ازيكوا يا جماعه انا عملت الموضوع ده علشان نتجمع ونشوف هنبدا السنه الجديده دى ازاى

طبعا هيا مش شهاده بس احنا عايزين نخليها زى الشهاده بحيث نخلى اى ماده صعبه عندنا تبقى سهله علشان

ندخل تالته واحنا مفيش عندنا اى ماده صعبه خالص ونقدر نجيب المجموع

انتى ازهر ولا تربية وتعليم

لا انا ازهر

فكرة جميلة باذن الله واحنا عاوزين تجمع من الأخوة الأزهرية لنشد من أزر أنفسنا

يا ريت والله نتجمع بجد لان الثانوى العام بحس انه شغال لكن بصراحه القسم ده نايم وعايزين نصحصحه

بسم الله الرحمن الرحيم
أنا بإذن الله داخل سنة تانية ثانوى أزهر .
وأنا ممكن أقول حاجة قدرت استنتاجها من السنة اللى فاتت دى سنة أولى يعنى أنا شايف ان احنا لازم نهتم أكثر بالمواد العلمية مثل الفيزياء والكيمياء وهذه المواد من المواد اللى تحتاج تركيز جدا فى الامتحانات لأن الورقة بتكون طويله جدا فى امتحانات الازهر وبتخلى الطالب يفقد التركيز وهذه المواد أكثر المواد اللى بضيع درجات فى تالتة ثانوى أزهر والانجليزى أنا أيضا شايف انها مادة مهمة جدا لأن معظم الطلبة الأزهرية ضعفاء فى هذة المادة ولو حضراتكم شفتم درجات طلبة الثانوية الأزهرية هتلاقوا الطالب جايب 98% وناقص فى الانجليزى 6 ، 7 درجات فلازم نقف عند هذه الأخطاء ونتعلم منها لنتجنب حدوثها فى سنة تالته وباذن الله نعتبر سنة تانية دى بروفة لسنة تالته الفيصل لنا على مدار 11 سنة تعليم سابقة وباذن الله كل واحد منا يجيب فى تالته الكلية اللى هو عاوزها .
والسلام عليكم ورحمة الله وبركاته

وهذه هى البدايه مننا احنا لازم نبدأ بأنفسنا وباذن الله هنلاقى القسم ده ممتلئ عن قريب ولازم كل واحد مننا يضع الاخطاء اللى وقع فيها فى سنة أولى ونعالجها فى سنة تانية وباذن الله ندخل تالته مفيش فى راسنا غير المذاكرة ومننشغلش بحاجة ولا بأخطاء لأن اللى بيخاف من خطأ أكيد هيقع فية وأنتظر منكم المزيد من الاهتمام بهذا الموضوع .

بجد عندك حق والله دى ورقه الفيزيا بالذات عامله زى ورقه اللحمه الواحد بيشوفها من هنا وتجيله حاله هيستيريه

وانت ايه الأخطاء اللى انت وقعت فيها فى أولى علشان نخلى بالنا منها لنكتسب الخبرات من بعض مش شرط الخبرات بالسنين ولكن الخبرات تكون بالممارسة والشغل .

انا اتحطمت فى النحو مع ان زمايلى كانوا بيقولولى انه سهل
بس انا مشكلتى انى مش عارفه ايه اللى محتاجاه علشان انمى النحو عندى

وللاسف نقصنى فى المجموع جامد

فعلا لازم نحسن نفسنا فى النحو وخاصة سؤال القطعة لأن أكثر الأخطاء بتكون فيها وأيضا سؤال الإعراب ولازم من مدرسى الأزهر بالمنتدى ان يتدخلوا معانا لأن احنا عندنا فى هذا المنتدى مدرسين على أعلى مستوى فلازم نراهم معنا فى هذا الموضوع وباذن الله النحو السنة الجايية هيكون بالنسبة ليكى أجمل مادة وأنا معالك فى الموضوع ده وبشده .

يا ريت والله بجد انت مش هتتخيل انا نقصت كام فى النحو والله ده دمرنى وضيع منى الترتيب السنادى

لا ولا يهمك باذن الله أنا هابذل قصارى جهدى وباذن الله انا هاجيب مذكرات من مدرسين جامدين وعلى امتداد سنة تانية هتلاقى نفسك بتتحسنى كتير والمشكله اللى انت فيها دى مش ليكى لوحدك عندى فى معهدى معظم الطلبه جايبين درجات تحت خالص فى النحو لدرجة الدور التانى .

انا والله العظيم بطلع فى الترتيب كل سنه وبقفل رجات معظم المواد حتى الصرف اللى زمايلى بيشتكوا منه بجيب الدرجه النهائيه فيه الا النحو كابوس بالنسبالى وبجد اكون شاكره ليك لو ساعدتنى

باذن الله النحو عندك هيكون من أفضل المواد بس سيبك منه دلوقتى لان احنا لسه فى الاجازة وخلينا فى موضوع تانى أخطر وهو موضوع الغش وده أصبح موضوع أسهل من المذاكرة يعنى فى الاخر اللى ذاكر زى اللى غش وعندى فى معهدى بالدقهلية خش مووووووووووووووووووووووووووت

بس أنا مش عارف فين الناس فين المدرسين فين الازهرية فينكم بجد لازم نرتقى بنفسنا بجد لازم نفرض نفسنا على الجميع واللى عنده فكرة يقولها اوى اللى عنده اى حاجة عاوز يقولها اللى عنده مشكله اللى عنده فرح حتى يقول بس نفسى أحس ان فيه مشاركة فية تعاون الواحد أما بيكتب موضوع فى قسم الأزهر ده بيفضل سنة علشان يلاقى حد رد عليه وفى الاخر بيكون اللى ردوا حوالى 5 أو 6 على الاكثر .

وأنا أشكر زميلتى ملكة بكلمتى على هذا التعاون واعتبرونى اول واحد هيرد على اى فكرة انتم هتقولوها

وانا معاك يا ابو عز

انا برده من الدقهليه بس لجنتى بالذات مفيهاش غش
ومعهدنا بالذات بيحصل في الكنترول تعديل والحاجات دى

وبجد بنتظلم ظلم لا يصدق وكل اللى عنده قريب او ابن بتلاقيه مطلعوا فى الترتيب

يا سلام بس كده خدى بقى عندك احنا عندنا غش وعندنا ظلم فى التصحيح علشان الدروس وعندنا وللأسف خلل فى مستوى المدرسين المدرسين مبيعرفوش يشرحوا وبالذات بتوع العربى وعندنا نعسان فى كتابة الدرجات لدرجة انى فى الترم الأول كنت ناقص فى البلاغة 9 درجات علشان المدرس مجمع الدرجات غلط احنا فى بوظة وعندنا اثناء اللجنة الطالب ينزل للمدرس اللى بياخد عنده درس ويحل الامتحان له ولسه حاجات كتير .
وانت فى معهد ايه ؟ أو فى بلد ايه ؟

ده طبعا كلام عادى عندنا لأن مش اللى عنده قريب بيطلعوا فى الترتيب ده اللى عنده طالب فى الدرس

ههههه عندك حق وربنا
انت فى معهد ايه

أنا فى دكرنس معهد ميت رومى وانت

أنا فى دكرنس . معهد ميت رومى . وانت فى معهد ايه ؟

معهد فتيات كوم النور

طبعا اللى يشوف الموضوع ده يفكر ان احنا واخدينه لحسابنا بس انا بتمنى حد يدخل معانا كأنه دردشة حتى من أجل الارتقاء بمستوى التعليم الأزهر ولأننا طبعا فى الأجازة بس بإذن الله بداية من شهر 8 هنعمل مواضيع تانية تعليمية .

السلام عليكم ورحمة الله و بركاته
في الاول باهنيكم علي النجاح والدخول لسنة ثانية
ثانيا مشكلة الغش والدروس دي مش من النهارده ومش هتتحل من يوم وليلة
ومش معقول في معهدكو مفيش ايجابيات خالص
كلامكو ده بيسؤ سمعة الازهر زيادة

فى البداية أشكرك على هذه المداخلة وأشكرا شكرا جزيلا جزيلا جزيلا بس انت متعرفش اللى بيحصل فى معهدنا وانا والله بتمنى انا الحاجات دى متكنش فى معهدنا وانه يكون احسن معهد بس للأسف مفيش فايدة ولو كان معهدنا مفهوش السلبيات دى مكنتش اتكلمت كده بس ده حقيقى اللى بيحصل وده مش عندنا بس ده فى كل المعاهد والمدارس والموضوع ده فكرته من أجل الارتقاء بالازهر وليس من أجل ان احنا نسؤا سمعته ولازم نقول الكلام ده علشان نقدر نحل مشاكلنا مع بعضنا .
وأخير انت أزهرى ولا عام ؟ ولو كنت أزهرى انت فى معهد ايه ,؟

اولا برحب بالزميل ميدو فري وبحترم كلامه
لكن احنا هنا مش علشان نسوا سمعه الازهر احنا هنا علشان نساعد بعض علشان نجيب مجموع وبعدين الكلام اللى قولته انا والزميل ابو عز ده احنا شوفناه ولامسينه فى معهدنا يعنى احنا مش هنالف كلام علشان نسوا سمعه المعهد او الازهر عامه
وبجد الاستاذه فيه شغال وفيه نايم فى الخط خالص ونفسنا ان يبقى فيه اهتمام بالازهر شويه

يا ريت والله نتجمع بجد لان الثانوى العام بحس انه شغال لكن بصراحه القسم ده نايم وعايزين نصحصحه

نحن نجتهد فى وضع المذكرات

والمراجعات

وتوزيع المنهج

والامتحانات

ونماذج الاجابة

وتحت أمركم فى كل ما تطلبوه

يعنى ممكن أعتبرك يا mido free العضو الثالث معنا فى هذا الموضوع

بصراحة يا مستر عوض انت شجعتنى على هذا القسم وانا بدأت أحس ان فيه اهتمام وأشكرك .

لازم حضرتك باذن الله تشرف على هذا الموضوع خاصة ونحن نتشرف بهذا كثيرا .

فعلا عندك حق ونتشرف فعلا باشراف استاذنا الكبير الاستاذ عوض على

فين المشاركة زملائى الأعزاء

اولا ازهري وافتخر
ثانيا اعتبرني عضو في الموضوع
وسلامي للاستاذ/ عوض علي
علي مشاركته
وبسلم عليكيا ابوعز و علي ملكه بكلمتى

وشغال في الازهر
مدرس مادة باين عليكو بتحبوها اوي اوي
(فيزياء)
علي فكرة انا لسه تعيين السنة اللي فاتت

وشغال في الازهر
مدرس مادة باين عليكو بتحبوها اوي اوي
(فيزياء)
علي فكرة انا لسه تعيين السنة اللي فاتت

أهلا وسهلا بحضرتك

وننتظر مشاركات حضرتك القيمة

اهلا بيك
استاذ /عوض_على
انا ليا الشرف طبعا
ورربنا يقدرني واقدر افيد

والله الفكره جميله انا الحمدلله لسه مخلص تالته السنادى والله سنه جميله جدا وربنا يوفق الكل بس بلاش حماس اول السنه ده

علفكرة يا مستر أنا أكتر مادة بحبها هيا الفيزياء وأنا جايب فيها 40 وألف شكرة على الرد

وشغال في الازهر
مدرس مادة باين عليكو بتحبوها اوي اوي
(فيزياء)
علي فكرة انا لسه تعيين السنة اللي فاتت
حضرتك شرفت الموضوع والله
هيا الفيزيا حلوه بس مش قوى
بس ادام حضرتك معانا هنجيب فيها امتياز

والله الفكره جميله انا الحمدلله لسه مخلص تالته السنادى والله سنه جميله جدا وربنا يوفق الكل بس بلاش حماس اول السنه ده
منور يا عبد الحكيم وعايزين بقى نصايح وكده
احنا اخواتك الصغيرين

ازيك يا ابو عز
التوبيك منور

منور بأصحابه واحنا لازم نعمل موضوع مثل هذا ( أى ننقله ) إلى منتديات موقع الأزهر بيتنا الكبير وأنا عملت الموضوع ده فى المنتدى علشانى طبعا ميبقاش بيتنا وسيبنه .

هوا فين موقع الازهر ده

[/URL][URL]http://www.alazhar.gov.eg/forum.aspx?g=forum (http://www.alazhar.gov.eg/forum.aspx?g=forum)
(http://www.alazhar.gov.eg/forum.aspx?g=forum)

ميرسى يا ابو عز
بس يا ريت بجد الاعضاء الازهريه يدخلوا التوبيك ده

ميرسى يا ابو عز
بس يا ريت بجد الاعضاء الازهريه يدخلوا التوبيك ده


باذن الله المنتدى ده مليان أزهرية وهنستفيد ونفيد كلنا

والله الفكره جميله انا الحمدلله لسه مخلص تالته السنادى والله سنه جميله جدا وربنا يوفق الكل بس بلاش حماس اول السنه ده


لازم كلنا ندعى لعبد الحكيم وربنا يوفقك وباذن الدرجات النهائية وتدخل الكلية اللى انت عاوزها ومش انت بس انت وكل طالب نفسة يدخل أى كليه بس المهم انه يعمل ويجتهد والله الموفق

ربنا يوفقك يا عبد الحكيم

ربنا يوفقك يا عبد الحكيم
وكل الطلاب اللي زيه
وسلامي للجميع

منور يا استاذ ميدو

طبعا يا جماعة لازم نشكر شخص جميل جدا شخص يبذل قصار جهده من أجل تطوير منتدانا وافادة أعضائنا نشكر جميعا الأستاذ عوض واكن له خالص التقدير والاحترام

طبعا يا جماعة لازم نشكر شخص جميل جدا شخص يبذل قصار جهده من أجل تطوير منتدانا وافادة أعضائنا نشكر جميعا الأستاذ عوض واكن له خالص التقدير والاحترام

ألف شكر لحضرتك

وهذه الكلمات الرائعة تدفعنا إلى المزيد

هذه هى الحقيقة يا مستر ولازم نعترف ونقر بكده لأن اى موضوع لازم تكون لحضرتك بصمة فية ومش عارف مفيش حد شغال غير حضرتك ولا ايه ؟ وانا بأضعك من أفضل الشخصيات فى قسم الأزهر انت والأستاذ التندى بس مش عارف هو راح فين ؟

فعلا الاستاذ عوض ليه دور كبير فى القسم ده ولك كل شكرى وتقديرى يا استاذنا الكبير

فعلا ياجماعة اذا ذكر قسم الازهر
ذكر الاستاذ / عوض
وده كلام حقيقي مش هزار
و لك مني جزيل الشكر والاحترام

منور يا استاذ ميدو

علي فكرة
اسمي
محمد صلاح

ده منور بيكي

علي فكرة
انا بتكلم من المعهد دلوقتي وكلها شوية ومروح

ربنا يخليك يا استاذ محمد

ده من ذوقك يا ملكه
ايه الاخبار

ازيكم يا جماعة منورين والله ودائما كده

ده نورك يا ابو عز
والاخبار عال العال يا استاذ محمد ولو تسمحلى اقولك يا مستر

مفيش مشكلة
يا ملكة
اي خدمة

السلام عليكم يا جماعه انا احمد طالب فى ثالثه ثانوى
ومنتظر النتيجه بإذن الله
وتكون سنة سعيدة علينا كلنا يا رب
بس انا شايف انكم متحمسين اوى
بجد ربنا يقويكم
وعلى فكره يا جماعه الطالب اللى مستواه حلو طول السنين اللى فاتت هو اللى بيقدر يعمل حاجه فى تالته
و نصيحه من أخ ... لا تلتفتوا لأى ملخصات أو كتب خارجية و خصوصا فى المواد الشرعية و العربية
و إن كنتم معتادين على الملخصات فلا مانع من مراجع الكتاب المدرسى الاصلى إلى جانب الملخص لأن الملخصات أحيانا بتقلب حجات مهمة جداااااا لكن عدم الإلتفات للكتاب المدرسى مشكله بجد و اسئلوا مجرب
و جزاكم الله كل خير
و سدد إلى الخير خطاكم

ألأف ........ مليار شكر يا أحمد لأن فعلا أنا لا أعتمد على كتاب المعهد فى المواد العربية أما الشرعية فلا أ‘تمد الا عليها وباذن الله السنة دى يبقى معظم اعتمادى على كتاب المعهد وشكرا لك على هذه النصيحة .
وممكن أعرف انت منين ؟ أو معهد ايه ؟

فين الردود يا جماعة الخير . فين المشاركات .

انا من طناح بلد تابعة للمنصورة دقهلية
وفى معهد طناح الاعدادى الثانوى

يعنى ولاد عم انا من دكرنس

وأخبار نتيجتك ايه ؟

اللى جاب مجموع حلو يدخل معانا

فين الردود يا رجال

السلام عليكم ورحمة الله و بركاته
في الاول باهنيكم علي النجاح والدخول لسنة ثانية
ثانيا مشكلة الغش والدروس دي مش من النهارده ومش هتتحل من يوم وليلة
ومش معقول في معهدكو مفيش ايجابيات خالص
كلامكو ده بيسؤ سمعة الازهر زيادة
أنا معك ورأيي من رأيك



يا اخواني بلاش نعمل زي ما الفضائيات بتعمل



في أي مؤسسه وفي أي مكان هناك الجيد والممتاز والغير جيد تماما


فلا نركز علي السلبيات وفقط كبعض البرامج التي تبث ليلا ونهارا وهدفها الوحيد هو .......... وما ينقص هذه البرامج أن تطبل وتهلل وتغني بالسلبيات الموجوده



وما يحزنني كثيرا ان عرض هذه البرامج ليس مصريا فقط لكن علي جميع الدول العربيه فعوضنا علي الله ؟


غش ايه بس وبتاع ايه اللي بتتكلمو عنه



علشان تكونو عارفين الغش موجود في كل مكان في وزارة الصحه وفي وزارة الـ ......... وليس الغش مقتصر علي التربيه والتعليم او الأزهر وفقط



مش حقولك ان تسريب الامتحان ببعض مناطق بالمينا في التربيه والتعليم العام السابق والدهوله اللي حصلت


أو تسريب الامتحانات عام 2005 أزهر ؟؟؟

الثانويه الأزهريه


او حالات الغش الجماعي في الثانويه العامه او الازهريه



فهذا موجود وذلك موجود


وكل ما هو مطلوب منا هو النظر امامنا وان نعمل ما علينا والتوفيق من عند الله .

يا مستر حضرتك مش عارف ايه اللى بيحصل فى معهدنا ممكن معهدك كويس وفيه معاهد كتير جدا ممتازة بس معهدنا لا وأشكرك على مرورك

وفين يا جماعة المداخلات وفيم الزميلة ملكة بكلممتى وباقى الزملاء يعنى انا هاقى لواحدى فى الموضوع هنا ولا ايه لازم تشاركوا معايا .

التوبيك ده كويس جدا انا فتالته السنه دى بس وياريت كنت مع دفعتكم اللى فيها الحماس ده كله
ان شاء الله ربنا يوفقكم كلكم
فى استاذ قال ان اللى مذاكرش السنين اللى فاتت مش هيمشى فتالته
انا معاه وبجد اتعلمت من استهتارى السنه اللى فاتت هوه مفيش امل ولا ايه
انا جايبه فتانيه92 فالميه تقريب وانا كنت دروس وبس مكنتش بذاكر ساعه على بعضها فاليوم
بجد نصيحه ليكم اوعوا تاهملوا فتانيه دى سنه مهمه جدا
ومينفعش تركزوا على المواد العلميه وتركنوا الشرعى والعربى لان ده اللى بيجيب درجات
معهدنا فيه 4 فوق ال99 فالميه وماشاء الله اللى رافعهم الشرعى والعربى مينفعش تقل فيهم
لانك غصب عنك هتقل فالعلمى
وعكس الكل بتهيالى الشرعى تراكمى
وربنا يوفقكم يارب

صحيح مستر محمد صلاح محتاجين مساعدتك معانا فتالته ثانوى
وسؤال كمان هوا كليه علوم قسم فزيا حلوه ولا وحشه
وبتتعين على طول ولا بتفضل كتير
المدرسه اللى عندنا بتكرهنا فيها

ومالله كلنا بنتكلم
ومحدش بيعمل خطوه اجابيه
عايزين مستر يكون معانا
يسعدنا فى كل ماده من البدايه كد
وانا خصوصا
مش عارفه مصيرى

أشكركم على التواجد والمداخلة معنا فى هذا الموضوع وانا والله سعيد جدا بيكم معانا وباذن الله دعت السنة دى هتبقى أفضل دفعة فى تاريخ الأزهر .

لإين المداخلات يا جماعة

اسفه يا جماعه على عدم وجودى
لكن انا جيت اهو وان شاء الله نكون على قدر كبير من التميز والتفوق

ياااااااااااه .
فينك من زمان .
وحمد لله على السلامة .

الله يسلمك
معلشى كان فى شويه ظروف والحمد لله عدت
وادينى رجعت

عاوزين نشوف الشغل بقى

ايدى على ايدك ونشتغل
هااا هنبدا بايه
صحيح حد هيروح درس احياء

أنا الحمد لله رحت درس أحياء .
وأخت مع 3 ثانوى عام لأنا مفيش حد فى تانية واخد أحياء غير 4 بس فى بلدنا .
ويلا كله على الله وكيمياء كمان مع بتوع تعليم عام .

بس عاوزين تفاعل مع بعضنا وممكن نحدد وقت ندخل فية على المنتدى مع بعض ( طبعا كل اللى عاوز يدخل معانا يتفضل )

انا بيجلى مدرس احياء فى اخر شهر فى الترم وبيخلصلى المنهج وبجيب الحمد لله الدرجه النهائيه
اما الكيميا فاحنا فى المعهد 21 وحده فبناخدها فى مجموعه ازهريه عند استاذنا فى الازهر ونفس الحكايه بردو الفيزيا

لا انا رحت درس احياء مع طلبه تالته ثانوى عام . وكيماء برده بس مع طلبة تانية ثانوى عام . اما الفيزياء بقى فده مع مدرس ازهر . بس ممتاز .

على العموم ربنا يوفقنا جميعا يا رب
بس عايزه اعرف منكو حاجه
انتو ناويين تاخدوا السنادى جد ولا ايه النظام

باذن الله السنة هتبقى جد وليه لا . ومعتش فاضل غير سنة وندخل النهائى . فلازم نعمل تدريب كده يعنى . والواحد يجرب كل اللى نفسه فيه السنة دى . والنتائج هيا اللى هتحدد تاخد عند مدرس كذا تذاكر ازاى وامته . فلا السنة دى نعتبرها بروفة لتالته .