السلام عليكم ورحمه الله وبركاته ..

يارب تكونو بخير ..:)

المهم ده موقف عادى جدا بس المش عادى هتلاقوه من بين السطور وانتو بتقرو الموقف ..

كنت بكلم واحده صحبتى وبنتكلم فى حورات عاديه جدا ..صاحبتى متابعه كاس العالم قووى ..فبتقولى ان الجزائر وانجلترا اتعادلو ..وفجأه لقيتها بتقوولى ((كنت هتجنن وانجلتر هى التفوز ع الجزائر ))
رد فعلى كان !!!!!!!!!!!
مش ممكن ازاى ..طيب هقولكو على حاجه ما تيجو نسيبنا شويه صغيرين ان الجزائر دى دوله عربيه ولازم نبقى فى صفها ..
كلمونى عن انجلترا يعنى هى انجلترا المعملتناش اى حاجه في حياتنا وحشه ..انتو ناسيين انجلترا عملت فينا ايه زمان ..ناسيين ان هى ليها دور كبير ((وان كان الدور ده من زمان )) في البيحصل دلوقتى ..بلاش اتكلم كتير عن الموضوع ده خلينا في المهم ..
انا بقرا دلوقتى كتاب اسمه ((وعليكم السلام ))
الكتاب ده قال عباره حلوه قووى ..((لما يكون ليك اخ مطلع عينك وبيشرب خمر وسجاير ومقضيها حشيش ومبيصليش رد فعلك هيبقى ايه ..اكيد طبعا لا هتقتله ولا هتتبرى منه واقل حاجه ممكن تعملها ان تدعى ان ربنا يهديه ..بس مستحيل انك تعاديه ))
عارفين مين اخونا ده ..((الجزائر )) بالرغم من كل البتعمله الا ان هى دوله عربيه اسلاميه تنضم لينا ..وفيها جانب كويس ((هما حبه الناس البيعارضو العملتو من كام شهر ))
عارفه انها عملت وعملت وعملت ..بس هى محسوبه علينا انها دوله عربيه ..
ياجماعه افهمو بقى هدف الدول الاوربيه وامريكا ان هى تشوفنا منقسمين ,,دوله بتكره دوله ..وهى فى قمه السعاده ..ليه نحققلها الغرض ده ..والسبب الفظيع هو الكوره ..

ياريت تقولى ارائكو من غير تعصب ..طبعا بعد ما تفكرو في الكلام الانا كتبته ..
عشان الاختلاف في الرأى لا يفسد للود قضيه ..ولا ايه ؟؟

فى رعايه الله ..:d

أحسنت القول يا ياسمينايا
فالعصبية كالعاصفة التي قد تأخذنا في مهب الريح الى مكان لم نتمناه
واليهود يتمنون بالفعل ان يعادي العرب بعضهم البعض
أشكرك على موضوعك وجزاكي الله خيرا

اعتقد اخويا الفاشل واللى بيشرب سجارة وحشيش وحتى لو كان بيتخانق معايا وبيبهدلني

مش حييجي في يوم ويرفع عليا السلاح ويحاول قتلي ويبرر موقفه بإني بقيت صهيوني كمان !!


عايز اقولكو على حاجة
الشعور اللى انا حايي بيه واللى حاسس بيه ناس كتير واللى بتوصفوه بالتعصب الرياضي وما إلى ذلك
ده مجاش من كورة أبداً

المصريين اللى اتضربوا في السودان انضربوا مش عشان كانوا ممثلين ولا كانوا مشجعين
انضربوا عشان كانوا مصريين
يعني لو انا كنت معاهم كان زماني يمكن في عداد الوفيات كمان ...لولا ستر ربنا على اللى كان هناك

الجزايرين قبل مباراتهم الاولى في مصر حرقوا علم مصر عندهم وداسوه بالاحذية
كان اوفرلهم لو حرقوا علم اسرائيل كنا قلنا عملو حاجة
ومع ذلك قلنا دول قلة متعصبة

اخدوا صور لاعبي المنتخب وحطوها في صور بذيئة
قلنا ده تعصب رياضي

بهدلونا في السودان وقلنا ده تدخل حكومي مباشر والشعب مازال على الود والوفاق
اخترقوا مواقعنا وحطو مكانها نجمة اسرائيل
قلنا دول شوية مخترقين لا يمثلوا حاجة من الشعب


جابوا ارقام تليفوناتنا المحمول وسبو العديد .... قلنا دول لسه مجرد قلة

يوم ما انهزموا في انجولا قالو إننا بنرشي الحكم طبعاً والرباعية دي جابها كوفي كودجا الحكم من المنتخب المصري
وقلنا دي لسه قلة

انا شخصياً اتكلمت مع 3 اشخاص جزائريين واتنين منهم محترمين مقتنعين تماماً إنه ضربنا في السودان مش غلط!
يعني لو قلنا ده تصرف حكومي فالشعب موافق عليه تماماً


بعد ما جيت احسب القلة القليلة اللى عمالين نقول عليها لقيتهم عدوا عدد افراد الشعب اساساً


الممثل العربي الوحيد اللى بتتكلموا عنه مبيعرفش ينطق عربي !!
الممثل العربي الوحيد اللى فرحانين بيه صابغ شعره اصفر وعامل خواجة !!
شعارهم وان تو دري ... فيفا الجري >> مش عارف فرنساوي ولا ايه
4

ازاي بعد كل ده وبعد ما كرامتنا اداست اكتر من مرة وفي اكتر من مكان تقولو عليها كمجرد كورة ؟؟
ازاي بعد كل ده وبتقولو منتخب عربي ومسلم ؟

مسمعتوش حديث رسول الله صلى الله عليه وسلم اللى بيقول فيه
(من رفع علينا السلاح فليس منا)

واللى رفعه دول البلطجية اللى باعتينها الجزائر بطيارات خاصة عسكرية واللى الشعب موافق عليه
يعني الجزاير حكومة وشعباً ومحدش يقدر يقولي اصلي دول لسه قلة

عارفين لو كانوا اعتذروا
كان كل حاجة اتحلت والشعب المصري طيب وحيسامح على طول
لكن دول طلبوا الاعتذار كمان !!


جرح القلب لا يمكن له أن يلتئم أو يشفى
ولكن يمكن مداواته قليلاً ومداويه هو جارحه فقط


ولو حد عايز يوجهلي تهمة التعصب الرياضي
لازم يعرف الاول إني مشفتش ولا مطش حتى الآن
سواء من مطشاتنا المحلية او الافريقية او كاس العالم
غير مطشات الجزاير فقط
ولا اتكلم عن مطش زي انجلترا الاخير
انا مكنتش بشجع انجلترا لكنني مكنتش عايز الجزاير تكسب
وبالتالي بنطبق قاعدة عدو عدوي صديقي ....

آسف للإطالة
بس عايز حد يقنعني بعكس ده لإني بجد مضايق جداً من اللى بيحصل

لاتعليق
ربنا يهدي الجميع وميفرحش فينا العدو

انا مع كل اللي قاله banzerمش حقدر اضيف اكتر من اللي قاله .فلتذهب المشاعر للجحيم حكم عقلك !

أحسنت القول يا ياسمينايا
فالعصبية كالعاصفة التي قد تأخذنا في مهب الريح الى مكان لم نتمناه
واليهود يتمنون بالفعل ان يعادي العرب بعضهم البعض
أشكرك على موضوعك وجزاكي الله خيرا





متشكره جدا على رد حضرتك ..
وفعلا كلام حضرتك صح ...:redface:

اعتقد اخويا الفاشل واللى بيشرب سجارة وحشيش وحتى لو كان بيتخانق معايا وبيبهدلني

مش حييجي في يوم ويرفع عليا السلاح ويحاول قتلي ويبرر موقفه بإني بقيت صهيوني كمان !!


عايز اقولكو على حاجة
الشعور اللى انا حايي بيه واللى حاسس بيه ناس كتير واللى بتوصفوه بالتعصب الرياضي وما إلى ذلك
ده مجاش من كورة أبداً

المصريين اللى اتضربوا في السودان انضربوا مش عشان كانوا ممثلين ولا كانوا مشجعين
انضربوا عشان كانوا مصريين
يعني لو انا كنت معاهم كان زماني يمكن في عداد الوفيات كمان ...لولا ستر ربنا على اللى كان هناك

الجزايرين قبل مباراتهم الاولى في مصر حرقوا علم مصر عندهم وداسوه بالاحذية
كان اوفرلهم لو حرقوا علم اسرائيل كنا قلنا عملو حاجة
ومع ذلك قلنا دول قلة متعصبة

اخدوا صور لاعبي المنتخب وحطوها في صور بذيئة
قلنا ده تعصب رياضي

بهدلونا في السودان وقلنا ده تدخل حكومي مباشر والشعب مازال على الود والوفاق
اخترقوا مواقعنا وحطو مكانها نجمة اسرائيل
قلنا دول شوية مخترقين لا يمثلوا حاجة من الشعب


جابوا ارقام تليفوناتنا المحمول وسبو العديد .... قلنا دول لسه مجرد قلة

يوم ما انهزموا في انجولا قالو إننا بنرشي الحكم طبعاً والرباعية دي جابها كوفي كودجا الحكم من المنتخب المصري
وقلنا دي لسه قلة

انا شخصياً اتكلمت مع 3 اشخاص جزائريين واتنين منهم محترمين مقتنعين تماماً إنه ضربنا في السودان مش غلط!
يعني لو قلنا ده تصرف حكومي فالشعب موافق عليه تماماً


بعد ما جيت احسب القلة القليلة اللى عمالين نقول عليها لقيتهم عدوا عدد افراد الشعب اساساً


الممثل العربي الوحيد اللى بتتكلموا عنه مبيعرفش ينطق عربي !!
الممثل العربي الوحيد اللى فرحانين بيه صابغ شعره اصفر وعامل خواجة !!
شعارهم وان تو دري ... فيفا الجري >> مش عارف فرنساوي ولا ايه
4

ازاي بعد كل ده وبعد ما كرامتنا اداست اكتر من مرة وفي اكتر من مكان تقولو عليها كمجرد كورة ؟؟
ازاي بعد كل ده وبتقولو منتخب عربي ومسلم ؟

مسمعتوش حديث رسول الله صلى الله عليه وسلم اللى بيقول فيه
(من رفع علينا السلاح فليس منا)

واللى رفعه دول البلطجية اللى باعتينها الجزائر بطيارات خاصة عسكرية واللى الشعب موافق عليه
يعني الجزاير حكومة وشعباً ومحدش يقدر يقولي اصلي دول لسه قلة

عارفين لو كانوا اعتذروا
كان كل حاجة اتحلت والشعب المصري طيب وحيسامح على طول
لكن دول طلبوا الاعتذار كمان !!


جرح القلب لا يمكن له أن يلتئم أو يشفى
ولكن يمكن مداواته قليلاً ومداويه هو جارحه فقط


ولو حد عايز يوجهلي تهمة التعصب الرياضي
لازم يعرف الاول إني مشفتش ولا مطش حتى الآن
سواء من مطشاتنا المحلية او الافريقية او كاس العالم
غير مطشات الجزاير فقط
ولا اتكلم عن مطش زي انجلترا الاخير
انا مكنتش بشجع انجلترا لكنني مكنتش عايز الجزاير تكسب
وبالتالي بنطبق قاعدة عدو عدوي صديقي ....

آسف للإطالة
بس عايز حد يقنعني بعكس ده لإني بجد مضايق جداً من اللى بيحصل


دى وجهه نظر حضرتك ..وانا بحترمها ..
ومقدره كمان كميه الغضب الحلت على اغلبيه الشعب المصرى من العملووه الجزائر ..
بس انا بتكلم ع الروح العربيه ..اللى كانت نفسي تسود على العالم العربي ..
يمكن معرفش ارد على كل النقاط الذكرتها ..كل الحكايه انى اتمنيت اننا نبقى عرب بجد ,,ونحاول نتخطى بعض المشاكل لكن يبدو ان ده صعب جدا ..وبالرغم من كده انا لسه عندى امل ..يمكن مكنش عارفه السبيل للامل ده والتخيلت انو ممكن يكون عبر موضوع ..
عموما شكرا على رد حضرتك ..

لاتعليق
ربنا يهدي الجميع وميفرحش فينا العدو


يارب ..فعلا ..
يمكن بجمله تكونى وصلتى لملخص الهدف الانا عايزااه ..

((ربنا يهدي الجميع وميفرحش فينا العدو))

شكرا على ردك الجميل ..

انا مع كل اللي قاله banzerمش حقدر اضيف اكتر من اللي قاله .فلتذهب المشاعر للجحيم حكم عقلك !


مينفعش المشاعر وحدها ولا العقل وحده ..
نورتى ياجميل بردك..:redface:

صدقينى لوكنتى فى بلد تانيه ومش هقول غريبه علشان دى السودان وتلاقى نفسك مجبره على أن تتخلصى من كل شىء يثبت مصريتك لتحمى نفسك من القتل أو الضرب -- كنتى هتعرفى إن ده مش تعصب ولكنه الطبيعى
لما تعرفى إن 17 لاعب من لاعبى الجزائر من مواليد فرنسا وإن الباقى هما اللى بيرحلهم فرنسا لإقامة المعسكر فى فرنسا
لو استمعتى عن أخر تقرير جزائرى هو أن أكثر من 40% من الشعب الجزائرى لايعتبر هذا الفريق يمثلهم ولايهتمون بمتابعتهم
إنجلترا إحتلت مصر هل أخذت معها ولاء وانتماء أكثر من 50% من الشعب المصرى -- للأسف لاتحمى إلا الهاربون من أحكام قضائيه فى مصرواسألوا ممدوح السلام 98-- 2009وغيره وغيره
ورغم ذلك بدأت المباره متعصب لانجلترا وكعادتنا بالطيابه تقولى - بالسذاجه كمان ممكن تحولت للجزائر
وكان تشجيعى غريب لـ5لاعبين فقط والباقى كنت بقول وبصوت عالى إكسره يالا وحدث ماتمنيته فقد خرج ثلاثه مصابين
لانكره الجزائر كدوله عربيه اسلاميه وسكان يقدرون قيمة مصر كمانقدرهم ولكنى أكره اللا عبين والمتعصبين سكان مرسيليا
فهل هذا فيه مساس للعروبه وجزائر الشهداء والعروبه-- ولاأقول الدين فارتباط الدين لايحتاج لوحدة اللغة
واعتذر على الإطاله لكنها فضفضه
وشكرا للجميع

يا جماعة العصبية مش عندنا وليست من سماتنا
ولكنها سمة مقاتلى الصحراء وغيرهم
ربنا يعافينا

كل ده علشان كورة
كرة القدم دى اصلا دخلت للعرب مع المستعمر زمان
يعنى المفروض منلعبهاش ولا نشاهدها بس بردوه الناس
مش عايزة تفهم الله يهديهم
وبعدين احنا كده قولنا على الجزائر كلام مش لطيف مع انهم احسن ناس
بس شوية العيال اللى بيلعبوا كورة دولى هما دولى بقى الشباب الفاشل
ويعنى انتوا ذكريو كل اللى الجزائر عملته ومقولتوش المصريين عملوا ايه
ومتقلوش كانوا منطويين لا كان ليهم بردوه رد فعل
وشكراااااااااا ليكى على الموضوع الرائع

صدقينى لوكنتى فى بلد تانيه ومش هقول غريبه علشان دى السودان وتلاقى نفسك مجبره على أن تتخلصى من كل شىء يثبت مصريتك لتحمى نفسك من القتل أو الضرب -- كنتى هتعرفى إن ده مش تعصب ولكنه الطبيعى
لما تعرفى إن 17 لاعب من لاعبى الجزائر من مواليد فرنسا وإن الباقى هما اللى بيرحلهم فرنسا لإقامة المعسكر فى فرنسا
لو استمعتى عن أخر تقرير جزائرى هو أن أكثر من 40% من الشعب الجزائرى لايعتبر هذا الفريق يمثلهم ولايهتمون بمتابعتهم
إنجلترا إحتلت مصر هل أخذت معها ولاء وانتماء أكثر من 50% من الشعب المصرى -- للأسف لاتحمى إلا الهاربون من أحكام قضائيه فى مصرواسألوا ممدوح السلام 98-- 2009وغيره وغيره
ورغم ذلك بدأت المباره متعصب لانجلترا وكعادتنا بالطيابه تقولى - بالسذاجه كمان ممكن تحولت للجزائر
وكان تشجيعى غريب لـ5لاعبين فقط والباقى كنت بقول وبصوت عالى إكسره يالا وحدث ماتمنيته فقد خرج ثلاثه مصابين
لانكره الجزائر كدوله عربيه اسلاميه وسكان يقدرون قيمة مصر كمانقدرهم ولكنى أكره اللا عبين والمتعصبين سكان مرسيليا
فهل هذا فيه مساس للعروبه وجزائر الشهداء والعروبه-- ولاأقول الدين فارتباط الدين لايحتاج لوحدة اللغة
واعتذر على الإطاله لكنها فضفضه
وشكرا للجميع


لا طبعا مفيش اعتذار ..هذا الموضوع للتعبير عن الاراء ..
ع العموم احترم وجهه نظر حضرتك ..:redface:

يا جماعة العصبية مش عندنا وليست من سماتنا
ولكنها سمة مقاتلى الصحراء وغيرهم
ربنا يعافينا


صح انا معاك جدا ..
يارب كلنا نحاول نستوعب ونفهم ده ,,
شكرا على رد حضرتك ..:)

كل ده علشان كورة
كرة القدم دى اصلا دخلت للعرب مع المستعمر زمان
يعنى المفروض منلعبهاش ولا نشاهدها بس بردوه الناس
مش عايزة تفهم الله يهديهم
وبعدين احنا كده قولنا على الجزائر كلام مش لطيف مع انهم احسن ناس
بس شوية العيال اللى بيلعبوا كورة دولى هما دولى بقى الشباب الفاشل
ويعنى انتوا ذكريو كل اللى الجزائر عملته ومقولتوش المصريين عملوا ايه
ومتقلوش كانوا منطويين لا كان ليهم بردوه رد فعل
وشكراااااااااا ليكى على الموضوع الرائع

انا مبسووطه قووى انا فى ناس بدأت تفهم قصدى ..
رايك تمام جدا ..
ميرسي ياجميل ..:d

ممكن اراء تانيه ..