بجد ونبى حد يسااعدنى فى الكميااء انا مش فام حاجة خالص فى الكمياء مش فاهم حاجة خالص ساعدونى ونبى الامتحان يوم السبت ونا مش فاهم حاجة والى هيسعدنى ربنا ان شاء الله هيكرمة بجد ونبى ساعدونى:040vk0: ودا الاميل بتاعى بردة بليز انا محتاج مسعدة منكم بجد وربنا هيكرمك ان شاء اللة

yaaaaa ragel

والله العظيم انا مش فاهم حاجة فى الكمياء لو اى حاجة ارجعها ابل الامتحان ونبى

السلام عليكم


طيب حاول تذاكر اضغط ع نفسك ولو ف اي حاجه انا موجوده هنا كتير والحمد لله مستوايا كويس ف الكيميا

السلام عليكم



طيب انا ممكن اكتبلك هنا مسائل وحلها ومسائل حضرتك تحلها ينفع؟؟؟؟ مسائل افكارها بسيطة ومهمه

ياااااااااااااريت

اخى الفاضل ادخل

هنااااااااااااااااااااااااااااااااااااااااا (http://thanwya.com/vb/showthread.php?t=188965)


وحمل الخلاصه للأستاذ سيد عثمان رائعه فى كل بابا تقريباً 10 ورقات وهذا سوف يسهل عليك الكثير

والله ولى التوفيق

يااااااارب لو سقط فى الكمياء محد ينجح ودعوة المظلوم وحشة ونبى حد يسعدنى فى الكمياء اى حاجة حتى تنجحنى بنصف الدرجة ونبى انا هعيط الحقونى انا هرمى نفسى من الشبااااااااااااك الحقونى همووووت

اخى الفاضل لو انت مما يبحثون عن درجه النجاه فقط زاكر اول 5 ابواب والباقين اقرأهم فقط ولكن ان شاء الله تحصل على درجه عاليه لو زاكرتهم

درجة النجاح من كام اخى

السلام عليكم

والله النهارده ان شاء الله هصورلك المسائل بتاعة الباب السادس والتاني وهنزلهملك هنا النهارده

هصورهم من صحباتي والمسائل دي مهمه جدا وباذن الله الامتحان مش هيخرج منها

وابئا احضر مراجعة النهارده معانا ف الغرفة الصوتيه

السلام عليكم


حاجة ايه الي حضرتك مش فاهماها بالظبط وبعدين لازم تذاكر لاننا مش هنئدر نفيد حضرتك زي لما تذاكر انت وانا معاك وان شاء الله النهارده اجبلك المسائل ومدام انت فاتح دلوئتي فئول ايه الحاجات الي انت مش فاهمها وانا موجوده هنا كمان ربع ساعه

معلشى النت فصل بليل سورى انا فاتح الميل دلوقتى

ياعمنا روح ذاكر الخامس والسادس مفهومش الى مسائل والثامن والرسومات وشوية مفاهيم بتكرر هتلاقيها فى الامتحانات
والاستخدامات والعلماء وشوية الحاجات الى الامتحان يستغناش عنهم
وياسلام لو عندك الامتحان مراجعه نهائية

مش عندى حااااجة خالص هيا مضيعا خالص مش عارف اعمل اية والله

مش عندى حااااجة خالص هيا مضيعا خالص مش عارف اعمل اية والله
هو انته قاعد فى البيت وبتقولى معنديش حاجه خالص الى بيدور ميتهش قوم ياض شوف اى صاحب ليك واتشوى فى الحر يوم واستريح ميه

انا عندى مرجعة جامدة المعلم الشامل بس عايز القوانين كلها لو تعرف تجبها فى المنتدى تبقى تمام

يعنى انت قاعد ع النت وعمال تقول ساعدونى وكلمونى ع الميل متقوم ذاكر اللى فايتك محدش هنا هينفعك

فين المسائل يااعطر الايمان

من الاخر ياباشا كتاب المدرسة كويس روح ذاكر منه وفيه درس على قناة الرحمة روح شوفه ملكاش حجه
والاستاذه عطر الايمان تساعدك

يااااااااااااااارب يانجم سلام هشوف الدرس

يلا يانجم بالتوفيق للجميع

ياااااااااااااااارب

اوك اصل مفيش حد اصلا يرد على فى المنتدى شكرا للجميع

بص البرنامج ده جامد جدااااااااا ممكن يساعدك شوية بس أنت شد حيلك وبلاش تدعي علينا أحنا فينا اللي مكفينا

اوك مش هدعي عليكى انتى بزات هدعى على عطر الايمان بس

اوك مش هدعي عليكى انتى بزات هدعى على عطر الايمان بس

سبحان الله تدعى عليها و هى عايزة تساعدك .... انت واضح عليك عاوز تضيف ناس و خلاص !!! يبنى خلى ايمانك بربنا اكتر من كده و لدعوة كده من غير فايدة غلط هو ايجبار انها تساعدك و هى اصلاً كانت عاوزة تساعدك بس انت للى مش عاوزها غير فى ميل !! ليه انت عارف بقى السبب ...

هو انته مبتبطلش كلام ياض ليه وهتدعى عليها ليه هتجبللك المسائل النهارده

انت غلطان بس ممكن تلحق نفسك فى اى حاجة

تنجح بيها حاول

انا رايى تمسك امتحانات السنين اللى فاتت تحلها باتقان واللى واقف معاك افتحه فى الكتاب وشوفه وراج مفاهيم والقوانين وادعى الله وقوى علاقتك بيه وخير ان شاء الله

اولا شكرا للجميع على المساعدة بس خلاص مش عايز من اى حد مساااعدة انا مش صغير وان شاء الله هتسمعوا عنى قريب فى كل حتة ومسير كل واحد هيعرف هوا عمل اية اصلا الدنيا معدش فيها اى حاجة تنفعنى تانى فخلاص قريب هتسمعوا عن محمد فتحى سالم وحفظو الاسم كويس بس لو حصلى حاجة ابقوا ادعولى سلام ياااااحبيبى بااااااااااااااااااى

ههههههههههههههههههههههههههههههههه

لا إله إلا الله !!! ده منظر واحد عاوز يزاكر !!

انت لو عايز تذاكر امسك ملخص الامتحان واحفظه حتى لو عايز تنجح بس ذاكر اول خمس ابواب بس على فكرة انا كنت زيك قبل الامتحان باسبوعين ذاكرت الكيمياء فى الاسبوع الاول والحمد لله ربنا كرمنى

اولا شكرا للجميع على المساعدة بس خلاص مش عايز من اى حد مساااعدة انا مش صغير وان شاء الله هتسمعوا عنى قريب فى كل حتة ومسير كل واحد هيعرف هوا عمل اية اصلا الدنيا معدش فيها اى حاجة تنفعنى تانى فخلاص قريب هتسمعوا عن محمد فتحى سالم وحفظو الاسم كويس بس لو حصلى حاجة ابقوا ادعولى سلام ياااااحبيبى بااااااااااااااااااى
إن شاء الله حنسمع عن محمد فتحي سالم أنه من أوائل الثانوية العامة (ده نفاق) بس بجد حاول هو البرنامج معجبكش؟!!!!!

البرنامج فية مشاكل

السلام عليكم ورحمة الله وبركاته

اولا شكرا ع احترامك لينا
ثانيا اتفضل المسائل ع الباب التاني والسادس وان شاء الله هبئا اجيب عن الباب السابع باذن الله
المسائل دي اكيد ف ناس هتكون عارفاها بس التاكيد مش هيضر حد ويارب تفيدكو
ثالثا المسائل هيكون فيها مسائل لها حصل بالتفصيل ومسائل الناتج جمبها وحضرتك هتحلها وتتاكد من الناتج الي جمب المسائل
ويارب تفيدكو

1_ اذا علمت ان اطوال الروابط بين النيتروجين والهيدروجين ف الامونيا يساوي 3 انجستروم واطوال الروابط بين الاكسجين والهيدروجين ف الماء تساوي 1.92 انجستروم وطول الرابطه ف جزئ الهيدروجين تساوي 0.6 انجستروم احسب:
1- نصف قطر النيتروجين
2-نصف قطر الاكسجين
3- طول الرابطه ف جزئ اكسيد النيتريك
الحـــــــــــــــــــــل
طول الرابطه الواحدة بين الهيدروجين والنيتروجين ف الامونيا= اطوال الروابط ÷ عددهم
=3÷3=1 انجستروم

طول الرابطة بين الهيدروجين والاكسجين= اطوال الروابط ÷ عددهم
=1.92÷2=0.96 انجستروم

نصف قطر ذرة الهيدروجين = 0.6÷2= 0.3 انجستروم

نصف قطر ذرة النيتروجين =1ـــ 0.3 = 0.7 انجستروم

نصف قطر ذرة الاكسجين = 0.96 ـــ 0.3 = 0.66 انجستروم

طول الرابطه بين الاكسجين والنيتروجين ف جزئ اكسيد النيتريك= مجموع نصفي قطري الذرتين
= 0.66+0.7=1.36 انجستروم

2_ اذا كان طول الرابطه ف احد الفريونات بين الكربون والكلور 1.76 انجستروم وبين الكربون والفلور 1.41 انسجتروم وطول الرابطه ف جزئ الكلور 1.98 انسجتروم احسب:
نصف قطر ذرة الكربون وكذلك طول الرابطه ف الفلور ( الاجابة : 0.77 انجستروم ؛ 1.28 انجستروم)


3_ اذا كان طول الرابطه ف جزئ الاكسجين 1.32 انجستروم وفي جزئ فلوريد الاكسجين 1.3 انجستروم احسب :
نصف قطر ذرة الفلور ( الاجابة : 0.64 انجستروم )


4_ اذا كان طول الرابطة الايونية ف كلوريد الصوديوم 2.76 انجستروم وقطر ايون الكلوريد 3.62 انجستروم احسب:
نصف قطر ايون الصوديوم وقارن بين قطر ايون الصوديوم ونصف قطر ذرة الصوديوم اذا علمت ان نصف قطر ذرة الصوديوم 1.57 انجستروم ( الاجابة : 0.96 انجستروم)

مشكووووووووور

5_ اذا كان طول الرابطة ف جزئ النيتروجين 1.4 انجستروم وطول الرابطة ف جزئ الهيدروجين 0.6 انجستروم احسب:
نصف قطر ذرة النيتروجين وكذلك نصف قطر ذرة الهيدروجين ثم احسب طول الرابطة بين النيتروجين والهيدروجين ف الامونيا
( الاجابة: 0.7 انجستروم ؛ 0.3 انجستروم ؛ 1 انجستروم )


6_اذا كان طول الرابطة ف جزئ اكسيد النيتريك 1.36 انجستروم وف جزئ الاكسجين 1.32 انجستروم احسب:
طول الرابطة ف جزئ النيتروجين (الاجابة : 1.4 انجستروم)



دي كانت بعض المسائل عن نصف القطر يارب تكون افادتكم
والي عنده اي تعليق عليها ياريت يئول

بص البرنامج ده جامد جدااااااااا ممكن يساعدك شوية بس أنت شد حيلك وبلاش تدعي علينا أحنا فينا اللي مكفينا

برنامج جامد يا أيمى شكرا ليكى

انا هجيب المليون

http://www.thanwya.com/vb/showthread.php?p=2297351#post2297351

المراجعه دى حلوووه وهتفيدك كتير

انت جاى تقول كدا دلوقتى ارحمنىىىىىىىىىىىىىىى

انا هجيب المليون
أنا جبت المليون كذا مره وربنا يوفقك:022yb4: :022yb4: :022yb4:

السلام عليكم

والله زميلنا ده شكلة نيته مش كويسه

بئالي سنه بكتب ف مسائل وف الاخر النت يفصل حرام بجد

السلام عليكم ورحمة الله وبركاته

ع فكره ف الاول كدا انا عطر الايمان بردو

ثانيا انا كل لما اكتب بئية المساكل ال ع الباب السادس
النت يفصل وايدي وجعتني

اذا حد فيكم اصلا يعني هيئرا المسائل دي انا هكتبها ولو مش عايزنها خلاص اوفر وجع ايدي دي احسن


المسائل ال فاتت اكيد كلكم اعتبرتوها تافه وقولتو ان مسائلها تافه هي سهله جدا بس بالنسبة لزميلنا ال ميعرفش حاجه ف المنهجة ممكن متكنش تفاهه والله اعلم

بس المسائل الي ع الباب السادس احسن شوية

انا مستنية الرد ف اقرب وقت علشان اكمل

ولو صاحب الشان اصلا ال انا وعدته باني هجيب المسائل دي

عايزني اكتبها هكتبها انا بكتبها لان منها امثلة ف كتاب المدرسة

وغير كدا المسائل ليها 8 درجات من الامتحان فاكيد 8 درجات دول هيفرئو

شكرااااا للجميع على المجهود خلاص محدش يوجع ايدة سلام

تعرفوا البرنامج اللي حملته له ده جزئين ولكن للأسف الجزء التاني مش رادي يتحمل هو فعلا نيته مش كويسة

هههههههههههههههههههههههه

على فكرة انا فى حاجة عايز اقولهلك مهمة كدا بس انا عايز كل الى ردو يكونو فتحين دلوقتى حاجة مهمة جدااا جدااا وتخصكم كلكم

شكرا ليككككككككككككككككككككككككككك يااامان

افتح القناه التعليميه بتجيب حاجات كتير كويسه
وخليك معاهم بالورقه والقلم واكتب اللى بيقوله
وربنا يوفقك

ياريت تركز وتذاكر وتسمع كلام اخواتى اللى قالولك عليه وتقفل الميل لانه مش هيفيدك ومفيش حد هيقدر يساعدك عليه الا اذا كنت انت عارف كده وعايز تتعرف وخلاص نصيحتنا كلنا ليك تركز ولو فى اى سؤال وقف معاك تسأله وان شاء الله سيجاب عليه

اولا انت مظلوم في ايه
عندك كتاب المدرسه اكيد
ذاكر منه
والله اللي يذاكر منه هيعرف انه رائع
وبعدين روح صلي كده وتوكل علي الله ولو حتي هتقرا مجرد قراءه
والله ربنا مش هيضيع تعبك
حتي ولو كانت ليله الامتحان بس اللي ذاكرتها
اما كده فانت متواكل
ودي اسوا حاجه كلنا بنلجا اليها لما بنياس
مفيش حاجه اسمها مش فاهم
ياريت تحاول مره واتنين وعشره
وتمنياتي ليك ولينا جميعا بالهدايه والنجاح والتفوق

قال احمد شوقي :
وما نيل المطالب بالتمني ولكن تؤخذ الدنيا غلابا

على فكرة انا فى حاجة عايز اقولهلك مهمة كدا بس انا عايز كل الى ردو يكونو فتحين دلوقتى حاجة مهمة جدااا جدااا وتخصكم كلكم
طيب ما تقول ياحج ولا أنت مستني عزومه:angry2: :angry2:

الواد دا على فكرة مش تمام :(:(:(:(

فين البرنامج اللى بتقولو عليه دا انا عايز اشوفو :(

إذا تكلم السفيه فلا تجبه فخير من إيجابته السكوت .. ونااا واللة عندى ظروف مش كويسة شكرااا

اقولك حاجة انت شكلك فاضى كان زمانك دلوقتى خلصت مذاكرة كام باب من اللى علينا وبعدين مش انت لوحدك اللى عندك مشاكل علشان تعمل الدوشة دى كلها

على فكرة البرنامج اللى منزلاه ايمى جميل جدا ومفروض تشكرها بدل مانت قاعد تنقض الناس وتدعى عليهم

طب فين يا ناس البرنامج دا حد يدلنى عليه بليييييييييييييييييييز

طب فين يا ناس البرنامج دا حد يدلنى عليه بليييييييييييييييييييز
البرنامج ده في الصفحة التانية من الموضوع ده وهو أصلا أنا كنت محملاه من الموقع هنا وده من جزئين وبالنجاح والتوفيق

إذا تكلم السفيه فلا تجبه فخير من إيجابته السكوت .. ونااا واللة عندى ظروف مش كويسة شكرااا

علي فكرة أنا ظروفي السنة دي أسوء من ظروف أي حد لان مامتي عملت عملية بس الحمد لله ربنا وقف جنبي

الكل عنده ظروف مفيش بيت مفهوش ظروف طارئة بس اخينا هنا عايز يتكلم وخلاص
مش عارف يذاكر فقال يضيع وقته فى حاجة
وعلى فكرة يا ايمى البرنامج اللى انتى جبتيه جميل جدا بارك الله فيكى
يا رب الكل ينجح ويتفوق ويدخل الكلية اللى عايزها وميضيعش تعب حد ابدا
ولكل مجتهد نصيب

لا والله حتوحشنا متخليك قاعد دا انت منورنا

خير عايزني ف ايه

يا جماعه والله المسائل ال معايا عن الباب السادس مهمه خالص

بس شكلكو مش عايزين انا عملت ال عليا وخلاص

اى حد عنده اسئلة متوقع انها تيجى فى الامتحان وهيستفيد منه الكل ياريت يكتبها

اعتقد انكم تروحوا تذاكروا افضل من تحويل الموضوع لشات
شكرا لم عطر الايمان وشكرا لإيمى ولكل من حاول يساعد
ربنا معاكم جميعاً
وكل دقيقة دلوقتى فى المذاكرة أهم

الشكر لله يا ام شاهنده انا كنت حابة اساعد بجد

شكرا لمرورك يا ام شاهندة
وياريت*يارب نور دربى *تحطى الاسئلة بليز

على فكرة انتا محترم والله شكرا ليك على الاحترام بتاااع حضرتك انا لقيت شباااااب فى المنتدى رجاااالة احسن منك بكتييير انتا بتطمنظر عشان البنات يقولولك انتا كلامك صح على العموم ياااشباب انا اسف والله على كل وقت جميل قيتة معاااكم واشكر الاستازة عطر الايمان على مساعدتهااا معايا ونا اسف لو كلمة مش منسبة طلعت منى لاى عضوا فى المنتدى انا اسف ياااشباب بجد انا بعتزرلكم جميعا على كل كلمة وحشة طلت منى ليكم سلام يااااخواتى وشكرا ليك يااااستاذ انا اسف ليك عشان حطيت موضوع زى دة يدايق الاعضاء انا اسف واللة مع السلامةياخواتى يااامحترمين ربنا يوفقكم ويكرمك يارب وتطلعوا كلكم من الاوائل اوك ربنا معاكوا ويوفقكم اخوكم محمد سلام ainmo (http://www.thanwya.com/vb/member.php?u=353396)

يا عم براحة شوية ومتقولش على نفسك انا على فكرة انا مقصدش اى حاجة
وبعيلك فعلا ربنا يوفقك
و ياريت تهدى وتركز فى مزاكرتك

(على فكرة ان متاكدة ان الكل معاك وبيدعيلك بس انت اللى كترت الكلام شوية و نرفزت الكل) وربنا معاك وتدخل الكلية اللى بتتمناها