مشاهدة النسخة كاملة : أنا حاسس أنى دمى تقيل على قلبكم


حميد بدوى
29-06-2010, 01:40 PM
أنا حاسس أن دمى تقيل على قلبكم

ربنا يريح بلكم ويغنى سؤالكم

ويطول عمركم

تعرفوا ذنبى الوحيد أنى بحبكم

ودة مش ضعف منى

ولكن لانى عارف قدركم

أنا أيش أوصلنى لكم

أنا على قدى خالص

أنا أروح فين جنبكم

أنتم فرسان الشعر والادب

أنتم اللى سابقين عصركم

أنا أن روحت ولا جيت

مجيش نقطة فى بحركم

ياترى ممكن تقبلونى تلميذ عندكم

دا يبقى عطف كبير منكم

ورجاء أخير تسمحونى كلكم

وان كنت غلطت فى حد

أنا تحت أمركم

ربنا يرضى عنى وعنكم

بس أهم حاجة ميكنش دمى تقيل على قلبكم

تنقلوا كلامى أنقلوة تحذفوا كلامى أحذفوة

دة فى الاول وفى الاخر رايكم

بس لازم تعرفوا انى بحبكم

الشاعر
عبد الحميد بدوى

أريــــ الجنة ــــد
29-06-2010, 01:50 PM
طب ليه يعني ..

مفيش أي عضو هنا دمه تقيل على حد

لأن باختصار الاعضاء = المنتدى

محمد عبد الحكم
29-06-2010, 01:54 PM
طب ليه يعني ..

مفيش أي عضو هنا دمه تقيل على حد

لأن باختصار الاعضاء = المنتدى
http://www.alamuae.com/gallery/data/media/123/0346.gif

Jehad Mohamed
29-06-2010, 01:58 PM
لا طبعا متقولش كده

جميل اوى شعرك

ولكن اسمحلى اقول ان احنا اخوات

وان حضرتك مش متقل علينا ولا حاجة

تقبل مرورى

ibrahim elsayed
29-06-2010, 02:04 PM
حاسس ان تقيل كام كيلو يعنى
ياعم اتكلم وقول يعنى هو الكلام بفلوس
ولوكان كلامك حلو هنقراه وان كان غير كده برضه هنقراه
يعنى بلاش الندم وعلى فكره بيعجبنى كلامك ونظمك للشعر

سويتى سوسو
29-06-2010, 02:51 PM
شعر جميل بصراحه
شكلنا احنا اللى هنتعلم من حضرتك

مس رانيا حسن
29-06-2010, 03:04 PM
اعتقد انكم فهمتوا غلط
تقريبا الاستاذ عبد الحميد بيعرض لكم احد اعماله

aliasdhade
29-06-2010, 04:48 PM
لذى جاء تقريره ليؤكد إصابتهن بصدمات عصبية وأزمة صدرية وارتفاع شديد بضغط الدم وتوتر عصبى بسبب الانفعالات والضغوط النفسية وتم خضوعهن للإشراف الطبى لحين تماثلهن للشفاء.

faten forever
30-06-2010, 09:54 PM
شكرا لحضرتك

NOUFALL
30-06-2010, 10:02 PM
الله ع شعر سعادتك

وكلنا هنا الحمد لله بنحب بعض

yara attia
30-06-2010, 10:50 PM
ياااااااااااااااه
متقلش كده ياباشا
كلنا هنا اخوات
صح ولا ايه؟؟؟؟؟؟

روووووز
10-07-2010, 05:41 PM
لالالالالالالا الكلام ده كتير علينا
ايه الابداع ده
مين قال لك ان دمك تقيل على قلبنا
والله كلامك وشعرك زى الندى على ورق الشجر
ننتظر الجديد

حميد بدوى
15-07-2010, 04:16 PM
احيانا الانسان بيحب يعمل حب استطلاع على حوالية ويشوف اذا كان مقبول ولا مرفوض

وانا من ناحيتى بحبكم فوق ما تتصورا وتحياتى