نتيجة ثانوية الازهر الشهر القادم

تنتهي اليوم امتحانات الثانوية الأزهرية بمادة المستوي الرفيع.

والجديد في امتحانات ذلك العام أنها جاءت بدون مشاكل. فلم تسجل لجان المتابعة التي أنشأها شيخ الأزهر د.أحمد الطيب شكوي لطالب بسبب صعوبة الامتحانات أو خروجها عن المنهج المقرر.

أوضح الشيخ جعفر عبدالله وكيل كنترول الثانوية الأزهرية أن التصحيح يبدأ نهاية الشهر الجاري. ليتم إعلان النتيجة في الأسبوع الثاني من الشهر القادم.

يا مسهل الحال يا رب نشوف حاجه مشرفه بقى والتنسيق ينزل شويه ويرحمونا مش كفايا الامتحنات كمان هيبقى فيه ظلم فى التصحيح

اتقوا الله فيها الجديد السنه دى ان المواد الثقافيه اغلبها الطلبه اصابهم اغماءات وبكاء شديد وهذا ظلم مقارنه بالسنوات الماضيه ودائما المعلومات اللى بتوصل الريس (شيخ الازهر)بتعكس صوره نموذجيه بخلاف الوضع الحقيقى
نسال الله ان يولى امورنا الصالحين من العلماء ممن يتقوا الله فينا ولا يلومهم
فى الحق لومه لائم
ولينصرنا الله ايا كانت الاحوال

شكرا لكم
وجزاكم الله خيرا

اطلب من الله سبحانه وتعالى ان التنسيق ينزل شوية والله الواحد تعب السنة كلها مذاكرة غير تعب الاعصاب يارب اكرم جميع طلاب الازهر

آمين يارب وشكرا لحضرتك

الاخوة الافاضل بجد لابد ان يعاد النظر فى موضوع المستوى الرفيع فى الازهر اذ لايصح ان يدخل الطالب فى القسم الادبى المستوى الرفيع فى اللغة الانجليزية هو لايعرف ان يقرا فى الورقة كلمة واحدة للاسف احنا النهارده ابهدلنا فى اللجنة من بعض الطلاب الذى جاء بعضهم يضيع وقت وللاسف استدعى رئيس اللجنة الامن لخروج المراقبين من اللجنة ولذايجب اعادة النظر مرة اخرى حتى لايحدث مالا يحمد عقباه

هى فرصة يتيحها الأزهر لأبنائه

لكن البعض يستغلها خطأ

لماذا لا يكون المستوى الرفيع فى مواد اخرى اسوة بالتربيه والتعليم ولا يمكن علشان طلبة الازهر مستواهم عالى جدا فى اللغه الانجليزيه . انهاردا كان امتحان المستوى الرفيع وكانت مهزله

نتمنى المساواة مع التربية والتعليم فى كل شئ

الاسبوع التانى يبقى ربنا يرحمنا برحمته بئه
ومفيش مشاكل ايه دا كان فى مشاكل كتير تقصدوا مفيش حد عبر المشاكل
علشان احنا مش عام
لا الامتحانات سهله دى طيب عديناها مش مشكله لاننا علمى المفروض نجاوب واحنا ساكتين الظاهر دى القاعده :angry2:
لكن بقا نتيجه تتصحح فى اسبوعين ليه هما معاهم ماكينات تصحيح ولا بيصححوا اى كلام ,:confused:
,المدرسين بيقولوا دا ورقكم بيجيلنا فى شوايل ايه دا ربنا يستر علينا
ويتولانا برحمته لسماع الصدمه الى جايه
يارب ملناش حد غيرك :(

شكرا لحضرتك جزاك الله كل خير

المشكله انهم لو يعرفوا قيمه الازهر مكانش ده النظام
ولا المستوى حسبنا الله ونعم الوكيل احنا عندنا 16 ماده
يتصححوا فى 14 يوم ليه ان شاء الله مصر كلها بتصحح
كل اللى هقوله الله يكون فى عونك يا ازهر
مش الناس اللى فالازهر اللى مضيعينه
طبعا مش كلهم بس اغلبيتهم
وانا لله وانا اليه راجعون

التصحيح لا يكون فى 14 يوم

التصحيح فى أربعة أيام أو خمسة أيام

وباقى الأيام لرصد النتيجة

والتصحيح يكون دقيق ويشارك فيه عدد كبير جدا من المدرسين

انا معتقدش إن التنسيق حينزل السنة دي

التصحيح لا يكون فى 14 يوم

التصحيح فى أربعة أيام أو خمسة أيام

وباقى الأيام لرصد النتيجة

والتصحيح يكون دقيق ويشارك فيه عدد كبير جدا من المدرسين


استاذى الفاضل
اربعه ايام او خمسه يكفوا لتصحيح 16 ماده
انا متاكده ان فى اساتذه افاضل
بس دول مش كمبيوترات دول بشر
يعنى المواد دى كلها على عدد الايام ده ممكن يؤدى لغلطات كتير
فحرام ده ظلم للطالب وللمدرس كمان لما يكون قدامه وقت قليل كده

تصحيح جميع المواد
يكون فى نفس الوقت
وبمجموعات كثيرة جدا من المدرسين

الظاهر فعلا مصر كلها بتصحح

دا كمان مش 14 يوم لا 4 او 5 ربنا يتولانا

الواحد كدا عرف اخرتها ايه

لا حول ولا قوه الا بالله

والله فى مدرسين مواد علميه ليه كذا سنه مش بيدرسوا الماده وبيدرسوا غيرها

ورايحين يصححوا حاجات نسيوها

مدرس احياء راقب عليا فليه اربع سنين او خمسه مش بيدرسها بس رايح يصحح بيقول حد معاه نموذج اجابه او يجاوبلى الامتحان علشان اعرف اصححوبقله النموذج قلى لا مش فاهم لا ايه خلى ولد يحلله بعض الاسئله يوم المستوى وما خفى كان اعظم

يعنى ربنا يستر اطمونوا يا جماعه الموضوع خلص يا خساره كل التعب دا يروح على الفاضى

التصحيح من نماذج الإجابة

وهناك مراجع فنى

والأمور تسير بنظام ودقة

يا جماعه دول بشر مش كمبيوترات
يعنى اكيد مسير حد فيهم يغلط
ومش غلط عادى المفروض يبقى فى شكوى وطلب بزياده عدد ايام التصحيح
وتتقدم لاى حد
انا مش فى تالته رحاها السنه الجيه
بس حسه بيكم لانى هتحط فى نفس الموقف
حد ناوى يقدم شكاوى
ولا نوم كالعاده
ويفضل الازهر مهضوم حقه

الموضوع لا يحتاج شكاوى
التصحيح يتم بدقة
ومراحل متعددة للمراجعة الفنية والعددية
وكل طالب يأخذ حقه تماما

الموضوع لا يحتاج شكاوى
التصحيح يتم بدقة
ومراحل متعددة للمراجعة الفنية والعددية
وكل طالب يأخذ حقه تماما


بس انا بقول طلب بزياده عدد
ايام التصحيح
مش شكوى يعنى هنشكى الازهر للازهر
ومحترمه راى حضرتك
بس زى ما فيه الحلو فيه الوحش
واحنا مش هنسبها للحظ ده مستقبل

ربنا بستر

وبالتوفيق والتفوق للجميع

لو سمحت يا استاذ فى الكيمياء السؤال الاخير فى نموذج الاجابه بتاع المشابهه الجزيئيه كا تب اوجه الاختلاف بين المركبات المذكوره هو الخواص الفيزيائيه والكيميائيه ازى الكلام ده ؟؟؟؟؟؟؟؟؟؟؟؟؟؟؟؟؟ المركبات كلها تنتمي لسلسله الالكانات يعنى انهاجميعها لها نفس الخواص الكيميائيه اما بالنسبه للخواص الفيزيائيه فالايزوميزرات المطلوبه كلها سوائل لان دد ذرات الكربون يها خمس ذرات ؟؟؟؟؟؟؟؟؟؟؟؟؟؟ ايه راى حضرتك؟؟؟؟؟؟؟؟؟؟؟؟؟؟؟

لا رأى لى

هذا هو النموذج الرسمى

من الأزهر الشريف