بسم الله الرحمن الرحيم


اولا بعتذر لو كان الموضوع ده محطوط فى مكان غير مكانه لانى مالقيتش مكان احسن من هنا


انا طالب فى الصف الثالث الاعدادى

والحمد لله نجحت مجموع حلو

و اتقدمت لفصول المتفوقين فى الصف الاول الثانوى

وقدمت الاستماره فى مديريه التربيه و التعليم وقالولى تعالى يوم 28 / 7 عشان تاخد رقم جلوس وفى امتحان

انا كنت عايز اعرف الامتحان بيكون ايه نظامه و فى اي ماده و بيكون كام امتحان ؟؟

وكمان كام يوم حفضل امتحن انا ما صدقت انى خلصت امتحانات ارجع تانى امتحن ؟؟ :040vk0:

فياريت يا جماعه تفهمونى شكل الامتحان بيكون ازاى و ياريت تورونى اسأله ليه

كمان عايز اعرف ايه الفرق بين فصول المتفوقين و الفصول العاديه

تحياتى

ماشى

فى ناس كتير استفسروا عن الحكاية ديه

انا سمعت عنها بس مش عارفة النظام اوى

فممكن اى حد من السادة الاستاذة او اى حد يعرف حاجة عن الحكاية دى يقولك

و تمنياتنا لك بالتفوق و التوفيق

اوك شكرا لردك ,, يارب حد يساعدنى

إليك عزيزي صاحب السؤال بعض المعلومات


امتحان التأهيل لفصول المتفوقين بيكون موحد على مستوى الجمهورية تقريبا السنة دي في 24/7
وهو عبارة عن معلومات عامة وفوازير وأسئلة ذكاء غير مرتبطة بالمنهج
يعني مش محتاج مذاكرة
اللجنة بها 3 مراقبين
مدة الامتحان تقريبا 3 ساعات الى 4 ساعات بينهم نصف ساعة راحة
طريقة الامتحان عبارة عن أسئلة منفصلة كل سؤال يتم حله في 10 دقائق ثم تستلم السؤال التالي
وما تقلقش الامتحان إن شاء الله سهل ومفيد
واحتمال يكون فيه رسم زي العام الماضي , ممكن كمان يسألك في مواقف ويقولك تتصرف فيها إزاي وأسئلة مثل ( اقسم الشكل نصفين ) وهكذا .....

وممكن تسأل عن كتاب ( امتحانات فصول المتفوقين ) في اى مكتبه بتبيع مذاكرات وكتب



فصول المتفوقين مفيدة لأن مستوي الفصل كله مرتفع و ده هيساعد علي التنافس بينكم و بين بعض و سيؤدي إلي رفع مستواكم و كمان المدرسين هيتشجعوا علي الشرح و الاسئلة المفيدة التي تحتاج إلي تفكير
وطبعا الفصول دي في سنة أولى فقط
وبتختلف عن باقي الفصول عند الامتحان بيكون فيه سؤال خاص بالمتفوقين وعادة بيكون سهل ومضمون لأنه من جزء محدد خاص بالمتفوقين

يا ريت تكون المعلومات دي مفيدة