بدون مقدمات كتيرة

فانا كميائي وميكروبيولوجى واخصائي تحاليل طبيه وباحث في علم الميكروبيولوجى والمناعه

بردو للناس البعيدة ومش فاهمه التخصصات

فالكميا منها انواع والميكروبيولوجى منه انواع


الكميا منها الكميا الطبيه الاكلينيكه والكميا التحليله والكميا الفزيائيه والكميا العضويه والكميا التطبيقه والكميا الغير عضويه
والميكروبيولوجى منه الميكروبيولوجيا الطبيه والتطبيقيه و المناعه وهو يشمل دراسه البكتريا والفطريات والفيروسات


وانا متخصص في الكميا الطبيه الاكلينيكه والميكروبيولوجي

وان شاء الله هتخصص في الميكروبيولوجيا الطبيه الاكلينيكه

بردو عشان الناس تفهم يعنى ايه كيميا طبيه اكلينيكه وهى دراسه الانزيمات والهرمونات والبروتينات واالامراض النتجه عن زيادتهم ونقصهم ودراسه بيولوجيا السرطان ودلالات الاورام الخ و دور الكميائي الاكلنيكى وهو عمل التحاليل الكميائيه داخل جسم الانسان من انزيمات الكبد والكلي والهرمونات ودلالات الاورام والسكر وكل التحاليل الكميائيه في الدم والبول وكل سوائل الجسم



وبردو عشان تفهم يعنى ايه ميكروبيولوجيا طبيه اكلينيكه وهى دراسه الامراض البكتيريه والفطريه والفيروسيه الممرضه للانسان و دور الميكروبيولوجى الطبي وهو عمل التحاليل الميكروبيه داخل جسم الانسان سواء بكتريا او فيروسات او فطريات او مناعه

نخش بقي في الموضوع


انهاردة كنا بنعمل احدى تجارب المناعه في الجزء الخاص بالميكروبيولوجى

الا وهى


اننا هنحقن فيران ببجرعات من البكتريا والفطريات المسببه لاتهابات في الرئه والكبد والكلي وايضا بعضهم له علاقه بالسرطان

وبعدها هنسحب عينات دم من الفران دى ونقيس فيها الاجسام المضاده للي كونتها نتجه دخول الفطريات والبكتريا

وهنقيس انزيمات الكبد
وهنقيس انزيمات الكلي
وهنقيس مضادات الاكسدة ودلالات الاورام



وبعدها هندبح الفيران دى وهنشرحهم ونشرح الكبد والكلي والرئه ونفحصهم
عشان نشوف ايه التغيرات للي بتحصل نتيجة دخول البكتريا والفطريات دى

بدائنا انهاردة


الكل لابس البلاطى

المعمل معقم

مفيش دكاترة معانا
يعنى عيش مع نفسك خالص

سايبلنا المعمل كله لينا
احنا للي نعمل فيه كل حاجة

قبل ما نبداء بحقن الفران بجرعات من البكتريا والفطريات




لازم نديلهم دوا منشط للجهاز المناعى

فبدائنا بحقن بالدوا المنشط للجهاز المناعى

طبعا الدوا دة

احيانا بيسبب مشاكل وممكن يموت


لان الجرعات الزيادة منه ممكن تخلي الجهاز المناعى نشط جدا جدا الي ابعد حد
ومن كتر نشاطه يموت الفار او الشخص للي واخد الدوا دة



وانا بحقن بالدوا دة حصل معايا موقف انهاردة


وهو
وانا بحقن
كنت هتعض من فار

وكنت ماسكه جامد طبعا بالجوانتى فلف وكان هيعضنى

رحت ررامى الفار بعيد عن ايدى
راحت ايدى اتخبطت في القفص
واتعورت وجيبت دم
وطبعا قلقت جدا
لان الدم ممكن يدخل منه بكتريا وفطريات وبلاوى سودة

كنت لابس جوانتى بس الجوانتى اتقطع من القفص ونتج عن كدة انى اتعورت وايدى جابت دم

بس الحمدالله

جت سليمه



المهم بدائنا في تظبيط الجرعات المظبوطه
وتركيب الجرعه
واخدنا الجرعه المظبوطه
بالحقنه

وحقنا جزء كبير من الفيران بالدوا دة

وللاسف حصل ما كنا نخشاه


وهى ان فيه بعض الفران ماتت بسبب الدوا المنشط للجهاز المناعى

طبعا اول واحد كان فرحان كنت انا

عشان الللي حصل معايا



طبعا سعادى ما كتملتش

دكاترتنا سايبنا لوحدنا طوال ماحنا بنشتغل

ودخلوا علينا ساعه ما الفران ماتت


ولما لقوا الفران ماتت قالو مايهمكوش حصل خير هنجيبلكو غيرهم

وهتحقنوا بكرة تانى


يلا ادعوالي بقي فاضي حوالي تلات ساعات واروح تانى احقن

بصراحة انا بشكرك على المعلومات الجميلة

بس انصحك بعمل مدونة لك خاصة لكل هذه اليوميات الرائعة


بارك الله لك.... في كل لحظة وثانية ودقيقة وساعة ويوم وشهر وسنة

ببوابة الثانوية

وجزاكم الله خيراً

الخدمة الجيدة ....تحتاج الى التسويق الأجود


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

بارك الله فيك

سؤال بسيط يادك.. هومعنى حقن الفئران بالمرض هل معنى كده ان هيا اصيبت بيه زى مريض السرطان..انا اسمع ان الخلايا المسرطنة دى بتكون زى جذور النبات فى جسم المريض لكن مجرد الحقن دا معناه ان الدم بس يحتوى على السرطان...ارجو الايضاح واعذرنى لجهلى

بصراحة انا بشكرك على المعلومات الجميلة

بس انصحك بعمل مدونة لك خاصة لكل هذه اليوميات الرائعة


بارك الله لك.... في كل لحظة وثانية ودقيقة وساعة ويوم وشهر وسنة

ببوابة الثانوية

وجزاكم الله خيراً

الخدمة الجيدة ....تحتاج الى التسويق الأجود


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

ربنا يخليك
وانا فعلا بفكر اعمل مدونه
شكرا علي مرورك

بارك الله فيك

شكرا علي مرورك الجميل
نورت الموضوع

سؤال بسيط يادك.. هومعنى حقن الفئران بالمرض هل معنى كده ان هيا اصيبت بيه زى مريض السرطان..انا اسمع ان الخلايا المسرطنة دى بتكون زى جذور النبات فى جسم المريض لكن مجرد الحقن دا معناه ان الدم بس يحتوى على السرطان...ارجو الايضاح واعذرنى لجهلى

مرض السرطان يختلف عن الامراض الميكروبيه

بالنسبه لمرض السرطان
لما بنعوذ نجيب سرطان لفار بتبقي فيه خلايا معينه مسرطنه تتحقن في الفار تجيبله سرطان ومش بس كدة الخلايا دى محددة لاماكن معينه يعنى لو عايز اجيب سرطان في الكبد يبقي احقن في الكيد لو عايز اجيب سرطان في الكليه يبقي احقن في الكليه وهكذا
وفعلا فيه حاجة اسمها

Angiogenesis

دى ظاهرة في مرض السرطان فيها بيحصل انتاج اوعيه دمويه جديدة من الخلايا السرطانيه نفسها عامله زي الجذور

المشكله ان الاوعيه دى بتبقي خاصه بالخلايا السرطان وبتمد خلايا السرطان بالغذاء الكافي لنمو الخلايا السرطانيه علي عكس الخلايا العاديه
دلوقتى

بقي فيه ادويه مضادة لهذة الظاهرة

للي هى


anti-Angiogenesis
ودى بتقلل شويه من الاوعيه الدمويه دى وطبعا الاوعيه الدمويه دى بتبقي جايبه غذاء للخلايا السرطانيه زى الاكسجين عشان الخلايا السرطانيه تعيش
وبالتالي لما المريض بياخد العلاج دة بيقلل عنده الخلايا السرطانيه شويه
نتيجة انه بيقضي علي الاوعيه الدمويه السرطانيه للي جايبه الاكسجين للخلايا السرطانيه وبالتالي فيه خلايا سرطانيه كتير بتموت لكنها بردو مازالت موجودة يعنى مش هتموت بنسبه ميه في الميه طبعا


.................................................. ...........................................
احنا بقي في تجربتنا بنحقن بامراض ميكروبيه
ودة بيجيب الامراض علي طول

يعنى لو حقنا ببكتريا السل هتجيب سل
وهكذا

فاحنا بنحقن ببكتريا وفطريات بتسسبب التهابات في الكبد والكلي
فعشان كدةبنقيس انزيمات الكيد والكلي وتحاليل اخري ونشوف ايه التغيرات للي بتحصل ونقارنها بانزمات كبد وكلي لفيران محقناهمش باي حاجة خالص


اما هنا كنا بنقيس دلالات الاورام
لان

فيه بحث حديث اكتشف علاقه بعض الفطريات ووجود السرطان
تجاربه اثبتت كدة

فاحنا بنحاول نقيس دلالات الاورام بعد الحقن ببعض الفطريات
فممكن نلاقيها موجودة وممكن لا

بارك الله فيك يا بروفيسور احمد
نحن منتظرين النتيجة أولاً بأول
بس خلي بالك المرة الجاية
جزاك الله انت وأمثالك كل خير

بارك الله فيك يا بروفيسور احمد
نحن منتظرين النتيجة أولاً بأول
بس خلي بالك المرة الجاية
جزاك الله انت وأمثالك كل خير

ان شاء الله

وشكرا علي المرور

و إن شاء الله متابعة معك تلك اليوميات الرائعة
التى تدلنا على الأخبار الطبية و الجديد ف مجال البكترلوجى
و لكن أليس من دراستك تأثير الغدة الدرقية على الجسم أم لا ؟
نرجو الإفادة و التوضيح لو أمكن

إن شاء الله فى إنتظار الجديد من حضرتك يا دكتور

http://www.rtoosh.com/up/images/90556451133812982400.gif

و إن شاء الله متابعة معك تلك اليوميات الرائعة
التى تدلنا على الأخبار الطبية و الجديد ف مجال البكترلوجى
و لكن أليس من دراستك تأثير الغدة الدرقية على الجسم أم لا ؟
نرجو الإفادة و التوضيح لو أمكن

شكرا علي المتابعه

وعلي فكرة مجال الميكروبيولوجى كبير جدا فبيشمل البكتريولوجى اي علم البكتريا ويشمل المايكولوجى اي علم الفطريات ويشمل الفايرولوجى اي علم الفيروسات والامنيولوجى اي علم المناعه
وبالنسبه للغدة الدرقيه

اكيد حضرتك تقصدى زيادة او نقص نشاط الغدة الدرقيه
ودة طبعا تبع الكميا الاكلينيكه


طبعا زيا دة نشاط الغدة الدرقيه له اسبابه
ونقص نشاط الغدة الدرقيه ليه بردو اسبابه

ونشاط الغدة الدرقيه عموما بيجى بسبب زيادة في كميه هرمون الثايرويد Thyroid hormone
ومن اشهر الاسباب للي بتسبب زيادة هرمونات الغدة الدرقيه مرض اسمه
جرافز
Graves disease

ودة بيجى ازاى

فيه هرمون اسمه
TSH
ودة هرمون محفز للغدة الدرقيه

كناحيه كميائيه
فيه
حاجة اسمها
receptor


الريسبتور دة عامل زى القفل

فيقوم يجى مادة كميائيه اخري عامله زى المفتاح

ولما الاتنين يدخلو في بعض كدة الهرمون يشتغل ويسبب زيادة نشاط الغدة الدرقيه


المهم
receptor
دة للي موجود في الهرمون TSH
التركيب الكميائي للغشاء للي بيحيط بيه بيبقي مشابه
لتركيب الكميائي لغشاء بكتريا اسمها
E.coli
وبتبقي دايما موجودة في المعدة

فطبعا البكتريا جسم غريب

فالجهاز المناعى بيبعتلها
حاجة اسمها
antibodies
للي هى الاجسام المضادة

عشان تموت البكتريا دى


فطبعا عشان نفس تركيب الغشاء هو هو للي في البكتريا دى هوهو للي في الريسبتور

الجسم مش بيعرف يفرق بينهم
فبيبعت
antibodies
اي اجسام مضادة للريسبتور دة

والانتى بادى دى اسمها

Anti-TSH receptor antibodies


بعد كدة لللي بيحصل
ان

Anti-TSH receptor antibodies
بتهاجم خلايا
اسمها خلايا كيسيه
Thyroid follicular cells
وبتخترقها

والخلايا الكيسيه دى بتبقي جواها الهرمون الثايرويد

وبالتالي بيطلع برة الخلايا بكثرة وبالتالي هيبقي موجود كتير

إن شاء الله فى إنتظار الجديد من حضرتك يا دكتور


شكرا علي المرور والمتابعه

الحلقه الثانيه

للي حصل بعد كدة
هو اننا رحنا جبنا فران جديدة بدل للي ماتت

وحقناها بالدوا المنشط للمناعه

ظبطنا الجرعه
وتوكلنا علي الله

وحقنا
واحنا بنحقن واحدة زميلتنا بتخاف تمسك الفيران
قالت ان فيه جهاز دلوقتى معمول عشان يتمسك بيه الفار واحنا نحقن بس
يعنى مش نمسك حاجة ويادوب نحقن بس
رديت عليها قلتلها شكلي انا وانتى هنحوش عشان نجيب الجهاز دة
طبعا بردو مكنشي ادامنا الا اننا نحقن بادينا

بعد كدة
جبنا

ادينالهم راحة يومين
اجااااااازة
عشان الجهاز المناعى بتاعاهم ياخد راحة وما يتعبشي وعشان الفران ماتموتش

ورحنا بعد اليومين
حقنا ببعض البكتريا والفطريات التى تسبب التهابات في الكبد والكلي والرئه

حضرنا محاليل من البكتريا والفطريات عشان نستخد مها
وبعدها
ظبطنا الجرعه تمام
وكانت الجرعه واحد ملي بكتريا لكل فار
تخيلو واحد ملي

ظبطنا الجرعه وحقنا كل الفران بواحد ملي بكتريا او فطريات


طبعا كل ما نحقن الفار بواحد ملي بكتريا
الفران تسوسو
عادى خالص
اقوم رادد عليه اقله بالشفا ان شاء الله
ههههههههههه
اصدى هتموت هتموت ان شاء الله
ههههههه


وسيبناهم واتنقالنا للفران للي محقنهاش باي حاجة

الفران للي محقنهاش باي حاجة خالص
دى بنسميها ال
standard
او
control
ودى للي هنقارن بينها وبين الفران التانيه للي اتحقنت
والفران دى للي الغشل المرة دى كله عليها
يعنى هناخد منها دم وهنشرحها


المهم الفران للي متحقنتش دى للي هى بيسموها الكنترول

اخدناها ودبحناها

كان منظر فظيع جدا


طبعا ساعدنا الفنين بتوع المعمل

كل فار من الفران دى

فصلنا راسه عن جسمه بموس

الدم نزل من جسمه ومن مكان الدبح
عبينا الدم للي نزل في انبوبه

طبعا هناخد الدم دة وهنحلله بعد كدة ونقيس فيه انزيمات الكبد والكلي وكل حاجة
ونقارنها بالفيران للي اتحقنت بالبكتريا والفطريات


عبينا الدم في انابب
وحفظناه عشان بعد كدة نقيس كل حاجة فيه ونقارنها بدم الفران للي اتحقنت بالميكروبات سواء كان بكتريا او فطريات



بعد كدة اخدنا كل فار من الفيران دى


وبدائنا في التشريح

شرحنا وشلنا الجلد
اتبقي الجسم من جوة

دورنا علي الكليه وحطناها في انبوبه
دورنا علي الرئه وحطناها في انبويه
دورنا علي الطحال وحطناه في انبوبه
دورنا علي الرئه وحطناهها في انبويه


كل الانابيب دى مترقمه ومكتوب عليها البينات بتاعه كل فار
بعد كدة حفظناهم في التلاجه الخاصه بمعامل البكتريولوجى في الكليه
عشان نبقي نفحصهم و نقارنهم بالاعضاء للي موجودة جوة الفيران للي محقونه بالبكتريا والفطريات ونشوف الاختلافات ما بينهم

بجد الله يكون فى عونك يا دكتور
فى انتظار الجديد

محدش بيكلها بساهل ياحمد يابنى الله يكون فى عونك بتفكرنى بواحد صحبى فى 6 طب اختاروه يشرح واحد ميت فضل اسبوع ميكلش بايده هههههههههههههههههههههه

متشكرة على اهتمامك بالرد على مشكلة الغدة
و ربنا يوفقك
و مازلت متابعة معك
العمل فى المعمل
و كأننا نشاهد فيلم خيال علمى معاااااااااااك

بجد الله يكون فى عونك يا دكتور
فى انتظار الجديد

يا رب
وشكرا علي المتابعه

محدش بيكلها بساهل ياحمد يابنى الله يكون فى عونك بتفكرنى بواحد صحبى فى 6 طب اختاروه يشرح واحد ميت فضل اسبوع ميكلش بايده هههههههههههههههههههههه

ههههههههههه
هى جت علي الحجات دى
ربنا يستر لان معظم تعاملاتنا مع امراض خطيرة
واي هفوة فيها يبقي خلاص

متشكرة على اهتمامك بالرد على مشكلة الغدة
و ربنا يوفقك
و مازلت متابعة معك
العمل فى المعمل
و كأننا نشاهد فيلم خيال علمى معاااااااااااك

العفو وشكرا لمتابعتك