مشاهدة النسخة كاملة : يارب الكل يحاول يساعدني .. حتى الاساتذة
بسم الله الرحمن الرحيم
انا طبعا اخيرا قررت اني اشاركم المشكلة الي عندي
انا ليه صديقة (انتمتي) وانا وهيه حاجة وحدة تقريبا وهي وقعت في مشكلة ونفسي اساعدها .. طبعا احنا في تانية ثانوي وأخدنا كمياء ... هي يوم الخميس ده قررت فجأة انها تأجل كل المواد ما عدا الرياضة والعربي .. لانها من النوع الي بيخاف اوي وبتحبط بسرعة ... وجالها احباط لانها حست انها مش شاطرة في الكمياء وانا حاولت اقنعها انها غلط لاني عارفة مستواها وحاولت اقنعها ان كل الطلبة بتبقى حاسة انها ناسية المنهج والمواد وده احساس طبيعي وانا عارفة انها ممكن من غير مذاكرة تجيب 90 في المية والله العظيم ...وحاولنا نقنعها انها هتضيع سنة من عمرها عشان مجرد احباط وكل الاساتذة قالوا لا متجألش وانها لو دخلت الامتحنات هتجيب درجات كويسة جدا وكلهم اندهشوا لما عرفوا انها عاوزة تأجل وانا والله ببكي بالدموع عشان خاطرها ومش عارفة اعملها ايه لدرجة ان مدرس العربي بتعنا هيروح النهاردة يقعد معها مخصوص عشان يقنعها ..... وطبعا والدتها محبطة جدا .. وانا كمان محبطة اوي عشانها كل ما اتخيل نفسي وانا لوحدي وانها صغرت عني سنة اتعب اوي بجد ... يا ريت تقولولي ممكن اعمل ايه ويا ريت الاستاذة كمان يشاركوا ويقولوا ايه الحل ..
وربنا بجد يجزيكم كل خير لو ساعدتوني
الاسطورة 26-05-2007, 02:53 PM الحل الوحيد
تقعدوا كلكوا و تقنعوها و تخلوا المدرسين يكلموها
وممكن تخلى المدرسين يعملولها امتحانات على كل المواد و تحلها و تقيس مستواها
و لو هى مستواها كويس
يبقى ها تحل كويس
وساعتها تاخد ثقة فى نقسها
بس
اتمنى اكون قولت حاجة مفيدة
سلام
شاعرالحب 26-05-2007, 02:55 PM يابنى قولتلك شيل التليفون اللى فى التوقيع بتاعك ده :)
بيجبلى احباط :)
بشكرك جدا على مشاركتك واحنا فعلا بدانا باستاذ العربي ومستنين النتيجة وربنا يستر وهحاول اقول لمامتها الحل ده برضه بشكرك بجد وادعولها كلكم ارجوكم
medo_812000 26-05-2007, 04:11 PM انا مع elma7et
!medo شكرا اوي على مرورك ويارب حد الكل يحاول يقول رايه مش يدخل بس يقرا الموضوع ويطلع تاني بجد نفسي كل واحد يحط نفسه مكانها وهو وقتها هيحس باحساس وحش اوي يا ريت الكل يشارك بجد
الاسطورة 26-05-2007, 07:17 PM :) ان شاء الله تلاقى حل
وابقى بلغينا آخر الأخبار
أكيد ان شاء الله بس الله يخليكم ادعولها كلكم وربنا يهدي ويوفق الجميع
alrays 26-05-2007, 07:38 PM يا حول الله يارب واللله ياهمس انتى فكرتينى بمشكلتى فى الثانويه انا السنه دى فى تالته بس اجلت امتحان تانيه بس مش فى مواد معينه لا فى كل الامتحان والله يابنتى انا باضرب نفسى كل يوم ميت جزمه انى مدخلتش اكتحان تانيه الاوالانيه وبارضه كانت مش كلتى مع الكيمياء وباعدين داخلت السنه الى وراها والله جيبت مجموع اقل نا الى كنت هاجيبه فى السنه الاولى وانا مضايق لان اصحابى كلهم فى جامعات ومعاهد وانا قاعد لوحدى فى ثانوى وحيات اغلى حاجه عندك حاولى تقنعيها ان السنه الى بتعدى من العمر مبترجعش تانى وهيا اكتر واحده هاتحس بكده بالزات اول يوم فى الدراسه السنه الجايه هاتلاقى اصحابها مش معاها وهيا لسه بتقف طبور فبجد حاولى بكل متقدرى تمنعيها عن الجريمه الى عاوزه تعملها فى نفسها وربنا يهديها وينجحها
GESSY 26-05-2007, 07:41 PM انتى يابنتى انتى مش بتقولى انها الانتيم بتاعك حاولى ترجعلها ثقتها فى نفشها
وحاولى تذاكرى معاها شوية لحد ما ترجع زى الاول انتى عارف انا حصلى نفس الموقف دة
بالظبط مع الانتيم بتاعتى بردة وكان السنة اللى فاتت يعنى 2 ث ومكانتش عايزة تمتحن الرياضة
لحد فين وفين لما هديت وخلتها تدخل الامتحان وبقينا فى 3 دلوقتى وحاولى تقنعيها ان هى لو عملت كدة
هتتفرقوا ومش هتبقوا زى الاول مع بعض فى كل حاجة حاةلى تفكريها انا دة مستقبل وبعد كدة هتندم على القراردة
ومعلش طويلت عليكى بس بجد فهيميها ان دة لو حصل هتبعدوا عن بعض مش بارادتة حد هى دية سنة الحياة
وربنا معاها ومعاكى ويارب تقتنع ان هى هضيع سنة من عمرها لو دة حصل
=ivan= 26-05-2007, 09:35 PM ربنا يهديها ...
عرفيها بس ان اللى بيهون عليه يأجل سنة .. بيأجل اتنين وتلاتة كمان ..
والموضوع مش هيفيدها ..
اعرف ناس كتير عملوها .. وبرضو مجابوش اللى هما عايزينو ..
عموما ربنا معاها ومعاكى .. ومعاكم كلكم ..
بجد الله يجزيكم كل خير انا بركه هقابلها وهطبعلها كل الردود ده عشان تشوف كل الاراء يا ريت اي حد عنده اراء تانية يشارك ربنا يباركلكم كلكم يا رب وينجحكم ... وادعولها النهاردة المستر بتاع الانجلش راح لها عشان يقنعها وححاول اعرف ايه الي حصل ... وكمان والدتها قالتلي انها اتصلت بالاساتذة تاني وكلهم زعقوا وقالوا اوعى تاجل ده مستواها كويس واستاذ الفرنساوي قال لو دخلت هتجيب يا 48 يا 49 ان شاء الله ... مش عارفة في ايه اكتر من كده ... والله صعبان عليه اني اشوف اغلى صديقة عندي كده وانا بحاول أعمل اي حاجة وانا لو عارفة ان التأجيل ممكن يخليها لكنت قولتلها ماشي وعمري مححاول اضرها .. ربنا يهديها يا رب بجد أرجوكم اي حد عنده راي او تجربة حصلت معاه او مع زميل يحطها هنا عشان اوريها ده كله ياريت يكون اكبر عدد من الحلول والأراء والتجارب من الجميع في الموضوع بكره قبل الساعة 9 بليل لأني هقابلها بكره ان شاء الله وخليكوا فاكرين ان الله في عون العبد ما دام العبد في عون اخيه ... والي بيفرج كربه عن حد ربنا بيفرج عنه كربه ... شوفوا كل واحد ممكن يقدر يفرج كربه بمجهود بسيط قد ايه هو انه يكتب حل او تجربه مر بيها ... وربنا يبارك للجميع ... وآسفة اني طولت عليكم
بسم الله ما شاء الله عدد القراء 88 مفيش غير 4 تقريبا بس الي ردوا ... ايه يا جماعة محدش عنده حلول تاني ... يله ربنا يجازي الجميع كل خير
khaled elryies 27-05-2007, 09:12 AM والله يا اختي الحلول الجميله التي اقترحها الاخوه لك
انا شايف انها حلول ممتازه ولابد ان تعرضي عليها هذه الاراء حتى تقتنع انشاء الله وحاولي ولاتياسي
وماتبقى الا ان ندعوا لها الله بان يسوق لها المقادير لهدايتها ولما فيه الخير باذن الله
يا رب يهديها بشكرك يا أبو الريــــــــــس على مرورك مشاركتك وانا باذن الله هعرض عليها الآراء بس المشكلة ان الموضوع تتطور لانها قالت ان حد كلمني تاني في الموضوع ده هقعد من التعليم خاااالص ... وانا ههحاول أهديها وأقعد معاها النهاردة بس بجد أي حد مر بتجربة أو حصل لحد يعرفه زي الموضوع ده يقولي عشان اوريها تجارب حصلت قبل كده
khaled elryies 27-05-2007, 06:09 PM يااختي احب ان اوضح لك بان مقالته لكم انها بدايه للاقناع ان شاء الله
وبجد لازم تكثفوا حولها ارائكم وتدوها وقت قصير تفكر مع نفسها فيه علشان مش تدايق
وعلشان تعرف نفسها ايه اللي يحصل بعد اختيارها وربنايوفقكم لما فيه الخير ان شاء الله
شكرا يا أبو الريــــــــــس بس ازاي ده بدايه للاقناع يا ريت تفهمني بجد وشكرا مرة اخرى وجزاك الله خيرا
khaled elryies 27-05-2007, 06:32 PM بدايه للاقناع يعني بدايه للتائثير وان شاء الله تستجيب لارائكم
وفي نفس الوقت لازم هي تعرف مدى ثقتها بنفسها
واولا واخيرا لابد ان تستعيذ من الشيطان وتصلى صلاة استخارة
وتطلب من ربنا انه يوفقها
midoxp 27-05-2007, 08:50 PM قولى الله على الحلول الممتزة دة وكلمة كمان وما التوفيق الا من عند الله والانسان لايؤخذ الا نصيبة من هذا الدنيا وربنا كتب لنا اية الكلية الا هندخلها واقولك ممكن تذاكرى معها شوية وتراجع المنهاج مع بعض وتخاليها يكون عندها ثقه بالنفس شوية
وربنا معنا جميعا فى الثانوى العامية دة
وربنا معنا جميعا فى الثانوية العامية
The_Relativistic200 27-05-2007, 08:59 PM ايه يا جدعان الردود دى
هو ده الحل يعنى <_<
فى حل كمان
قوليلها بطلى شغل العيال ده
وبلاش عبط ودلع
معرفش استاذ مين ووالدتها اللى بيحايلوها
تأجل ايه هى كلية ؟؟!!!
امال على كده لو دخلت كليه هتعمل ايه هتخلى الاربع سنين تمانية مثلا؟؟؟
دى مش عاوزة نصايح
ثم التاجيل ولا ليه لزمة ......سنة ربنا هيحاسبها عليها ضيعتيها فى ايه
ووالله وحلفان اهو مش هتجيب اكتر من اللى هتجيبه لو دخلت دلوقتى حتى
هتعمل ايه مثلا
ثم احنا كلنا محبطين
ونفسيتنا زى الزفت
والمنهج متكوم زى صفايح الزبالة
ولا حد بيشتكى ولا بيتنيل على عينه
لكن لو مش دلع او عقدة يبقى مفيش غير دكتور نفسانى!!!
واعرضى عليها الرأى ده بالذات
ده لو كان متعرضش عليها مليون مرة مثلا ولا حاجة
احترامى اوى
*pretty* 27-05-2007, 11:35 PM السلام عليكم ,, اولا باحييكى على حبك الشديد لصديقتك و خوفك عليها ,,ثانيا بعد الردود السابقة طبعا لازم تحاولى و ماتيأسيش و تقنعيها ان اللى ربنا كاتبه لها هايكون مهما عملت ,, و انها بس تعمل كل اللى عليها و ربنا مش بيضيع تعب حد والله ,,انتى بتقولى ان مستواها حلو يبقى حرااام تضيع سنة من عمرها والله مش مستاهلة ,, و عسى ان تكرهوا شيئا و هو خير لكم ،،حاولى معاها اكتر و رنبا معاكى و معانا كلنا ان شاء الله ,, و اكيد بحبك ليها هتأثرى عليها و هى مش هايهون عليها الصداقة العظيمة دى خاصة لما تعرف اللى بتعمليه عشانها ,,ربنا يهديها و يثبتك ,,بالتوفيق ان شاء الله,, سلام .
Miss_CaR!zma 28-05-2007, 12:03 AM قولى ليها قبل ما تفكرى فى نفسك فكرى فى اللى بيحرقوا فى اعصابهم من اول السنه (مامتها وباباها)
كون انها عايزه تاجل تبقى مش حاسه بيهم
فخليها تفكر بعقل شويه وبلاش تقولى ليها مجهودك اللى فات والامتحانات هيجى سهل
خليها بس تحاول تحس بيهم ولو كملت بتفكيرها ده ...مع نفسها بقى
وفى حاجه كمان لو كله بيفكر كده فانا وناس كتير كنا اولى ناجل
بزمتك فيزيا ورياضه وللا لعب عيال وكيميا؟؟
وربنا يعينك انتى لان الامر متوقف عليكى برده
وبالتوفيق جميعا
سيد سعد غباغبي 01-06-2007, 01:19 AM قولى ليها قبل ما تفكرى فى نفسك فكرى فى اللى بيحرقوا فى اعصابهم من اول السنه (مامتها وباباها)
كون انها عايزه تاجل تبقى مش حاسه بيهم
اللهم لا سهل الا ما جعلته سهلا وانت تجعل الحزن ان شئت سهلا
ولو ان فيه ناس مكارين ناويين يأجلو علشان السنة الجاية مافش 2 ويبقي التنسيق رايق لهم بعد كدة يمكن صاحبتك منهم وانت اللي علي نياتك
سلام
هههههههههههههههههههههههه حلوة اوي ماكرين ده .... بس هي مش بتفكر كده خالص والله ... أنا اعرفها كويس اوي ... الله يسامحك بس ... ان بعض الظن اثم .... انا عمري ما أظن فيها كده خالص ... على العموم قدر الله وماشاء فعل انا بس كنت عاوزة اقولكم انها خلاص مصممة على رأيها وطبعا انا عرضت عليهم آرائكم كلكم قعدت تضحك وقالتلي هاتي الورق عشان أقرأه لأمي .. عشان اضحكها شوية ... يله الحمد لله على كل حال ... ربنا يهدي ويوفق الجميع
SAMSAMAH 01-06-2007, 05:35 PM انت تحاول تقنعها انها تدخل الامتحان وخلاص ياما تنجح وتجيب مجموع او تعيد السنه لا قدر اللهوهى باذن الله طالما هى مستواه عالى فلما تتدخل الامتحان هتتذكر حجات كتير وتحل
سيد سعد غباغبي 02-06-2007, 09:13 AM <div class='quotetop'>إقتباس(همس المشاعر @ Jun 1 2007, 04:32 PM) 317015</div>
هههههههههههههههههههههههه حلوة اوي ماكرين ده .... بس هي مش بتفكر كده خالص والله ... أنا اعرفها كويس اوي ... الله يسامحك بس ... ان بعض الظن اثم .... انا عمري ما أظن فيها كده خالص ... على العموم قدر الله وماشاء فعل انا بس كنت عاوزة اقولكم انها خلاص مصممة على رأيها وطبعا انا عرضت عليهم آرائكم كلكم قعدت تضحك وقالتلي هاتي الورق عشان أقرأه لأمي .. عشان اضحكها شوية ... يله الحمد لله على كل حال ... ربنا يهدي ويوفق الجميع
[/b]
احسن حاجة في الموضوع انها ضحكت وربنا يوفقكم
وليس المكر هو سوء النية ولكن المكر هو حسن التدبير
قال تعالي يصف نفسه ( والله خير الماكرين ) صدق الله العظيم
ربنا يهدي ويوفق الجميع[color=#3366FF]
|