بسم الله الرحمن الرحيم

انا النهاردة يا جماعة عايز أعرض مشكلة حقيقية انا شايفها فى المنتدى

فى يا جماعة كتير من الأعضاء واخدين قسم الألعاب وسيلة لتزويد مشاركاتهم

وتلاقى عندهم 1000 مشاركة منهم 850 فى قسم الألعاب!!!!

مش ها ينفع كده

فا انا باقترح انه يتم حصر الألعاب فى كام لعبة كده قليلين

مع حذف الألعاب اللى بتحمل نفس الفكرة

زى(ارمى طماطم-ارمى بيض-ارمى بطيخ....)

و نسيب واحدة بس من اللعب المكررة اللى هى ها تكون أقدم لعبة فيهم

ويتم التنبيه على الأعضاء بأن أى عضو يتم ملاحظة انه بيستخدم قسم الألعاب كطريقة لتزويد مشاركاته

سيعاقب بالعقاب اللى تحدده الأدارة

وانا كلمت فاروق مشرف القسم وقالى انه موافق

وقالى ناخد رأى الأدارة



ارجو يا جماعة انى اعرف رأيكم



محمود

السلام عليكم
انا فعلا طالب الطلب ده من بدري وعملت موضوع بكده من فترة
لان بجد القسم في هرجلة
وعمال احذف ردود كثيرة
ارجو النظر في الموضوع ده
وفي كل حاجة http://www.thanwya.com/forums/index.php?showtopic=25915

تمام فعلا انا دخلت القسم اليوم وفعلا الكلام دة مش نافع
وبالمناسبة غلشان معملش موضوغ تاني
انا ملاحظ ان اليومين دولو في بعض الاعضاء بيعملوا دعاية بمواقع ليهم وانا كتبت الاتي في الرد


برجاء من الجميع
المنتدي منتدي ثانوية عامة فقط
برجاء عدم كتابة لنيكات لاي اماكن اخري سواء كانت منتديات او موقع شخصية او عامة
وشاكرين تعاون الجميع


في انتظار الرد منكم هل انا صح ولا اية

شيء غريب جدا
احد الاعضاء مشارك في المنتدي تقريبا يوم تقريبا (نص شهر 5 في هذا العام )
اي من حوالي لا يقرب اسبوعين واصبح عدد المشاركات لة اكثر من 800 مشاركة
اية النشاط دة كلة وعلي فكرة هو من ضمن اكثر 100 عضو مشاركات حتي الان من يوم ما المنتدي اتفتح

حرام باة

وانا موافق على الفكرة دي ويا ريت تتنفذ

السلام عليكم ورحمة الله وبركاته
أولاً أنا موافقة على هذا الإقتراح، لكن هناك اقتراح تم تنفيذه في منتدى آخر كنت مشتركة فيه منذ مدة، وهي ألا يتم احتساب المشاركات في هذا القسم، بمعنى أن من يشارك أي مشاركة في هذا القسم لا يزيد العدد الإجمالي لمشاركاته ويظل كما هو،،
ولكني لا أعلم إن كان يمكن تطبيقها هنا أم لا نظراً لإختلاف نسخة المنتدى عن المنتدى الآخر..

وده اقتراح افضل يا فتاة الاسلام

طيب يا باشمهندس شوف لو ينفع تنفيذ الأقتراح ده ولا لأ؟

لا برضه انا مش مقتنع برا ايك ياعلا
لان برضه كثرة الالعاب المكررة بيتم عنها ترجيل الموضيع الجديدة وبالتالى بتوه
انا مع الاقتراح القديم وهو حذف الالعاب المشابهة مع مرعاة الابقاء الالعاب با اقدمية الوجود
وبالتالى عدد الالعاب ده هينزل النص واكتر والموضيع مش هتوه زى ماهى موجوده حاليا
وكمان يتم التنبيه على الاعضاء بعدم وضع العاب متشابه مع اختلاف اسمها
حتى لا يتم حذفها وشكرااا

انا رأيى منكبرش الموضوع اوى يعنى ..

مفيهاش حاجة اما اى بنى ادم مشاركاته تزيد .. اظن الاعضاء كلهم بيبقوا عارفين هو بيشارك فين ..

واكيد متفقين ان عدد المشاركات مش مقياس لاى عضو .. فاهمنى ؟؟ يعنى نطنشهم وخلاص ..

===== وحكاية الالعاب المكررة دى او اللى ليها نفس الشكل مهمة الراجل مشرف قسم الالعاب (( فاروق )) ...

يا جماعة كبروا دماغكم :)
انا فى رايي يينحذف القسم

ونظبط بداله القسم العام
لكن فى الاجازة
عشان ملوش لزمة
حتى ربنا ميرضاش بكده
ايه اخش عشا اكتب
1111111111111111111111111
ولا 88888888888888888888888

ولا اقول الراجل ده محترم
لا ده ابن ستين مسلم

وليه العبط ده
لكن .... مدير الموقع مش عارف نظامه ايه
معانا اساسا ولا ايه!! :unsure:

قسم الألعاب جاري التعامل معاه من قبل المشرفيين الإداريين

ازاى يعنى يا أستاذ أشرف؟

السلام عليكم ورحمة الله وبركاتة
لا اعلم لماذا ولاكن انتم الادرى بما تفعلون
وانا بعتزر عن مهمة الاشراف في المنتدى
وده قرار نهائي ياريت ينفذ في اقرب فرصة
والسبب ان
سياسة المنتدى تتعامل بدون اي مفاهيم واسلوب في نوع من الاستهتار ب الامور
مثل اخر موقف حدث الان
ان يقوم مشرف القسم بوضع اقتراح لمشكلة في القسم المشرف علية
ويقوم مدير المنتدى بتنفيذ مهام اشرافة لمشرفين ادارين
وده رئي الشخصي قابل للصواب والغلط

بحترمهم كلهم طبعا بلا استثناء
وهذا لايمنع من احترامي ايضا للاستاذ اشرف لان انا بحبة جدا وربنا يعلم ب ذلك
ولاكن مقدرش اكمل بهذه السياسة
وانا موجود معكم في المنتدى ولاكن ك عضو

وشكرا
والسلام عليكم

السلام عليك يا استاذ فاروق اللي يقدر يرد بس على كل مواضيع المطالبة بالغاء قسم الالعاب انت فقط
لازم تجاوب وما تهربش
وانا بحترمك حضرتك جدا وبحبك في الله كما احببتني فيه

ال قال يتحذف القسم هو شخص واحد فقط
خالد

لاكن انا بقول
بل كلنا بنقول
ان عندنا اقتراح جميل جدا
وهو اننا نقوم بعمل جرد للمواضيع الذات فكرة مكررة
مثل
عد من 1الي 5 وارمي العضو من فوق كذا
عد من 1الى 5 واشرب مايه ساقعة
وعد من 1 الى 5 واهدي وردة
وعدمن 1 الى 5 واهدي هدية
كل دي العاب فكرتها مكررة
وموجود من اول ما اشتركت في المنتدى
وبتالي في اعضاء بيستخدمها في تزويد مشاركتهم بشكل رهيب
بمعنى العضو يدخل على كل لعبة ويكتب رقم
وفي اكثر من 20 لعبة مطابقة لنفس الفكرة
فقولت نحذف العاب العد ذات هذه الفكرة
ونبقى منها على لعبة واحدة ذات العبة الاقدم
ده كان رئي بقالي اكثر من شهر بقول فيه

لكم مطلق الحرية في الاختيار
والسلام عليكم

ال قال يتحذف القسم هو شخص واحد فقط
خالد

لاكن انا بقول
بل كلنا بنقول
ان عندنا اقتراح جميل جدا
وهو اننا نقوم بعمل جرد للمواضيع الذات فكرة مكررة
مثل
عد من 1الي 5 وارمي العضو من فوق كذا
عد من 1الى 5 واشرب مايه ساقعة
وعد من 1 الى 5 واهدي وردة
وعدمن 1 الى 5 واهدي هدية
كل دي العاب فكرتها مكررة
وموجود من اول ما اشتركت في المنتدى
وبتالي في اعضاء بيستخدمها في تزويد مشاركتهم بشكل رهيب
بمعنى العضو يدخل على كل لعبة ويكتب رقم
وفي اكثر من 20 لعبة مطابقة لنفس الفكرة
فقولت نحذف العاب العد ذات هذه الفكرة
ونبقى منها على لعبة واحدة ذات العبة الاقدم
ده كان رئي بقالي اكثر من شهر بقول فيه

لكم مطلق الحرية في الاختيار
والسلام عليكم

يا استاذ فاروق بدون جدال احذف المواضيع المكررة والتي ليس لها قيمة