السلام عليكم ورحمه الله وبركاته

انهيت الحمد لله درستى فى كليه التربيه قسم البيولوجى
"(احياء)
وفى انتظار النتيجه والشهاده باذن الله

عندى اكثر من استفسار اتوقع ان اجد لها اجابه عندكم

دلوقتى عشان اشتغل اعمل ايه يعنى المفروض اروح الف على المدارس اسالهم فى شغل ولا لا ولا ايه اللى مفروض يحصل عشان انا مش فاهم اى حاجه خالص :o:o:o:o
وسمعت من اشخاص كثيرين فى مجال التعليم انى لازم اروح اتقدم فى المدارس دلوقتى ومانتظرش الشهاده فهل ده ممكن ؟؟؟
طيب ولو روحت مدرسه خاصه اسال على الشغل افتح الموضوع ازاى وايه اللى المفروض اتكلم فيه يعنى اسال عن المرتب ولا واسال اذا كان هيزيد ولالا ؟؟؟؟وهل هيسالونى فى حاجه ولا ايه ؟؟؟

طيب لو عاوز اقدم عشان اشتغل فى الحكومه ايه اللى المفروض اعمله ؟؟

يا جماعه انا مش فاهم اى حاجه وبجد فى حاجه ماسه لمساعدتكم ياريت متبخلوش على والمفروض يكون فى موضوع اساسا بيشرح ده عشان الناس اللى لسه جديده ومعندهاش خبره تعرف هتعمل ايه فى مستقبلها ..ارجو الافاده

شكرا مقدما:078111rg3::078111rg3::078111rg3:

طيب استأذنك تحدد مكان الاقامه
لانه حيختلف فيه طريقة التوجيه لمكان العمل
هناك مناطق تعتمد على المدارس الخاصه
واخرى تعتمد على الحكومة فقط
واخرى ازهر فقط

انا ساكن فى الهرم وكمان ممكن 6 أكتوبر

ايه يا جماعه محدش عاوز يفدنى خالص كده ولا ايه
ده لو كل واحد قال هو اشتغل ازاى اول ماتخرج الموضوع هيخلص

لو سمحتم والله محتاج مساعدتكم وخبرتكم بجد بلاش تبخلوا على

يابنى انتظر بداية الدراسة و تكون حصلت على الشهادة
و ستكون إن شاء الله شهر 7
و بعدها اذهب لأقرب مديرية تعليم منك و هناك ستجد من يدلك
هذه واحدة
أما الأخرى فهى تذهب إلى المدارس الخاصة
و تقدم السيرة الذاتية لك
و تسجل فى عدة مدارس و سيكون هناك الفرج بإذن الله
و لك خالص الدعوات
و تيسير السبيل للعمل و ربنا معك

الأخ الفاضل / طارق
أراك فى حالة من القلق والتوتر أرجوك أن تهدأ لأن أمامك المشوار فلا تتضايق من الأن ,
,الموضوع يتلخص فى أن تدرس الآن شهادة الرخصة الدولية المؤهلة للعمل بالمدارس الخاصة والحكوميةicdl
,أن تطلع على المناهج الدراسية للعلوم والأحياء لتأخذ فكرة علمية عنها,
التقدم للمدارس الخاصة مؤقتامن الآن بشهاداتك , ومعك مايفيد أنك فى نهائى الكلية هذا العام لتقدمها كبداية لصدور الشهادة النهائية بالنجاح إنشاء الله تعالى
وأرجو أن تكون فى ثقة كبيرة بنفسك وبقدراتك وأستعدادك لتحمل مسؤلية المعلم لترضى ربك ونفسك فى الحياة
وبإذن الله ستوفق مع الطموح والصبر
وتقبل تحياتى وأى طلبات أنا معك

أتقدم بخالص الشكر والتقدير للأستاذ الفاضل/ ممدوح مصطفى الأنصارى لموافقته على تنشيط إقتراحى لأنشاء قسم جديد بأسم..(( خلاصة تجاربى
فى التربية والتعليم))....وهاهو يظهر للنور آخذا بيد كل معلم فاضل أكتسب خبرات فى الحياة التعليمية والعملية أن يشرفنا فى وضع إضافات بناء فى هذا المنتدى العظيم فى قيمته ونفعه
وأتمنى أن يكتب السادة المعلمين ولايبخلوا علينا بما أكرمهم الله فى حياتهم ,ولخدمة كل طالب ومعلم:022yb4:
والله فى عون العبد مادام العبد فى عون أخيه
وكل عام دراسى والجميع بخير

شكرا لكل اخواتى اللى رادوا

وانا خدت ال icdl من زمان والحمد لله
بس انا كنت عاوز اعرف حاجه تانيه انا اما اروح اى مدرسه خاصه ابدا معاهم الكلام ازاى ؟
يعنى اسالهم فى شغل ولا اقولهم ايه انا مستغرب الموقف شويه ومش عارف اتصرف ازاى ؟؟؟

بكل هدوء أخى الفاضل طارق عليك بالتقدم للمدارس دون أية رهبة طالبا العمل بالتدريس بها ومقدما أوراقك كما ذكرت لحضرتك بكل ثقة ولاخوف وهكذا توزع مجهودك على عدة مدارس قريبة من المسكن ولاتقلق فهم سيطلبونك عندما يريدون وهذا مايحدث فى الواقع
وربنا يوفقك للخير والرشاد

شكرا على ردك استاذى الفاضل وان شاء الله هبدأ اعمل كده من بكره ان شاء الله

استاذ سمير هو حضرتك مدرس علوم لغات ؟؟؟

هو انا ممكن اعمل ايه عشان ابقى مدرس علوم لغات ؟؟ انا سمعت عن كورسات فى جامعه عين شمس بس بيقولها انها ملهاش لزمه ؟؟؟ ممكن فين اخد كورسات تطور منى فعلا وتخلى اقدر انى ادرس علوم واحياء انجليش ؟؟؟

أخى طارق
هناك دورة خطيرة بكلية العلوم -جامعة طنطا
كنت قد حصلت منها على شهادة متميزة على مستوى مدرسى الجمهورية بتقدير إمتياز فى مجال تدريس العلوم البيولوجية والجيولوجية باللغة الإنجليزية بإستخدام الحاسب الألى,
وهذه شهادة مطلوبة فى الدول العربية ومدارس اللغات,
وتبدأ هذه الدورة فى شهر 6
وعليك بالأتصال فورابالرقم التالى :0403343197- كلية العلوم-جامعة طنطا-قسم الحاسب الآلى
دورة المعلمين على مستوى الجمهورية
وسوف تجد الترحيب والأهتمام من الدكاترة والإدارة المحترمة الذين تركوا أثرا عظيما فى نفوسنا لمدة حوالى شهرين وهناك إقامة بالمدينة الجامعية للسادة المدرسين المشتركين من محافظات مصر
سارع ولاتتأخر عن الوقت وبالتوفيق والنجاح

لحد ما تلاقى شغل قدم على عمل بلومة او ادرس شئ