امتحان الكيمياء2010 معظمه من كتاب النماذج لسنة 1995 ومرفق صور من الكتاب للمسئلة رقم 7 ( ب) ومرفق الحل من نفس الكتاب واضع الامتحان نقلها بالنص بالرغم من الخطاء اللغوى الموجود بكتاب النماذج

بالتوفيق

فعلا ده كده الواحد ضاع يعني مسأله سهله زي دي تنقصنا
بس انا بيتهيألي فيها خطألغوي
النماذج بتبقي مليانة بالأخطاء
نرجو مراعاة هذه النقطة عند التصحيح
والتناقش مع موجه المادة في تلك النقطة و تتحسب الاثنين صح
وهو يعني واضع الامتحان ده بينقل و خلاص و ازاي الامتحان بيتراجع يعني الطالب يعرف ان في خطأ لغوي و واضع الأمتحان ميعرفش
عيب

كان عندي استفسار

انا في التمييز بين المحاليل التلاته في السؤال الثالث

كتبت اننا هنستخدم قطعة من الصوديو فإذا حصل فوران و تصاعد غاز يشتعل بفرقعة مميزة و عند تبخير بيتكون راسب ابيض يكون الايثانول و بعدين استخدمت كلوريد حديد3 و بعدين بيكربونات صوديوم
انا مش عارف الجزء الاول عملته كده ليه مع ان السؤال تافه

و في حاجه كمان انا لما وزعت الديد 3 في سؤال علل نسيت الكترونين في المستوي الفرعي d

وفي توزيع النيتروجين عملته كده

1s2 , 2s2 ,2p3 وبعدين وزعت المستوي الفرعي P بس في الاوربيتالات

ممكن حد من المدرسين الأفاضل يقولي ملاحظاته و لا هنقص هيبقي

انا مش عارف انا عملت كده ليه مع ان الامتحان مش صعب
بس يمكن من الارتباك عشان كان الوقت مزنوق جدا انا يدوبك مخلص 12 إلا5

يا مستر فيكتور ده معناه انك موافق على صيغه السؤال منتظر ردك

فى النمازج قال طول الرابطة فى جزئى الماء اما فى الامتحان كتب طول الرابطة فى جزىء الماء ياريت حد يوضح الفرق

فى النمازج قال طول الرابطة فى جزئى الماء اما فى الامتحان كتب طول الرابطة فى جزىء الماء ياريت حد يوضح الفرق
هيضيعوا تعب العيال

يا مستر فيكتور ده معناه انك موافق على صيغه السؤال منتظر ردك
ابنى الفاضل صيغة المثال بها خطاء لغوى انا معترض عليه لكن واضع الامتحان نقلها من كتاب قديم بحلها
وانا حليت المثال كما يريده واضع الامتحان وده مزعل ناس كتير منى لان واضع الامتحان هدفه ان الطالب لو حل بالطريقة العادية وطلع نصف قطر ذرة الهيدروجين28و1 انجستروم هنا المطلوب من الطالب ان يتوقف ويقارن بين نصف قطر ذرة الهيدروجين اللى فى بداية الجدول بالدورة الاولى ونصف قطر ذرة الاكسيجين=68و انجستروم اللى بالدورة الثانية وده من الباب الثانى لانه من المستحيل ان يكون نصف القطر لذرة الهيدروجين اكبر بكثير من ذرة الاكسيجين
وهنا مطلوب من الطالب ان يعيد حساباته ويفكر مرة تانية

ابنى الفاضل صيغة المثال بها خطاء لغوى انا معترض عليه لكن واضع الامتحان نقلها من كتاب قديم بحلها
وانا حليت المثال كما يريده واضع الامتحان وده مزعل ناس كتير منى لان واضع الامتحان هدفه ان الطالب لو حل بالطريقة العادية وطلع نصف قطر ذرة الهيدروجين28و1 انجستروم هنا المطلوب من الطالب ان يتوقف ويقارن بين نصف قطر ذرة الهيدروجين اللى فى بداية الجدول بالدورة الاولى ونصف قطر ذرة الاكسيجين=68و انجستروم اللى بالدورة الثانية وده من الباب الثانى لانه من المستحيل ان يكون نصف القطر لذرة الهيدروجين اكبر بكثير من ذرة الاكسيجين
وهنا مطلوب من الطالب ان يعيد حساباته ويفكر مرة تانية

طيب و انا ايه زنبي ان المصحح عنده اخطاء لغوية و بعدين المفروض يكون عنده احساس بالطالب اللي بيحل وحالة التوتر اللي بيكون فيها و احنا علي طول متعودين ان طول الرابطة في جزئ الماء.96 فقولنا اكيد الواحد بالخطأ أو واضع الامتحان اخطأ و بعدين كل واحد يتحمل خطأه و المفروض يتحاسب
لو كان كتب طول الروابط ليه حق يديني صفر

ومن فضل حضرتك رد عليا في حكاية التمييز اللي في المشاركة الاولي منفضلك عشان اعصابي تعبانه

نماذج الوزارة مليانة أخطاء و في الحقيقة أنا برميها في الزبالة لأن أخطائها لا يتم مراجعتها من عام لأخر حتى عشر سنوات
وإذا كان النموذج أخطأ و واضع الامتحان فدا مش ذنب الطالب و على المخطيء أن يتحمل نتيجة خطئه
لأن لفظ طول الرابطة غير طول الروابط
مع احترامي لجميع الآراء الحق أحق أن يتبع
حتى و لو كان الخطأ غالب

في السؤال التالت أ
(تركيز أيون الاسيتات)
2- ممكن تبقي يقل تركيز الأيونات بسبب تفاعل هيدروكسيد الصوديوم مع حمض الأستيك فيسحب من وسط التفاعل و بالتالي ينشط التفاعل العكسي فيقل تركيز الأسيتات؟؟؟؟؟؟؟؟؟؟؟؟ظ
حد يرد عليا بليييييييييييييييييز

ياجماعة المسالة غلط لكن كان المفروض لو حد طلعها اكبر من الاكسجين ان يحلها الحل الاخر مع انه غلط لكن يطلع الاجابة صح و بعدين ده يثبت ان البيه مستشار الكيميا شغال الة كاتبه ما بيفهمش وده ياكد ان التعليم فاشل اذا كنت انا الطالب لما اريت المسالة وحليتها طلعت غلط ده معناه ان التاني مكلفش خاطره يحسب او يراجع الامتحان و علي العموم انا عندي معلومات من مصدر مهم ان المصححين تقريبا حيلغوا السوال انا لسه مش متاكد و علي العموم انا ححاول اتاكد و ابلغكم ايه اللي حيحصل من مستشار الكيمياء اللي وزير التعليم اختارة وراي ان هو كفء

انا من امبارح حذرت أ/ سيد عثمان من كده ماصدقنيش يا أ/ فيكتور
طب ايه رايك فى مسالة لوشاتيليلية فى نفس الكتاب وكل المنتدى هنا مجاوبها غلط ( المطلوب الثانى ) بما فيهم أ/ سيد

ما الجل الصحيح لو سمحتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتتتتتت

يا مستر فيكتور ,
دلوقتي الحل التاني اللي هو 1,28 هيبقي صح ولا غلط ولا هيمشوا الحلين ولا لسه محدش عارف ؟

انا طلعتها 1,28 بس كنت مستغربة لان الهيدروجين 0,33 بس انا قلت امشي حسب القاعدة وخلاص
و هو بسلامته اللي حاطط الامتحان محلهووش وشاف ان السؤال ده غلط ولا ايه ؟؟؟
حسبي الله ونعم الوكيل كنت هقفل كيمياء

يجب حل المسأله كما يجب ان يكون الحل دون البحث عن مبرر ارتكبه واضع السؤال سواء اكان ذلك عن قصد أو غير قصد حتى لانفقد مصداقيتنا امام الطالب

مش هو المفروض امشي حسب القاعدة ؟؟
انا مشيت على نفس الخطوات حسب السؤال مليش دعوة بقه هو 0,3 في الحقيقة ولا لأ
انا عندي سؤال مشيت على خطواته وبس
ويعمل اللي يعملوا بقه احنا خلااص فقدنا الامل في كل حاااجة

والله انا هستنى لما نموذج الاجابة ينزل ونشوف الاجابة الفاصلة لانى مش متاكد وبعدين ده على حسب ما حضرة سعادته يحب..
بس انا عملتها 1.28
الله اعلم

ذاكر تجيب خمسين افهم تجيب تلاتين

الاستاذ فيكتور
من امس و انا اتناقش معك فى المساله ... انا موقفى منها واضح ان المساله غير مضبوطه
لكن موقفك غير واضح هل انت مقتنع بها ( نعم / لآ ) اختر اجابه واحده
بلاش نقول اصل النماذج قالت كذا ... النماذج ليست دستور الهى ... النماذج و بالاخص القديمه منها فيها العديد من الاخطاء .....مش علشان النماذج قالت كدا يبقى ده تحصين لسلامه المساله احنا بيحكمنا قوانين و مفاهيم بنحل على اساسها
.. ولما الطالب حل المساله و كانت النتيجه غير منطقيه ... على الطالب الفبركه حتى يحصل على نتيجه 0,3 واذا لم يحصل عليها يدور على حلول اخرى.... هل هذا منطق
طيب لو مساله فيها ايجاد نصف القطر لعنصر غير مشهور الطالب حيفبرك الحل ازاى علشان تمشى مع خطوات الاجابه الغير صحيحه
ارجو ان يكون الموقف واضح ...... و علينا ان نعترف بالخطا اذا تواجد ... بصراحه انت (1) ضد 100 وشوف قراء المنتدى من مدرسين و طلاب
واذا كان نموذج الاجابه الرسمى حل المسأله هكذا ... تبقى كارثه .. لكن اعتقد ان حتبقى فيه مرونه فى حل المساله و الا تغير مستقبل الاف الطلاب بسبب عدم الاعتراف بالخطا ...
على فكره انا اخر مره حاعلق على المساله دى
ارجو منك رفع نموذج الاجابه الرسمى على المنتدى بمجرد الحصول عليه من سيادتك او اى مدرس فاضل يحصل عليه ......شكرا

انا نفسي افهم اللي حاطط المسأله دي بتاع روبابكيا ولا بتاع كيميا

انا نفسي افهم اللي حاطط المسأله دي بتاع روبابكيا ولا بتاع كيميا
ههههههههه
حلو التعليق دا :)

المسالة ناتجها 03

اشكرك مستر فيكتور لانك وضحت ان المساله بها خطا من الباشا واضع الامتحان وعلى ذالك ليس للطالب ذنب اذا حل المساله كما يتطلب حلها الفظ اللغوي للمسئلة يا جماعه الطالب مش عالم في الكيمياء علشان يصحح علىالباشا الدكتور المستشار واضع الامتحان

thanxxxxxxxxxxxxxxxxxxxxxxxxx

سؤال
لو أن هناك مستشار آخر غير واضع الامتحان ( عفوا ) تم وضعه في نفس ظروف الطالب في الامتحان ، ألا وهي حل الامتحان في 3 ساعات ، وهو امتحان شامل لكل أجزاء المنهج ، ومطلوب منه حله ومراجعته ، هذا بخلاف الرهبة من الامتحان والخوف على المستقبل .
هل سيقوم سيادة المستشار بسؤال نفسه أكسجين وهيدروجين ، أم أنه سيكتفي باتباع الخطوات ، ثم مراجعة النواتج وكيف وصل اليها .
وماذا لو انه شيئ غير الاكسجين و الهيدروجين ؟؟؟؟
طيب وما التعليق عن هذا الخطأ اللغوي ، يعني سيادة واضع الامتحان لم يكلف نفسه عناء حله ومراجعته .
الله يخرب بيته خراب مستعجل قولوا آمين يارب العالمين

جزاك الله عنا كل الخير

استاذ فكتور انت رجل خبير وتعلم جيدا ان النماذج يوجد بها اخطاء فى الاجابات التى ترد بالنماذج فى سنة وتعدل فى السنة التالية
كما حدث فى مسالة حاصل الاذابة الخاصة بهيدروكسيد الالمونيوم ويمكن ان تتبع حضرتك طريقة حلها فى نماذج 2007 وما يليها وفى احوال اخرى يحذف السؤال الذى به الخطا كما حدث فى هذه المسالة
هل تكررت هذه المسالة فى سنوات تالية ؟ لااعتقد

واود ان اشير بان المسالة الثانية الخاصة بيوديد الهيدروجين تكررت فى نماذج تالية بينما تم حذف هذه المسالة

استاذ فكتور انت رجل خبير وتعلم جيدا ان النماذج يوجد بها اخطاء فى الاجابات التى ترد بالنماذج فى سنة وتعدل فى السنة التالية
كما حدث فى مسالة حاصل الاذابة الخاصة بهيدروكسيد الالمونيوم ويمكن ان تتبع حضرتك طريقة حلها فى نماذج 2007 وما يليها وفى احوال اخرى يحذف السؤال الذى به الخطا كما حدث فى هذه المسالة
هل تكررت هذه المسالة فى سنوات تالية ؟ لااعتقد

استاذى الفاضل محمد فاروق اهلا بك صدقنى انا اول ما شفت الامتحان حليت السؤال عادى جدا والمسئلة تتحل فى خطوتين ولكنى لما شفت نصف قطر الهيدروجين قيمته غيرمعقولة راجعت نفسى وقلت واضع الامتحان واخدنا فى سكة مش تمام ورسمت المسئلة وحليتها كما يريدها هو ووضعت الحل بالموقع وفؤجئت بالزملاء معترض واخر مهاجم كانى انا واضع الامتحان ( كل ده مش مهم)
الاهم انى كان عندى الشجاعة واشرت للخطاء بالمسئلة وبحثت عنها وجدتها بالنص فى طريق التفوق طبعة95
الاهم المسئلة عليها درجتين
ايجاد نصف قطر الاكسيجين بدرجة والاخرى نشوف بكره هيحصل ايه
شكرا استاذى الفاضل

حسبى الله ونعم الوكيل
انا مكنشى مزعلنى ان الامتحانات يبقى فيها فكر
بس بصراحة ده صيد فى الميا العكرة
اصلا الامتحان مكنشى فى وقت علشان نرع نعمل ابحاث على المسالة الى المفروض ان الطلاب مطمئن للنوعية دى من المسائل
!!!!!!!!!!!!!!!!!!!!!!!!!!!!!!!!!!!!!!!!!!

الاخ الاستاذ فيكتور
احب ان اوضح لسيادتك ان مناقشتى انا و الزملاء لك ليس مهاجمه لشخصك لكننا اختلفنا على طريقه الاجابه فقط مع وافر احترامى لك
وبالبحث فى نماذج 95 كما اشرت يا اخى اتضح ان صيغه السؤال مختلفه حيث ان السيد واضع السؤال غير من صيغته وان كان السؤال ايضا فى طبعه 95 ليس له معنى ولا اهميه كيميائيا
المساله فى طبعه 95 تنص على ان : اذا كان طول الرابطه فى جزيئى ماء = 1.96 امجستروم و باقى المساله كما هى
لاحظ يا اخى كلمه جزيئى ماء اى جزيئين ماء و بالتالىلما نحسب طول الرابطه فى جزئ واحد نقسم ÷2
فى هذه الحالع فقط تكون الاجابه كما فى نماذج 95 صحيحه لكن اذا كان فى المساله جزئ ماء فالامر مختلف تماما
اؤكد لك مره اخرى يا اخى اننا نتناقش علميا فقط مع وافر الاحترام لشخصك
صدقنى المساله ورطه وكان نفسى اتقابل معك فى التصحيح لكنى غير منتدب و ارجو منك رفع نماذج الاجابه الرسمى غدا ان شاء الله و سلام

بدون عصبية سنناقش الأمر
إذا كان تعريف طول الرابطة (http://abnorkemiathanwya.com/vb/showthread.php?t=29823)فى الكتاب المدرسى هو :
المسافة بين نواتي ذرتين متحدتين.
1-فعندما نقول طول رابطة فلوريد الهيدروجين نعنى طول الرابطة (http://abnorkemiathanwya.com/vb/showthread.php?t=29823)بين الفلور والهيدروجين.
2-فعندما نقول طول رابطة الماء نعنى طول الرابطة (http://abnorkemiathanwya.com/vb/showthread.php?t=29823)بين الأكسجين والهيدروجين.
3-فعندما نقول طول رابطة النشادر نعنى طول الرابطة (http://abnorkemiathanwya.com/vb/showthread.php?t=29823)بين النيتروجين والهيدروجين.
[b]4-فعندما نقول طول رابطة الميثان نعنى طول الرابطة (http://abnorkemiathanwya.com/vb/showthread.php?t=29823)بين الكربون والهيدروجين.
فى جميع الحالات نتحدث عن المسافة بين ذرتين فى الجزئ والا إذا اعطانا طول الرابطة (http://abnorkemiathanwya.com/vb/showthread.php?t=29823)فى جزئ النشادر مثلا 6 أنجستروم فهل نقوم بالقسمة على 3 هذا خطأ علمى تسبب فيه دليل التفوق لعام 1997 وورد الرقم 1.96 كما فى الإمتحان وحل الدليل المسألة بالقسمة على 2 وهذا خطأ علمى لأن طول الرابطة (http://abnorkemiathanwya.com/vb/showthread.php?t=29823)-كما عرفتموه أنتم فى كتابك مدرستكم الذى وضعه دكتور جامعة متخصص(سمير عبد المعز)وعدد من الأفاضل -[b]المسافة بين نواتي ذرتين متحدتين.
إليكم مفهوم طول الرابطة (http://abnorkemiathanwya.com/vb/showthread.php?t=29823)فى الموسوعات الكيميائية العالمية:-
Inmolecular geometry (http://abnorkemiathanwya.com/vb/redirector.php?url=http%3A%2F%2Fen.wikipedia.org%2 Fwiki%2FMolecular_geometry), [b]bond length or bond distance is the average distance between nuclei of twobonded (http://abnorkemiathanwya.com/vb/redirector.php?url=http%3A%2F%2Fen.wikipedia.org%2 Fwiki%2FChemical_bond)atoms (http://abnorkemiathanwya.com/vb/redirector.php?url=http%3A%2F%2Fen.wikipedia.org%2 Fwiki%2FAtom) in a molecule (http://abnorkemiathanwya.com/vb/redirector.php?url=http%3A%2F%2Fen.wikipedia.org%2 Fwiki%2FMolecule).
وعندما نتحدث عن جزيئات كالميثان مثلا
The bond energy is essentially the average enthalpy change for a gas reaction to break all the similar bonds. For the methane molecule,( C-H)4, 435 kJ is required to break a single C-H bond for a mole of methane, but breaking all four C-H bonds for a mole requires 1662 kJ. Thus the average bond energy is (1662/4) 416 (not 436) kJ/mol
وفى الكتاب المدرسى للصف الأول الثانوى تقومون بإعطاء الطالب طول الرابطة (http://abnorkemiathanwya.com/vb/showthread.php?t=29823)بين ذرتين دائماً.
وأورد اليكم هذه الصوره للدلالة على خطأ طول الرابطة (http://abnorkemiathanwya.com/vb/showthread.php?t=29823)وهو 0.96أنجستروم وليس 1.96أنجستروم فيرجى الرجوع لهذه الروابط.
http://en.wikipedia.org/wiki/Molecular_geometry (http://abnorkemiathanwya.com/vb/redirector.php?url=http%3A%2F%2Fen.wikipedia.org%2 Fwiki%2FMolecular_geometry)
http://www.physicsforums.com/showthread.php?t=300007 (http://abnorkemiathanwya.com/vb/redirector.php?url=http%3A%2F%2Fwww.physicsforums. com%2Fshowthread.php%3Ft%3D300007)
وعليه فإنه يجب اعتبار أن كلا الحلين صحيحين
1-أن ينصف الطالب طول رابطة جزء الأكسجين بالقسمة على 2 ويطرحه مباشرة من طول رابطة الماء على أساس أن طول رابطة المائ هو(O-H)ويكون الناتج فى هذه الحالة 1.26 أنجستروم
2-أن ينصف الطالب طول رابطة جزء الأكسجين بالقسمة على 2 وينصف أيضاً طول رابطة جزئ الماء بالقسمة على 2 ويجرى الطرح ليكون الناتج 0.3 أنجستروم.
((((مستقبل الأولاد أمانة فى أعناقكم فلا تحاسبوهم على أخطائكم)))

على لسان الطالب الثانوى : المنحوس منحوس ولو حطوا على دماغوه فنــــــــــــــوس

----

انا الحمد لله عملت نق يساوى 3. لان موش منطقى خالص 1.28

( دى اصغر ذره ) ثانيا لو معاه اى ذره تانيه غير الهيدروجين ممكن يعرف برده هيا اكبر ولا اصر من الاكسجين ( من العدد الذرى و عدد البروتونات )

http://www.friendawy.com/file/sns_uploads/11140/images/%D8%B4%D9%83%D8%B1%D8%A7-%D9%84%D9%83.gif