأى القائل بأن العلمى او الادبي بيعتمدوا على الحفظ
انا مش معاه
والدليل على كده ان مش كل اللى بيحفظ كويس بيدخلوا كليات عاليه
العميله كلها عملية فهم مع حفظ
بس الفهم قبل الحفظ
وكمان مذاكرة كل شخص بتختلف عن التانى
المهم التركيز ف المذاكرة
وربنا يوفقنا كلنا

فعلا العلمي والادبي كل واحد منهم له طريقة مذاكرتة وله طريقة فهمة واللي بيحدد الدخول للعلمي او للادبي هو الميول اللي بتخلينا نحب ندخل كلية محددة بعينها ...............................
لكن العلمي كويس لناس والادبي كويس لناس يعني في ناس مثلا بتحب الطبيعة والكيمياء والمواد دي فتدخل علمي اما الناس اللي بتحب الجغرافيا وبتستمتع بالتاريخ فتدخل ادبي

ايه المستوى الرفيع اللي حتخدوه يا جماعة وايه رايكم ايه اسهل واحد هــــــــــــو انا اخترت عربي بس كنت عاوزة اعرف رايكم

يا جماعة انا لسه مستنية ردودكم عشان نتناقش

أنا طالبة فى الصف الثانى الثانوى و أنصحكم جميعا إنت تختارى العلمى و الأدبى بنفسك محدش يفرض عليكى و لو إنتى محتارة صلى صلاة إستخارة و العلمى و الأدبى كله واحد المهم لا لا لا لا لا لا لا لا تأجلى مذاكة اليوم للغد و نظمى جدول مذاكرتك من أول يوم و إنت تستريحى و ربنا يوفقكم جميعا

محدش يستغرب أنا إسمى ياسمين بس مسجلة بإسم عبدالوكيل أخويا

معلش نسيت أقولكم حاجة مهمة أوصيكم بمتابعة الحلقات التعليمية على قناة الرحمة لأنها مفيدة جدا و لو مش هتوافق مواعيدكم نزلوها من على النت و محدش يخاف لأن مفيش حد بياخد غير نصيبه اللى مكتوب له و معلش طولت عليكم و بالله عليكو ادعولى علشان عندى كيمياء يوم السبت و أنا أسفة مرة أخرى

انا فى رايى المفروض ان كل واحد يختار اللى فى مزاجة واللى هو يقدر عليه وبالنسبة للمستوى الرفيع انا من رايى الانجليزى ارحم

وفعلا من المفروض صلاة الاستخارة انا فعلا صليتها قبل ما اختار المجال

لالالالالالالالا انا سألت عن المستوي الرفيع الانجليزي وناس قالتلي انه صعب لكن العربي ممكن نألف فيه حتي لو في حاجة مش عارفينها ارجو المناقشة في هذا المجال

السلام عليكم..من ناحية المستوى الرفيع ..انا سألت مدرسين وزمايلي وكده قالولي العربي أسهل ..المشكلة ف حكاية التحويل ..يعني مثلا انا محتارة بين علمي علوم وعلمي رياضة ..في ورق راغبات جالنا واحنا كتبنا فيه ..بس لازم نكتب فيه سنة 2 وسنة 3 هناخد ايــه ..فانا كتبت في 2 كيميا وسنة 3 أحياء ..ينفع بعد مانخلص سنة 2 نغير سنة 3 ونكتب رياضة ..عشان الواحد مش عارف انهي أحسن ..بس سمعت ان الوزير الجديد قال مفيش تحويل ..مش عارفه هيطبق النظام ده ولا لأ..!!..ولو حد شايف انهي أحسن ف الاتنين يقولي ..علمي علوم ولا علمي رياضة وبالنسبة لامتحاناتهم بتيجي سهلة ولا صعبة ..وبالنسبة لو خرجت من علممي رياضة ع هندسة ان شاء الله ..في شغل متاح للبنات ولا زي مابيقولوا صعبة للبنات ...؟؟

طب ابلنسبة للكتب الخارجية ناوين تعملوا ايه؟

والله انا سمعت ان الامتحانات مش بتخرج عن كتاب المدرسة واحيانا دليل التقويم اما بالنسبة للكتب الخارجية فهي لزيادة التاكيد ليس الا فمثلا كتاب 100% رائع في الرياضة
بس يا جماعة دي فعلا نقطة مهمة للحوار والمناقشة الفعلية وياريت كل واحد يشارك برايه

اسمحولى يا جماعه ادخل
انا اولا ازهريه

والعلمى والادبى ده من سنه اولى عندنا

وانا دخلت علمى بس نصيحه

اللى شاطر فى الحفظ يدخل علطول ادبى من غير كلام

واللى بيحب الرياضه والحاجات دى يدخل علمى

وانا داخله معاكوا برضه تانيه

فعلا وجهة نظر سليمة 100% لكن ياتري ايه هي اجابتكم لسؤالfarawlla يعني ايه الكتب الخارجية ؟؟؟؟؟؟؟؟؟؟؟؟؟؟؟؟

بتكلم ايه الكتب الخارجية الي هتجيبوها في تانية

ونستعمل اكتر من كتاب ولا دا هيلخبط ولا ايه؟

اهلييييين يا جماعة عاملين ايه فى الصيف

بالنسبة لرايى ان الادبى والعلمى محتاجين مذاكرة وحفظ
بس المشكلة ان ميولك للكلية الى انت عايز تدخولها مش متوافقة مع المواد الى عايز تدرسها

يعنى مثلا انا عايزة اتدخل كلية هندسة بالرغم انى مش بحب حاجة اسمها فيزيا الى احنا لازم هندرسها فى علمى الرياضة وبحب الرياضة والكيميا كتير من كتر التفكير ارفت
فانا ريحت نفسى ودخلت ادبى ههههههههه

بالنسبة للكتب الخارجية ف ان شاء الله
كله طبعا هيجيب الكتب اللى هنشتغل فيها
فى الدروس
وبردة فى كتب حلوة اوى
زى كتاب لامى فى الرياضيات
ده بس اللى عارفاه ولو عرفت كتب تانية
هقولكوا عليها
وبالتوفيق للجميع

ربنا معاكم انتم السابقون ونحن الاحقون

انا ف اولى السنادى