:giljotiiniug3:يا جماعه هو الوزير ده عايز ايه مننا انا عايز كل طالب في المنتدي يكتب رايه في الامتحان و انا هحاول ابعته لاي برنامج تليفزيوني علشان كده حرااااام

يا عم اللى حصل حصل ...انا هقوم أصلى الظهر وارجع اذاكر الجبر ...يعنى بدل مانلحق نفسنا فى 25 درجة الباقيين نضيعهم فى التحسر على التفاضل ؟؟ ...وبعدين البرامج هاتعمل ايه .؟؟ ماكل يوم يتكلموا ... يعنى هما هيعيدولنا الامتحان ؟؟؟ ....

ماكل الناس بتطلع عالبرامج وبتقول مشاكلها ومفيش حاجة بتحصل ....

الحل الوحيد اننا نقوم نتوضأ ونصلى ورجع نذاكر المتتابعات المهمة جدا وربنا يستر ...

ياباشا لو عايز تبعت عندك موضوع باسم(رسالة شكر للوزير)
ده فى رأى 80 طالبف الامتحان خده ابعته دا لو كنت فعلا هتبعت

انا رايى ان الوزير ده مريض نفسيا من الاخر و عايز يرجع الثانويه العامه زى زمان على ايامه و ننسى الكليات و ننسى المستقبل خلاص بقى ظز فى التعليم

ياباشا لو عايز تبعت عندك موضوع باسم(رسالة شكر للوزير)
ده فى رأى 80 طالبف الامتحان خده ابعته دا لو كنت فعلا هتبعت
عندك حق يا عبدالعظيم
لو هتبعت بجد خش على الموضوع ده و انت تشوف

دة وزير مش مريض ده اكيد مجنون وجاى يطلع جنانه علينا والله العظيم حرام عليه انا ماعنديش غير النهايات صح فى الامتحان ربنا ينتقم منه

انا بس عايز اسأل سؤال
يا تري كل اللي بيشتموا دول ذاكروا كتاب المدرسة و حلوا النماذج اكيد لا
انا شايف الامتحان في مستوي الطالب العادي ( اللي مذاكر كل اللي عليه )
بس هي دي فكرة الثانوية العامة كتاب المدرس و دليل التقويم
و الله العظيم في فكتاب المدرسة و دليل التقويم مسائل اصعب من اللي جت في الامتحان ميت مررره
المهم انكم تذاكروا اللي عليكم و ميتهيقلكوش حاجات غلط

انا بس عايز اسأل سؤال
يا تري كل اللي بيشتموا دول ذاكروا كتاب المدرسة و حلوا النماذج اكيد لا
انا شايف الامتحان في مستوي الطالب العادي ( اللي مذاكر كل اللي عليه )
بس هي دي فكرة الثانوية العامة كتاب المدرس و دليل التقويم
و الله العظيم في فكتاب المدرسة و دليل التقويم مسائل اصعب من اللي جت في الامتحان ميت مررره
المهم انكم تذاكروا اللي عليكم و ميتهيقلكوش حاجات غلط
والله معاك حق حتى مش فى مساله تميز خالص الى بيقولوا عليهم الرابع ب عاديه جدا وفى زيها فى الدليل بس كل الزياده ان مقياس الجتا < 1
والاخيره بالنص من كتاب الدليل اقصد 5ب

المشكله اننا بنحاول نبرر غلطنا ونرميه على غيرنا

علي فكرة كل سنة يحصل نفس الكلام في كل الامتحانات و بتكون سهله جدا و الجرايد تكتب كلام غريب و التلفزيون يقول كلام اغرب و ده هو اللي بيخوف الطلاب مش صعوبة الماده او الامتحان
و انا بحييك يا "ميدو مشاكل " علي المجهود اللي انت عمله ربنا يكرمك

ميرسى جد يا مصطفى بس لم الواحد يقول كده كله بيقوله اسكت انت وانت وانت
مع اننا لو فكرنا شويه نلاقى نفسنا فى منا مقصر بيحاول يخفى ده وراء كلام تانى والى مش كويس فى الماده بيكون معاه فبتلاقى قليل اوى الى فاهم الاجزام جاى ازى

والله والله والله الامتحان كان صعب وفى مستوى الطالب الممتاز اللى نسبتهم فى أى مكان فى مصر 5 % واللى بيقول غير كده بيضحك على نفسه وعلى الناس واتقو الله دا الطالب العادى ما يقدرش يحل غير الثالث أ فقط والباقى لا يستطيع أى طالب عادى
أكمال مسألة حتى يصل إلى الناتج النهائى وأنا مدرس ثانوى منذ 14 سنة وعارف أقدر مستوى الامتحان بالنسبة للطلبة اللى بيمروا علينا وأنا عندى طلبة حلت الخامس ب بس حلوه من الذاكرة لكن 90 % من الطلاب لن تستطيع الاجابة على معظم الاسئلة وهناك مشكلة أخرى المثلثات بابين جاب الباشا واضع الامتحان جزئية واحدة على الباب الثانى وهى فى السؤال الاجبارى وجاب خمس جزئيات على الباب الاول والله دا راجل عبيط وربنا ينتقم منه

معلش المشاركة جت متأخرة اوي
اللي اتعلم رياضيات و عرف انها مادة تفكير لا يتكلم عن صعوبة الامتحان
المهندسين و الدكاتره بتوع الثانوية الحديثة و الامتحانات السهله بيقلدوا فقط ما عندهمش الابداع و الابتكار
لأنهم اتعودا على الحفظ و التكرار زي البغبغان وشكرا
مدرس رياضيات قديم