كابوس

الساعة اتناشـــر نص الليــل
بابنـــــا اتدق تلات دقــــــات
قمت فتحت لقيت لك إيـــــــه
خمس رجاله تقول بشـــوات
هجموا عليا و على مكتبتــي
و هات تدوير تجميع ورقات
لو مســـودة لأي قصيــــــدة
ايد ع القفـــا و تلات رنـــات
**********
أول مرة أشــوف مرزبـــــة
شكل الإيـــــد تنزل و تطرقع
كل أوراقـــي اتلمت كــــــوم
كنت أتمنى تقـــوم و تفرقـع
عود كبريت كـان أسـرع منـي
قمت صرخت مسيره هيرجــع
فكر جديد و دفنتــــه في مخــي
لازم يجــي الوقــت هيطلـــــــع
************
تنزل ايد ما شافيتش الرحمـــة
" انسى إن انت كمان متعلــم
عيش على أدك زى حمــــارك
تمشي ذليل و تبــص تبلــــــم
ادفن همك ارضــع وجعـــــــك
أحسن ايدنا عليــــك هتعـــــلم
آخر مرة نجيــــلك عنــــــــدك
تلقى الإيد لقفاك هتسلــــــــم
*************
انسى كتابة زجلك خالــــــص
اوعى تجيب سيرة الصرصار
خللي فيران العزبــة تفحـــل
مالك يعنــــــي و مـــــال الفــــــار
حتى كلاب العزبــــــــة هريتهــــم
ترســـــــم م الأحـــــــــــزان دوار
لازم تنسى كمــــــان بالعافيـــــــة
تكتب شعــــــر لأي حمـــــــــــــار

***************
قمت زعقــت نطقــت بصــــــوتي
فكري و شعري و زجلي أصحابي
تقطعوا نفسي تحبســوا صوتــــي
شعري خــرج دخـــان من بابــــي
ريحة شعـــري انتشـــرت خـالص
ناس حفظوها عشان أحبــابــــــي
اجروا و فتشــــوا مخ النـــــــاس
لموا الشعــــر و هاتـــوا منابــــي

كابوس






انسى كتابة زجلك خالــــــص


اوعى تجيب سيرة الصرصار


خللي فيران العزبــة تفحـــل


مالك يعنــــــي و مـــــال الفــــــار


حتى كلاب العزبــــــــة هريتهــــم


ترســـــــم م الأحـــــــــــزان دوار


لازم تنسى كمــــــان بالعافيـــــــة


تكتب شعــــــر لأي حمـــــــــــــار



***************


قمت زعقــت نطقــت بصــــــوتي


فكري و شعري و زجلي أصحابي


تقطعوا نفسي تحبســوا صوتــــي


شعري خــرج دخـــان من بابــــي


ريحة شعـــري انتشـــرت خـالص


ناس حفظوها عشان أحبــابــــــي


اجروا و فتشــــوا مخ النـــــــاس


لموا الشعــــر و هاتـــوا منابــــي


استاذنا السعيد
يسلم حسك العالي يابطل
رائعه جدا .لحد امتى ح يكبتو على انفاسنا؟
ديما مبدع ومتألق بارك الله فيك
تقبل تحياتي واحترامي وتقديري

ايه الروائع دى دائما متالق وموفق باذن الله وفى انتظار جديدك

الأستاذ أستاذ .. يسلم فكرك... علمتنا كتير و لسه ياما هنتعلم منك
وحشتنا أفكارك الجديدة

[quote=**نغم محمد**;2288020]استاذنا السعيد

يسلم حسك العالي يابطل
رائعه جدا .لحد امتى ح يكبتو على انفاسنا؟
ديما مبدع ومتألق بارك الله فيك
تقبل تحياتي واحترامي وتقديري
دايما يا نغم لمساتك كلها إحساس و نغم بيسعدنى قوى كونك أول من يدخل و يعلق
القصيدة دى فعلا شوفتها كابوس و قمت من النوم كتبتها
دمت بألف خير

ايه الروائع دى دائما متالق وموفق باذن الله وفى انتظار جديدك
شكرا لمروركم الكريم و تعليقكم الخفيف الظريف .
دمتم بألف خير