اسأل....استشير ( لطلبه و طالبات آداب اعلام المنصوره) [الأرشيف]

يالا بينا

21-07-2010, 03:39 PM

عايزة اعرف المواد التى تتدرس لديكم

ازيك يا جميلة ..:022yb4:

بصي يا ستي ..
اول سنتين بيكونوا (عام) وبتدرسي فيهم :
تاريخ / نحو وصرف ... يعني مواد غير تخصصية
بالاضافة لمواد تخصصية تعتبر مدخل لعلوم الاتصال ..زي:
نشأة وسائل الإعلام ..
الخبر ومصادره
نظريات الإعلام
وغيرها

تمام؟

وبالنسبة للغة .. بتكون عبارة عن 8كورسات خلال ال 4سنوات
بحيث كل فصل دراسي في كورس

من سنة ثالتة بقى تبدأ التخصصات ..
عندك 3 شعب :
صحافة
إذاعة وتلفزيون
علاقات عامة .

وكلهم افضل من بعض صراحة .. ولكل شعبة منهم بقى المواد الخاصة بيها .. بالاضافة لمواد مشتركة بين الشعب دي ..

اتمنى تكون وصلت الفكرة ... وبالتوفيق يا سكر:d

مستر/ مينا ماهر

21-07-2010, 05:46 PM

يالا بينا (http://www.thanwya.com/vb/member.php?u=249869)

اهلا و سهلا بحضرتك

في

قسم كليه الآداب

و ياريت حضرتك تعرفنا بنفسك اكتر

و اتمني ان يستفيد الطلبه من خبرتك

يالا بينا

22-07-2010, 10:47 AM

سلام عليكم
جزاكم الله خيرا

أنا طالبة في جامعة المنصورة
كلية الآداب قسم الإعلام

وأنا تحت أمر حضراتكم في أي استفسار...

kolaay

23-09-2010, 03:55 PM

انا عايزة اعرف المجموع بتاع كلية اداب من كام لان انا محتاجة اعرف ضرورى

يالا بينا

25-09-2010, 10:20 PM

انا عايزة اعرف المجموع بتاع كلية اداب من كام لان انا محتاجة اعرف ضرورى

المجموع غالبا بيكون (78%)
لكن لكل قسم من ال14 قسم تنسيق خاص:bosyht9:
أعلاها قسم اللغة الانجليزية .. ثم الإعلام .. ثم اللغة الفرنسية ..

ولكن في السنة الحالية تحديدا ... المجموع منخفض الى ما تحت 60%
بسبب الدفعة الفراغية ..:blush:

أي خدمة يا جميل :)

king 99

10-10-2010, 11:59 AM

هل تنصحى الطلاب بدخول الكلية ؟

قصدى يعنى ان بعض الطلاب حينما تسألهم بعد خروجهم من بعض الكليات يحذرك منها ويطالبك بالبعد عنها

حضرتك قلتى نحو وصرف فى اول سنة بيكونوا سهلين لانى بكره النحو ده

كلية اعلام وتربية قسم اعلام ايه الفرق بينهم ؟؟؟؟؟؟؟؟؟؟؟؟؟؟؟؟

يالا بينا

12-10-2010, 11:56 PM

هل تنصحى الطلاب بدخول الكلية ؟
طبعا أنصحهم بدخول الكلية لوجود أقسام متميزة جدا بداخلها ..
قصدى يعنى ان بعض الطلاب حينما تسألهم بعد خروجهم من بعض الكليات يحذرك منها ويطالبك بالبعد عنها
بالعكس
دارس الاعلام في الكلية دي .. مساوي تماما لدارس الاعلام في (كلية الاعلام جامعة القاهرة) نفس المناهج ..كل الاختلاف في الاسلوب التعليمي ..:blush:
كل الفكرة انها محتاجة .. نوعمن الاهتمام والتركيز للدراسين ، لان بعض الطلبة اللي بيدخلوا كلية الاداب بيعتقدوا انها سهلة ومش محتاجة مذاكرة من اول يوم .. وبالتالي بيتراكم عليهم المنهج لاخر اسبوع .. فيتعقدوا منها ويكرههوها ..لكنها جميلة جدا ..
حضرتك قلتى نحو وصرف فى اول سنة بيكونوا سهلين لانى بكره النحو ده

سهلين /صعبين
دا متوقف على الدكتور اللي بيدرسهم :blush: .. في دكتور هيشرح ويبسط .. وواحد تاني ممكن يكبر الموضوع
في كل الحالات موضوعات المقرر في الصرف والنحو بتكون معظمها قديم (كلام ثانوي واعداداي)
كلية اعلام وتربية قسم اعلام ايه الفرق بينهم ؟؟؟؟؟؟؟؟؟؟؟؟؟؟؟؟
كلية التربية النوعية - قسم الاعلام التربوي :
دا يساعدك تكون مشرف صحافة في المدارس وكده ;)
اما كلية الاداب - قسم الاعلام :
يساعدك تكون اعلامي ممارس من خلال 3 تخصصات (علاقات عامة ودعاية / صحافة مكتوبة / اذاعة وتلفزيون)

اي خدمة يا فندم:d
يارب نكون قدرنا نوصل معلومة ..:022yb4:

king 99

13-10-2010, 03:34 AM

يالا بينا (http://www.thanwya.com/vb/member.php?u=249869) مشكورة على الرد والتواصل

انا فى السؤال الأخير كنت اقصد كلية اعلام جامعة القاهرة وكلية اداب ولكنى فهمت الأجابة من كلامك فى الرد الثانى

شكرا

يالا بينا

14-10-2010, 09:57 PM

تشرفنا يا فندم
ونورتنا حضرتك ...

Free Love

16-10-2010, 06:44 PM

يعني انا دلوقتي لو دخلت أداب قسم أعلام
زيي زي كليه الاعلام ونفس المميزات ؟
وفيه اختبارات قبل مخش الكليه ؟؟؟
لو كده كانت مصر كلها دخلتها وسابت كليه الاعلام
أرجو الرد

يالا بينا

21-10-2010, 09:46 AM

يعني انا دلوقتي لو دخلت أداب قسم أعلام
زيي زي كليه الاعلام ونفس المميزات ؟
وفيه اختبارات قبل مخش الكليه ؟؟؟
لو كده كانت مصر كلها دخلتها وسابت كليه الاعلام
أرجو الرد

حضرتك احنا بنقول نفس المقررات والمواد الدراسية
الاختلاف في طريقة العرض والتقديم بس

لكن بتفرق في الشغل
أكيد بيفضل طالب إعلام ، مش آداب إعلام
لأن طالب إعلام متخصص من أول يوم في الكلية
أما آداب إعلام بيتخصص بعد سنتين

لكن مفيش اختبارات لا
كانت موجودة زمان ولغوها

على كل حال نورتنا :022yb4:

Free Love

26-10-2010, 07:29 PM

شكرا للرد .............

kolaay

11-01-2011, 11:52 AM

طيب بعد انك ممكن اعرف هو اللى يدخل قسم اعلام لازم يكون جايب الدرجات النهائية فى مواد اللغة ان كان انجلش او فرنش ولا اي النظام

يالا بينا

12-01-2011, 12:04 AM

طيب بعد انك ممكن اعرف هو اللى يدخل قسم اعلام لازم يكون جايب الدرجات النهائية فى مواد اللغة ان كان انجلش او فرنش ولا اي النظام

لا مش شرط إطلاقا

beh000

09-04-2011, 08:40 PM

طيب انا جايبه فى 80 يتفع اخش الكليه اعلام ولا لا

يالا بينا

06-05-2011, 10:32 AM

لا الحقيقة مينفعش إعلام ، بس ممكن آداب قسم إعلام

YASS33N

09-06-2011, 03:23 PM

hi ana 3ayza a3raf eh alwazayf aly ad5olha w kman yareet t2oly eza kan fi adab e3lam f alex wala la

يالا بينا

25-06-2011, 11:22 AM

hi ana 3ayza a3raf eh alwazayf aly ad5olha w kman yareet t2oly eza kan fi adab e3lam f alex wala la

أهلا بحضرتك يا فندم

مبدئيا : في آداب إعلام في جامعة اسكندرية :d

أما بخصوص الوظائف ، فالمسألة متوقفة على الشعبة :bosyht9:

شعبة الإذاعة :
خاصة بوظائف الإذاعة والتلفزيون (من إذاعة وإخراج وإعداد وتصوير و..)

شعبة الصحافة :
خاصة بوظائف ( التحرير و الكتابة الصحفية و هكذا ..)

شعبة العلاقات العامة :
خاصة بوظائف إدارية ( التخطيط و الإدارة و التسويق والدعاية وهكذا ...)

MOSTAFA093

25-06-2011, 02:25 PM

شكراً لك ( يالا بينا ) على التواصل
كنت بسأل أنا ناوى أدخل أداب إعلام سوهاج
عايز أعرف هل شرط أكون جايب مجموع إنجليزى ولا أدخل على طول بدوون شروط
وهل لها شروط تانى
شكراً لك

يالا بينا

25-06-2011, 04:04 PM

شكراً لك ( يالا بينا ) على التواصل
كنت بسأل أنا ناوى أدخل أداب إعلام سوهاج
عايز أعرف هل شرط أكون جايب مجموع إنجليزى ولا أدخل على طول بدوون شروط
وهل لها شروط تانى
شكراً لك

يا أهلا وسهلا بحضرتك

لا مفيش شروط ولا اي حاجة ، كل المسالة ان المجموع العام يبقى كويس (في حدود 85% وأحيانا أقل)

ودرجات الانجليزية بتحتاجها ، لو قرت تدخل قسم الانجلش مش العلام

بالتوفيق ان شاء الله

manar2

25-06-2011, 06:44 PM

كنت عاوزة اعرف أداب انجلش إيه شروطها ؟
ومجموع الإنجلش في الثانوية كام لأن الأمتحان السنة دي واللي الفاتت كان صعب

يالا بينا

30-06-2011, 12:39 AM

كنت عاوزة اعرف أداب انجلش إيه شروطها ؟
ومجموع الإنجلش في الثانوية كام لأن الأمتحان السنة دي واللي الفاتت كان صعب

آداب إنجليزي يعتمد بدرجة أولى على درجة اللغة الانجليزية في ثانوية عامة ، + مجموعك العام

بالنسبة للانجليزية من 48فيما فوق
والمجموع العام من 85% فيما فوق

ودا قياسا على تنسيق السنة اللي قبل اللي فاتت
لانه من غير المنطقي طبعا القياس على تنسيق السنة اللي فاتت

وربنا يوفقك:022yb4:

usernamo

17-07-2011, 03:57 PM

hagora2009

17-07-2011, 04:06 PM

انا جايبه 84% تدخلنى اداب اعلام دمياط؟؟؟

الفتى التائب

20-07-2011, 10:38 AM

السلام عليكم اولا
هو اداب اعلام شعبة اعلام الى هىاخراج وووووو هل بيكون فيها مونتاج باجهزه حديثه زى الى فى كلية اعلام وهل بيكون الشغل بعد الكليه متاح

يالا بينا

22-07-2011, 10:42 PM

هو اداب انجلش بتاخد درجة الانجليزى + درجة مستوى رفيع انجليزى صح ؟؟ ..

انا مثلاً فى مجموع السنتين جايب 46 فى الانجليزى .. و فى المستوى الانجليزى جايب 8 .. هل هيتاف على مجموع الانجليزى بتاعى 3 بحيث يبقى 49 و اخش الكلية دى ؟؟ .. و لا ايه القواعد بالظبط .. تاعبك معانا معلش^^
يا أهلا سهلا بحضرتك

وأولا : ألف مبروك النتيجة

بالنسبة لقسم إنجليزي بيتحدد على أساس مجموع مادة اللغة الإنجليزية فقط ، مفيش له علاقة بالمستوى الرفيع

أما الدرجة المطلوبة فهي غالبا كل سنة بتكون من 46 فيما فوق ، بالإضافة إلى المجموع الكلي طبعا
يعني مش درجة الإنجليزي وبس

وبنأكد مرة تانية إن الدرجات والمجموع والحد الأدنى للقبول بيختلف من جامعة لأخرى ، ومن سنة لأخرى

بالتوفيق إن شاء الله:022yb4:

يالا بينا

22-07-2011, 10:46 PM

انا جايبه 84% تدخلنى اداب اعلام دمياط؟؟؟
أهلا بيكي يا جميلة ومبروك النتيجة

84% حسب التسيق بتاع السنوات اللي فاتت ممكن تدخلك آداب إعلام دمياط أو المنصورة لو حابة :022yb4:
لكن لسه الله أعلم إيه وضع التنسيق السنادي..
في كل الأحوال قدمي في رغباتك على كلية الآداب ، ومنها ان شاء الله قدمي رغباتك على قسم الاعلام ..

ربنا يوفقك

يالا بينا

22-07-2011, 10:55 PM

السلام عليكم اولا
هو اداب اعلام شعبة اعلام الى هىاخراج وووووو هل بيكون فيها مونتاج باجهزه حديثه زى الى فى كلية اعلام وهل بيكون الشغل بعد الكليه متاح
أهلا بحضرتك :022yb4:

أولا :
قسم الإعلام في كلية الآداب مش متخصص فقط في الإخراج والمونتاج
لا ، موجود 3 شعب داخل القسم (الإذاعة والتلفزيون / الصحافة المكتوبة / العلاقات العامة وعلوم الاتصال)
تمام؟
كل شعبة ليها شغل مختلف بالتأكيد

أول سنتين في الكلية دراسة عامة ، بعدين يبدأ التخصص في سنة تالتة في أي شعبة من ال3 اللي قلناهم ..

الدراسة في آداب قسم إعلام = الدراسة في كلية إعلام جامعة القاهرة تماما (نفس المقررات ، ونفس التخصصات )
بس في فروق بسيطة في العمل فيما بعد التخرج ، بيفضل خريج إعلام عن خريج آداب الإعلام

لكن الفروق دي ممكن تعويضها بشوية كورسات وخلاص ;)

الأجهزة موجودة في جامعة المنصورة ، متوافر استديو إذاعي كامل ، وصيحفة في الجامعة وصحيفة للكلية وصحيفة للقسم
+ الرحلات العلمية للمطابع ودور النشر ومدينة الإنتاج الإعلامي ووكالات الأنباء ..

بالتوفيق إن شاء الله:022yb4:

koko_semsem

23-07-2011, 03:30 PM

ميدو ميد

23-07-2011, 04:56 PM

ممكن اعرف من خبرتكم اداب قسم المانى اية شروطهااللى فى جامعة القاهرة
واداب قسم المانى اية شروطها؟
اداب اعلام؟ واية شروطها ؟

ممكن حد يوضحلة ولا يبخل عليا
نفسى حد يكون عارف ؟؟ :(

يالا بينا

23-07-2011, 08:20 PM

انا عاوزة اعرف اذا كان القسم (اعلام) بيبقبل درجة اللغات من كام
يعنى يقبل انجليزى من كام وعربى كام واللغة التانية وكدا
ولا بياخد على مجموع الرجات الكلى ولو كدا يبقى بياخد من كام انا مجموع درجات اللغات كلها 137.5 ياترى هلحق ولا ايه والمجموع الكلى بتاعى 88.8%

ممكن اعرف من خبرتكم اداب قسم المانى اية شروطهااللى فى جامعة القاهرة
واداب قسم المانى اية شروطها؟
اداب اعلام؟ واية شروطها ؟

ممكن حد يوضحلة ولا يبخل عليا
نفسى حد يكون عارف ؟؟ :(
أي معلومات تحتاجوها بخصوص قسم الاعلام في كليات الاداب ان شاء الله هتلاقوها هنا :

http://www.thanwya.com/vb/showthread.php?p=3727853&posted=1#post3727853

--------------------------
بخصوص آداب ألماني ، بتعتمد على درجة اللغة الألمانية في الثانوية العامة (المجموع المطلوب من 46 فيما فوق ) :bosyht9:

رورو_حب

23-07-2011, 08:34 PM

طيب عندى سؤال انا جايبه 82% وجايبه مجموع درجات الثلاث لغات 143 بس انتى بتقولى بتاخد فى قسم الاعلام من 83% : 85% يعنى مش هلحقها ؟؟

يالا بينا

25-07-2011, 12:31 AM

كل اللي يخص قسم اعلام يا جماعة في التوبيك دا :

http://www.thanwya.com/vb/showthread.php?p=3735374&posted=1#post3735374

مى فاروق

30-07-2011, 03:21 PM

انابجد والله مش عارفة اقولك ايه
جزاك الله كل خييير
انا كنت عايزة اعرف يا يلا بينا
انتى فى قسم ايه وناوية على ايييه فى المستقبل
اقصد يعنى الشعبة
تانى حاجة
هو دلوقتى انا جايبة 91,2 ادبى وجاللى اداب عين شمس
هل هتقبل فى قسم الاعلام
وممكن بعد ازنك تدينى فكرة عن الكورسات

Prince Adel

30-07-2011, 06:15 PM

سلام عليكم يا شباب ..
اداب اعلام المنصوره بتاخد من كام يا شباب بعد اذنكم و مصاريفها قد ايه ؟ ..
جالى اداب المنصوره بس عاوز ادخل اداب اعلام او اثار فعاوز اعرف و هل ليها اختبارات ؟

يالا بينا

31-07-2011, 03:17 AM

سلام عليكم يا شباب ..
اداب اعلام المنصوره بتاخد من كام يا شباب بعد اذنكم و مصاريفها قد ايه ؟ ..
جالى اداب المنصوره بس عاوز ادخل اداب اعلام او اثار فعاوز اعرف و هل ليها اختبارات ؟
مفيش مصاريف معينة
زيها زي باقي الاقسام

بتاخد من كام ؟؟ دي متوقفة على التنسيق كل سنة
لكن غالبا بتاخد 85%

وتنورنا ان شاء الله في اداب المنصورة
:022yb4:

princess123

03-08-2011, 05:19 AM

السلام عليكم

princess123

03-08-2011, 05:20 AM

السلام عليكم
طب انا الوقتى قبلت فى اداب المنصورة نتيجه الترشيح اقدم ازاى مش عارفه ؟؟؟؟

يالا بينا

04-08-2011, 01:44 AM

السلام عليكم
طب انا الوقتى قبلت فى اداب المنصورة نتيجه الترشيح اقدم ازاى مش عارفه ؟؟؟؟
لما حضرتك تروحي علشان تقدمي أوراقك في الكلية ، هيعطوكي ورقة التنسيق الداخلي ، وهتكتبي فيها الأقسام بالترتيب اللي تفضليه ..
والقسم اللي تحبي تدخليه بتكتبيه رقم 1
بعد كده باقي الأقسام

تماما زي التنسيق الأول :)
ربنا يوفقك

princess123

04-08-2011, 02:35 AM

طب لو سمحت انا بسال عن الاوراق المطلوبه للتقديم فى الكليه والتقديم ليه معاد محدد ؟؟؟

يالا بينا

04-08-2011, 05:10 AM

طب لو سمحت انا بسال عن الاوراق المطلوبه للتقديم فى الكليه والتقديم ليه معاد محدد ؟؟؟
الأوراق المطلوبة بتكون:
صورة البطاقة
6صور شخصية
استمارة النجاح
صورة بطاقة الترشيح(اللي خرجتيها من على النت)

[لو مفيش بطاقة لسه ، ممكن صورة شهادة الميلاد]

princess123

04-08-2011, 05:47 PM

اها ميرسى اوى اوى اوى بجد

طب سؤال اخير بليز :d انا مجموعى 325.5 اقبل فى قسم أثار المنصورة ولا لا لو حضرتك تعرف ؟؟؟؟ عشان لو مش اقبل بفكر احول حقوق مش عارفه اعمل ايه

يالا بينا

05-08-2011, 12:12 AM

اها ميرسى اوى اوى اوى بجد

طب سؤال اخير بليز :d انا مجموعى 325.5 اقبل فى قسم أثار المنصورة ولا لا لو حضرتك تعرف ؟؟؟؟ عشان لو مش اقبل بفكر احول حقوق مش عارفه اعمل ايه

لا بالعكس قسم الآثار يقبل إن شاء الله
ولو مقبلش ، حقوق مش وحشة ;)

eme the best

07-08-2011, 01:06 AM

السلام عليكم انا eme اول مره اشارك .انا خلصت ثانوية عامة 90% ومحتارة بين تربية واثار واعلام مفتوح .ياريت حد يفدنى

eme the best

07-08-2011, 01:08 AM

الوووووووووووو ايه الصحرا دى

يالا بينا

07-08-2011, 04:22 PM

السلام عليكم انا eme اول مره اشارك .انا خلصت ثانوية عامة 90% ومحتارة بين تربية واثار واعلام مفتوح .ياريت حد يفدنى
وعليكم السلام
يأهلا وسهلا بحضرتك

مبروك على المجموع ما شاء الله
حضرتك جيتي قسم الاعلام ، وبالتالي كل الناس هنا هتنصح حضرتك تدخلي اعلام
لكن أكيد حضرتك لازم تشوفي ايه اكتر مجال بتحبيه منهم

بالتوفيق ان شاء الله
ويارب متبقاش اخر زيارة :)

eme the best

07-08-2011, 05:23 PM

يلا بينا بنفسها ردت عليا اخيرا

يالا بينا

08-08-2011, 12:46 AM

يلا بينا بنفسها ردت عليا اخيرا
http://www.almlf.com/get-8-2011-almlf_com_2jw5qstm.gif (http://www.almlf.com)

bent aboha

08-08-2011, 02:56 AM

طيب ممكن اعرف من حضرتك معلومات اكتر عن قسم العلاقات العامة
يعنى بتعملوا ايه وايه الكورسات الى بتاخدوها
ياترى هو قسم كويس
ياريت حضرتك تكلمينا عن القسم ده شوية وتحكيلنا عن خبرتك

يالا بينا

09-08-2011, 04:46 AM

طيب ممكن اعرف من حضرتك معلومات اكتر عن قسم العلاقات العامة
يعنى بتعملوا ايه وايه الكورسات الى بتاخدوها
ياترى هو قسم كويس
ياريت حضرتك:blush: تكلمينا عن القسم ده شوية وتحكيلنا عن خبرتك
أولا شعبة العلاقات العامة (قسم الإعلام)
بتؤهل الطالب للتعامل مع المؤسسات ، زي ما قلنا قبل كده ممكن يشتغل في [التنسيق الإعلامي ، الدعاية والإعلان ، وغيرها ]

رجل العلاقات العامة دا بمنتهى البساطة والاختصار ، هو شخص كل مهمته انه يأكد لحضراتنا جميعا إن شركة "كذا" بتقدم أفضل خدمات
يعني بنسميها في الكتب (تحسين صورة المؤسسة لدى جماهيرها)

وان شاء الله لما تدرسي هتتعمقي في العلم دا أكتر وهتحبيه جدا

اللذة في العلاقات العامة انها علم إنساني بيجمع بين فن الإدارة ، وفنون الإعلام

فيما يخص قصة الكورسات :
في العلاقات العامة لازم تاخدي كورسات في اي حاجة متاحة
تنمية بشرية ، لغات ، توثيق اعلامي ، مالتي ميديا ..

لانك بتتعاملي مع بشر ومؤسسات ومحتاجة تكوني فاهمة جدا الناس بتفكر ازاي

يبقى اني اقول :
العلاقات العامة هي أكثر الشعب الثلاث اتساعا في سوق العمل

bent aboha

09-08-2011, 04:37 PM

أولا شعبة العلاقات العامة (قسم الإعلام)
بتؤهل الطالب للتعامل مع المؤسسات ، زي ما قلنا قبل كده ممكن يشتغل في [التنسيق الإعلامي ، الدعاية والإعلان ، وغيرها ]

رجل العلاقات العامة دا بمنتهى البساطة والاختصار ، هو شخص كل مهمته انه يأكد لحضراتنا جميعا إن شركة "كذا" بتقدم أفضل خدمات
يعني بنسميها في الكتب (تحسين صورة المؤسسة لدى جماهيرها)

وان شاء الله لما تدرسي هتتعمقي في العلم دا أكتر وهتحبيه جدا

اللذة في العلاقات العامة انها علم إنساني بيجمع بين فن الإدارة ، وفنون الإعلام

فيما يخص قصة الكورسات :
في العلاقات العامة لازم تاخدي كورسات في اي حاجة متاحة
تنمية بشرية ، لغات ، توثيق اعلامي ، مالتي ميديا ..

لانك بتتعاملي مع بشر ومؤسسات ومحتاجة تكوني فاهمة جدا الناس بتفكر ازاي

يبقى اني اقول :
العلاقات العامة هي أكثر الشعب الثلاث اتساعا في سوق العمل

اصل انا اتعودت لما اكلم اى حد اكبر منى اقوله حضرتك
ميرسى جدا ليكى انا كنت محتاجة انى اعرف معلومات اكتر عن القسم ده والحمد لله
انتى بتتعبى معانا جامد اوى
هو انا ممكن اتخصص فى القسم الى انا عاوزاه ولا ع حسب تقديرى فى السنتين

maya2020

09-08-2011, 04:56 PM

ممكن اعرف هو فى قسم اعلام فى كليه اداب اسكندريه واييييه شروطه ؟

يالا بينا

09-08-2011, 05:36 PM

اصل انا اتعودت لما اكلم اى حد اكبر منى اقوله حضرتك
ميرسى جدا ليكى انا كنت محتاجة انى اعرف معلومات اكتر عن القسم ده والحمد لله
انتى بتتعبى معانا جامد اوى
هو انا ممكن اتخصص فى القسم الى انا عاوزاه ولا ع حسب تقديرى فى السنتين
طبعا في القسم اللي تحبيه
عارفة بعد ما بتخلصي السنتين الاوائل بتعملي تنسيق جديد للشعب
اصلا انت بتدرسي في العام الثاني 3 مواد (مدخل للاذاعة) (مدخل للصحافة) (مدخل للعلاقات)
والمجال اللي هتتخصصي فيه لازم تكوني جايبة في المادة بتاعته اقل تقدير (جيد)

ممكن اعرف هو فى قسم اعلام فى كليه اداب اسكندريه واييييه شروطه ؟
ايوة يا فندم موجود
لا الحقيقة الشروط دي يفضل تسألي عنها حضرتك حد موجود في الكلية بالفعل او تروحي تسألي هناك
لكن انا اقدر اجيب حضرتك فيما يخص المنصورة بالتفصيل الممل;)

princess123

09-08-2011, 08:40 PM

السلام عليكم

معلش تعبينك معانا

بالنسبه لاعلام المنصورة هو فعلا قسم متعب ولا حلو ؟؟؟؟

bent aboha

09-08-2011, 11:22 PM

يلا بينا
بجد مش عارفة اشكرك ازاى
ربنا يخليكى بجد

يالا بينا

10-08-2011, 05:18 AM

السلام عليكم
وعليكم السلام
معلش تعبينك معانا
;)
بالنسبه لاعلام المنصورة هو فعلا قسم متعب ولا حلو ؟؟؟؟
لا بصراحة القسم ممتاز جدا في المنصورة
دا أفضل قسم إعلام على مستوى الجمهورية ، ومعظم أساتذته من كلية الإعلام جامعة القاهرة :)
لو تقصدي بقى فكرة المذاكرة وكده ، فانت ممكن تقعدي الفصل الدراسي الأول تعبانة شوية لحد ما تستوعبي العملية

بس أي طالب لسه داخل الجامعة بيبقى كده
لانكم بتكونوا اتعودتم على مذاكرة (5 مواد في 10 شهور ) فعندكم شوية استرخاء كده، لكن في القسم هتدرسي (6 مواد في 3 شهور ):d
لكن في أول الحكاية هتحسي بشوية لخبطة بعد كده عادي:bosyht9:

بالتوفيق ان شاء الله

يلا بينا
بجد مش عارفة اشكرك ازاى
ربنا يخليكى بجد
الشكر لله يا جميلة
ربنا يوفقك:)

princess123

12-08-2011, 08:12 AM

اهااااااا ااااا مع انى قرأت تعليق لطالب قسم اعلام المنصورة بيقول انهم بيتحرقوا فى الشمس.. مش فاهمه ليه ؟؟؟؟

وصحيح بلنسبه لقرار تحويل قسم الاعلام الى كليه الاعلام الطليه الى خلصوا اداب اعلام هيفضلوا اداب اعلام ؟؟؟ ولا هتتغير ليهم هما كمان ويبقوا اعلام ؟؟؟؟؟؟؟

يالا بينا

13-08-2011, 12:10 AM

وصحيح بلنسبه لقرار تحويل قسم الاعلام الى كليه الاعلام الطليه الى خلصوا اداب اعلام هيفضلوا اداب اعلام ؟؟؟ ولا هتتغير ليهم هما كمان ويبقوا اعلام ؟؟؟؟؟؟؟

انا مش فاهمة سؤال اوي :excl:

لكن اقدر اقولك انه القرار مش مطبق حتى الان
ولو تم تطبيقه ، طالب اداب اعلام هيظل خريج آداب إعلام
أما الكلية الجديدة هتستقبل طلبة جدد تماما :bosyht9:

princess123

13-08-2011, 11:58 AM

اهااااااااا هو دة سؤالى :d ميرسى يا جميل تعبينك معانا

d00ry

17-08-2011, 09:37 PM

هو ممكن نحول من قسم لقسم فى الاسبوع الاول من الدراسة ؟؟

يالا بينا

18-08-2011, 02:29 AM

هو ممكن نحول من قسم لقسم فى الاسبوع الاول من الدراسة ؟؟
ايوة ممكن جدا

d00ry

19-08-2011, 11:32 PM

ايوة ممكن جدا
طب ممكن نحول من كلية لكلية فى الاسبوع الاول برده ؟؟؟

يالا بينا

22-08-2011, 01:36 AM

طب ممكن نحول من كلية لكلية فى الاسبوع الاول برده ؟؟؟
ايوة ممكن طبعا

princess123

25-08-2011, 03:28 PM

لو سمحتى معلش اصلى قلقانه شويه ..... التقديم بدأ يوم 23 وانا مش كنت اعرف وفيه واحدة قالتلى ان لام اقدم بدرى عشان كل قسم بيبقى فيه عدد محدد ... مش عارف بقا اعمل ايه اقدم عادى بعد العيد فى الكليه ولا انزل يوم السبت ؟؟؟؟؟؟؟؟؟؟؟

يالا بينا

27-08-2011, 10:58 AM

princess123

28-08-2011, 09:18 PM

يفضل إن حضرتك تنزلي يوم السبت
مش هتخسري حاجة :redface: ان شاء الله بالتوفيق

ههههههههههههههههه لا ما انامنزلتش .... يعنى انا عاوزة افهم هما بيحددوا التنسيق الداخلى فى الكليه بعد ما كل المستجدين بتكتبوا رغباتهم فى الاقسام وبعد كدة بيحددوا كل قسم ايه الشروط بتاعته ولا ايه??? ..... ما لو كدة يبقى استنى بعد العيد لانى مش من المنصورة ...... يا ريت لو تعرفى تقوليلى هما بيقبلوا الطلبه فى الاقسام ازاى لان انا ملاحظه ان كل سنه بيبقى التنسيق الداخلى مختلف عن السنه الى قبلها .... لان مش قالولنا اى حاجه ولا الاقسام بياخد من كام ولا نعرف اى حاجه وخلاص اتعقدنا

sas33

21-09-2011, 02:49 AM

طب لو سمحتم احنا عندنا في جامعة الاسكندرية شعبة اعلام بنتخصص فيها من السنة الثالثة وبيبقى في امتحان تحريري قبل دخول الشعبة .....فانا عايز اعرف اسئلة التحريري دي ايه؟؟؟؟؟

جليسة القمر

21-09-2011, 08:29 AM

السلام عليكم
انا كلية اداب جامعة اسيوط والتنسيق الداخلى بدا امبارح وانا كنت عاوزه قسم اثار ولقيت الشروط ان يكون اعلى مجموع فى الغات الاوربيه(الانجليزى والفرنساوى) وكمان اعلى فى المجموع الكلى وعوزين 80 طالب وانا جيبه فى الغات 76 من 100 ومجموعى الكلى 87فى الميه فهل انا هقبل ولا لا ياريت حد يطمنى

الراجية رجاء ربها

20-03-2012, 04:46 PM

طيب انا ناويه ع اداب اعلام كنت عايزه اعرف هي الاداب قسم اعلام من كام% ارجوكم الرد ضرورى وشكرااااااااا

رحييق

21-03-2012, 12:20 PM

السلام عليكم
بتدخلي آداب عادي
وبعد كدا قسم الإعلام بيحدد درجة لمجموع اللغات
عربي وانجلش وفرنسي وبيكون مش عالي قوي
.
فيه جامعات كدا لكن المنصورة والاسكندرية لا أعرف
هكذا أم لهم نظام آخر
بالتوفيق

محمد 1994

13-06-2012, 06:31 PM

السلام عليكم ورحمة اللة وبركاتة
ممكن اعرف من حضرتكم هى كلية اداب قسم اعلام اللغة الانجليزية بالنسبها لغة اساسية يعنى لازم علشان ادخلها اكون كويس جدا' فى الانجليزى ولا مش مهم لانى بصراحة انا عندى عقدة من الانجلزى ومبحبوش خالص
وشكرا'