يا جماعة أنا قولت حدور على طول الرابطة في جزئ الماء عمتاً لقيتها في مسأله في أحد المنتديات
00.96 مش زي ما هو عاملها 1.96

شوفوا بنفسكوا و إتأكدو

مثال3: إذا كانت طول الرابطة في جزئ الماء 0.96 أنجستروم وطول الرابطة في جزئ الهيدروجين 0.6 أنجستروم. أوجد طول الرابطة في جزئ الأكسجين.
الحل:
نصف القطر التساهمى = طول الرابطة / 2
نصف القطر التساهمى لذرة الهيدروجين = 6و0 /2 = 0.3 أنجستروم
نصف القطر التساهمى لذرة الأكسجين = 0.96 – 0.3 = 0.66 أنجستروم
طول الرابطة = نصف القطر التساهمى × 2
طول الرابطة في جزئ الأكسجين = 0.66 × 2 = 1.32 أنجستروم

آدي اللينك
http://4chem.com/vb3/showthread.php?t=3729

دليل كمان اللي عنده كتاب الإمتحان الأخضر بتاع المراجعة النهائية يفتح صفحة 15 و يشوف بنفسة المثال
---------------------------------
و هحاول أدور في باقي الكتب اللى عندي و ياريت حد من الأساتذة الأفاضل يعلق
----------------------------------

أنا عملتها على الرقم اللي هو عاطيهولنا و طلعت لي 1.28
و حنستني نشوف نموذج الإجابة

بس الارقام مش ثابته فى كل مسأله هو بيجيب ارقام من عنده وانت تحل والمسأله دى مش منطقيه اصلا

مش فاهمة يعني إيه الأرقام مش ثابتة ؟؟

يعنى الارقام بتتغير من مسأله لمسأله
مش متقيد برقم ثابت لنصف القطر مثلا والا كانت الاجابه الصح .3 بس اللى انا مش فاهمه ازاى يكون نق للهيدروجين اكير من نق للاكسجين؟

مهو عشان المسألة غلط طالع الرقم كدة
و إلا إحنا مخدناش حاجة في المنهج بتقول طول الرابطة بين ذرتين هيدروجين في نصهم أوكسجين
بعدين دول كده يبئو رابتطين
و هو قال طول الرابطة

ايوه هو المفروض يقول طول الروابط

يا جماعة هو كان قصده يقول طول الروابط و كان عايز يجيبها صعبة بس معرفش
مش ذنبنا انه يغلط و بعدين يرمي غلطه علينا
المفروض يحاسبوا علي طريقة احل مش الارقام

ربنا يســــــــتر

يا جماعة هو كان قصده يقول طول الروابط و كان عايز يجيبها صعبة بس معرفش
مش ذنبنا انه يغلط و بعدين يرمي غلطه علينا
المفروض يحاسبوا علي طريقة احل مش الارقام

لا طبعاً مش ذنبنا و و الله لو إتحاسبنا عليها غلط لأدعي على كل اللي ظلمنى
بعدين بردو طول الروابط مش حتبئ دقيقة أوي
http://www.science-projects-resources.com/images/watermolecule.jpg

ده شكل جزئ الماء لما يقول طول الرابطة أنا إزاي أتخيل يعني أنه يقصد مجموع الرابتطين بالإضافة لإنهم مش على إستقامة واحدة

بالضبط وشوفى فى الصوره ذره الاكسجين اكبر بكتير من ذره الهيدروجين ومع كده طلعت الاجابه 1.28 يعنى اكبر من الاكسحين

يا جماعه طول الربطه يقصد طول الرابطه بين ال o وال h بس مش اكتر وهى بتساوى نق للo + نق لل h

يا جماعة لو الناتج ما طلعش 1.28 هاتجنن عشان حرام انقص عشان حاجة غريبة اول مرة اسمع عنها هو ماشى الحل مش منطقى بس دا الحل اللى طلع وانا لو فكرت فى حاجات كتير فى المنهج مش ممكن تطلع صح بالتفكير فا رحمونا بقى

انا حليتها عادي خالص على أساس الارقام دي وزي ما المستر بتاعي قلنا وطلعت 1.28

طيب واحنا مالنا دي مشكله اللي حط الامتحان

اييييييييييييييييييييييييييه كل دة المسألة عادية جدا .مش فاهم انتوا مدايقين ليه ؟ عشان سهلة ؟! :d

الناتج 1.28 صح مية في المية هو عايز طول الرابطة بس .

الناتج 1.28 صح مية في المية هو عايز طول الرابطة بس .

ياجماعة طول الرابطة هيكون 1.28 انجستروم والطالب الى عمل كدة ستكون المسالة عندة صحيحة ولاداعى للقلق لان واضع الامتحان اخطا فى وضع قيم الارقام الخاصة بطول ارابطة فى الماء والطالب سوف يحاسب على الخطوات وقيم الروابط الموجودة فى السؤال

يا جماعة هو طالب بحاجة معينة فى المسالة واحنا عملناه يعنى صح وحتى لو المسالة غلط فدا مش مشكلتنا احنا عملنا الصح واللى طلبه وخلاص

ياجماعة طول الرابطة هيكون 1.28 انجستروم والطالب الى عمل كدة ستكون المسالة عندة صحيحة ولاداعى للقلق لان واضع الامتحان اخطا فى وضع قيم الارقام الخاصة بطول ارابطة فى الماء والطالب سوف يحاسب على الخطوات وقيم الروابط الموجودة فى السؤال

هو ده اللي
انا
اقصده تمام كدة

يا جماعه بلاش تتكلموا كلام تريحوا بيه نفسكم وخلاص ...

يعنى ايه واضع الامتحان اخطأ فى وضع الارقام ...

هى الحل الوحيد للمسألة انك فى البدايه تقسم على اتنين علشان تطلع نصف قطر الهيدروجين صحيح ... وانا عملتها زى ما مستر فيكتور عملها بالظبط .. .. وبعدين يعنى هو نموذج الاجابه ممكن يكون جايب حلها بالطريقه دى ويساوى 1.28 ... ومطلع نق للهيدروجين اكبر من نق للأكسجين ؟؟؟

ايوه فعلا هو اخطأ ان هو ما كتبش طول الروابط بس هيحسبونا احنا مش هو ؟؟؟؟؟ حسبي الله ونعم الوكيل