<div align="center">ابتسم ولا تسأم ليصبح الخريف ربيعا .. والليل المظلم صباحا مشرقا .. وتتحول الغربان

لعصافير جميلة مغردة مبتهجة ..

ابتسم فالابتسامة تذيب الهموم والأحزان وتوقظ السعادة من سباتها ..

ابتسم فابتسامتك علامة الجودة في عالمنا المتعب ..

ابتسم فكل الآلآم لا يقرأها سوى تبسمكــ ..

ابتسم ولا تحرم نفسك الأجر با ادخال السرور في قلب أخيكـ ..

ابتسم ويكفيك أن ترى الآخرين يبادلونك ابتسامة أعمق وأصدق ..

ابتسم لتزيح الهم من قلبك وتزيح هم غيركـ ..

ابتسم فلست الوحيد الذي لسعته الأيام ..

نعم ابتسم ولا تسأم وابرز قدرتكـ على مواجهة هذه الحياة وصعوباتها ..

ابتسم في وجه المصيبه ولا تسأم لأنكـ مؤمن والجزع

ليس من سماتك والأمر كله خير لكـ .. وأنت أقوى من ان يرى الآخرون ضعفكـــ ..

ابتسم ولا تسأم وكن قويا في الشدائد ..

ابتسم فالابتسامة هي المدرسة التي تخرج أجيالا من المتفائلين .. كن قدوة وقت الهزيمة

وابتسم .. صارع أمواج اليأس وابتسم .. اثبت في امتحان القدر وكن من المتفوقين

ابتسم فابتسامتك رمز العطاء ومبدأ المحبين للخير والأوفياء وصفة النبلاء ..

فابتسم لأنكـ مبتسمــــ ..

كم أحيت الأبتسامة من همم ميتة .. وحركت نفوسا بائسة ورفعت قدر الآخرين وقدركـ ..

كم فتحت قلوب وأنيرت دروب وكشفت كروب بالأبتسامة ..

ابتسم فالأبتسامة من أسهل الطرق لكسب القلوب وهي سر ابداعكـ في جمع

أكبر قدر من المحبيـــــن حولكـ ..

واتمنى من اعماق قلبي لكم الابتسامه والفرح دائما </div>

حلو الموضوع يا ابراهيم
بس أعتقد مكانه قسم الفلاسفة؟
مشكور على الموضوع

كلام جميل جدا لكنه صعب يحصل فى دنيا اتملت بالهموم مبقاش فى حاجه تخلى الواحد عايز يبتسم ولو حصل مبتبقاش من القلب بيبقى مستخبى وراها مليون هم

الابتسامه او البشاشه في وجه اخيك المسلم صدقه

اولا ميرسيه ع الموضوع

وانا مقتنعه بكل كلمه انت قولتها

بس التنفيذ صعب جدااااااااااااااااااااااااااااااااااا

لانى مش قدره حتى ابتسم

بس شكرااااااااااااااااااا ع الموضوع

والله صحيح نادر جدا دلوقتي اللي بيبتسم من قلبه
لكن زي ما قال اخ ابو الريس
الابتسامه او البشاشه في وجه اخيك المسلم صدقه

وشكرا لمروركم الكريم

ايه كل الاحزان دى ياعنى ايه الضحكة ماتت فى ادينا نرجعها

فى ادينا والله فى ادينا

انظرو للحياة بنظرة امل وصدقونى هنرجع الابتسامة من تانى

المستقبل ليكم حاولو تغيرو وعلى فكرة بقة لازم يكون عندكم طموح اكتر من كدة

واتمنى انكم تفكرو فى كلامى

الدنيا مش هتقف

السلام عليكم

كلامك كويس يا نور واتمني انه الكل يبتسم ويضحك

ابتسم ولا تسأم وكن قويا في الشدائد

وشكرا لمرورك وكلماتك

موضوع حلو ياابراهيم

كلمات جميله جدا
لكن سيبك من الموضوع وقولى انت ازيك وايه اخبارك

وحشتنى جدا يا ابو خليل

انا الحمد لله بخير طول ما انت بخير وشكرا لسؤالك استاذي الفاضل
واتمني انك دايما تكون بخير وسعاد وترجع للمنتدي تاني زي الاول
وياريت تبقي تجيبلنا قصة زي ام الجماجم

وشكرا لمروركم الكريم اخ روميو واستاذ بورسعيدي

والله موضووووعك


حلووووووووووووووووو



بس بالنسبة إلي إنسيت أصلا الفرحة كلها


أصبح الحزن عندي سائد أكتر مش ليه كدا بس يلا

إنشالله أتغير

جميل الموضوع شكرا ليك ومستينن المزيد

الموضوع جميييييييييييييييييييييييييييييييييييييييييييييييي ل جداااااااااااااااااااااااااااااااااااااااااا بس مين ال عنده نفس يضحك فى الايام دى

تسلم ايدك يا ابراهيم
بس كل ما الواحد بيبتسم بنسي هم من همومه(نسيان مؤقت)
مش فيها حاجه يعني لما ننسي نسيان مؤقت

واقول تاني... جزاكم الله خيرا علي الموضوع يا ابراهيم

هموم ايه و بتاع ايه انتو لسة صغيرين اصبرو على رزقكو الجاي اكتر :ph34r:

حطو نفسكو مكان مكان اهاليكو و شوفو بيتعبو ازاي بيربوكو و يصرفو عليكو و هيتحاسبو على كل ده يوم القيامة
وانت يا باشا مش شغلتك الاتذاكر عشان تنفع نفسك و تفرحهم :rolleyes:

انا باتكل على اساس ان كله ما شاء الله قاعد ع النت 27 ساعة ف ال24 ساعة يعني فراغ فراغ و ........ فراغ برضه :D
معلش افورت شوية بس انتو استفزيتوني ;)

سلام